19 ސެޕްޓެމްބަރ 2023 - 09:35
19 comments
ރައްޔިތުންގެ މަޖިލީހުގެ ކޯރަމް ހަމަނުވެގެން މިއަދުގެ ޖަލްސާ ވެސް ފެށުން ލަސްވެފައިވާ އިރު، މަޖިލީހުގެ މަސައްކަތްތައް ހުއްޓުވާފައި މިވަނީ ރައީސް އިބްރާހިމް މުހައްމަދު ސޯލިހުގެ ސީދާ ބައިވެރިވުން އޮވެގެން ކަމަށް މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
އިއްޔެގެ ޖަލްސާ އެކޭ އެއްގޮތަށް، މަޖިލިސް ކޮންޓްރޯލްކުރާ އެމްޑީޕީގެ ގިނަ މެމްބަރުންތަކެއް ތަޅުމަށް ވަދެވަޑައިނުގެން ކުޑަދަށުގައި ތިއްބެވި ކަމަށް ރިޔާސަތުން ނަޝީދު ވިދާޅުވި އެވެ.
ބައިގަޑިއިރު ފަހުން ޖަލްސާ ފެށޭ ގޮތް ނުވުމުން ނަޝީދު ވިދާޅުވީ، ރައްޔިތުންގެ މަޖިލިސް "ސެބޮޓާޖުކޮށް" ހުއްޓުވާފައި މި ބާއްވަނީ "ކަނޑައެޅިގެން" ރައީސުލްޖުމްހޫރިއްޔާ ބައިވެރިވެވަޑައިގެން ކަމަށެވެ.
"އަޅުގަނޑު ރައީސުލްޖުމްހޫރިއްޔާ އަށް ދަންނަވަން، އިލްތިމާސްކުރަން، ދައުލަތުގެ ބާރުތައް މަނިކުފާނުގެ އަތްޕުޅުގެ މައްޗަށް ނަންގަވައި، ދިވެހި ދައުލަތް ހުއްޓުވާލައްވައި ތިޔަ ކުރައްވާ މަސައްކަތްތައް ހުއްޓުވުމަށް،" ވަރަށް ކޯފާ އިސްކުރައްވައި ނަޝީދު ވިދާޅުވި އެވެ.
"އަދި އަޅުގަނޑުގެ މަސައްކަތް ނުހުއްޓާނެ ކަމަށް މަނިކުފާނަށް ވަރަށް ސާފުކޮށް ދަންނަވަން."
އެކި ފަހަރު މަތިން މަސައްކަތް ކޮށްގެން ވެސް އިއްޔެގެ ޖަލްސާ ފެށޭ ގޮތް ނުވީ، ރައްޔިތުންނާ ގުޅުން ހުރި މުހިންމު ބިލްތަކާއި މަސައްކަތްތައް އެއްފަރާތް ކޮށް، ސަރުކާރާ ދެކޮޅަށް ހުށަހަޅާފައިވާ ގަރާރުތަކަށް މަޖިލީހުގެ އެޖެންޑާ އިން ޖާގަދީފައިވާ ކަމަށް ތުހުމަތުކޮށް އެމްޑީޕީގެ ގިނަ މެމްބަރުން މަޖިލިހުގެ ތަޅުމަށް ވަދެވަޑައިގަތުމަށް ދެކޮޅު ހެއްދެވެމުންނެވެ.
އެކަމަކު ޖަލްސާ ބޮއިކޮޓް ކުރަން އެމްޑީޕީގެ ޕާލަމެންޓަރީ ގުރޫޕުން ނިންމާފައިނުވާ ކަމަށް އެ ގުރޫޕުގެ ޑެޕިޔުޓީ ލީޑަރު މުހައްމަދު އަސްލަމް ވިދާޅުވި އެވެ.
މިއަދުގެ ޖަލްސާގައި ވެސް މައިގަނޑު ގޮތެއްގައި އޮތީ އިއްޔެގެ އެޖެންޑާ އެވެ. އިތުރު މަސައްކަތަކަށް އޮތީ ރާއްޖޭގެ ވެރިކަން ކުރުމުގެ ނިޒާމު ބަދަލުކުރުމަށް ރައްޔިތުންގެ ފެންނަ ނުފެންނަ ވޯޓެއް ނެގުމަށް ސަރުކާރަށް ގޮވާލައި ހުޅުދޫ ދާއިރާގެ މެމްބަރު އިލްޔާސް ލަބީބް ހުށަހަޅުއްވާފައިވާ ގަރާރެވެ.
އެ ގަރާރުގެ މަސައްކަތް އަވަސްކުރަން މިއަދަށް އެޖެންޑާ ކުރީ، އެމްޑީޕީގެ ޕީޖީ ލީޑަރު އެއްބަސްވެވަޑައިގެންފައިވާތީ ކަމަށް ނަޝީދު ވަނީ އިއްޔެ ވިދާޅުވެފަ އެވެ.
މި މަހުގެ 30 ގައި ބާއްވާ ރިޔާސީ އިންތިހާބުގެ ދެވަނަ ބުރުގައި ޑިމޮކްރެޓްސްގެ ތާއީދު ހޯދުމަށް އެ ޕާޓީން ޝަރުތުކުރާ ނިޒާމީ ވޯޓު ނެގުމުގެ ތާރީހެއް އެ ގަރާރު މެދުވެރިކޮށް އަންގައި ދިނުމަށް ނަޝީދަށް ދަންނަވާފައިވާނެ ކަމަށް ރައީސް އިބްރާހިމް މުހައްމަދު ސޯލިހު ވަނީ ވިދާޅުވެފަ އެވެ.
އެއީ އިންތިހާބުގެ ކުރިން ނިޒާމީ ވޯޓެއް ނަގަން ވަގުތު ނެތުމުން ކަމަށް އެ މަނިކުފާނު އިއްޔެ ވިދާޅުވި އެވެ.
އެކަމަކު އޭގެ ފަހުން، ޑިމޮކްރެޓްސްއިން ރޭ ބޭއްވި އެ ޕާޓީގެ ކައުންސިލްގެ ބައްދަލުވުމުގައި ނިންމާފައިވަނީ މި މަހުގެ 28 ވަނަ ކުރިން ނިޒާމީ ވޯޓު ނަގަން އެމްޑީޕީ އަށް ޝަރުތެއްގެ ގޮތުގައި ހުށަހެޅުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސުހުރާބު
20 September 2023
އައްނި ކުރަން ބޭނުން ވާ ކަންތައް ވަރަށް ސާފު ، ދިވެހި ހުރިހާ އެއްމެނަށް .... ވަރަށް ފަސޭހަ ލީކް ވެފަ އޮތް ޕުލޭނެއް . މި ފަހަރު ވެސް ވާނީ ހަމަ ފެއިލް. ދެން މީ ބޮނޑުވަރު ، މީނަ އައްޓަކައި މުލި ސަރުކާރު ހުއްޓުމަ ކަށް.
ހޭބަލި
19 September 2023
މަޖިލިސް ހުއްޓުވައި ގޮނޑިން ނުފައިބަން އުޅުނީ ކާކުކަން ދިވެހިންނަށް އޮޅިފައެއްނެތެވެ.
ނަޖާޙް
19 September 2023
ގުދޯ ގުދޯ ނުގޮވަބަލަ.
މާވަށު ޖަމީލު
19 September 2023
ރައީސް ޞޯލިޙުއަށް އަދިވެސް އެއްޗެއް ނުވިސްނޭ. ހުރިހާ މީޑިއާއަކާއި ސަރުކާރުގެ ހުރިހާ ބާރުތަކާއި އެކީ ކެމްޕޭން ކޮށްގެން ފުރަތަމަ ބުރުގައި ހޯދުނީ އެންމެ 39%. ޑެމްކުރެޓްސް މާބޮޑު ވަސީލަތްތަކެއް، މާގިނަ މީހުންތަކެއް ނެތި އެންމެ 3 މަހުގެ މަސައްކަތުން 3 ވަނައަށް ދިޔަ. އަދިވެސް ނަޝީދަށް ޖެއްސުންކުރެވޭތޯ ބަލާ
އަލިފުޅު3
19 September 2023
3 ވަނަ އަށް ދިޔަ މީހާ އަށް ލިބުނީ ވޯޓު ލީ މީހުންގެ 7%. އެއީ ރައީސް އަށް ލިބުނު އަދަދުގެ 18%. ލަދު ނުގަންނަ ކަން! 3 ވަނަ ވާނީ 3 ވަނަ އަށް. 3 ކެންޑިޑޭޓުންގެ ތެރެއިން 3 ވަނަ އަށް ނުވިކަން ރަނގަޅު.
Gold
19 September 2023
މެންބަރުންނަކީ ކޮންމެވެސް ގަވައިދަކަށް ބޯލަނބަންޖެހޭބަޔަކަށް ހަދަންވެއްޖެނޫންބާ؟، ކޮންމެވެސްވަރެއްގެ ޑިސިޕުލިންނެއް ގޮތެއްފޮތެއް ހުންނަންއެބަޖެހޭދޯ! މުސާރަބަރާބަރަށް ހިނގާއިރު ކިހާވަގުތެއް މިމީހުން އެބަބޭކާރުކޮށްލާ!! ސިޔާސީޑުރާމާކުޅެން ތިބޭބަޔަކަށް މަޖިލިސްމެންބަރުންވީމާ ދެން ގައުމުގެ ސެންސިޓިވު މައްސަލަތައް ހައްލުކުރަން ކުރެވޭނީކޮންކަމެއް؟ ނަގާމުސާރަޔާ ގާތްކުރާވަރުގެ ހިދުމަތެއް މެންބަރުންނުކުރޭ ވަރަށް ހަރާންކޯރުބައެއް!
ހުއްބުލްވަޠަން
19 September 2023
ދިވެހިދައުލަތް ބަނގުރޫޓުކޮށް އިންޑިޔާގެ ނުފޫޒުގެ ދަށަށް ވައްޓާލުމުގެ އެއްކޮޅުން މަޖިލިސްގެ ރައީސް އެގެންދަވަނީ މަޖިލިސް މެމްބަރުން ރުޅިއަރުވަމުން. އަނެއްކޮޅުން ޤައުމުވެ ރައީސް ޞާލިހު އެގެންދަނީ ރަށުތެރެ ހަލަބޮލިކުރަމުން. އެތަރެއިން ފޮރިން މިނިސްޓަރ އެގެންދަނީ އިންޑިޔާގެ އެންގުންތައް ތައްފީޒު ކުރަމުން. ލޮބުވެތި މުވާތަނުންނޭ ހޭއަރައި މިނުރައްކާތެރި ވެރިކަމުގެ ބާރު ކަނޑުވާލަން ނުކުނނަވާ.
ސުޖީތު
19 September 2023
މިއަދުގެ އެޖެންޑާ އަށް ހުށަހެޅި ދައުލަތް ހިންގުމުގެ ނިޒާމު ބަދަލުކުރަން ހުށަޅި ޤަރާރުގެ ކަންކަން އިންމަން އިޢުލާނުކުރިގޮތް ފެނުމުންވެސް މިކަމަކީ އަމިއްލަ އެދުމާ އެއްގޮތަށް ކުރިޔަށް ގެންދަން ނިންމާފައި މައްސަލައެއްކަން އެނގިގެން ހިނގައްޖެ. މިއަދުޗަހުތިބީ އިލެކްޝަންސް ކޮމިޝަނަކީ ކަމުދާ ބަޔަކަށް ނުވެފައި މިއަދު އެކޮމިޝަނުގައި ތިބީ ކަމުދާ ބަޔަކަށްވެސް ހަދައިފި.
ދިގުރާސްތާ
19 September 2023
ރައްޔިތުންނޭ ކިޔާނެ ކަމެއްނެތް. ރައްޔިތުންނަށް ފައިދާހުރި ކަމެއްނުކުރޭ. އަންބޮޑިޔަށް އެއްޗެއް އިތުރުކުރެވޭތޯ ބަޔަކު ތެޅެނީ. ކިތައް ކިތައް ރައްޔިތުންނާގުޅޭ މުހިއްމު ކަންކަން ބަހައްޓައިފައި ތިޔަބޭފުޅުން މަޖިލީސއ ކެންސަލްކޯސް ހެދީ. އެހުރީ ތަފުސީލު ފެންނަން. ރައްޔިތުންނަށ ހެޔޮއެދިގެންނެއްނޫނޭ މިބުނަނީ އެހެންވެ. މިހާރުވެސް ތިޔަ އުޅެނީ ބަރުލަމާނީޔާ. ރައްޔިތުން ނޯ ބުނީމަ ހުއްޓާލުމަކީ ޑެމޮކުރަސީޔޯ ކިޔައިދިނީވެސް ތިޔަބޭފުޅުން.
އަހުމޭ
19 September 2023
ބަލަ ރައްޔިތުންނޭ ނިޒާމު ބަދަލު ކުރަންވެސް ނުކުރަންވެސް ނިންމާނީ
ހާސަރު އާދަނު
19 September 2023
އަދިވެސް ސައިޒް ވާކަށްނުވޭދޯ... ހިތުން މަންޑޭލާ ކަމުން ރޯނުއެދުރު. މިހާރު ދެން ދިވެހިން ނޫނުކޭ ނޫނެކޭ ނޫނެކޭ މިބުނަނީ ތި މީހާއަށް.
ތަމަންނާ
19 September 2023
ނަޝީދުއަށް. ތިބޭފުޅާއަށް ކުރިއަށް ދައުރު މަޖިލީހުން ޖާގައެއް ލިބުމުގެ ފުރުސަތު ވަރަށް ކުޑަ. އަދިވެސް ތިއުޅުއްވަނީ މެޖޯރިޓީ ލީޑަރެއްހެން. ތި ޕާޓީއަށް އެއްވެސް ކުރިމަގެއްނެތް. އެންމެ 7 ޕަސެންޓޭ.