އެފްއޭއެމްގެ ދަރަނީގެ ލިސްޓަށް އަނެއްކާވެސް ހުކުމެއް

އެފްއޭއެމުން ބޭއްވި ޕްރެސް ކޮންފަރެންސެއްގެ ތެރެއިން: ވެލިގާ ހާޑްވެއާ އަށް ލައްކަ އަކަށް ވުރެ ގިނަ ރުފިޔާ ދައްކަން އެފްއޭއެމްގެ މައްޗަށް ވަނީ ހުކުމްކޮށްފަ --- ފޮޓޯ: ނިޝާން އަލީ | މިހާރު

ހުސެއިން ހަބީބް، މިހާރު

28 ސެޕްޓެމްބަރ 2023 - 10:35

7 comments

ވެލިގާ ހާޑްވެއާއަށް ލައްކައަކަށް ވުރެ ގިނަ ރުފިޔާ ދައްކަން ސިވިލް ކޯޓުން އެފްއޭއެމްގެ މައްޗަށް ހުކުމްކޮށްފި އެވެ.

އެފްއޭއެމުން ވެލިގާއިން ނަގާފައިވާ މުދަލަށް ފައިސާ ދައްކާފައި ނުވާތީ ކޯޓުގައި އެދިފައި ވަނީ 171،850.10 ރުފިޔާ އެއްފަހަރާ އެފްއޭއެމްގެ ކިބައިން ހޯދުމަށެވެ.

ނަމަވެސް މައްސަލަ ބެއްލެވި ގާޒީ މުހައްމަދު އީސާފުޅު ހުކުމް ކުރެއްވީ އެއް އަހަރު ތެރޭ ބަހާލައިގެން ކޮންމެ މަހަކު ވަކިވަރެއް ދެއްކުމަށެވެ. ހުކުމްގައި ބުނެފައިވަނީ މި މަހުގެ 25 ވަނަ ދުވަހުން ފެށިގެން އަންނަ އަހަރުގެ ސެޕްޓެމްބަރު 25 ގެ ނިޔަލަށް ކޮންމެ މަހަކު މަދުވެގެން 14،729.71ރ. ކޯޓަށް ދެއްކުމަށެވެ.

ޝަރީއަތުގެ ހަރަދަށް 15،000ރ. އެފްއޭއެމްގެ ކިބައިން ހޯދަން ވެސް ވެލިގާއިން އެދުނެވެ. ނަމަވެސް ކޯޓުން ނިންމީ މި ހަރަދަށް 5،000ރ. ނަގައިދޭށެވެ.

އެފްއޭއެމުން އެލް އަށް 10 ދުވަސްތެރޭ ދެ ލައްކަ ޑޮލަރު ދައްކަން ހުކުމް ކޮށްފި https://t.co/D2lsZR9EFT
— Mihaaru (@Mihaarunews) August 30, 2023

އެފްއޭއެމުން ޝަރީއަތުގައި ބުނީ ވެލިގާއަށް ދައްކަން ޖެހޭ ފައިސާ ނުދެއްކި އޮތީ އެ އެސޯސިއޭޝަނަށް ކުރިމަތިވެފައިވާ މާލީ ދަތިތަކުގެ ސަބަބުން ކަމަށެވެ.

މިއީ ފައިސާ ދައްކަން ދެ މަސް ތެރޭ ސިވިލް ކޯޓުން އެފްއޭއެމްގެ މައްޗަށް ކުރި ދެވަނަ ހުކުމެވެ. މިދިޔަ މަހު އެ ކޯޓުން ވަނީ އެލް މޯބައިލްގެ މައި ކުންފުނި އެލް މޯލްޑިވްސް އަށް ދެ ލައްކަ ޑޮލަރު 10 ދުވަސްތެރޭގައި ދައްކަން ވެސް އެފްއޭއެމަށް ހުކުމްކޮށްފަ އެވެ. އެކަމަކު ކޯޓުން ދިން މުއްދަތު ފަހަނައަޅައި ދިޔައިރު ވެސް އެ ފައިސާއެއް ނުދައްކަ އެވެ.

އެ ފައިސާ އަކީ އެލް މޯލްޑިވްސްއިން އެފްއޭއެމުން ނެގި ތިން މިލިއަނަށް ވުރެ ގިނަ ރުފިޔާގެ ލޯނަކަށް ދައްކަން ޖެހޭ ފައިސާ އެވެ. އެލް އިން ލޯނު ނެގީ ޑޮލަރުން އެ ފައިސާ ދައްކާނެ ކަމަށް ބުނެ އެވެ.

ފުޓްބޯޅަ އެފްއޭއެމް ސިވިލް ކޯޓް ވެލިގާ ހާޑްވެއާ

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަހު ދުވަސް

29 September 2023

މަގޭ ވޯޓު މީނަ ބޭރުކޮށް ހިފާ ހައްޔަރު ކުރާނެ މީހަކައް. މިއަދު ފަހު ކެމްޕޭނުގައި މިކަމަށް ވައުދުވާ މީހަކައް ވޯޓު ދޭން ތައްޔާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބޫއ

29 September 2023

މިއީ މަކަރާއި ހީލަތް ހެދުމުގެ ރެކޯޑް އޮންނަ ދައުލަތުގެ ބާރު ނުހިނގާ ދައުލަތުގެ މުވައްސަސާއެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާވާ

28 September 2023

ވިޔަފާރިކުރާ ކުންފުންޏެއްވެސް މިވަރަށް ދެރި ވާހަކަ އަޑެއް އަދި ނާހަން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

28 September 2023

ޑރ މުއިއްޒުގެ ސަރުކާރާއިއެކު ޤާނޫނުއަސާސީގައި ބުނާގޮތަށް ރާއްޖެ ޑިސެންޓްރްލައިޒްކޮށް ހިންގުމަށްޓަކާ "ކުޅިވަރު ލާމަރުކުރުމަށް" އޭއެފްސީ އާއި FIFA ގެ އެހީތެރިކަންހޯދައިގެން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް އަދި ކޮޅުމަޑުލުން އައްޑުއަށް ސަދާން ރީޖަންކަމުގައި ކަޑައަޅާ ކޮންމެރީޖަނެއްގައި އަމިއްލަ ފުޓްބޯޅަ އެސޯސިއޭޝަން ޤާއިމްކޮށް އެފްއޭއެމްގެ ބަދަލުގައި National Football Federation އުފެއްދުން ވަރަށްމުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގު ކަލޭގެ

28 September 2023

މިހާ ހިސާބަށް ދިޔައީމާ ވަރަށް ކަށަވަރުކޮށް ބުނަން ކެރޭ ބައްސާމުއާއި އޭނާގެ ފަހަތުގައިއުޅޭ މީހުންނަކީ ބަޖެޓުން ވައްކަން ކޮށްގެން ތިބި ވަގުންކަން. ޔާމީނަށް ދޫނުކުރޭ. ބޮޑެތި ދަރަނިތައް ނުދެއްކިހުރި ސަބަބަކީ އެފްއޭއެމްއަށް ދިމާވި މާލީ މައްސަލައެއްނޫން! ސަބަބަކީ ބަޖެޓުގައި ހުރި ލާރި ހަމަ ކާލީއެވެ. ރާއްޖޭގައި ބަޖެޓު ދަވާލައިގެން ހުކުން ނާންނާނެ ހަމައެކަނި ތަނަކީ މިއެފްއޭއެމްއެވެ. ކޮބާ ޓްރާންސްޕޭރެންސީ މޯލްޑިވްސް، ކޮބާ އެންޓިކޮރަޕްޝަން ބޯޑު؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯޅަ1

28 September 2023

މިދެން ދެރަވަރު ކަންކަންދޯ. މިތާ ތިބި މީހުން ބޭރު ކުރަން ވެއްޖެ އެއްނު. ކްލަބް ތަކަށް ދޭން ޖެހޭ ފައިސާ އެހާ ބައިވަރު. ކޯޓް ހުކުމަށް ދައްކަން އިންތިހާ އަށް ފީފާ އަށް ދައްކަން އެހާވަރު.މިޤައުމުގައި އެބަ ތިއްބޭ ތިކަން ކުރެވޭނެ ވަރު ޤާބިލްމީހުން. ޤައުމަށް ޖެހިފައި އޮތް ވަބާ އަކަށް ވެއްޖެ މިކަންތައް.އެކަމަކު މިދިޔަ ހަފްތާ ގައި ވެސް އެފް އޭ ގެ އެކައުންޓުން 7000 ޑޮލަރަށް ވުރެ ގިނައިން ޚަރަދު ކޮށްގެން މައުރީން އޮސްޓްރޭލިއާއަށް ދާން ޓިކެޓް ނެގިކަންއެނގޭ.