ރަށަކަށް ގެންދިއުމަށްޓަކައި މުދާތަކެއް ބޯޓަށް އަރުވަނީ. މުދަލުގެ އަގު އުފުލޭނީ ކަމަށް ކުރިން ލަފާކުރި ވަރަށް ވުރެ ކުޑަކޮށް ކަމަށް އެމްއެމްއޭއިން ވަނީ ބުނެފައި -- ފޮޓޯ: ނިޝާން އަލީ / މިހާރު
04 ޖޫން 2023 - 10:59
26 comments
މި އަހަރުގެ ބާކީ އޮތް ދުވަސްތަކުގައި ރާއްޖޭގައި މުދަލުގެ އަގުތައް ދާނީ ދަށްވަމުން ކަމަށް މަރުކަޒީ ބޭންކް، އެމްއެމްއޭ އިން ލަފާކޮށްފި އެވެ.
އެމްއެމްއޭއިން ނެރޭ ކުއަޓާލީ ރިޕޯޓުގައިވާ ގޮތުން ރާއްޖޭގެ އިންފްލޭޝަން އަހަރު ނިމޭ އިރު ހުންނާނީ 3.3 ޕަސެންޓުގަ އެވެ. މިއީ މި އަހަރުގެ ފުރަތަމަ ކުއާޓާ އަށް ވުރެ 0.6 ޕަަސެންޓު ދަށް އަދަދެކެވެ. މިދިޔަ އަހަރު ފަހުކޮޅު އެމްއެމްއޭއިން ލަފާކޮށްފައި ވަނީ މި އަހަރު ނިމޭ އިރު ރާއްޖޭގެ އިންފްލޭޝަން 5.4 ޕަސެންޓުގައި ހުންނާނެ ކަމަށެވެ. އެހެންވެ މިއީ 2.1 ޕަސެންޓުގެ ދަށްވުމެކެވެ.
އެމްއެމްއޭ އިން ބުނީ، ފުރަތަމަ ކުއާޓާގައި އިންފްލޭޝަން 3.9 ޕަސެންޓް ހުރި ނަމަވެސް، ބާކީ ހުރި ކުއާޓާތަކުގެ އިންފްލޭޝަން އަންނާނީ ދަށްވަމުންނެވެ. ސަބަބަކީ، ދުނިޔޭގެ ބާޒާރުގައި ތެލުގެ އަގު ދަށްވެ، އޭގެ ސަބަބުން، އެހެން ތަކެތީގެ އަގުތައް ދަށަށް ދިއުމެވެ.
މި އަހަރުގެ ފުރަތަމަ ކުއާޓަރުގައި ތަކެތީގެ އުފުލުނީ ދަތުރުފަތުރުގެ އަގާއި ރެސްޓޯރެންޓްތަކުގެ އަގުތަކާއި ކުލީގެ އަގުތައް އުފުލުމުގެ ސަބަބުންނެވެ. މީގެ އެންމެ ބޮޑު ސަބަބަކީ، ޖީއެސްޓީ ހަ ޕަސެންޓުން އަށް ޕަސެންޓަށް ބޮޑު ކުރުން ކަމަށް އެމްއެމްއޭއިން ބުންޏެވެ. މި އަހަރުގެ ފުރަތަމަ ކުއާޓާގައި ކާބޯތަކެތީގެ އަގު ވަނީ 7.8 ޕަސެންޓަށް އުފުލިފަ އެވެ. މީގެ އިތުރުން ދަތުރުފަތުރުގެ އަގު ވެސް ވަނީ 8.6 ޕަސެންޓަށް އުފުލިފަ އެވެ.
ރާއްޖޭގެ ކާބޯތަކެތީގެ އަގު އުފުލުނު ނަމަވެސް، ދުނިޔޭގެ މާލީ އިދާރާ، އިންޓަނޭޝަނަލް މަނިޓަރީ އޮތޯރިޓީގެ ތަފާސްހިސާބުތަކުން ދައްކާ ގޮތުގައި، ދުނިޔޭގެ ބާޒާރުގައި ކާބޯތަކެތީގެ އަގު ވަނީ 11 ޕަސެންޓުން ހަތަރު ޕަސެންޓަށް ދަށަށް ގޮސްފަ އެވެ. އެހެންނަމަވެސް، މި އަހަރުގެ ފުރަތަމަ ކުއާޓަރުގައި ޖުމްލަ އިންފްލޭޝަން ވަނީ 17 ޕަސެންޓުން ނުވަ ޕަސެންޓަށް ދަށަށް ގޮސްފަ އެވެ.
ރާއްޖޭގެ އިންފްލެޝަން ދަށްވާނެ ކަމަށް ލަފާކޮށްފައިވާ އިރު ރާއްޖޭގެ އިގްތިސާދު މިދިޔަ އަހަރު 13.9 ޕަސެންޓަށް ކުރިއަރައި، ކޮވިޑްގެ ކުރީގެ ހާލަތަށް ވަނީ ރުޖޫއަ ވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަރަންޓު
08 June 2023
ކަރަންޓު ބިލޭ ކިޔާބަލަ... ކުނި ބިލު ކަރަންޓު ބިލަށް ލާފަ.. ވިޔަފާރި ބިލަށް ކޮތަޅު ފީ ލާފަ.. ޕާކު ކުރަން އޮތް ޖާގަ މަގުން ނަގައި ސްޓިކާ ޖަހައިފަ... އަގު ކުޑަ އޭ ކިޔައެއްނު.. ހޔތ ކުޑަ
ދަސްކުރެބަލަ
06 June 2023
އިންފްލޭޝަން ދަށްވުމަކީ އަގުތަށް ދަށްވުމެއް ނޫން. އިންފްލޭޝަން ސުމަކަށްވުރެ
ލުތުފީ
06 June 2023
މިއީ އެމްއެމްއޭ އިން ކިހިނެތް ޖެހި ހިސާބެއް ކަމެއްނޭގޭ. ރާއްޖެއަށް އަންނަ ޓޫރިސްޓުންގެ އަދަދު ކުރިއަށް އޮތް 2 މަހު ހުރީ ވަރަށް ދަށުގައި. ޑޮލަރުގެ އަގު މިހާރުވެސް އުފުލެން ފަށައިފި. އިންތިޚާބު ބޯމަތިވެފައިމިއޮތީ. މިއަހަރު ސަރުކާރުން ކުރާޚަރަދު ބޮޑުތަނުން އިތުރުވެގެންދާނެ. އަދި އިންތިކާބާ ދިމާކޮށް ރައްޔިތުންގެ އަތްމައްޗަށް އަރާ ނަގުދުފައިސާގެ މިންވަރު އިތުރުވުމުން، ބައިންޕަވަރ މަތިވާނެ. ދެން ބުނެބަލަ ތަކެތީގެ އަގު ދަށަށްދާނެ ގޮތެއް.
ޖުންގު
06 June 2023
މިހާރުވެސް ދަށަށް ގޮއްސި.މައްޗަކަށް ނާރާ.ބޭސް ބޭނުންކުރީމަވެސް.
ނަށީދު
06 June 2023
ތި ވިހަވީ. ދެން ދާނީ މައްޗައް!
ސުސޫ
05 June 2023
ހިސާބުއަދުރޭވީ ހަދާންނައްތާލާ
ގުދުގުދާބެއްޔާ
05 June 2023
ލޯސަލާމަތުން ހުންނަ މީހުންނަށް ތަންތަން ފެންނާނީ! ކަނު މީހުންނަކަށް ނުފެންނާނެ! ފިހާރަޔަށް ވަދެ ނަންވަރު އައިނެއް އަޅައިގެން ނަމަވެސް ޖަހާފައިވާ އަގުތައް ބަލާބަލަ! މިކަހަލަ ބޯގޯސް މީހުން މިގައުމުގެ އެމްއެމްއޭ ކަހަލަ ތަންތާގައި ތިބޭތީ ގައުމު ގޯސް މިވަނީ!
އަސޭލ
04 June 2023
އެމްއެމްއޭ ވެސް އިބުރޭގެ ކެންޕޭނުގަ ބައިވެރިވީތަ
އުދުހޭ
05 June 2023
އެކަމަކު އިލެކްޝަން ކޮމިޝަނުގައި އަދި ރަޖިސްޓްރީ ކުރިހެނެއް ހިއެއްނުވޭ
ޣަނިއަ
04 June 2023
ދުނިޔޭގެ ބާޒާރުގަ ތެލުގެ އަގުހެޔޮވިއަސް މި ރާއްޖޭގަ އަގުހެޔޮނުވެ
ސައިޚް
04 June 2023
ހިލާތިހެނެއް ނުވާނެ، ބަންގާލިން، އިންޑިއާ މީހުންގެ ބާރު މުޅި ވިޔަފާރީގަ، ކޮންޓްރޯލް އޮތީ ބޭރުމީހުން އަތުގަ، ދިވެހި ވިޔަފާރިތަށް ފުނޑެނީ، ބަލަންތިބޭ އަންނަ އަހަރު ދިވެހިން ބަންގާޅިން ކައިރީ ސަލާމް ޖަހަން ދުވާތަން،