ޚަބަރު / ނ. ކެނދިކުޅުދޫ

ކެނދިކުޅުދޫގައި 30 އެނދުގެ ހޮސްޕިޓަލު މަޝްރޫއުގެ ބިންގާ އަޅައިފި

ކެނދިކުޅުދޫގައި 30 އެނދުގެ ހޮސްޕިޓަލެއް އެޅުމަށް ބިންގާ އެޅުން.

މާއިދާ މުހައްމަދު ރަޝާދު، މިހާރު

12 އޯގަސްޓް 2023 - 19:36

4 comments

ނ. ކެނދިކުޅުދޫގައި 30 އެނދުގެ އާ ހޮސްޕިޓަލެއް އެޅުމަށް މިއަދު ބިންގާ އަޅައިފި އެވެ.

ކެނދިކުޅުދޫގައި އާ ހޮސްޕިޓަލެއް އެޅުމަށް ސަރުކާރުން ސަސް އީ ކޮންސްޓްރަކްޝަންއާ ހަވާލުކުރީ މިއަހަރުގެ ކުރީކޮޅު އެވެ.

މިއަދު ހަވީރު އޮތް ރަސްމިއްޔާތެއްގައި އެ ރަށުގައި އަޅާ އާ ހޮސްޕިޓަލުގެ ބިންގާ އަޅުއްވައިދެއްވީ ދައުލަތަށް ގިނަ ދުވަހު ހިދުމަތްކުރެއްވުމުގެ ގައުމީ އިނާމު ހޯއްދަވާފައިވާ ނ. އަތޮޅަށް އުފަން ހަކީމީ ބޭސްވެރިއެެއް ކަމަށްވާ ހަސަން ގާސިމާއި ހެލްތު މިނިސްޓަރު އަހުމަދު ނަސީމެވެ.

އެ ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު ވެސް ބައިވެރިވެވަޑައިގަތެވެ. ނ. އަތޮޅަށް އެމަނިކުފާނު ކުރައްވަމުން ގެންދަވާ ދަތުރުފުޅުގައި ވަނީ ކެނދިކުޅުދޫގައި ސަރުކާރުން ކުރިއަށް ގެންދިޔަ ބައެއް މަޝްރޫއުތަކުގެ ނިންމުން ފާހަގަކޮށްދެއްވައިފަ އެވެ. އޭގެތެރޭގައި ކެނދިކުޅުދޫ ފުޓުބޯޅަ ދަނޑާއި، އިންޖީނުގެ އަދި ފެނަކަ އޮފީސް އިމާރާތުގެ މަޝްރޫއުގެ ނިންމުން ފާހަގަކުރުން ހިމެނެ އެވެ.

ކޮންޓްރްކެޓް ފައިނޭންސް އުސޫލުން ސަސް އީ ކޮންސްޓްރަކްޝަނާ ހަވާލުކޮށްގެން އަޅާ ހޮސްޕިޓަލާ އެކު އެކޮމޮޑޭޝަން އިމާރާތެއް ވެސް ހަދާނެ އެވެ. އެ މަޝްރޫއުއަށް ޖުމްލަ 193،895،234ރ. ހަރަދުވާއިރު، އެ މަސައްކަތަށް ހަރަދުކުރަނީ ބީއެމްއެލް އިން ދޫކުރާ ލޯނަކުންނެވެ.

ކެނދިކުޅުދޫ ފުޓުބޯޅަ ދަނޑަކީ ޓަރފްއަޅައި، ފެންސް ޖަހައި، ލައިޓިންގ ސިސްޓަމާއިއެކު އެންމެ ޒަމާނީ ފެންވަރަށް ތަރައްޤީކޮށްފައިވާ ދަނޑެއް. އަދި، އެމަނިކުފާނު ވަނީ އެރަށުގައި ސަރުކާރުން ޤާއިމްކުރާ އައު ހޮސްޕިޓަލްގެ ބިންގާ އެޅުމުގެ ރަސްމިއްޔާތުގައި ބައިވެރިވެވަޑައިގަންނަވާފައި pic.twitter.com/p66mfel8Fl
— The President's Office (@presidencymv) August 12, 2023

ޕްލޭނިން މިނިސްޓްރީން އެ ކުންފުންޏާ އެ މަސައްކަތް ހަވާލުކުރީ 18 މަސް ދުވަހުން ނިންމާ ގޮތަށެވެ.

ނ. ކެނދިކުޅުދޫ ރައީސް އިބްރާހިމް މުހައްމަދު ސޯލިހް ހޮސްޕިޓަލް ރިޔާސީ އިންތިޚާބު 2023

4 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޯރަބޭ

12 August 2023

ކޮބާހޭ ހޯރަފުށީގަ އަޅަށް ވައުދުވީ ހޮސްފިޓަލު. ދައުރު ނިމެނި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 August 2023

ވެރިކަމުގައި ހުންނެވިބޭޅާއަށް ކުރިއަށް އޮތް 5 އަހަރުގެ ދައުރުގައި ރާއްޖޭގެ ވެރިކަން ކުރާނެ މީހަކު ކަނޑައަޅާން ސެޕްޓެމްބަރ 9 ވަނަ ދުވަހު ދިވެހި ރައްޔިތުން ވޯޓް އަޅާނެކަން ނޭގެނީތޯ. # ނޫނީ އެބޭޅާގެ ވަޒީރުންނާއި މަޖިލިސް މެންބަރުންގެ ތެރެއިން އެމީހާގެ މުށުތެރޭގައި ތިބި މެންބަރުން "ކޮވިޑޭ މުންޖޭ ކިޔާފަ" ވެރިކަން ކުރާން ލިބުނީ 3 އަހަރު ކަމަށް ބުނެ ހަޅޭލަވާތީ ހަމަ ރަނގަޅަށްވެސް ބާކީ 2 އަހަރު އޮތްކަމަށް ހީކޮށް މިކަންކަން މިހެން ކުރަނީތޯ!!؟؟އަޖާއިބެއް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލޭމީހާ

12 August 2023

ކެނދިކުޅުދޫ މީހުނަށް ކުދި ފްލެޓު ބޮޑު އަގުގަ. މާލޭ ވަކި ބޭފުޅުމްވީމަ ރައްޔިތުންގެ އެތައްސަތޭކަ ބިލިއަން ރިފިޔާއިން ހިއްކާފަވާ ބިންތަކުން 7000 އަކފޫޓާ ހަމައަށް ބިން ހަމަ މުޅިން.ހިލޭ. ޑޮލްޓަރަށް ދައްކާލަން ކަހަލަ ޒަރޫޜީ ބޭނުންތަކަށް އަތޮޅުތެޜޭ މީހާ މާލެއަިސް މާލޭ މީހާއަށް ހިލޭ ލިބިފަ ހުރި ބިމުގަ ބޮޑުކުލީގަ. މާލޭ މީހާގެ ގެ ހެދި ލޯނުވެސް އަދި ކެނދިކުޅުދޫ މީހަގެ ފްލެޓުހެދި ލޯނުވެސް ދައްކަން މިޖެހެނީ ކެނދިކުޅުދޫ މީހާ. މަގޭ ވޯޓެއް ނުދޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބުރޭ

12 August 2023

މީ އިންތިހާބަށް ޖަހާ ކަޑައެއް ނޫންބާ؟ ކޮބާތަ އެއްކަލަ ޓްރާންސްޕޭރެންސީ މޯލްޑިވްސް؟ ކޮބާތަ އިލެކްޝަން ކޮމިޝަން؟ ކޮބާތަ އޭސީސީ؟ ނިދައިފަތަ ތިބީ؟ ރާއިސް ޔާމީން ވެރިކަމުގަ ފަހުކޮޅު މިހެން ކުރި ކަންކަން ކަމުނުގޮސްގެން އެމީހުން ހީވަނި ފަޔަށް ހިނި އަރާތީ އުޅޭހެން! އެވާހަކަ އެންމެ ކަމުނުގޮސްގެން ދެއްކިމީހުން ވެރިކަމަށް އައިސްވެސް ހަމަ މިޖެހުނީ އެކަން ކުރަން! މީ މިމީހުންގެ ހާލަކީ! ދެން ކިހިނެއް ދެވަނަ ދައުރަކަށް ވޯޓް ދޭނި؟