ހުޅުމާލެއިން މާލެއަށް ދަތުރުކުރި ޓެކްސީއެއް ކޮންޓްރޯލް ނުވެ ގޮސް ސޯލާ ޕެނަލްތަކުގައި ޖެހިފައި.--- ފޮޓޯ: އާމިނަތު ނަދާ
16 ސެޕްޓެމްބަރ 2023 - 10:40
މާލެ-ހުޅުމާލެ ހައިވޭގައި ދުއްވި ކާރެއް ކޮންޓްރޯލް ނުވެ ހިނގި އެކްސިޑެންޓެއްގައި އެތަނުގައި ހަރުކޮށްފައި ހުރި ސޯލާ ޕެނަލްތަކަށް މިއަދު ގެއްލުންވެއްޖެ އެވެ.
އެ އެކްސިޑެންޓުގައި އެއްވެސް މީހަކަށް އަނިޔާއެއް ނުވެ އެވެ.
ފުލުހުން ބުނީ ހައިވޭގެ ހަތަރު ލޭނުން ހުޅުމާލެއިން މާލެއަށް ދަތުރުކުރި ޓެކްސީއެއް ކޮންޓްރޯލް ނުވެ ގޮސް ސޯލާ ޕެނަލްތަކުގައި ޖެހިފައިވާ ކަމަށް މިއަދު ހެނދުނު ހަތެއް ޖަހާކަށް ހާއިރު ރިޕޯޓްކޮށްފައިވާ ކަމަށެވެ.
"މި ހާދިސާގައި މީހަކަށް އަނިޔާއެއް ނުވޭ. ނަމަވެސް ޓެކްސީ އަށާއި ސޯލާ ޕެނަލްތަކަށް އެކިވަރުގެ ގެއްލުން ލިބިފައިވޭ" ފުލުހުން ބުންޏެވެ.
އެނގިފައިވާ ގޮތުގައި މި އެކްސިޑެންޓް ހިނގީ ޓެކްސީ ދުއްވަން އިން ޑްރައިވަރަށް ނިދި ޖެހިގެންނެވެ.
ހުޅުމާލެއިން މާލެއަށް ދަތުރުކުރި ޓެކްސީއެއް ކޮންޓްރޯލް ނުވެ ގޮސް ސޯލާ ޕެނަލްތަކުގައި ޖެހިފައި.---ފޮޓޯ: އާމިނަތު ނަދާ
ތިމާވެއްޓާ ބެހޭ މިނިސްޓްރީގެ އޮފިޝަލަކު "މިހާރު" އަށް ވިދާޅުވީ މި އެކްސިޑެންޓުގައި ސްޓްރަކްޗާގެ ބަޔަކަށާއި އޭގައި ހަރުކޮށްފައި ހުރި ހަތަރު ސޯލާ ޕެނަލަކަށް އެކި ވަރުގެ ގެއްލުން ލިބިފައިވާ ކަމަށެވެ.
އޮފިޝަލް ވިދާޅުވީ މި އެކްސިޑެންޓް ހިނގީ، މި ކަހަލަ ކަމެއް ހިނގާފާނެ ކަމަށް ބަލައި ސޯލާ ޕެނަލްތައް ހުންނަ ސަރަހައްދުގައި ޕެންސް ޖެހުމުގެ މަސައްކަތް ފަށަން ތައްޔާރުވެފައި ވަނިކޮށް ކަމަށެވެ.
އޭނާ ވިދާޅުވި ގޮތުގައި، ހައިވޭގައި ހަރުކޮށްފައިވާ ހުރިހާ ސޯލާ ޕެނަލްތަކެއް ހުރީ އިންޝުއަރެންސް ވެސް ކޮށްފަ އެވެ.
މާލެ، ހުޅުލެ އަދި ހުޅުމާލެ ގުޅުވައިދޭ ލިންކު ރޯޑު ނުވަތަ ހައިވޭގައި 5.6 މެގަވޮޓްގެ ސޯލާ ހަކަތައިގެ ނިޒާމު ގާއިމު ކުރަނީ ތައިލެންޑުގެ އެންސިސް ކޯ ލިމިޓެޑް ކުންފުންޏާ ހަވާލުކޮށްގެންނެވެ. އެ ކުންފުންޏާ މި މަސައްކަތް ހަވާލުކުރީ ނޮވެމްބަރު 2020 ގަ އެވެ. އަދި އަމަލީ މަސައްކަތް ފެށީ މިދިޔަ އަހަރު ޑިސެމްބަރުގަ އެވެ.
އެ މަސައްކަތް އަދި އެއްކޮށް ނުނިމެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އަހަރެންގެ ސަރުކާރު
18 September 2023
އަހަރެންގް ސަރުކާރުގައި ތިޔަ ފަދަ އެކްސިޑެންޓް ހުއްޓުވާނަން
Gold
18 September 2023
ނިދިޖެހޭމީހުން އެއްޗެހިދުއްވުމަކީ ގައުމީސަލާމަތަށް (ރައްޔިތުންގެ ސަލާމަތަށް) ނުރައްކާވާކަމެއް، ވަގުތުން ލައިސަންސް ބާތިލުކުރަންޖެހޭކަމަށް އަޅުގަނޑު ގަބޫލުކުރަނީ! މިފަހަރު ސޯލާޕެނަލްތައް، ދެންފަހަރަކުން ބައެއްގެފުރާނަ ދެންވެސް ބުނާނީ އެއީ ނިދިޖެހިލީޔޭ، އުމުރުދުވަހަށް ލައިސަންސް ބާތިލުކުރުން ވަރަށްމުހިންމު ކަމަށް އަޅުގަޑު ގަބޫލުކުރަނީ މިއީ އަޅުގަނޑުގެ ހިޔާލު، މިޔަށްވުރެ ރަނގަޅުހިޔާލެއް އޮތީޔާ ހަމަދޭންވީ މައްސަލައާ ނުގުޅޭ ރިޕުލޭއެއްނޫން ކުރަންވީ!!
އައްޑޫކުއްޖާ
17 September 2023
ޓެކްސީ ޑްރައިވަރުން ހޭވައްޓާފަ ލާރި ހޯދުމުގަ
ކާރުބޭބެ
16 September 2023
ކޮބާ ކާރަކަށް ގެއްލުމެއް ނުވޭތަ؟ ދެން ބަޔަކު ކަމެއް ކުރީމޭ ކުރަންދޯ؟ އެހީ ގޮތުގަ ލިބޭ ލާރިތައް އެއްވެސް ޕްލޭނެއް ޑިޒައިން އެއް ނެތި ހަމަ ކުރަނީ. ތިތާ ވަށައިގެން ފާރު ކޮޅެއްލާ ރަގަޅަށް ހަދަން ޖެހޭ، ބޮޑު ހައިވޭ އެއްގަ ހުރި ތަނެއް އެބަޖެހޭ ރަގަޅުވާން. ބައުންޑަރީ ސައިޑް އޮންނަން ޖެހޭ، ދެން ކީކޭ ބުނާނީ މި ސަރުކާރުގަ ހުރިހާ ކަމެއްވެސް ހުރީ މިހެން، ލާރިތައް މަޅާލަނީ ހަމަ.
އަސްތާ
16 September 2023
ތި އަދި ފެށުން… އަދި ކުރިޔައް އަށް އޮތީ… ފުރަތަމަ ކުރަންވާކަންތައް ނުކޮށް ތިޔަބނިންމީ… ސޭދްޓީ ފަސްޓް…އާރެްް ބާރެއް ނެއް ޕޮލިހުން އުޅޭ ގައުމެއްގަ…
މަޒް
16 September 2023
މީ މިތަން ހަދަމުން ދިޔަ އިރުވެސް މަގޭ ހިތަށް އެރި އެއްޗެއް.. މިހެން ވާ އެކްސިޑެންޑުތަކުގައި މި ތަކެއްޗަށް ލިބޭ ގެއްލުން ކުޑަ ކުރާނީ ކިހިނެއްބާވައޭ
ކަޑަބޮއް ސައީދު
16 September 2023
ތިޔަ ކަން ފެށުމުގެ ކުރިން އަޅުގަނޑު ހުރިހާ ރައްޓެހިން ގާތު ބުނިން ދިވެހިންނަކީ ވަރަށް ގިނަ އިން ކާރުގައި ގޮސް ތަންތާ ތެރެއަށް ޕާކު ކުރާ ބައެކޭ އެހެންވެ ތިޔަތަން ވަށާގެން ކޮންކުރީޓު ނުކުރާހާ ހިނދަކު ތިތަނުގައި ސަލާމަތުން ސޯލާޕެނަލް ނުހުންނާނެ ސަބަބަކީ ދިވެހިން ޕާކު ކުރަން ފަށާނެ ތިޔަ އެޗިސްތައް ތެރެއަށް.
ހުސްނުހީނާ
16 September 2023
ނިދިޖެހުނީއޭ ކިޔައިގެން ބޯދަމައިގަންނަނީ. އެކަން އެނިމުނީނުން. ކިހާބޮޑު ގެއްލުމެއް އެވީ؟ ޒިއްމާ ނަގަންޖެހޭ ގޮތެއް ހަދަންޖެހޭ!
އަލީ!
16 September 2023
މައްސަލައަކީ ނިދިޖެހޭތީ.. ނަސީބެއް މީހެއްގެ ފުރާނައަށް ނުރައްކާނުވިކަން. ނިދިޖެހެނީ ކީއްވެތޯބަލަންޖެހޭ.. އަދި މިގޮތަށް ނިދިޖެހޭމީހުންގެ ލައިސަންސްބާތިލްކުރަންވެސްޖެހޭ..
މޭރާ ޚެޔާލް
16 September 2023
ހުރިހާވެސް މައްސަލައަކީ ޒިއްމާދާރު ޓްރެފިކް ޕޮލިހެއް ނެތުން، އެވެރިން ތިބެނީ ފިނި ކޮޓަރީގަ ނިދިޖެހިފަ
އުސްމާނުބެ
16 September 2023
ދުއްވާ މީހާގެވެސް ކޮންމެވެސް ޒިންމާއެއް އޮންނަންވާނެތާ ، އަދި ތިޔަބުނާ ބަޔަކު ފިނި ކޮޓަރީގަ ތިިއްބަސް
ބަރަބޯ ފާތުމަ4
16 September 2023
ޢެވެރިން ގެ މުސާރަ ދެ ގުނައަށް މުއިއްޒު އެބަ ބޮޑު ކޮށްދެއެއްނު....ސަޅިއެއްނު.....