ގުޅިފަޅުގައި ހިއްކާ ސަރަހައްދު. އެތަނުގައި ޕޯޓު ހަދަން ޓެންޑަރަށް ވަރަށް އަވަހަށް ހުޅުވާލާނެ ކަމަށް އިންޑިއާގެ އެގްޒިމް ބޭންކުން ވަނީ ބުނެފައި--
18 އޯގަސްޓް 2023 - 19:56
26 comments
ގުޅިފަޅު ޕޯޓު ހެދުމަށް ބޭނުންވާ ކުންފުންޏެއް ހޯދަން ބީލަމަށް ހުޅުވާލަން ތައްޔާރުވަމުން އަންނަ ކަމަށް އިންޑިއާގެ އެގްޒިމް ބޭންކުން ބުނެފި އެވެ.
އިންޑިއާގެ "އިކޮނޮމިކް ޓައިމްސް" އަށް އެގްޒިމް ބޭންކްގެ އޮފިޝަލަކު ދެއްވި އިންޓަވިއުގައިވާ ގޮތުން ރާއްޖޭގެ ސަރަހައްދީ އެންމެ ބޮޑު ވިޔަފާރީގެ ބަނދަރު އެޅުމަށްޓަކައި ގުޅިފަޅު މިހާރު ހިއްކަމުން އަންނަ އިރު، އަންނަ އަހަރުގެ މާޗް މަހުގެ ކުރިން ޓެންޑާ އަށް ހުޅުވާލާނެ އެވެ.
އެ ޕްރޮޖެކްޓަކީ އިންޑިއާއިން ލައިން އޮފް ކްރެޑިޓުން 75 ޕަސެންޓު ހަރަދު ކުރާ ޕްރޮޖެކްޓަކަށް ވާތީ އެ ޕްރޮޖެކްޓަށް ހުޅުވާލާނީ ހަމައެކަނި އިންޑިއާގެ ކުންފުނިތަކަށެވެ. އެ ޕްރޮޖެކްޓަށް ހުޅުވާލާނީ އިންޖިނިއަރިން، ޕްރޮކިއުމެންޓް، ކޮންސްޓްރަކްޝަން (އީޕީސީ) އެއްކޮށް ކުރިއަށް ގެންދާ ޓެންޑާއަކަށް ކަމަށް އޭނާ ވިދާޅުވި އެވެ.
މި ޕްރޮޖެކްޓަށް 400 މިލިއަން ޑޮލަރު (6.1 ބިލިއަން ރުފިޔާ) ހޭދަކުރަން ހަމަޖެހިފައިވެ އެވެ. އާ ޕޯޓުގައި 20 ފޫޓުގެ 400,000 ކޮންޓެއިނަރު ބަހައްޓާނެ ޖާގަ ހުންނާނެ އެވެ.
"އީޕީސީ ޓެންޑާ ހުޅުވާލާނީ ހަމައެކަނި އިންޑިއާގެ ކުންފުނިތަކަށް. ލައިން އޮފް ކްރެޑިޓްގެ ދަށުން ހިންގާ ޕްރޮޖެކްޓުގައި ރާއްޖެއާ އިންޑިއާއިން ވަނީ އެގޮތަށް އެއްބަސްވެފައި،" އެގްޒިމް ބޭންކްގެ އޮފިޝަލް ވިދާޅުވި އެވެ.
މާލޭ ކޮމާޝަލް ހާބަރު. ގުޅިފަޅުގައި ވިޔަފާރި ބަނދަރު ހެދުމުން، މާލޭ ޕޯޓު ގުޅިފަޅަށް ބަދަލު ކުރާނެ -- ފޮޓޯ: މިހާރު
އޭނާ ވިދާޅުވީ، މިހާތަނަށް ލައިން އޮފް ކްރެޑިޓްގެ ދަށުން ރާއްޖޭގައި 1.4 ބިލިއަން ޑޮލަރު (22 ބިލިއަން ރުފިޔާ) ގެ ޕްރޮޖެކްޓް ހިންގުމަށް އެއްބަސްވެފައިވާ ކަމަށެވެ. އޭގެ ތެރެއިން ގުޅިފަޅު ޕޯޓު އެޅުމުގެ މަޝްރޫއަކީ އެންމެ ބޮޑު އެއް ޕްރޮޖެކްޓެވެ.
ގުޅިފަޅުގެ ޕޯޓު ނިންމުމަށް ކަނޑައަޅާފައި ވަނީ 2026 ވަނަ އަހަރު އެވެ. ގުޅިފަޅުން ގޯތި ދޫކުރަން ނިންމައި، ގޯތި ލިބުނު ފަރާތްތަކަށް ގޯތި ދޫކުރަމުން އަންނަ އިރު އެ ސަރަހައްދުގައި ތަރައްގީ ކުރާ ޕޯޓާ އެކު ގުޅިފަޅުގެ ބިމުގެ އަގު އެތައް ގުނައެއް އުފުލިގެން އަންނާނެ ކަމަށް ބެލެވެ އެވެ.
ގުޅިފަޅުގައި ތަރައްގީ ކުރާ ވިޔަފާރި ބަނދަރާ އެކު، މިހާރު މާލޭގައި ހުންނަ ވިޔަފާރި ބަނދަރު އެއްކޮށް އެ ސަރަހައްދަށް ބަދަލު ކުރާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަރުބާދު
21 August 2023
ބްރިޖް އަޅަން ފޮނުވިކަހަލަ އަނެއްކުންފުނި ފޮނުވާ، އޭރުން މަސަތްކަތް އަވަސްކުރަން އިތުރު 39 މިލިއަން ޑޮލަރު ދީފަ 5 އަހަރުން ނެރުބައްތިއެއް ޖެހުނީމަ އޯކޭވާނެ.
އިންޑިޢަން ކަރީ
21 August 2023
ދެން ހަޑިހާވާލަހާވާލަ ތިބޭނެ.
1206
19 August 2023
ބޮޑު އަގުގައި ލޯނު ނަގައިގެން މި ކަހަލަ އިންވެސްޓުތައް ކުރާއިރު ނޫސްވެރިން އެބަޖެހޭ ސަރުކާރާ ސުވާލުކުރަން، މާލެ ބަނދަރުން މިހާރު ޚިދުމަތް ދިނުމުގެ ކެޕޭސިޓީއާ އަލަށް ބިނާކުރެވޭ ބަނދަރުގައި ހުރި ފަރަގު. އަދި ފުއްފުކުން ހެދުމުގެ ބަދަލުގައި ހަދާއިރު އެކަށީގެންވާ ސައިޒުގެ ބަދަރެއް ހަދާތޯއާއި ރާއްޖޭއަށް އަންނާނޭ ކަމުގައި ނަޒަރު އަންދާޒުކުރެވޭ އިގްތިސާދާ ބަދަލަށް ބަލާއިރު، ކިތަށް އަހަރު ބަނދަރު ބޭނުންކުރެވޭނެތޯ؟ ފުޅާކުރުމުގެ ރޭވުން އޮތީ ކިހިނެތްތޯ؟
ނުވިސްނޭ
19 August 2023
ގުޅީފަޅުގަ ޕޯޓް ނަހަދާ، އިންދަސްޓްރިއަލް ތިލަފުށީގަ ހަދާ. މީހުން އުޅޭން ބިން ދޫކޮއްފަ ތިތާ ޕޯޓު އެޅީމަ ސަކަރާތް ދޯ.
ގުޅިފަޅޭ
19 August 2023
ގުޅިފަޅުގަ ޕޯޓޭ؟ އެތާ ގޯތި އަޅާނީ އިނގިއްޖޭ!
ސިންހާ
19 August 2023
ބުރިޖްވެސް ހެދިޔަނުދޭނެ. ޕޯޓްވެސް ހެދިޔަނުދޭނެ.
ކޮމަނު
19 August 2023
ގުޅިފަޅުމީހުން އަތުން ގުދަންކުއްޔަށްހިފާ ދެން ކައިރިކުރަން ، އެހެންނޫނީ ކެރިގެން ވިޔަފާރިވެރިން ވިޔަފާރިކުރަން އުޅޭ ، ވެހިކަލްހޯދައިގެން މުދާތިލަފުއްޓަށް ނުގެންދެވެންވީސަބަބެއްނެއް ، ވިޔަފާރިވެރިންނަށް ހުރިހާމޮޅެއްވެސް ވާންވީދޯ. ގުދަންވެސް ހުނަނަްވީ ޕޯޓުބުޑުގަ. މީއަޖައިބެއް. އަހަރުމެންވެސް މި އުޅެނީ ގެނެސް ބަޑުލޮރީ ދޮރުމަތީބޭއްވީމަވެސް އުނދަގުލަސް އެއްޗެއްނުކިޔަން. އަބަދުފަސޭހަ ހުރިހާގޮތެއްނުވާނެ.
ގެދޮރު ނެތް މާލޭމީހާ
19 August 2023
ހެޔޮނުވާނެ ތިލަމާލެ ބްރިޖް އަވަސް ކޮށް ދެއްވާ. ލޮނުގަނޑުން މައްޗަށް ފެންނަވަރު ވަނިކޮށް އުއްމީދު އާވެދާނެ.
އެއޮތީނު
20 August 2023
ބްރިޖް އަޅާފައޭ އޮތީ. ލޮނުގަނޑު އުސްކަމުން ނުފެންނަނީ.
ޝޮކްތެރަޕި
19 August 2023
ހީލެއްތެރި ރޭވުމަކުން ރާއްޖެ ހަލާކު ކޮއްލަނީ.
ޢެމެރިކާ
19 August 2023
ރާއްޖެ ފުނޑާލަނީ.