އެކްސިޑެންޓުވީ ކުރީގެ މިނިސްޓަރު އަމީންގެ ބައްޕަ، ހާލު ވަރަށް ސީރިއަސް

އައިޖީއެމްއެޗުގައި އިމަޖެންސީ ފަރުވާދޭ ޔުނިޓް. -- ފައިލް ފޮޓޯ: މިހާރު

06 އޮކްޓޯބަރ 2023 - 23:39

މާލޭގައި މިރޭ އިރާކޮޅު ހިނގި އެކްސިޑެންޓުގައި ޒަހަމްވީ ކުރީގެ ހެލްތު މިނިސްޓަރު އަބްދުﷲ އަމީންގެ ބައްޕަ، އަހްމަދު މަނިކު ކަމަށާއި އޭނާގެ ހާލު ވަރަށް ސީރިއަސްކަން އެނގިއްޖެ އެވެ.

އުމުރުން 74 އަހަރުގެ އަހްމަދު މަނިކު އެކްސިޑެންޓުވީ އިޝާ ނަމާދަށް ފަހު ސައިކަލްގައި ދަނިކޮށް ކާރެއްގައި ޖެހިގެން ކަމަށް ވަނީ އެނގިފަ އެވެ.

އަހްމަދު މަނިކަކީ އަމީންގެ އިތުރުން ޖަޕާންގައި ހުންނަ ރާއްޖޭގެ ޑެޕިއުޓީ އެމްބެސެޑަރު މުހައްމަދު އަމީތުގެ ވެސް ބައްޕަ އެވެ.

ބޮޑުތަކުރުފާނު މަގުން، ޕީޕީއެމް އޮފީސް ހުންނަ ސަރަހައްދުގައި ހިނގި މި އެކްސިޑެންޓުގައި އަހްމަދު މަނިކުގެ ބޮލަށް އަނިޔާވެ އެތެރެއަށް ލޭ އެޅިފައިވާ ކަމަށް، އާއިލާގެ މީހަކު ބުންޏެވެ. އެކްސިޑެންޓުމުން އައިޖީއެމްއެޗަށް ގެންގޮސް އިމަޖެންސީގައި ފަރުވާ ދިނުމަށް ފަހު އޭނާއަށް މިހާރު ފަރުވާ ދެނީ އައިސީޔޫގަ އެވެ.

އެކްސިޑެންޓުވުމާ އެކު ހޭނެތުނު ގޮތަށް ހާލަތަށް އެއްވެސް ބަދަލެއް ނައިސް، މިހާރު އޮތީ ވަރަށް ނާޒުކު ހާލަތެއްގައި ކަމަށް އާއިލާއިން ވާހަކަ ދެއްކި މީހަކު ބުންޏެވެ.

މާލެ އާއި ސިނަމާލޭ ބްރިޖް ހައި ވޭގައި ވެސް މިއަދު އެކްސިޑެންޓުތަކެއް ހިނގައި ޓްރެފިކަށް ވަރަށް ބާރު ބޮޑުވި އެވެ.

އެކްސިޑެންޓް މަގުމަތީގެ އެކްސިޑެންޓް އައިޖީއެމްއެޗު

5 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސައިޚް

07 October 2023

އެހެންނޫންތޯ ވާނީ، ފުލުހުން ނޫޅޭ ކަމެއް ހުއްޓުވާ، ރަނގަޅު ކުރާކަށް، މުޅި މާލޭގަވެސް ސިގިރެޓް ބޮމުން، ފޯނުންވާހަކަ ދައްކަމުން، އެމީހަކަށް ދުއްވުނު ވަރަކަށް ދުއްވުން އާދަވެއްޖެ، ޓްރެފިކް ފުލުހަކު މަގެއްމަތިން ނުފެނޭ،