ޚަބަރު / ރިޔާސީ އިންތިޚާބު 2023

ގޮއިދޫގައި ހޮސްޕިޓަލެއް އިމާރާތްކޮށްދޭން ރައީސްގެ ވައުދެއް

އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހް ބ. ގޮއިދޫއަށް ވަޑައިގަތުމުން އެ ރަށުން މަރުހަބާ ކިޔަނީ.-- ފޮޓޯ: އެމްޑީޕީ

ފާތިމަތު އަޖްފާން، މިހާރު

21 އޯގަސްޓް 2023 - 13:56

8 comments

ބ. ގޮއިދޫގައި ހޮސްޕިޓަލެއް އިމާރާތް ކޮށްދޭނެ ކަމަށް، އަންނަ މަހު ބާއްވާ ރިޔާސީ އިންތިހާބުގައި އެމްޑީޕީން ވާދަކުރައްވާ އެ ޕާޓީގެ ކެންޑިޑޭޓް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.

ކެމްޕެއިނަށް ބ. އަތޮޅަށް މިހާރު ކުރައްވަމުން ގެންދަވާ ދަތުރުފުޅުގައި ގޮއިދޫގެ ސަޕޯޓަރުންނާ ވާހަކަފުޅު ދައްކަވަމުން ރައީސް ވިދާޅުވީ ގޮއިދު އާއި ފެހެންދޫގެ މީހުން މިހާރަށް ވުރެ ރަނގަޅު ފެންވަރެއްގައި ސިއްހީ ހިދުމަތް ބޭނުންވާ ކަމަށެވެ.

"ގޮއިފުޅަފެހެންދޫގެ ހުރިހާ ރައްޔިތުންނަށް ސިއްހީ ހިދުމަތް ރަނގަޅު ފެންވަރެއްގައި ފޯރުކޮށްދިނުމަށް މިހާރު މި ރަށުގައި ހުރި، ސިއްހީ މަރުކަޒު ހޮސްޕިޓަލެއްގެ ފެންވަރަށް ތަރައްގީ ކޮށްދޭނަން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.

އެ މަނިކުފާނު ވިދާޅުވީ އާބާދީގައި 800 އެއްހާ މީހުން ދިރިއުޅޭ ގޮއިދޫގައި ވެސް މި ސަރުކާރުން ފެށި ކަންކަން ނިމެމުން އަންނަ ކަމަށާއި އެކަމަކު ހައްލު ކުރަން ޖެހޭ ކަންކަން ނުނިމި ދިގުލައިގެން ގޮސްފައިވާ ކަމަށް ގަބޫލުފުޅު ކުރައްވާ ކަމަށެވެ.

އެ ރަށަށް މިހާރު ދިމާވެފައިވާ އެންމެ ބޮޑު މައްސަލައަކީ ކަރަންޓުގެ މައްސަލަ ކަމަށާއި އެކަން ހައްލު ކޮށްދެއްވާނެ ކަމަށް ރައީސް ވިދާޅުވި އެވެ.

ބ. ގޮއިދޫގައި މިއަދު ބޭއްވި ޖަލްސާގައި އެ ޕާޓީގެ މެމްބަރުން ބައިވެރިވަނީ-- ފޮޓޯ: އެމްޑީޕީ

"މިހާރު މި ރަށުގައި އެންމެ ބޮޑަށް ހައްލު ކުރަން ޖެހިފައި އޮތް ކަމަކީ ކަރަންޓުގެ މައްސަލަ. މިހާރު ލަސްވެސް ވެއްޖެ ކަމަށް އަޅުގަނޑު ވެސް ގަބޫލު ކުރަން. ކުރިއަށް މި އޮތް ދުވަސްތަކުގެ ތެރޭގައި، ވަރަށް އަވަހަށް ހައްލު ކޮށްދޭނަން،" ރައީސް ވިދާޅުވި އެވެ.

"މީހުން ދިރިއުޅޭ ސަރަހައްދުން ބޭރަށް އިންޖީނުގެ ބަދަލުކޮށް ރަނގަޅު ފެންވަރުގެ ކަރަންޓޫ ލިބޭ ގޮތް ހެދުމަށް، އަމަލީ ގޮތުން ފަށައިގަންނާނަން."

އޭގެ އިތުރުން މިހާރު އޮތް ބަނދަރު ބޮޑުކޮށް ޒަމާނީ ފެންވަރަކަށް، ހެދުމާއި ޒުވާނުންނަށް ބޭނުންވާ ސްޕޯޓްސް ކޮމްޕްލެކްސް އެއް ގާއިމް ކޮށްދެއްވަން ރައީސް ވަނީ ވައުދުވެވަޑައިގެންފަ އެވެ.

ހޮސްޕިޓަލް ރައީސް އިބްރާހިމް މުހައްމަދު ސޯލިހް ބ. ގޮއިދޫ ބ. ފުޅަދޫ ރިޔާސީ އިންތިޚާބު 2023

8 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެކްޓްސް

21 August 2023

މިއަދި ކުރިޔަށް ވާވައުދުދޯ… އިފްތިތާހުކުރާކަންކަންވެސް ހުންނަނީ ނުނިމި… މިގޮތަށް ކޮންމެމީހަކަށްވެސް ކަންކަން ކޮށްދެވިދާނެ، އެއްކަމެއް ނުކޮއްދެޔެކޭނޫން އެކަމު ދޯދިޔާކޮށް ކޮއްފަހުރި ކަންކަންވެސް މަދެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންބާ

21 August 2023

ކޮބާހޭ މޮިފަހަރު ނެތްތޯ ޒީރޯ ޓޮލަރެންސްގެ ވައުދު، ހުރިހާ ފައިސާ އަނބުރާ ލިބުނީތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕޫރުބެ

21 August 2023

ކޮންމެ ރަށެއްގަހުރި ހެލްތު ސެންޓަރުތަކުގެ ހޮސްޕިޓަލުގެ ނަންބޯޑު އެޅުވީމަ ނިމުނީ! ކުރަންޖެހޭ ކަމަކީ ނަންބޯޑުކޮޅެއް ހަދައިލުން، ހަމައެގޮތަށް ކޮންމެ ރަށެއްގަ ޔުނިވަސިޓީއެއްވެސް ހެދިދާ ބޯޑު ބދަލުކޮށްލައިގެން. އެކަމަކު އެތަންތަނުން ޚިދުމަތް ހެލްތު ޕޯސްޓް ފެންވަރުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

21 August 2023

މީކީ ވެރިންގެ މައްސަލައެއް ނޫން. ރައްޔިތުން މިތެބެނީ ވައުދެއްވާއިރަށް އަތްޖަހަން. 200 ރަށުގަ ހޮސްޕިޓަލް. އެއްވެސް ރަށަކުން އެއްވެސް ޚިދުމަތެއް ނުލިބޭ. ކަމެއްވާއިރަށް ފުރައިގެން މާލެ. އާބާދީ ނެތި ހިދުމަތެއް ނުދެވޭނެ. ތަރައްގީވާނީ އާބާދީ އެއްފަސްކޮށްގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަމީރު

21 August 2023

ގދ ގައްދޫ ޖެހިގެން އޮތް ގަމާއި ދެމެދު ބްރިޖެއް އަޅަން ވެސް ވައުދުވި. މެދުގައި ފަރެއް އޮވެފައި ދެފަރާތައް 2 ކަނޑު އޮތް ތަނެއްގައި ބްރިޖެއް އަޅަން ޚަރަދުވާނެ މިންވަރާއި އިންޖިނޭރިންއާ އެހެން ވެސް ވަސީލަތްތަކަށް ވިސްނާލި އެއްވެސް މީހަކު ރައީސްގެ އެވައުފު ފުއްދާނެ ކަމަކަށް ގަބޫލެއް ނުކުރާނެ. އެކަމަކު ހަމަ ކޮނޑުހުޅު ވެއްޓެންދެން އަތްޖެހި މީހުން ވެސް ތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުނބެއް

21 August 2023

މަވެސް ހިތަށްއެރީ ލިޔެފައިދިންއެއްޗެއް ކިޔާލީބާއޭ ނޫނީ ކޮންމެވެސް މީހަކު ރައީސަށް ރާއްޖޭގެ ޗާޓު ނުބައިކޮށް ކުރަހާފަ ދެއްކީބާއޭ. ގައްދޫމީހުން ބޯހިޔާކުރަން ރަށާގުޅުވައިގެން އެއޮތް ބޮޑު ފަރުހިއްކަން ހަރަދުކުޑަވާނެދޯ ކަނޑުހުރަސްކޮށް ފަޅުރަށަކަށް ބުރިޖުއަޅައިގެން ބޯހިޔާކުރުމަށްވުރެ.