އެމްޑީޕީގެ މައި ހަރުގެ ހުސްކުރަން އަންގައިފި

މާލެ އާޓިފިޝަލް ބީޗު ކުރިމަތީގައި ހުންނަ އެމްޑީޕީގެ މައި ހަރުގެ ކައިރީގައި ބޭއްވި އެއްވުމަކަށް ޕާޓީގެ މެމްބަރުން ޖަމާވެގެން: އެ ހަރުގެ ހުސްކުރަން ވަނީ އަންގައިފައި.-- ފޮޓޯ: މިހާރު

އިފްރާޒް އަލީ، މިހާރު

30 އެޕްރީލް 2023 - 13:53

20 comments

މާލޭގެ އާޓިފިޝަލް ބީޗު ސަރަހައްދު ކުރިމަތީގައި ހުންނަ އެމްޑީޕީގެ މައި ހަރުގެ ހުސްކުރަން އެ ގޭގެ ވެރިފަރާތުން އެ ޕާޓީ އަށް އަންގައިފި އެވެ.

ޑެޕިއުޓީ ޗެއާޕާސަން އިބްރާހިމް ވަހީދު (އިބުރޭ) މިއަދު "މިހާރު" އަށް ވިދާޅުވީ މި މަހުގެ ނިޔަލަށް ހަރުގެ ހުސްކުރަން އަންގައި އެ ގޭގެ ވެރިފަރާތުން މިދިޔަ މަހު ފޮނުވި ސިޓީއެއް ލިބިވަޑައިގެންފައިވާ ކަމަށެވެ. އެ ސިޓީއާ ހަވާލާދީ އިބުރޭ ވިދާޅުވީ، ހަރުގެ ހުސްކުރަން އެންގީ އެ ބިމުގައި އިމާރާތެއް ކުރަން ކަމަށެވެ.

އެމްޑީޕީގެ މައި ހަރުގެ ހަދާފައި ވަނީ އެ ޕާޓީގެ އިސް އެކްޓިވިސްޓެއް ކަމަށްވާ ޝަފިއްޔާ ޒުބައިރުގެ ބިމެއްގަ އެވެ. އޭނާ މަސައްކަތް ކުރަނީ އެމްޑީޕީގެ އެތެރޭގައި އުފެދިފައިވާ ދެބަސްވުމުގައި، ޕާޓީގެ ރައީސް މުހައްމަދު ނަޝީދަށް ތާއީދުކުރާ "ފިކުރެއްގެ ދިރުން" ފެކްޝަންގަ އެވެ.

"އެ ތަން ހުސްކުރަން ޖެހުނަސް އަދި އަޅުގަނޑުމެންނަށް ހަރުގެ ބަދަލުކުރާނެ އެހެން ތަނެއް ނުލިބޭ. އެ ވަރުގެ ޖާގައެއް ހުރި ތަނެއް އަދި ނުލިބިގެން މި އުޅެނީ. އެހެންވެ ތަނެއް ލިބެންދެން އެ ތަނުގައި ހަރުގެ ހިންގޭތޯ ވެރިފަރާތާއެކު މި އަންނަނީ މަޝްވަރާ ކުރަމުން،" އިބުރޭ ވިދާޅުވި އެވެ.

އޭނާ ވިދާޅުވި ގޮތުގައި، އެ ބިމުގައި ހަރުގެ ހިންގަން ދިން އެއްބަސްވުމުގެ މުއްދަތު ހަމަވެފައި ވިޔަސް، އެ ތަން ހުސްކުރަން ވެރިފަރާތުން އެންގީ ސެޕްޓެމްބަރު 9 ގައި ބާއްވާ މި އަހަރުގެ ރިޔާސީ އިންތިހާބު ނިމެންދެން އެތަނުގައި ތިބެވޭނެ ކަމަށް ބުނުމަށް ފަހު އެވެ.

އެމްޑީޕީ އެމްޑީޕީ ހަރުގެ އިބްރާހިމް ވަހީދު (އިބްރޭ) ފިކުރެއްގެ ދިރުން

20 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަންތަރީސް55454

02 May 2023

މި ޔާމިން އާ އަންނި ގެ ހުދުމުހުތާރުކަން ދިވެހި ރައްޔިތުންނަށް މިދަނީ ފެންނަމުން. މިމީހުން ހިތުން މި ނޫނީ މި ރާއްޖޭގަ ވެރިކަން ކުރެވޭނެ ބައެއް ނެތް. ބަލަން ތިބޭ. އެމްޑީޕީ އަންނި ކިބައިން ސަލާމަތްވެއްޖެ. އަދި ޕީޕީއެމްވެސް ތޮށިފަޅާ ނިކުންނާނެ. މީ ނޯތު ކޮރެއާއެއް ނޫން. ދިވެހިން މާ ސްމާޓްވާނެ. އަދުރޭއަކަށް އަބަދު މައިކް ދީގެން ފަހަތަކު ނުތިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

01 May 2023

"ވަހީދު (އިބުރޭ) މިއަދު "މިހާރު" އަށް ވިދާޅުވީ މި މަހުގެ ނިޔަލަށް ހަރުގެ ހުސްކުރަން އަންގައި އެ ގޭގެ ވެރިފަރާތުން މިދިޔަ މަހު ފޮނުވި ސިޓީއެއް ލިބިވަޑައިގެންފައިވާ ކަމަށެވެ". "އޭނާ ވިދާޅުވި ގޮތުގައި، އެ ބިމުގައި ހަރުގެ ހިންގަން ދިން އެއްބަސްވުމުގެ މުއްދަތު ހަމަވެފައި ވިޔަސް، އެ ތަން ހުސްކުރަން ވެރިފަރާތުން އެންގީ ސެޕްޓެމްބަރު 9 ގައި ބާއްވާ މި އަހަރުގެ ރިޔާސީ އިންތިހާބު ނިމެންދެން އެތަނުގައި ތިބެވޭނެ ކަމަށް ބުނުމަށް ފަހު އެވެ". އެވަރުން ފުދޭނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބުރިޓިސް އިބުރޭ

01 May 2023

ޙައްޖައް ދޭ އެއްވާން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ ބޮޑޭ

30 April 2023

ތިކަހަލަ ކިތަންމެ ކޮޅިގަނޑެއް އައްނާނެ, ވިދާގުގުރާވެސް ހަދާނެ, ވައިބާރުވެ ކަނޑުގަދަވެދާނެ އެހެންނަމަވެސް އާލާތުގަ ވަރުހުރިއްޔާ އެންމެތަން ފުކެއްވެސް މިސްރާބު ބަދަލުކޮށްގެންނުވާނެ, ދާދިއަވަހަށް އަމާން ބަނދަރެއް ލިބިދާނެ!