ފަހި ދިރުއުޅުން ކޯޕަރޭޝަނުން ހަދަމުން އަންނަ ފްލެޓްތަކުގެ ތެރެއިން މިހާރު އެންމެ ބޮޑަށް ނިމިފައިވާ ޓަވަރުތައް. -- ފޮޓޯ: މިހާރު
27 އޯގަސްޓް 2023 - 10:45
33 comments
ސަރުކާރުން ހިންގާ ގެދޮރުވެރިޔާ ސްކީމުން ދޫކުރާ ފްލެޓަށް ޝަރުތު ހަމަވި މީހުންގެ ފޯމުގައި ހުށަހަޅާފައިވާ ދިރިއުޅުމުގެ ހާލަތާ ގުޅޭ މައުލޫމާތުގެ ސައްހަކަން، ދާއިމީ ލިސްޓުގެ ކުރިން ކަށަވަރުކުރަން ހައުސިން މިނިސްޓްރީން ގޭގެއަށް ދާން ފަށައިފި އެވެ.
ހައުސިން މިނިސްޓްރީން ބުނީ ފްލެޓް ލިބުނު މީހުންގެ ގޭގެއަށް ދާން އެ މީހުންނަށް ގުޅަމުންދާނެ ކަމަށެވެ.
ފްލެޓް ލިބޭ މީހުންގެ ވަގުތީ ލިސްޓު އިއުލާނު ކުރި ދުވަހު ހައުސިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ވިދާޅުވީ މިދިޔަ ހަފްތާއިން ފެށިގެން ހައުސިން މިނިސްޓްރީގެ ޓީމުތަކުން ފްލެޓް ލިބުނު މީހުންގެ ގޭގެއަށް ދާ ކަމަށެވެ. އެ ޓީމުތަކުން ބަލާނީ، ފްލެޓް ފޯމު ހުށަހެޅި އިރު ދިން މައުލޫމާތުތަކުގެ ސައްހަކަން ކަން ކަމަށެވެ.
އަކްރަމް ވިދާޅުވީ، ފްލެޓް ޝަރުތު ހަމަވި، ހުރިހާ މީހުންގެ ގޭގެއަށް ދާނެ ކަމަށެވެ.
ފްލެޓަށް ޝަރުތު ހަމަވި ލިސްޓުގައި ހިމެނޭ ހުރިހާ އެންމެންގެ ގޭގެއަށް ދާން މަސައްކަތް ކުރާނެ ކަމަށެވެ. ދިރިއުޅުމުގެ ހާލަތު ޔަގީން ކުރުމަށް ފަހު ދާއިމީ ލިސްޓު ނެރޭނީ، އެ މީހަކަށް ލިބުނު ޕޮއިންޓް ވެސް އެނގޭ ގޮތަށް ކަމަށް އޭނާ ވިދާޅުވި އެވެ.
ގެދޮރުވެރިޔާ ޕްރޮގްރާމްގެ ދަށުން 13،000 ފްލެޓް ދޫކުރަން ވަނީ ނިންމައިފަ އެވެ. މިވަގުތު އަމަލީ މަސައްކަތް ކުރަނީ، 4،000 ފްލެޓްގަ އެވެ. އަދި މިދިޔަ ހަފްތާގައި ވަނީ އިތުރު 4،000 ފްލެޓްގެ އަމަލީ މަސައްކަތް ފަށަން ބަޔަކާ ހަވާލުކޮށްފަ އެވެ.
އެ ދެ ޕްރޮޖެކްޓްގެ އިތުރުން 2،000 ފްލެޓަށް ފައިސާ ހޯދުމުގެ މަސައްކަތް ކުރަމުން އަންނަ ކަމަށާއި އިތުރަށް އަޅަންޖެހޭ ފްލެޓްތައް އަޅާނީ، ގިރާވަރާއި ގުޅީފަޅުގައި ކަމަށް އެ މިނިސްޓްރީން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބިގަރު ދޮންބެ
29 August 2023
އަކްރަމަށް ދަންނަވާލަން ބޭނުމްވަނީ ވޯޓު ލިބޭނީ އަވަހަށް ތިޔަލިސްޓު ނެރެގެންކަން. ވޯޓާއިމެދި އަހަރުމެންގޭމީހުން ގޮތް ނިންމާނީ ސެޕްޓެމްބަރ 3 ގަ..އޭރަށް ތިޔަ ލިސްޓު ސާފުނުވަންޔާ ވޯޓު ދޭނީ މުއިޒުއަށް. ވ ވެދުން. ޢެއްވެސް ހިތްބަރުކަމެއް ނެތް.
ސުންގޮބޮޅިއަބުދު
28 August 2023
މާލޭގެ ބޭފުޅުންނަށް ހިލޭ އެތައް މިލިއަނެއްގެ އަގުހުރި ގޯތިތަކެއް އެދަނީ ފޮތިފޮތިކޮށްފައި ދެމުން. އުޅޭހާލު ބަލާލަން މިހާރު ތަރިކައިގެ ގޮތުން ލިބެންއޮތަނެއް ބެލުމެއް އަތުލުމެއްނެތް. އެކަމަކު އެއްކަލަ ރާއްޖޭތެރެއަށް ނިސްބަތްވާ މީހުންނަށް ފުލެޓުދޭންވީމަ ބިސްމަޅިދުއްވާ އަވަލައިގެންއުޅެ ގޭބަލާފާސްކޮށް އަތުގައި އޮތްއެއްޗެއް ވިއްޔާ އެފުށްމިފުށަށް ޖަހާ މިހާބޮޑަށް ދުއްޕާނަކަށް ވައްޓާލަންޖެހޭބާ.
ސާޖިދާ
28 August 2023
ފޯމު ހުށައެޅިއިރު ދިރިއުޅުނުގެޔަކު ނޫން މިހާރު މިއުޅެނީކީ .. ކުރިން އުޅުނުގޭގަ ދިރިއުޅެނީ އެހެން ބައެއް އަޅުގަނޑަށް އެގޭތެރެއަށް ވަނުމުގެ ހުއްދައެއް ނޯވޭ ކިހިނެއްބާ ހަދާނީ
ނިކަމެތި
28 August 2023
ވޯޓްކުރިން ޕާޓީ ކުދިންނަށް ގޯތި ދޭންވީމާ ހާލަތުބަލާން ދާކަށް ނުޖެހޭދޯ. ނިކަމެތިން ބޮޑުއަގު ދައްކާގޮތައް ފްލެޓް ހޯދަންވީމަވެސް ހަލަތަ ބަލަންޖެހޭ.
ސޮއްޓި
28 August 2023
ށ.ކޮމަންޑޫ އޮފީހުގައި ކުރިން ވަޒީފާ އަދާކުރި ބޭފުޅެއް މާލެ ބަދަލުވެގެން އަދި ނުވާނެ 02 އަހަރުވެސް... އެކަމަކު އެބޭފުޅާގެ އަންހެނުންނަށްވެސް ފްލެޓް ޝަރުތު ހަމަވެފަ... މާލޭގައި ދިރިއުޅުނު މުއްދަތު ގުނިގޮތެއް ހަމަ ހޯދާހޯދާ ނުފެނުނު... ޖަވާބުދާރީ ވާންޖެހޭ ދުވަހެއް އަދި އޮތީ...
ގެދޮރު ނެތް މާލޭމީހާ
28 August 2023
ބޯހިޔާވަހިކަން ފޯރުކޮށް ދިނުމުގައި އެއްވެސް ސަރުކާރެއް އިޚުލާސް ތެރިއެއް ނޫން. މީ ވަރަށް ސެންސިޓިވް މައްސަލައެއް. ބޮޑުންގެ ގޮތުގަ ތިބެ މިއަދު ބޭނުން އެއްޗެއް ހެދިދާނެ. ޖަވާބުދާރީވާން ޖެހޭ ދުވަސް އަންނާނެ އިންޝާ ﷲ. ކެތް ކޮށްލައިގެން ތިބޭނަން މަރު ހިއްޕަވަންދެން.
ބޭ ސަރުތު
27 August 2023
އަގުބޮޑު ބިން ހިލޭ ލިބުނު މީހުންގެ ހާލަތު ބެލުމެއް ނެތް. ކުޑަ ފްލެޓްގަނޑެއް ކުއްޔަށް ލިބުނު މީހާގެ ހާލަތު ބަލަން މީ ކޮން އިންސާފެއް؟ އަނެއްކޮޅުން ރަށުގައި ގެދޮރުހުރި އަތޮޅުތެރޭގެ ދެމަފިރިންނާއި އިއްޔެދުވަހު މާލޭގައި އުޅެންފެށި މީހުންނަށްވެސް ދޮގުފޯމު ލީމަވެސް ފްލެޓް ލިބުން މީ ކޮން އިންސާފެއް؟ އެއްބަޔަކަށް ދެކޮޅުންވެސް ކެވޭ. ވީއިރު ތި ބަހާ ފްލެޓް ލިބެންވާނެ ރާއްޖޭގެ ކޮންމެ މީހަކަށްވެސް. ނޫންނަމަ ޝަރުތޭ ނުކިޔާ.
އަތޮޅޭބެ
27 August 2023
މާލޭ މީހުންނަށް ގޯތި ބަހާލީ ކުޑަކޮށްވެސް މައުލޫމަތު ތެދުތޯނުބަލާކަން ޔަގީން. މިހާރުވެސް މާލޭގެ ކޮންމެގެއަކަށް ހުޅުުމާލެއިިން، ގުޅީފަޅުން، އަދި ގިރާވަރު ފަޅުން 5 ނުވަތަ 7 ގޯތި ލިބިފަ. ތިކަންތިކުރީ އަތޮޅުތެރޭގެ ރައްޔިތުން އަޅުވެތިކޮށް ގެދޮރުކުއްޔަށްދީގެ މާލީ މަންފާ މާލޭގެ ރައްޔިތުންނަށް މިހާރަށްވުރެ ފުޅާކުރެވޭނެ މަގުކޮށުމަށް. ލިބުނު ގޯތިތަކުގައި ސިޓީ ހޮޓާ، ގެސްޓްހައުސް، އެޕާޓްމެންޓް ކޮމްޕްލެކްސް އަޅަން ބިން ރެންޓްކުރަން މާލޭގެ މީހުން އޮފާކުރޭ.
ރާއްޖެތެރޭ ކުލީ އަޅު
27 August 2023
ކާފު މާލޭ މީހުންނަށް އެތައް މިލިއަނެއްގެ އަގު ހުރިި ބަންޑާރަ ގޯތި މާލެއާ މުޅިން ވަކިން އޮތް ތަނަކުން ދޭންވީމަ ހާލަތު ބަލާކަށް ނުޖެހޭ. މި ދެން ޖޯކެއްނު؟ ސޯލިހު އައުޓް
ޜަށުގަ އޮވެބަލަ
27 August 2023
އަމިއްލަ ރަށުގަ ހިލޭ އުޅެވޭނެ! މިހާރު މާލެ އަންނަން ތިބުނާ ވަރށް މަޖުބޫރެއް ނުވާނެ! އެނމެނަށްް ހަމަ މާލެއިން ލިބެން ޖެހުނ އެއީ އަސާސީ ހައްގެއް ނޫން!
ގައްދޫ
27 August 2023
ރަށުގައި އޮވެބަލާށޭ ބުނިމީހާ އެހެން ނުބުންޏަށް އަހަރެންނަށްވެސް އިގޭ މިއީ އަހަރެންގެ އަމާ ބަފާ ރަށެއް ނޫންކަން. ހަމަ އެގޮތަށް މިރަށަކީ ޜަށުގަ އޮވެބަލަ ގެ އަމާ ބަފާ ރަށެއްވެސް ނޫން. މިދައްކަނީ ތަރަށުގެ ރައްޔިތުންގެ ތެރެއިން ތިރަށަށް ވޯޓް އަޅާ ތިރަށު ރަށްވެހިންވެސް ބާކީކޮށް ޤަބީލާ ތަކަށް ބިންބެހީ ނުޙައްޤުންނޭ.
ގަދަ މީހާ ގަދަވާ އިންދާފު
27 August 2023
ގޯތި ދިން އިރު ހުޅުމާލެ އިން ވަކި ސަރަހައްދަކުން 39 ގޯތި ހިލޭ އެދިނީ ވަރައް ބަލާފަ އެވެ. އެހެންމީހުނައް 8000>ރުފިޔާ އަށް އަކަފޫޓެއް ހަމަ އެތަނުން ވިއްކާފަ އެވަނީ އެހެން ވެގެން ނެވެ.