"މިހާރު އައިރިޕޯޓާ" ޕޯޓަލް ފޯނަކުން ބަލަނީ.
27 އޯގަސްޓް 2023 - 11:41
ނޫސްވެރިއެއްގެ ގޮތުގައި ކޮންމެ މީހަކަށް ވެސް މަސައްކަތްކުރެވޭނެ ފުރުސަތު ފަހިކޮށްދޭ "އައިރިޕޯޓާ" ޕްލެޓްފޯމް "މިހާރު" އިން ލޯންޗުކޮށްފި އެވެ.
"މިހާރު" ގައި ޝާއިއުކުރާ ހަބަރުތަކުގެ ބޭރުން، ކިޔުންތެރިންނަށް ވެސް ނިއުސް ކަވަރޭޖްތަކުގައި ބައިވެރިވުމާއި ދިމާވާ އެކި ކަންކަން އެހެން މީހުންނާ ހިއްސާކުރެވޭ މި ޕްލެޓްފޯމްގެ މެންބަރަކަށް ވުމުގެ ފުރުސަތު ކޮންމެ މީހަކަށް ވެސް އޮންނާނެ އެވެ.
އައިރިޕޯޓާ އަށް ސައިންއަޕްވެގެން، ކުރު ލިޔުންތަކާއި ފޮޓޯ އަދި ވީޑިއޯ "މިހާރު" ގެ އޯޑިއަންސާ ހިއްސާކުރެވޭނެ އެވެ.
"މިހާރު ނޫސްވެރިކަމަކީ އެންމެންގެ ބައިވެރިވުމާ އެކު ކުރާ ކަމެއް. އާންމުންގެ ބައިވެރިވުން ބޮޑުވުން މުހިންމީ ވެސް. މިއީ އެކި ކަންކޮޅުތަކުން ހަބަރާއި މައުލޫމާތު ލިޔުމާއި ފޮޓޯ އަދި ވީޑިއޯގެ ގޮތުގައި އެންމެންނާ ހިއްސާކޮށްލަން ވަރަށް މުހިންމު ޕްލެޓްފޯމަކަށް ވާނެ ކަމަށް އުންމީދުކުރަނީ،" މިހާރު އައިރިޕޯޓާސް ޓީމުގެ އޮފިޝަލަކު ވިދާޅުވި އެވެ.
"އައިރިޕޯޓާ" ގައި ޕޯސްޓްތައް ލިޔުމަށް ހާއްސަކޮށްފައިވާ ބައި
"އަންނަ މަހު ބާއްވާ ރިޔާސީ އިންތިހާބާ ދިމާކޮށް މި ލޯންޗުކުރި އެއް ސަބަބަކީ މިއީ ރާއްޖޭގައި ވަރަށް ގިނަ ކަންކަން ހިނގާ ދުވަސްވަރަކަށް ވާތީ، އެ ކަންކަން އެހެން މީހުންނަށް ބުނެދިނުމުގެ ފުރުސަތު ވީހާ ވެސް ގިނަ ބަޔަކަށް ދިނުން. އުންމީދުކުރަނީ އިލެކްޝަން ކަވަރޭޖްގައި ވެސް މިއީ މުހިންމު ޕްލެޓްފޯމަކަށް ވާނެ ކަމަށް."
"އެއްވެސް ކަމެއް އާންމުންނާ ހަމައަށް ގެނެސްދެވޭނެ ގޮތެއް ނެތިގެން މިހާރު ތިބޭނެ ކަމެއް ނެތް. އަމިއްލަ އަށް އެކަން ކުރެވޭނެ މަގު މިހާރު މި ފަހިވީ."
އައިރިޕޯޓާސް ޓީމުން ބުނި ގޮތުގައި މި ޕްލެޓްފޯމަކީ ރަށްރަށުގައި ހިނގާ އެކި ކަންކަމާއި ރަށު ކައުންސިލްތަކާއި ޖަމިއްޔާތަކާއި އެކި އިދާރާތަކުން ވެސް އެ ތަންތަނުގެ ހަރަކާތްތަކުގެ ވާހަކަ އާންމުންނާ ހިއްސާކުރުމަށް ބޭނުންކުރެވިދާނެ ޕްލެޓްފޯމެކެވެ.
"އައިރިޕޯޓާ" ގެ ޕޯސްޓެއް
"މިހާރު ކިތަންމެ ކުޑަ ކަމެއްގެ ވާހަކަ ވެސް ބޮޑު އޯޑިއަންސަކާ ހަބަރެއް ގޮތަށް ހިއްސާކޮށްލެވޭނެ. ފޮޓޯތަކާއި ވީޑިއޯތައް ވެސް ހިމެނޭނެ. ރަސްމީ އިދާރާތަކާއި އަމިއްލަ އޮފީސް ފަދަ ތަންތަނުން ވެސް މި ޕްލެޓްފޯމް ބޭނުންކުރަން މީގައި ރަޖިސްޓްރީ ވެވޭނެ."
މިހާރު އައިރިޕޯޓާ" ޕްލެޓްފޯމް
އައިރިޕޯޓާސްގެ ޕޯސްޓުތައް ސޯޝަލް މީޑިއާގެ އެކި ޕްލެޓްފޯމްތަކަށް ޝެއާ ކުރެވޭނެ އެވެ. އެހެންވެ ކޮންމެ އައިރިޕޯޓާ އަކަށް ވެސް އެ މީހެއްގެ ޕޯސްޓުތައް ވަކިން އަމިއްލަ އެކައުންޓުތަކުގައި ވެސް ޝެއާކުރެވޭނެ އެވެ. މީގެ އިތުރުން "މިހާރު" ގެ ވެބްސައިޓުގެ ހޯމްޕޭޖުން ވެސް ފަހުގެ އަދި މަގުބޫލު ޕޯސްޓުތައް ފެންނަން ހުންނާނެ އެވެ.
iReporter: konmme meehakeeves noosveri eh
Be the news-breaker with Mihaaru iReporter
Mihaaru
"މިހާރު އައިރިޕޯޓާ" ޕްލެޓްފޯމްގެ ލިންކު
އައިރިޕޯޓަރަކަށް ވުމަށް ސައިންއަޕްވުމުން، ބަލަންޖެހޭ ކަންކަން ބެލުމަށް ފަހު އެ މީހަކަށް އެ ޕްލެޓްފޯމްގެ އެކްސެސް ލިބޭނެ އެވެ.
މި ޕްލެޓްފޯމް ބޭނުންކުރަންވީ ގޮތުގެ އިތުރު މައުލޫމާތާއި އެ ކަމުގައި ކުރިއަށްދާންވީ ގޮތުގެ ލަފާ "މިހާރު" އައިރިޕޯޓާސް ޓީމުން ދޭނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ބދހދ
28 August 2023
ރެޖިސްޓަރ ކުރެވިއްޖެ. އެކަމަކު ދިވެހި ނަން ލިޔަންޖެހޭ ތާ ނަން ލިޔެގެން ސަބްމިޓް ކުރީމަވެސް އަރަނީ އެބައި ފުރިހަމަ ކުރަން.
ޖިއާ
28 August 2023
ވާހަކަ ލިޔެވޭނެތޯ
ސަޅިއޭ
27 August 2023
ޝުކުރިއްޔާ!
1828
27 August 2023
ސަރުކާރާއި ދެކޮޅަށް ލިޔާ ރިޕޯޓްތައްވެސް މިނޫހުގައި ޝާއިރުކޮށްދޭނެ ތޯ؟
ހަމް77
27 August 2023
ހަބަރު ނޫން އެހެން އެއްޗެއް ފޮނުވިދާނެތޯ؟ މިސާލާކައް ކްރިއޭޓިވް ރައިޓިން، ޅެން، ރައިވަރު ކަހަލަ އެއްޗިސް. ވަކި ކޮލަމަކައް އެފާޑުތަކެތިލާން ކީއްތޯ؟
ގވޔހޔ
27 August 2023
ދިޔަ ރިޕޯރޓަރުން ލިޔާ ލިޔުންތަކުގަ ސުކުން ޗެކު ކުރާތި.. ގިނަ މީހުން އިންފުލުއެންސާރ ވެފަ ތިބެނީ އެމީހުން ލާފަ ހުންނަ ޕޯސްޓު ތަކުގެ 99% ސުކުން މައްސަލަ ހުންނަ އިރުވެސް
ކައިލީ (އައިރިޕޯޓާ ވަރޝަން)
27 August 2023
ލާރި ލިބޭތަ؟
ތަކުރު.
27 August 2023
މިތަނުގައި ކޮމެންޓް ކުރާ އަފީފު ދީދީ ވަރަށް އުފާވާނެ. އޭނާ ކޮންމެހެންވެސް ތިފުރުސަތުގެ ބޭނުން ކުރަންވާނެ.
ނައިސް
27 August 2023
އިނގިރޭސި އާޓިކަލް ލިޔެވޭނެ ތަ
ބިއުޓީ
27 August 2023
ވައި ނޮޓް. މިހާރު އިޒް އެމެއިޒިން. އެނީތިން އެން އެވްރިތިން ޕޮސިބްލް ވިތް މިހާރު.