މިނިސްޓަރު ތޯރިގް، އޮމަދޫއަށް ވަޑައިގަތުމުން ރަށުގައި މުޒާހަރާ ކުރަނީ. -
26 ޖެނުއަރީ 2017 - 16:42
22 comments
ރައީސް އަބްދުﷲ ޔާމީންގެ ހާއްސަ މަންދޫބެއްގެ ގޮތުން އެންވަޔަރްމެންޓް މިނިސްޓަރު ތޯރިގް އިބްރާހިމް އދ.އޮމަދޫއަށް ވަޑައިގަތުމުން އެ ރަށު ބަޔަކު ސަރުކާރާ ދެކޮޅަށް މިއަދު މުޒާހަރާކޮށްފި އެވެ.
އޮމަދޫއިން ވާހަކަ ދެއްކި ބައެއް މީހުން ބުނީ ރަށުގައި ދިރިއުޅޭ 50 އެއްހާ މީހުން ނުކުމެ މުޒާހަރާ ކުރީ އެ ރަށަށް ކޮށްދިނުމަށް ވައުދުވި ކަންކަން ފުރިހަމަ ނުކުރާތީ ކަމަށެވެ. އެހެންވެ، މުޒާހަރާގެ ބައިވެރިން، އެކަން މިނިސްޓަރުގެ ސަމާލު ކަމަށް ގެނައި ކަމަށް އެ މީހުން ބުންޏެވެ.
އޮމަދޫ ކައުންސިލް މެމްބަރު އުމަރު މުހައްމަދު ވިދާޅުވީ ކައުންސިލް މެމްބަރުންނާއެކު މިނިސްޓަރު ބައްދަލު ކުރައްވައި، ރަށަށް ދިމާވެފައި ހުރި މައްސަލަތައް އޮޅުން ފިލުއްވި ކަމަށެވެ.
މިނިސްޓަރު ތޯރިގް، އޮމަދޫ ކައުންސިލް މެމްބަރުންނާއެކު ބޭއްވި ބައްދަލުވުން. - ފޮޓޯ: އެންވަޔަރަމަންޓް މިނިސްޓްރީ
އެ ގޮތުން ރަށުގެ ނަރުދަމާ ނިޒާމެއް ގާއިމުކުރުމާއި ފުޓްސަލް ދަނޑަކާއި ގިރާ ސަރަހައްދު ހިމާޔަތް ކުރުމާ ގުޅޭ މަޝްވަރާތައް ކުރި ކަމަށް އޭނާ ވިދާޅުވި އެވެ. އޭނާ ވިދާޅުވި ގޮތުގައި މުޒާހަރާ ކުރި މީހުންގެ މައިގަނޑު ޝަކުވާއަކަށްވީ އެ ވައުދުތައް ނުފުއްދުމެވެ.
"މިނިސްޓަރު ވިދާޅުވި އަންނަ ހަފްތާގައި ނަރުދަމާ ނިޒާމު ގާއިމު ކުރަން ބަޔަކާ ހަވާލު ކުރާނެ ކަމަށް،" ރަށުގައި 1000 އަށްވުރެ ބޮޑު އާބާދީއެއް އޮންނަ ކައުންސިލް މެމްބަރު އުމަރު ވިދާޅުވި އެވެ.
ރައީސް ޔާމީންގެ ހާއްސަ މަންދޫބެއްގެ ގޮތުގައި މިނިސްޓަރު ތޯރިގް އދ.އަތޮޅުގެ ހުރިހާ ރަށަކަށް ވަޑައިގެންނެވުމަށް ވަނީ ނިންމަވައިފަ އެވެ. އެ ގޮތުން ހުރިހާ ރަށެއްގެ ކައުންސިލާއި ސަރުކާރު އިދާރާތަކުގެ މުވައްޒަފުންނާއި ރައްޔިތުންނާ މިނިސްޓަރު ބައްދަލު ކުރައްވައި، އެ ތަންތަނަށް ދިމާވެފައިވާ މައްސަލަތަކާ ގުޅޭ ގޮތުން މަޝްވަރާ ކުރެއްވުމަށް ވަނީ ހަމަޖެހިފަ އެވެ.
ރައީސްގެ މަންދޫބެއްގެ ގޮތުގައި ފިނޭންސް މިނިސްޓަރު އަހުމަދު މުނައްވަރު މީގެ ކުރިން ވ. އަތޮޅުގެ ހުރިހާ ރަށަކަށް ޒިޔާރަތް ކުރެއްވި އިރު މިދިޔަ ހަފުތާގައި، ހައުސިން މިނިސްޓަރު ޑރ. މުހައްމަދު މުއިއްޒު ވަނީ ހދ. އަތޮޅުގެ ހުރިހާ ރަށަކަށް ވަޑައިގެންފަ އެވެ. މިނިސްޓަރުން ރަށްރަށަށް ވަޑައިގަތުމުން ބައެއް ރަށްރަށުގައި ސަރުކާރާ ދެކޮޅަށް މުޒާހަރާ ވެސް ވަނީ ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕޮކަންޑި މޭން
29 January 2017
އެކަހާސް މީހުން ރަށުގައި ހަމަނުވާ އިރުވެސް އުޑުން ތަރިއާއި ހަނދު ބާލަން އެބަގޮވާ.
ޙަސަން ލަޠީފް
28 January 2017
އެން ޑީ ޕީ ކުދިންކޮޅު ނުކުމެ ވައްވައް ޖައްސަން ފެށީދޯ
ރެޓޭ
28 January 2017
ރައީސް މީހާ ރައްޔިތުން ކައިރިއަށް ނުދަނީ ކީއްވެތަ؟
އދ.
27 January 2017
މާމިގިލި 5000 އަށްވެސް އަދި އެއްކަމެއްވެސް ނުކޮށްދެއޭ ބުންޏަސް ޢޯކޭ .. 2000 އެއްހާ މީހުން ގެ ކުޑަ އާބާދީއެއް އޮތް ރަށެއްގަ ވެރިކަން ކުރަނީ..... ޙުރިހާ އެއްޗެއްވެސް އެތާ
ޢަލީ
28 January 2017
މާމިގިއްޔަކީ ވަކި މީހަކަށް ޚާއްޞަ ރަށެއް އެރަށަށް ސަރުކާރުން ކަމެއް ނުކޮށްދެވޭނެ. ކުރިއަސް އެއީ އެމީހާ ކުރުވިކަމަކަށް ވާނީ. އެހެންކަމުން ރައްޔިތުން އެގޮތް ބަދަލުކޮށް ސަރުކާރަށް އެކަން އެނގުމުން ކުރަންހުރި ކަންކަން ކުރިއަށްދާނެ.
ސްޓޭންޑަރޑްސް
26 January 2017
ރާއްޖޭގައި އެބަޖެހޭ މުޒާހަރާ ކުރާ ސްޓޭންޑަރޑް އެއްވެސް ގާނޫނަކުން ލިޔެފައިވެސް އޮންނަން. އެގޮތުން މުޒާހަރާ ކުރަން ދާ މީހުން ދާން ޖެހޭނީ ރީތި ހެދުމުގައި ބޫޓަށް ވެސް އަރައިގެން ނެވެ. އަންހެން ވެރިން ވެސް ދާން ޖެހޭނީ ބޫޓް ގައެވެ. ދެން ބިންމަތީގައި ފައިވާން ދަމުން ދާ އުސޫލު ޖެހޭނީ ދޫކޮށްލަން އެވެ. ދެން އަނެއް ކޮޅުން މުޒާހަރާ ގައި ލިޔެގެން ގެންގުޅޭ ބޯރޑް ތަކަކީ ވެސް ޕްލާސްޓިކް ބޯރޑް ތަކަށްވެ އަދި ރީތި އާރކިޓެކްޓްރަލް ފޮންޓުން އިނގިރޭސިން ހުންނަން ޖެހޭނީ ބްލޫ ބޯރޑެއް ގައި ވައިޓް ފޮންޓް އިން ލިޔެފައެވެ. މިހާރު އެހުންނަ ގޮތަށް ވާލު ބުޅި އަޅުވާފައި ހުންނަ ގޮތަށް ބޯރޑް ތަކުގައި ލިޔެގެން މުޒާހަރާ ނުކުރެވޭނެއެވެ. އެފަދަ ގާނޫނެއް ވެސް މަޖްލީހުން ފުރަތަމަ ދައުރުގައިވެސް ފާސް ކުރަންވީ އެވެ.
އަސްލުތަ
27 January 2017
ހަމަ އަސްލުތަ؟ އޭގެ ބޭނުންވެސް ކިޔާލަދީބަލަ މޮޅު ބޭފުޅާ.
ޜީޠާ
26 January 2017
އޮމަދޫ މީހުން ހަމަރަނގަޅު ޝުކުރިއްޔާ ތިޔަ ހުރިހާ ކަމެއްވެސް ރޭވީ ކައުންސިލް ބޭފުޅުން ވަރަށް ސަޅި އޭރުން އަވަހަށް ކަންތައްތައްވާނީ އިންތިހާބަކާ ދިމާކޮށް ރައީސްގެ މަންދޫބުން ގިނަ ގިނައިން ރަށްރަށަށް ފޮނުވާނެ ކޮބާ ރަށް ރަށުގައި ތިބި ކައުންސިލްބޭފުޅުން
ކީއްވެތޭ
26 January 2017
ސަރުކާރުން ރައީސް ގެ ވަފްދެއް އޮމަދޫ އަށް ގޮސް ފައި ވަނީ އެއީ ރައްޔިތުންނަށް ދިމާވެފައިވާ ދަތި ތައް އަމިއްލަ ލޮލުން ބަލާ ހަދާ އެކަން ކަން ދަނެގަންނަން ފީލްޑް ސާރވޭ އެއް ހެދުމަށެވެ. ދެން އޮމަދޫ ރައްޔިތުން މިކަން މަތި ކޮށް ފައިވަނީ ރަށުގެ ކައުންސިލް އާއި ކަމަށްވާ އިރު ކީއްވެގެންތޯ ކައުންސިލު ބައްދަލު ވުމެއް ހިނގަ ހިނގާ އޮތް އިރު މިފަދަ ނާތަހުޒީބީ އިގްނޮރެންޓް ކަންކަން މަމެންގެ ބިއުޓިފުލް ގައުމު ގައި ހިނގަންވީ. މީ އޮމަދޫ ރައްޔިތުން ވަރަށް ލަދު ގަންނަން ޖެހޭނެ ކަމެއް ކަމަށް މަމެންގެ ބެކް އޮފް މައިންޑް ބުނެއޭ ބުނަން މަމެން ނެތީމު އެވެ.
އުމަރު
26 January 2017
މިހާރު ރައީސުލް ޖުމްހޫރިއްޔާއަށް އެނގިލައްވާނެ ރާއްޖޭގެ ރައްޔިތުންތިބިގޮތް، އަދި ރިޔާސީ އިންތިހާބު ކާރިވާވަރަށް ތިޔަ ވަފްދުތަކަށް އުނދަގޫ ބޮޑުވާނެކަން ކަށަވަރު، ހަމަ ގައިމުވެސް ރައްޔިތުންތިބީ ރުޅިއައިސްފައި، ވިޔަފާރިވެރިންތިބީ ރުޅިއައިސްފައި، ސިޔާސީ އިދިކޮޅު މީހުންތިބީ ރުޅިއައިސްފައި 94 ހާސް ޒުވާނުންތިބީ ރުޅިއައިސްފައި، މަސްވެރިންތިބީ ރުޅިއައިސްފައި، ޓޫރިޒަމް އިންޑަސްޓްރީގެ މީހުންތިބީ ރުޅިއައިސްފައި
މުޒާހަރާ
26 January 2017
ތިމުޒާހަރާ ކުރި މީހުނާއި، ރޭވި މީހުނާއި، ބައިވެރިވާން ހިތުލި މީހުނަށް ވާނީ ޖަލު ގޮޅި ރެޑީ ކުރެވިފަ. ޝުކުރިއްޔާ!
ޢަބްދުﷲނާފިޒު
26 January 2017
ރަށަށް ދިމާވެފައި ހުރި މައްސަލަތައް އޮޅުން ފިލުއްވުމަށް ކޮންމެ ފަހަރަކު ކޮންމެ ރަށަކަށް ރައީސް މީހާގެ މަންދޫބެއް ގޮސްގެން ނޫނީ އެކަންކަން ސާފުވާވަރެއް ނުވޭ ދެއްތޮ، ދެން ކީއްކުރާ ކައުސިލެއްބާ! މިޒާތުގެ ކޮއްކޮޓާރު ކަންތައް ކުރާތީ އަހުން ގާތަށް އަންނަނީ ހަމަ ހިނި.