ލ. ގަން ކެމްޕޭން ޖަލްސާގައި ރައީސް ވާހަކަފުޅު ދައްކަވަނީ: އާބަން ސެންޓަރެއްގެ ގޮތުގައި ގަން ތަރައްގީކުރަން ގިނަ ވައުދުތަކެއް ވެވަޑައިގަތް. -- ފޮޓޯ | އެމްޑީޕީ
28 އޯގަސްޓް 2023 - 23:39
29 comments
ލ. ގަމަށް އޮތް އަމާޒަކީ ބިޔަ މަޝްރޫއުތަކެއް ހިންގުމާ އެކު ކުރިއަށް އޮތް 10 އަހަރުގެ ތެރޭގައި 25,000 މީހުންގެ އާބާދީއަކަށް ތަރައްގީކޮށް އާމްދަނީ ދެގުނަކުރުން ކަމަށް ރައީސް އިބްރާހިމް މުހައްމަދު ސޯލިހް މިރޭ ވިދާޅުވެއްޖެ އެވެ.
ވެރިކަމުގެ ދެ ވަނަ ދައުރަކަށް ކުރައްވާ ކެމްޕޭންގައި ލ. އަތޮޅަށް ވަޑައިގެން ގިނަ ބަޔަކާ އެކު ބޭއްވި ޖަލްސާގައި ރައީސް ވިދާޅުވީ އާބަން ސެންޓަރެއްގެ ގޮތުގައި ގަން ތަރައްގީ ކުރުމަކީ މި ސަރުކާރުގެ އަމާޒެއް ކަމަށެވެ.
"[އަމާޒަކީ] 25,000 މީހުންގެ އާބާދީއަކަށް ގަން ބަދަލުކުރުން. ހައުސިން އާއި ސިއްހީ ހިދުމަތާއި ތައުލީމާއި ދަތުރުފަތުރުގެ ނިޒާމާ އެކު ބޮޑު ބަދަލުތަކެއް ގެންނަން ޕްލޭންގައި އެބައޮތް," ރައީސް ވިދާޅުވި އެވެ.
ރައީސް ދެ ވަނަ ދައުރަކަށް ކުރައްވާ ކެމްޕޭންގައި ގަމުގައި ބޭއްވި ޖަލްސާގައި ގިނަ ބަޔަކު ބައިވެރިވަނީ. -- ފޮޓޯ | އެމްޑީޕީ
އެ ބަދަލަށް އަމާޒު ހިފާއިރު, ރައީސް ވިދާޅުވި ގޮތުގައި, ބޯހިޔާވަހިކަމަކީ އެންމެ މުހިއްމު އެއް ކަންތަކެވެ. އެކަން ފަހިކޮށްދެއްވާނެ ކަމުގެ ޔަގީންކަން ދެއްވި އެވެ.
ރައީސް ވިދާޅުވީ ގަމަށް ހާއްސަކޮށްގެން 1,000 ހައުސިން ޔުނިޓް އަޅާނެ ކަމަށެވެ. އެއާއެކު ޖުމްލަ 5,000 ހައުސިން ޔުނިޓް ތަރައްގީކޮށް އެންމެންނަށް އެ ސްކީމް ހުޅުވާލާނެ ކަމަށް ވިދާޅުވި އެވެ.
"އަޅުގަނޑުމެންގެ ވިސްނުމެއް ނެތް މަޖުބޫރުން މިތަނަށް މީހުން ގެނައުމަށް. ކުރަން ޖެހޭނެ ކަމަކީ މީހުން ހިޖުރަކުރަން ޝައުގުވެރިވާ ކަހަލަ ކަންތައްތައް މިތަނުގައި ޑިވެލޮޕްކުރުން," ރައީސް ވިދާޅުވި އެވެ.
ރައީސް ވިދާޅުވި ގޮތުގައި ގަމާއި ފޮނަދޫ އެކީގައި ތަރައްގީކޮށް ބޮޑު ބަދަލެއް ގެނައުމަށް މަސައްކަތްތަކެއް މި ފަސް އަހަރުގެ ތެރޭގައި ކުރިއަށް ގެންދިޔަ އެވެ.
ގަމުގައި ބޭއްވި ޖަލްސާގައި ރައީސްގެ ސަޕޯޓަރުން ބައިވެރިވަނީ. -- ފޮޓޯ | އެމްޑީޕީ
މާލޭގައި އަޅަން އޮތް ކެންސަރު ހޮސްޕިޓަލް ގަމަށް ބަދަލުކުރުމާއި އެއާޕޯޓް އިންޓަނޭޝަނަލް ކުރުން ފަދަ ކަންކަން ކުރިއަށް އެބަދާ ކަމަށް ވިދާޅުވި އެވެ.
އާބަން ސެންޓަރަކަށް ބަދަލުކުރަން ރައީސްގެ ވައުދުތައް
1,000 ހައުސިން ޔުނިޓް ގަމަށް ހާއްސަކޮށް އަޅާނަން
ޖުމްލަ 5,000 ހައުސިން ޔުނިޓް އަޅައި ގަމަށް ބަދަލުވާން ބޭނުންވާ މީހުން ހިމަނައިގެން އެންމެންނަށް ހުޅުވާލާނަން
ކެންސަރު ހޮސްޕިޓަލް ގަމުގައި އަޅާނެ, އޮތީ ޕްރީ ޓެންޑަރިން މަރުހަލާގައި.
އެއާޕޯޓް އިންޓަނޭޝަނަލް އެއާޕޯޓަކަށް ބަދަލުކުރާނަން
ބޭރުން ފްލައިޓް ޖެއްސޭ ގޮތް ހަދަނީ ޓޫރިޒަމް ފައްކާކުރަން
އިތުރު ވަޒީފާތައް އުފައްދާނަން
ސްޕޯޓްސް އެރީނާތަކެއް ހަދާނަން
ފުޓްބޯޅައަށް ބޮޑު ދަނޑަކާއި ވޮލީ ކޯޓަކާއި ދުވާ ޓްރެކެއް އަޅާނަން
ގަމުން ކުރިން ގޯތި ދޫކޮށްފައި ހުރި ސަރަހައްދަށް ފެނާއި ނަރުދަމާ ގާއިމްކޮށްދޭނަން
ބަރެސްދޫގައި ލަސްތަކެއް ނުވެ ޓޫރިޒަމް ފެށޭ ގޮތް ހަދާނަން
ގަމުގައި ބޭއްވި ޖަލްސާގައި އެ ރަށުގެ ބަޔަކު ބައިވެރިވަނީ: ގަމުގެ މަޝްރޫއުތައް ކޮވިޑާ ހެދި ލަސްވިޔަސް ޕްލޭނަށް އެއްވެސް ބަދަލެއް ނާންނަ ކަމަށް ވިދާޅުވި. -- ފޮޓޯ | އެމްޑީޕީ
މިއީ ރައީސް ވިދާޅުވި ގޮތުގައި އާބަން ސެންޓަރެއްގެ ގޮތުގައި ގަމާއި ފޮނަދޫ އެއްކޮށް ތަރައްގީކުރަން ކުރާ މަސައްކަތުގެ ބައެކެވެ. އެ ބިޔަ ބަދަލު ނުގެނެވި ލަސްވީ ކޮވިޑާ ހެދި ކުރިމަތިވި އުނދަގޫ ހާލަތާ ހެދި ކަމަށާއި އެހެން ވިޔަސް ޕްލޭނަށް އަދިވެސް ބަދަލެއް ނާންނަ ކަމަށާއި މިކަންކަން ސަރުކާރުން ކޮށްދޭނެ ކަމަށް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެއްފަސް
29 August 2023
ފްލެޓް ލިސްޓްތަކުގެ އެންމެ ކުރީގައި އުޅެނީ އައްޑޫ، ކުޅުދުއްފުށި، ދިއްދޫ، ހޯރަފުށި، ތިނަދޫ.... މިހެންގޮސް ރާއްޖެތެރޭގެ "ބޮޑެތި" "ތަރައްގީ" ރަށްރަށް. މިވަރުންވެސް ވެރިމީހާއަށް ނުވިސްނޭތޯ މި ވާގޮތެއް! ޖަޒީރާ ރާއްޖެ ބޭނުމެއް ނުވެޔޭ އެ ބުނަނީ. މަގު ތާރުގަނޑާ، ބޯޅަދަނޑާ، ބަނދަރާ، ނަރުދަމާއަކީ ރައްޔިތުން މިކިޔާ ތަރައްގީއެއް ނޫނޭ. ވަޒީފާ، އިގްްތިސާދީ ފުރުސަތުތައް، މަތީ ތައުލީމާއި ސިއްހީ ހިދުމަތް ދުނިޔޭގެ ފެންވަރުގައި ބޭނުންވަނީ. ހުޅުމާލެތަކެއް އެދެނީ.
ރތމހ
29 August 2023
މީގެ ފަހުން ހުރިހާ ރަށަކުންވެސް ގޯތި ދޭންވާނީ ހުޅުމާލޭގައި ގޯތި ދިން އުސޫލުން އެރަށަކަށް އުފަން އެރަށެއްގައި ދިރިއުލޭ ބަޔަކަށް. ޙަމަ ރައްރަށުން ހުރިހާ މީހުންންށް ފުރުސަތު އޮވޭ އެކަމަކު ހުޅުމާލެ އަކީ އާރިޔާން ދަރިކޮޅަށް ހާއްސަ ތަނެއް. ނަސްލީ ތަފާތު ކުރުމާ ދެކޮޅު އިބޫ މިހުރީ ގާނޫން އަސާސީއާ ހިލާފް ވެފަ
ަފަފަފަ
29 August 2023
މާލޭމީހުންގެ ވޯޓް ހޯދޭނޭ އިތުރުގޮތެއްނެތިގެން ކުރިކަމެއް އެއީ. މިނޫނީ ދުވަހަކުވެސް މިރާއްޖޭގައި ކީއްކުރަން މުޅި ދުނިޔޭގައިވެސް މިގޮތަށް ގޯތި ބަހާފައި ނެތް. އަދި ބޯ ގިނަވަރަކަށް ގޯތީގެ ބޮޑުމިން އެތައްގުނައަކަށް ބޮޑުވެހގެންދޭ.
ޙހހޔުހ
29 August 2023
ދިވެހި އާބާދީގެ ބޮޑު ބައެއްގެ އިންސާނީ ހައްގު ގެއްލޭ އިރުވެސް ބަހެއް ބުނެޅަނެ ސިޔާސީ އަދި ގާނޫނީ މީހެއްވެސް މެތީ ދޯ
ލުގުމާން/
29 August 2023
މަނިކުޕާނުގެ ތާއީދު ވަރައްބޮޑަްއް ކުޑަވެ ނަސީދު ފަޅިޔައް މީހުން ދާން ފަށައިފި
އުމަރު.
29 August 2023
ދެން ތިތާ އަޅާނީ ކައިރު ގައުމެއްގެ މިލިޓާރީ ބޭހެއް
ގުލުމީ
29 August 2023
ގައުމު އޮތީ 100 ބިލިޔަނުން ދަރާ ލޯނެއް ދޭނެ ގައުމެއް ވެސް ނެތް
ހިދާޔާ މިސް
29 August 2023
ނުވާނެ މާ ސުލޯ
ގުލުމީ
29 August 2023
މިދިޔަ ފ5 އަހަރު ވޯޓާއް އެކަނި މިރަށައް އެއައިސް ލީ
ޙަމަނުޖެހޭ
29 August 2023
10 އަހަރު ތެރޭގައި ގަމުގެ އާބާދީ 25000 ހަމަކުރަން ކޮންތާކކުންތޯ މީހުން ގެންނަނީ؟ މާމެންދޫ ފަދަ އާބާދީ އެހެން ރައްތަކަށް ބަދަލުކުރެވޭނެ ރައްތަކުގައިވެސް ސަރުކާރުން ދަނީ މަޝްރޫޢުތައް ހިންގަމުން ދެން އެއްފަސްކުރުމުގެ އެއްވެސް ސިޔާސަތެއް ނެތް. ދެން ގަމުގައި މީހުން ވިހާ އަދަދު އިތުރުކުރަނީތޯ 10 އަހަރުން 25000 ހަމަކުރަން.؟ ޙާދަހާވާ ހެއްވާ ދެކޮޅުނުޖެހޭ ވާހަކަތަކޭ މިދުވަސްކޮޅު މިކިޔަނީ
މާލެ ކުލީ އަޅު
29 August 2023
ގަމު މީހުންނަށް ހައުސިންގ ޔުނިޓު އަޅާފަ މުޅި އުމުރަށް ސަރުކާރަށް ދަރާގޮތަށް ކުލީ އަޅުންނަށް ހަދާފަ، މާލޭ އާއިލާތަކަށް ހުޅުމޭޅެގެ ރަންބިން ހިލޭ މުޅި ދަރިފަސްކޮޅށް ދެމިގެންދާގޮތަށް. މުއިއްޒު އަދި ނާޒިމް އަކީވެސް ކުލީ ވިޔަފާރި ކޮއްގެން މުއްސަދިވާ އާއިލާތަށް. އަތޮޅު ތެރޭމީހުން ވިސްނާލަން ވެއްޖެ. މިފަހަރު ގާސިމް ގެ ވައުދަކީ އެންމެނަށް ހިލޭ އަސާސީ ބޯހިޔާވަހިކަން ދޭނެކަމަށް. ޢެހެންވީމަ މިފަހަރު ގާސިމްއަށް މަގޭ ވޯޓު.
ހޮލޯ
29 August 2023
ކަލޯ މާލެ ސަރަހައްދުގަ ތިޔަ ކުރެއްވި ބިޔަ ބޮޑު މަޝްރޫގެ ސައިޑް އެފެކްޓްގެ ގޮތުން ހުރިހައި އެންމެން މާލެއަށް ޖަމާވުން ވީ އިތުރު. ކޮންތާކުން ހޯދާ 25000 ގެ އާބާދީއެއް؟ އިންޑިއާއިން؟