އަރަބިއްޔާ ސްކޫލު މިހާރު ހިންގަމުން އަންނަ އިމާރާތް-- ފޮޓޯ: ފަޔާޒް މޫސާ/ މިހާރު
09 އޮކްޓޯބަރ 2023 - 23:33
8 comments
އަރަބިއްޔާ ސްކޫލުގެ ދަރިވަރުންގެ މޫނު ބުރުގާއާ ގުޅޭގޮތުން ސިވިލް ކޯޓުން ކުރި ހުކުމަށް ހައި ކޯޓުން މިއަދު ތާއީދުކޮށްފި އެވެ.
މޫނުބުރުގާ އަޅައިގެން ސްކޫލަށް ނުދެވޭ ކަމަށް ބުނެ މިދިޔަ އޭޕްރީލް މަހު ސިވިލް ކޯޓަށް ހުށަހެޅި މައްސަލައިގެ އަމުރުގައި ބުނީ އަރަބިއްޔާ ސްކޫލްގެ ޔުނިފޯމް ކޯޑަށް އެއްވެސް އިރަކު ބަދަލެއް އައިސްފައި ނުވާ ކަމަށާއި އެތަނުގެ ދަރިވަރުން މޫނުބުރުގާ އެޅިޔަސް ކިޔެވުމުގެ ފުރުސަތުން މަހުރޫމް ނުކުރާކަން އެނގެން އޮންނަ ކަމަށެވެ.
އެ މައްސަލަ ހައި ކޯޓުގައި އިސްތިއުނާފުކުރުމުން ފަނޑިޔާރު ހަސަން ޝަފީއު އާއި ފަނޑިޔާރު ހުޒެއިފާ މުހައްމަދު އަދި ފަނޑިޔާރު މުހައްމަދު ސަލީމްގެ އިއްތިފާގުން ނިންމަވާފައިވަނީ ދަށު ކޯޓުގެ ވަގުތީ އަމުރާ މެދު ނިންމި ގޮތް ބާތިލްކުރަންޖެހޭ ފަދަ ގާނޫނީ ސަބަބެއް ނެތް ކަމަށެވެ.
އެޑިއުކޭޝަން މިނިސްޓްރީން މިދިޔަ އަހަރުގެ ޑިސެމްބަރު 28 ގައި އަރަބިއްޔާ ސްކޫލަށް ފޮނުވި ސިޓީއެއްގައި ވަނީ ޔުނީފޯމު ކޯޑު މިހާރު އޮތް ގޮތަށް އެއްވެސް ބަދަލެއް ނުގެނެސް އެއަށް އަމަލުކުރުމަށް ބެލެނިވެރިންނާއި ކުދިންނަށް އަންގައިދިނުމަށް އެދިފަ އެވެ. ނަމަވެސް މިނިސްޓްރީގެ އެ އެންގުމާ ގުޅިގެން، މޫނު ބުރުގާ އަޅާ ކުދިން ހާޒިރުކޮށް ނަން ނޯޓުކޮށްފައިވާ ކަމަށް ބެލެނިވެރިން ބުނެ އެވެ. އަދި އެ ސްކޫލުގެ ލީޑިން ޓީޗަރުންނާއި ބައެއް ޓީޗަރުން ކުދިން ވަކިން ގެންގޮސްގެން ވެސް މޫނު ބުރުގާ ނެގުމަށް ވާހަކަ ދައްކާ ހަދާ ކަމަށް ބެލެނިވެރިން ތުހުމަތުކޮށްފައިވެ އެވެ.
އަޒްހަރު ޔުނިވާސިޓީގެ އެހީގައި މީގެ 36 އަހަރު ކުރިން ރާއްޖޭގައި ކިޔަވައިދޭން ފެށި އަރަބިއްޔާ ސްކޫލްގެ ޔުނީފޯމުގައި އަންހެން ކުދިންނަށް ހިމެނެނީ ބުރުގާ، ހެދުން، ސްކާޓް އަދި ހަރުވާޅު އެކަންޏެވެ.
އަރަބިއްޔާ ސްކޫލްގައި ކިޔެވޭނީ ބުރުގާ އަޅާ އަންހެން ކުދިންނަށް އެކަންޏެވެ. ނަމަވެސް، މޫނު ބުރުގާ އަޅާ 10 ވަރަކަށް ކުދިން އެ ސްކޫލްގައި އެބަތިބި ކަމަށްވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނާޑުވާ
10 October 2023
ޚަބަރު ނުކިޔާ ހަމައެކަނި ހެޑިންގ ކިޔާލައިގެން ކޮމެންޓް ކުރާ ފަރާތްތަކަށް ބުންލަން އޮތީ އަރަބިއްޔާގަ މޫނު ބުރިގާ އަޅައިގެން ދާ ދިހަވަރަކަށް ކުދިންނަށް އެއްވެސް ހުރަހެއް ނެތި ކިޔަވަމުން ގެންދެވޭ. އެކަމަކު މޫނުބުރުގާ އަޅައިގެން އަންނަނީ ކޮން ކުދިންނެއްކަން ލިސްޓް ކުރުމަށް އެކުދިންގެ ނަންތައް ނޯޓް ކޮށްފައި ބެހެއްޓުމަކީ މައްސަލައެއް ނޫން. ދެންފަހަރަކުންވެސް ޚަބަރު ކިޔާލާފަ ކޮމެންޓް ކޮށްލާތި.
ޝުނާނާ އޯ ނަނާ
10 October 2023
ބުރުގާ ނާޅާ ކުދިން ނަށް މިސްކޫލުން ފުރުސަގު ނުދިނުމަކީ ވަރަށް ދަށު ދަރަޖައިގެ ނޭއްގާނީ ނާތަހުޒީބު ނިންމުމެއް. މިކަމާ ކޯޓަށް ދާން އެބަ ވިސްނަން.
ވިނަރަސް1
10 October 2023
ކޮވިޑު19 ދުވަސްވަރު އެންމެވެސް މޫނު ނިވާކުރި. މޫނު ބުރުގަލަކީ މާސްކެއް ކަމަށް ހިތައް އަރުވާލާ މޫނު ބުރުގާ އެޅީމަ ހަޖަމުނުވާ މީހުން. އޭރުން ނިމުނީ. މީހާރުވެސް މާސްކް އަޅަން ބޭނުންމީހުންނަށް މާސްކް އެޅޭނެ. މާސްކު ނާޅަންފެށީމަ ރޯންގާތަކާއި ބަލިތައް އިތުރުވާން ފަށައިފި.
ހުސަނ
10 October 2023
މޫނު ބުރުގާ އަޅައިގެން އާދެވެންޏާ ޖުއްބާއާއި ސަލްވާރާ މުންޑާ ފަގުޑީގައި ފިރިހެން ކުދިންނަވެސްް ވެސް އާދެވެންވާނެ. ފެންފައިވާނުގައިވެސް އާދެވެން ވާނެ. އެއްވެސް ސްކޫލަކަުން އެ ހަދާފައި އޮންނަ ޔުނި ފޯރމް ކޯޑަކަށް އިހްތިރާމް ކުރަން ލާޒިމެށް ނުކުރެވޭނެ. ދެން ބަލަމާ ހިނގާ އާސަރުކާރުގެ އެޑިއުކޭޟަން މިނިސްޓަރ ގުރޭޑް 1 ކުން ފެށިގެން އަންހެން ކުދިން މޫނު ފޮރުވަން ހުއްދަ ދީގެން ސްކޫލުތަށް ހިންގަން ދޫ ކުރާނީތޯ.
މެސީ1
10 October 2023
? މުސްލިމް ނަމެއްގަ، މިކަހަލަ ކޮމެންޓްތަކުން އެނގެނީ ލާދީނީ ބައިގަނޑެއް އުޅޭކަން
އިހްސާސް.
10 October 2023
މިއޮށް ޓެކްނޮލޮޖީގެ ޒަމާނުގައި މޫނު ބުރުގާ އަޅައިގެން ސްކޫލަށް ކިޔަވަންދިޔައިއްޔާ ކޮބާތަ މައްސަލައަކީ؟ ނިވާކަންކުޑަ ސޯޓާ ހެދުން އަޅުވައިގެން އަންހެން ކުދިން އެހެން ސްކޫލުތަކަށް ގެންދަން ހަމަ އޯކޭވޭ...
އާދަނު33
10 October 2023
މައްސަލައަކީ މޫނުފޮރުވޭތީ އަދި ކާކުކަން ނޭގޭތީ. އަދި އެއީ ދީނީ ގޮތުން އަންގަވާފައޮންނަކަމެއްކަންޔަގީނުންވެސް ނޭގޭކަމެއް.
އަރަބިއްޔާ ބެލެނިވެރިއެއް!
10 October 2023
ފޮޓޯ ނުބައި. މިހާރު އަރަބިއްޔާ ސްކޫލު ހިންގަނީ ކުރީގެ ދަރުމަވަންތަ ވަގުތީ އިމާރާތުގަ!