ރައީސް އަދި އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު.-- ފޮޓޯ: ފަޔާޒް މޫސާ | މިހާރު
10 އޯގަސްޓް 2023 - 15:13
13 comments
މީގެ ފަސް އަހަރު ކުރިން، 2018 ވަނަ އަހަރު ބޭއްވި ރިޔާސީ އިންތިހާބަށް ވަގުތު ކުޑަތަންވެފައި ވަނިކޮށް އޭރުގެ ސަރުކާރުން އިދިކޮޅުގެ ސަޕޯޓަރުންނަށް ކުރި ކަހަލަ އަނިޔާ މި ސަރުކާރުން ނުކުރާނެ ކަމުގެ ޔަގީންކަން ރައީސް އަދި އެމްޑީޕީގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު މިއަދު ދެއްވައިފި އެވެ.
ގއ. ކޮލަމާފުށީގައި ބޭއްވި ކެމްޕެއިން ޖަލްސާގައި ރައީސް ވިދާޅުވީ 2018 ވަނަ އަހަރުގެ އިންތިހާބަށް އެއް ދުވަހަށް ވެފައި ވަނިކޮށް އޭރުގެ ސަރުކާރުން، އެމްޑީޕީގެ ކެމްޕެއިންގައި ހަރަކާތްތެރިވި ގިނަ އެކްޓިވިސްޓުންތަކެއް ހައްޔަރުކޮށް ޖަލަށް ލި ކަމަށެވެ.
ރައީސް އިބްރާހިމް މުހައްމަދު ސޯލިހު ރިޔާސީ ކެމްޕެއިނަށް ގއ. ކޮލަމާފުށީގައި ބޭއްވި ޖަލްސާ.-- ފޮޓޯ: ފަޔާޒް މޫސާ | މިހާރު
"... އަޅުގަނޑުމެންގެ ކެމްޕެއިންގައި ހަރަކާތްތެރިވި 18 އެކްޓިވިސްޓުން ގެންގޮސް ޖަލަށް ލީ، ވޯޓު ލެވޭނެ ގޮތެއް ނެތް،" ރައީސް ވިދާޅުވި އެވެ.
ރައީސް ވިދާޅުވި ގޮތުގައި، މިއަދު އެކަންކަން ހަނދާން އާ ކުރަން ޖެހެ އެވެ. އެއީ އަންނަ މަހު 9 ގައި ބާއްވާ އިންތިހާބުގައި ރައްޔިތުން ނިންމާ ނިންމުމެއްގެ ސަބަބުން އަނެއްކާ ވެސް އެ ދުވަސް އިޔާދަވެދާނެ ކަމުގެ ބިރު އޮތުމުންނެވެ.
ސާފުކޮށް މި ދަންނަވަނީ ކެމްޕެއިން ކުރުމުގެ ފުރިހަމަ ޖާގަ އަށެއް ކިއްކުރަންތޯ، 12 ކެންޑިޑޭޓުން ކުރިމަތިލެއްވި ނަމަވެސް އެ ފުރުސަތު އޮންނާނެ: ރައީސް، އެމްޑީޕީގެ ކެންޑިޑޭޓް
"އަޅުގަނޑުމެން ގުޅިފައި އޮތް މި ކޯލިޝަންގެ ވެރިކަން ކުރަމުން ދާއިރު، އިންތިހާބަކަށް ކުރިމަތިލާއިރުގައި އަޅުގަނޑުމެން އެކަހަލަ އަނިޔާވެރި އުނދަގުލެއް އަޅުގަނޑުމެންގެ ވާދަވެރިންނަކަށް ނުކުރާނަން،" ރައީށް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހު ރިޔާސީ ކެމްޕެއިނަށް ގއ. ކޮލަމާފުއްޓަށް ވަޑައިގަތުމުން އާންމުން އެމަނިކުފާނަށް މަރުހަބާ ކިޔަނީ.-- ފޮޓޯ: ފަޔާޒް މޫސާ | މިހާރު
"ސާފުކޮށް މި ދަންނަވަނީ ކެމްޕެއިން ކުރުމުގެ ފުރިހަމަ ޖާގަ އަށެއް ކިއްކުރަންތޯ، 12 ކެންޑިޑޭޓުން ކުރިމަތިލެއްވި ނަމަަވެސް އެ ފުރުސަތު އޮންނާނެ."
ރައީސް އެގޮތަށް ވިދާޅުވި އިރު، އެމަނިކުފާނު ހުވަދޫގެ ރަށްތަކަށް ކެމްޕެއިން ދަތުރުފުޅު ކުރައްވާއިރު ބައެއް ރަށްތަކުގައި އިދިކޮޅުން ވަނީ މުޒާހަރާކޮށްފަ އެވެ. އަދި ގދ. މަޑަވެލީގައި އެމަނިކުފާނުގެ ކެމްޕެއިން ޖަލްސާއަށް ބާއްވަން އޮތް ތަނުގައި ބަޔަކު ހުޅުޖަހައި ގެއްލުން ވެސް ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުލުމީ
10 August 2023
ހުސް ނުފުއްދާ ވައުދު ވަނީ އެޔައްކިޔަނީ ދޮގު ހެދުމާ އޮޅުވާލުން
އިމޫ
10 August 2023
އަދާލަތުވެސް މިކަހަލަ ދޮގޮހަދާމީހުްންދެކެ އެހާލައިކުވޭ
ހިލާލީ
10 August 2023
ދެން ކޮންކަހަލ އަނިޔާއެއް ތިކުރަނީ އަރާ ރަށަކުން ވިއްޔާ ކޮންމެވެސް ރައްޔިތަކު ހިފާ ހައްޔަރުކުރޭ.. އިދިކޮޅުން ބެނާއެއް ދެމިޔަނުދޭ
އޮޅާލީ
10 August 2023
ހައްޔަރުކުރަނީ ގޭގައި އޮތްވާތަ
އޮޅުވާލަން ނޫޅޭ
11 August 2023
ވަރަށް ވެސް ޒިންމާދާރުކަން ކުޑަ ކޮމެންޓެއް. ގޭގައި އޮންނާކަށް ނުޖެހޭ... ރާއްޖޭގެ ގާނޫނު އަސާސީން ޚިޔާލު ފާޅު ކުރުމާއި އެއްވެ އުޅުމާއި މުޒާހަރާ ކުރުމުގެ ޙައްގުވަނީ ދީފައި. އެހެންވެ ޚިޔާލު ފާޅުކުރަނީ. ޚިޔާލު ފާޅު ކުރާ މީހުންގެ ގަޔަށް ބޮލަށް އަރައި ބެނާތައް ފޭރި، ދިދަ ފޭރުމަކީ ގާނޫނުން ހުއްދަ ކުރާ ކަމެއްނޫން. ވެރިމީހާ ވެސް ފުލުހުން ވެސް ތިބެން ޖެހޭނީ ޤާނޫނުގެ ދަށުގައި. އެހެން ނޫނީ މަސްލަހަތު ގެއްލޭނީ.
ކުރަމުންދާ
10 August 2023
އިދިކޮޅުގަ ހުރި މަނިކުފާނު ބިރުގަންނަ ހަމައެކަނި މީހާއަށް ދަނީ އަނިޔާ ދެމުން. އިންތިހާބަށް ކުރިމަތިލުމުގެ ހައްގުވެސް އެންމެ ފަހުން ވަނީ ނިގުޅައިގަނެފަ. މިނިވަންކޮށްދޭން ގޮވާ ކޮންމެ ރެއަކު މުޒާހަރާއަށް ނިކުންނަ ހައެއްކަ މީހުންނާ އިދިކޮޅަށް ބޮޑު ފުލުހުންގެ ފައުޖެއް ގަވައިދުން ނެރެ އެމީހުން ފަހާ ހައްޔަރުކޮށް ހަދާ. ކޮން އަނިޔާއެއް ނުކުރާނެ ވާހަކައެއް ތި ދެކެވެނީ؟ ދެން އެތިބަ ކެނޑިޑޭޓުންނަކީ ކަމެއްވާނެ ބައެއް ނޫންކަމަށް ދެކިގެން ހުރީމަ އަތްނުލަނީ
ބުރަމުންދާ
10 August 2023
ކަލޭ ހަދާންބަލިނޫންނަމަ 2018 ގެ ހާލަތާމެދު ނިކަން ވިސްނަބަލަ. އޭރު ސަލާމަތުންހުރި އިދިކޮޅު އެކަކުވެސް ނެތް. އެންމެ ބޮޑު ސިޔާސީ ޕާޓީގެ ލީޑަރު ހުރީ ދަށުކޯޓެއްގެ ފަނޑިޔާރަކު ހައްޔަރުކުރިކަމަށް ބުނެ 13 އަހަރުގެ ހުކުމެއް އިއްވާފަ. އެކަމަކު މިރައީސްގެ ވެރިކަމުގައި އެންމެމަތީ ކޯޓުގެ 2 ފަނޑިޔާރުން ވަގަށްނެގި. އަދި މިރައީސް ޖަލުގައި އެހެރީ މިލިޔަން ޑޮލަރުން ކޮމިޝަން ނެގިކަމަށް ކޯޓަށް ސާބިތުވެގެން. މީގައި އަނިޔާވެރިވެފައި ކޮބައިބާ
ނު ބުރަމުންދާ
11 August 2023
ރައީސް ނަޝީދު ވެރިކަމުގައި ފަނޑިޔާރަކު ހިސޯރުކޮށް ހައްޔަރުކުރި މައްސަލަ ތަހުގީގުކޮށް ޝަރީއަތް ކުރެވުނީ ޑރ ވަހީދުގެ ވަރިކަމުގައި. އަހަރުމެން ހަނދާން ބައްޔެއްނޫން. އެހެން ނޫނަސް ރައީސް ސާލިހާއި، މިނިސްޓަރު މަހުލޫފާއި އެތައް މަޖުލިސް މެންބަރުންނަށް ލިބުނު ފައިސާގެ ތެރެއިން ބައެއް ރައީސް ޔާމީންގެ އެކައުންޓަށް ވެސް ޖަމާވީ. އެކަމަކު އެހެންމެންގެ މައްސަލަ ބަހައްޓާފައި ރައީސް ޔާމީނުގެ އެކައުންޓަށް ޖަމާވި މައްސަލަ ބެލީ. އެއީ އަނިޔާ އަކީ. ބޭއިންސާފަކީ.
ހުސައިން803
10 August 2023
އަނިޔާއެއް ވާ ނުކުރެއެވެ. ރަށްރަށަށް އަރާއިރު ހިޔާލުފާޅުކުރުމުގެ ހައްގެއްނެތެވެ. ފުލުހުން ޓޭޕްފަށްހިފައިގެން ރައްޔިތުންގެ ފަހަތުން ހިގަމުންގޮސް ރައްޔިތުން ވަލަށްވައްދާ ޓޭޕްފައްދަމާ ބަންދުކުރެއެވެ. ރައީސައްނުރައްކާ ވާކަމަށްބުނެ ރައިތުން މަގުމަތީގައި ތިން ހަތަރު ގަނޑިއިރަށް އެބަ ބަންދުކުރެއެވެ. ފުލުހުން ޤާނޫނާ ހިލާފަށް ހިންގާ މިފަދަކަންކަމާ ކުރިމަތިލާނަމަ އަނިޔާވެސް ކުރާނެއެވެ. ބަންދުވެސް ކުރާނެއެވެ. ދެން އަނިޔާނުކުރުމަކީ ކޮބައިހެއްޔެވެ.
ހައްގު ތެދު
10 August 2023
އެކަން އިނގޭ ތިބޭފުޅާ ދިޔުމަގަ ކުރިން ރައްރަށަށް ހަދާލާ ގޮތުން
ކައުސަރު
10 August 2023
ދެން ކުންފުނިތަކަށް މީހުން މަރާ މީހުން ވައްދަނީ އެހެން ވެއްޖެއިޔާ ކީއްކުރަންތޯއެވެ؟ މިޤައުމުގައި ކިޔަވައިގެން ތިބި އެތެއް ޒުވާނުންނެއް މަގުމަތިކޮށްފައި ސިނިއާރ އޮފިސަރުންނަށް މިވައްދަނީ މީހުންމަރާކަމަށް ދައުލަތުން ސިދާ ބުނާ މީހުންނެވެ. މިއީ އަނިޔާކުރަން ނޫންނަމަ މަނިކުފާނުއާއި ފެނަކަ ސައީދުއާއި ދެމީހުން ކީއްކުރަން ކަމެއްތޯއެވެ. އަހަރެން ހުރީ މިއޮށް ހުރިހާ ދުވަހު މަނިކުފާނަށް ވޯޓްދޭން ނިންމައިގެންނެވެ. ނަމަވެސް ދެން ޖެހޭނީ އަލުން ވިސްނާށެވެ.
ޟަމްއޫން
10 August 2023
ތެދު ހެދުމަކީ ހާދަ ކުރާހިތް ނުވާކަމެކޭދޯ؟ ކޮންމެ ރަށަކަށް ތިއަރަނީ އިދިކޮޅު މީހުން ތަޅާތިރިގަންނަވާފަ. ރައްޔިތުން ތީގެ ބަދަލުހިފާ ތަން ދެކޭތި.
އަފުން
10 August 2023
ކޮންމެ ރަށަކަށް ތި އަރުއްވަނީ ސިފައިންނާއި ފުލުހުންގެ ބޮޑު ލަސްކަރެއް ފޮނުވާ، ރައްޔިތުން ގިއްގަޅުވައިފަ. ތެކޮޅަށް އެއްޗެއް ބުނާ ކޮންމެ މީހަކަށް ފުލުހުން ކޮށްލާވަރު ސޯޝަލް މީޑިއާއިންވެސް އެބަ ފެނޭ. އަނިޔާއެއްވާ ނުކުރޭ.