ކޭ ޕާކް އިމާރާތް ކުރާ ކުންފުނީގެ އެއް ހިއްސާދާރު މަންޑޭ: މަންޑޭގެ ޕާސްޕޯޓް ދޫކޮށްލަން ކޯޓުން އެންގުމުން ވަނީ ދޫކޮށްލާފައި.--
22 އޮކްޓޯބަރ 2023 - 15:42
9 comments
ހުޅުމާލޭގައި ހަދަމުން އަންނަ ކޭ ޕާކް ރެސިޑެންސްގެ ފްލެޓްތަކުގެ މައްސަލާގައި ހިންގާ ޖިނާއީ ތަހުގީގު ފުރިހަމަކޮށް، ދައުވާ ކޮށްދިނުމަށް އެދި ޕްރޮސިކިއުޓާ ޖެނެރަލްގެ އޮފީހަށް ފޮނުވަން ކުރަންޖެހޭ ކަންކަން ކުރަމުން އަންނަ ކަމަށް ފުލުހުން މިއަދު ބުނެފި އެވެ.
ކޭޕާކުން ހެދި ފްލެޓްތަކުގެ އަދަދަށް ވުރެ އިތުރަށް އެތައް ބަޔަކަށް ތަންތަން ވިއްކައި މަކަރާއި ހީލަތް ހެދި ކަމަށް ބުނެ އެ ކުންފުނީގެ އެއް ޑިރެކްޓަރު ހަސަން މަމްދޫހު (މަންޑޭ) ހިމެނޭ ގޮތުން ހުށަހެޅި މައްސަލަ އަވަހަށް ނިންމައިދޭން ކޭޕާކްގެ އެޖެންޓް ހަންބޯ ކުންފުނިން ވަނީ އެދިފަ އެވެ.
ފުލުހުން ބުނީ ކޭ ޕާކް މައްސަލަ ޕީޖީ އަށް ފޮނުވަން "ކުރަންޖެހޭ މަސައްކަތްތައް ކުރަމުންދާ" ކަމަށެވެ. އެކަމަކު، އެކަމާ ބެހޭ ގޮތުން އިތުރު ތަފްސީލެއް ނުދެ އެވެ.
ކޭ ޕާކް އިމާރާތް ކުރަމުން އަންނަ ހަންބޯ ކުންފުނީގެ އެއް ހިއްސާދާރު ކަމަށްވާ ޝިއުން ޖިންގެ ފަރާތުން އެ ކުންފުނީގެ އަނެއް ހިއްސާދާރު މަންޑޭގެ މައްޗަށް ބޮޑެތި ތުހުމަތުތަކެއްކޮށް، ފުލުހުންނަށް މައްސަލަ ހުށަހެޅީ މިދިޔަ މެއި މަހު އެވެ.
އެ މައްސަލައިގެ ތުހުމަތަށް މަންޑޭ ހައްޔަރުކުރުމަށް ފަހު މިހާރު ދޫކޮށްލާފައި ހުރީ ޕާސްޕޯޓު ހިފެހެއްޓުމަށް ފަހުގަ އެވެ.
އެ ކުންފުނިން ބުނެފައި ވަނީ މަންޑޭގެ ފަރާތުން 100 އަށް ވުރެ ގިނަ މީހުންނަށް މަކަރާއި ހީލާތް ހަދައިގެން އޮޅުވާލުމުގެ ތެރެއިން އެޕާޓްމަންޓުގެ މުއާމަލާތް ކޮށްފައިވާ ކަމަށެވެ. ހަމްބޯ ކުންފުނިން ވަނީ އާބަންކޯއާ އެކު ވެފައިވާ އެއްބަސްވުމާ އެއްގޮތަށް މި އަހަރުގެ ނިޔަލަށް ތަނުގެ މަސައްކަތް ނިންމުމަަށް މަސައްކަތް ކުރަމުން އަންނަ ކަމަށް ބެސް ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަރުބާދު
23 March 2024
ޕޮލިސް، ސަރީއަތްނިމިފަ، މައްސަލަޕީޖީއައް ފޮނުވަންރެޑީވަނީ!. ޕީޖީ މަންޑޭގެ ކުރީގެ ކުށުގެރެކޯޑެއްނެތީމަ އަހަރުދުވަހުގެ ނަސޭހަތެއްގެ އެގްރީމެންޓްއަކައް ރެޑީވަނީބާ؟.
ޓިޔޫސްޑޭ
23 October 2023
ތިކަހަލަ ކިތަންމެ ކަމެއް. އާބަންކޯ އިން މިހާރުވެސް އެދަނީ ހިންގަމުން. ޖާހުފްލެޓް އިމާރާތް ވެސް 6 އަހަރުވީއިރުވެސް ނުހެދޭ. އަޑުއެހިން މިހާރު އެތަނުގަ ނުނިމި ހުރި ތަންތަން ހަދަން އާބަންކޯ އިން ހަވާލު ވެފަ ކޮންސަލްޓަންޓެއް ހަމަޖެއްސިވާހަކަ. އަހަނ ތަކުރާ!! ބަލާލިއިރު މިއީ ދުވަހަކުވެސް އެފަދަ ކަމެއް ކުރިބައެއްނޫން. ކޮންޕިއުޓަރު ވިއްކާ އައިޓީ މަސައްކަތްކުރާ ކުންފުންޏެއް. ކޮރޮޕްޝަން ހައްދުންނެއްޓިފަ.
އަލިފުޅު3
23 October 2023
ޕީޕީއެމް / ޕީއެންސީ / ޕީޕީއެމް-ޕީއެންސީ، މިއިން އެއްވެސް ވެރިކަމެއްގަ މަމްދޫހުގެ އެއްވެެސް މައްސަލައެއް ބެލޫނެ ކަމަކަށް ގަބޫލެއް ނުކުރެވޭ! ހުޅުމާލޭގަ އެޕާޓްމެންޓު އަޅަން އިތުރު ބިންތަކެއްވެސް މީނާ އަށް ލިބުން އައުލާކަން ބޮޑު.
ޗރފރޗގ
23 October 2023
އަލްހާނުމެން މުނީރުމެންގެ މައްސަލަ ޖެހޭ ބަލަން
ބޮޑުމީހާ
22 October 2023
ކޮންމެ މަހެއްގެ ދައުލަތުން މުސާރަ ނަގައިގެން ކީއްބާ މިކުރަނީ. ޖެނުއަރީން ފަށައިގެން ޑިސެމްބަރަށް އެއްވާހަކައެއް މި އަޑު އިވެނީ. މައްސަލަ ބަލަނީ، ފޮނުވަނީ، ނިމެނީ...
ކޮޅު ބަދަލުވީ މައްސަލަ ނިމުނީ.
22 October 2023
ކޭޕާސް މައްސަލަ ދެން ކުރިޔަކަށް ނުދާނެ. ކޭޕާސް ޖަރީމާ އަށް ފުރުސަތުހުޅުވާލިމީހުން އެނބުރި ބާރުތަކަށް ވަޑައިގެންފި. ދެން ސަޓަޑޭ އިން ފެށިގެން މަޑޭއާއި ހަމައަށް ފުރައިވީ.
ބަރުބާދު
22 October 2023
މިޔޮއް ހުރިހާދުވަހު ކޭޕާކް މައްސަލަ ޕާކްކޮއްފަ އޮވެފަ ކުއްލިޔަކައް މިއަދު ތިލަވީ އިބޫސޯލިހު އަޑީގަހުރެގެންތޯ؟.
ތަމީމު
22 October 2023
އިންތިހާބީ ރައީސްގެ އިންތިގާލީ ކޮމިޓީ އިން، އާބަންކޯ އަށް ހާއްސަ ކުރި ކޮމެޓީ މެންބަރެއް ތިޔައީ.. އާބަންކޯގެ ޑިވިޝަން ހެޑަކަށް، އައްޔަން ވެސް ކުރަން ނިންމާފައި އޮތީ.. ދެނޯ؟؟
ދޮން ހަސަނު
22 October 2023
ދެން ތިޔަކަން ވާނެހެނެއް ހިއެއްނުވޭ. ޑރ. މުޢިއްޒު ހޮވިގެން ޕީ.ޕީ.އެމް އޮފީސް ކައިރީ އެންވެ ތިބި މީހުންތެރެއިން މަންޑޭ އާއި އޭނަގެ އަންހެނުން ދެކުނިން. އަދި އާރބަންކޯއަށް ދިޔަ އިންތިގާލީ ކޮމިޓީގައި އޭނަގެ އަންހެނުން ހިމެނޭ. ފޮޓޯތައް ބައްލަވާ. އަޅުގަނޑުވެސް ހިތައް އެރި މަސްލަހަތު ފުށުއަރާމީހުން މުޢިއްޒު މި ފޮނުވަނީ ކީއްވެބާއޭ.