އަރަބިއްޔާގެ އާ އިމާރާތް އަޅަން ޖާގަ ތަނަވަސް އެހެން ބިމެއް ހަމަޖައްސައިފި

އާސިމާ ނިޒާރު، މިހާރު

21 ނޮވެމްބަރ 2023 - 19:06

އަރަބިއްޔާ ސްކޫލް އިމާރާތްކުރަން ހަމަޖެއްސި ބާ ޖަމާލުއްދީން ހުރި ބިމުގައި ޖަމާލުއްދީން ސްކޫލުގެ ކްލާސްރޫމްތަކެއް އަޅަން ނިންމައި، އަރަބިއްޔާ ސްކޫލުގެ އާ އިމާރާތް ޖާގަ ތަނަވަސް ބިމަކަށް ބަދަލުކުރަން ސަރުކާރުން މިއަދު ނިންމައިފި އެވެ.

ރައީސް އޮފީހުން ބުނީ އަރަބިއްޔާ ސްކޫލް ޒަމާނީކޮށް، ފުޅާ ދާއިރާއެއްގައި އަރަބި ތައުލީމު ދޭ މަރުކަޒަކަށް އެ ތަން ހަދައި، ތަނަވަސް ޖާގައެއްގައި އާ އިމާރާތް ހެދުމަކީ ރައީސް ޑރ. މުހައްމަދު މުއިއްޒު، ރިޔާސީ އިންތިހާބުގެ ކެމްޕެއިން ތެރޭގައި ވެވަޑައިގެންނެވި ވައުދެއް ކަމަށެވެ.

އެހެންވެ، ކުރީގެ ކުނިކޮށި ހުރި 381 ނަންބަރު ކޮށީގައި އަރަބިއްޔާ ސްކޫލުގެ އާ އިމާރާތް އަޅަން ނިންމައި، މި ސަރުކާރުގެ 100 ދުވަހުގެ ތެރޭގައި އެ މަސައްކަތް ފަށަން ނިންމާފައިވާ ކަމަށް އެ ވެބްސައިޓުގައި ބުންޏެވެ.

އަރަބިއްޔާ ސްކޫލުގެ އާ އިމާރާތް އަޅަން ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން އަމިން ކޮންސްޓްރަކްޝަން ކުންފުންޏާ ހަވާލުކުރީ ސެޕްޓެމްބަރު 29، 2022 ގަ އެވެ. ސެލެކްޓިވް ބިޑިންއަކުން، ޑިޒައިން އެންޑް ބިލްޑް އުސޫލުން އެ ސްކޫލު އަޅަން ހަވާލުކުރީ 420 ދުވަހުގެ ތެރޭގައި ނިންމާ ގޮތަށެވެ. ނަމަވެސް ކޮންޓްރެކްޓްގެ މުއްދަތު ހަމަވިއިރު، އެ ބިމުގައި ހުރި ބާ އިމާރާތްތައް ތަޅާލުން ފިޔަވައި އިތުރު އެއްވެސް ކަމެއް ނުކުރެ އެވެ.

އެޑިއުކޭޝަން މިނިސްޓަރު ޑރ. ޝަފީއު، "މިހާރު" އަށް މިއަދު އިންޓަވިއުދެއްވަނީ.-- ފޮޓޯ: ފަޔާޒު މޫސާ/ މިހާރު

އާ ސަރުކާރުގެ އެޑިއުކޭޝަން މިނިސްޓަރު، ޑރ. އިސްމާއިލް ޝަފީއު "މިހާރު" އަށް މިއަދު ދެއްވި އިންޓަވިއުގައި ވިދާޅުވީ އަރަބިއްޔާގެ އާ އިމާރާތް އަޅަން ކުރިން ނިންމި ސަރަހައްދަކީ ވަރަށް ދަތި ހިސާބެއް ކަމަށެވެ. އޭގެ އިތުރުން، ޖަމާލުއްދީން ސްކޫލުގައި ވެސް ޖާގައިގެ ދަތިކަން އޮތުމުން، އެ ބިމުގެ ބައެއްގައި އެ ސްކޫލުގެ ކްލާސްރޫމުތަކެއް އަޅަން ނިންމީ ކަމަށް ވިދާޅުވި އެވެ.

Arabiyyaa ge aa imaaraiy hadhan nufashaa ulhenikoh contract ge muhdhathu hama vejje

The most trusted news source in the Maldives

Mihaaru

"މިހާރު އަރަބިއްޔާއަށް އެލޮކޭޓްކޮށްފައިވާ ބިމުން ޖާގަތަކެއް ޖަމާލުއްދީނަށް ލިބޭނެ. އަދި އަރަބިއްޔާއަށް ތަންކޮޅެއް ތަނަވަސް، ރަނގަޅު މަގަކުން ބިމެއް އެލޮކޭޓްކޮށް، އަޅުގަނޑުމެން އަރަބިއްޔާ އެޅުމުގެ މަސައްކަތް ކުރިއަށް ގެންދާނަން،" ޝަފީއު ވިދާޅުވި އެވެ.

އޭނާ ވިދާޅުވީ މި ސަރުކާރުގެ ފުރަތަމަ 100 ދުވަހުގެ ތެރޭގައި ސްކޫލު އެޅުމާ ގުޅޭ އިދާރީ ގިނަ މަސައްކަތްތައް ނިންމައި އަމަލީ މަސައްކަތް ފެށުމަކީ ސަރުކާރުގެ އަމާޒެއް ކަމަށެވެ.

ރާއްޖޭގައި ކުންފުނިތަކަށް ގާތްގަނޑަށް 18 މަސް ދުވަހާއި ދެ އަހަރާ ދޭތެރޭގައި ސްކޫލެއް އަޅައި ނިންމާލެވޭނެ ކަމަށް ޝަފީއު ވިދާޅުވި އެވެ.

މިނިސްޓަރު ވިދާޅުވި ގޮތުގައި މަޝްރޫއުތައް ނިންމާނީ އެކަމެއް ނިންމެން އޮތް އެންމެ ކުރު މުއްދަތެއްގަ އެވެ. އަރަބިއްޔާގެ އާ އިމާރާތް ވެސް، އެ އުސޫލުން 18 މަސް ދުވަހުގެ ތެރޭގައި ނިންމަން ޓާގެޓް ކުރާނެ ކަމަށް އޭނާ ވިދާޅުވި އެވެ.

ސްކޫލް އެޑިއުކޭޝަން މިނިސްޓްރީ އަރަބިއްޔާ ސްކޫލް ރައީސް ޑރ. މުހައްމަދު މުއިއްޒު ޑރ. އިސްމާއިލް ޝަފީއު (އެޑިއުކޭޝަން މިނިސްޓަރު)

49 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސްމޭޝ

23 November 2023

އަރަބި ތައުލީމެއް ނޫން ކޮންމެހެން މުހިންމީ އިނގިރޭސި ބަހުން ތައުލުމު ދީ ދުނިޔެއަށް ކުދިން ހޭލެއްވުން. އިނގިރޭސި ބަހުން އިސްލާމް ދީނުގެ މައުލޫމާތު މާ ފަސޭހައި ހޯދޭނެ ގޮތް އޮތީ ވެފައި.... ކޮންމެ ހެން އަރަބިއްޔާ އޭ ނުކިޔަސް ދީނީ ތައުލީމު ދޭން ހުރިހާ ސްކުލަކަށް ވެސް އަމާޒު ސާދީ ކުރެވެން ޖެހޭ! އަރަބިއްޔާ އޭ! މައުހަދޭ - މަޖީދިއްޔާ އޭކިޔާފައި މުޖުތަމިއުގައި ބައިބައިވުން އުފައްދަން ޖާގަ ދީގެން ނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްމާ

23 November 2023

ޖަމާލުއްދީނު ވެސް އިތުރަށް ބޮޑުކޮށްގެން މެނޭޖުކުރަން އުނދަގޫވާނީ... އައު ސްކޫލެއް އެޅުން މާ ރަނގަޅުވާނެ. އިސްކަންދަރާއި ޖޭއެސް ވެސް ޖެހެނީ ކޮންމެ ސްކޫލެއް ދެ ސްކޫލަށް ބަހާލަން. މާ ކުދިން ގިނަވެ މެނޭޖުނުކުރެވި އެދަނީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމާލުއްދީން

23 November 2023

ރައީސް ޔާމިން ސަރުކާރުގައި ބާޖަމާލުއްދީން ޖަމާލުއްދީނަށް ދޭން ނިންމާފައި އޮތީ! އޭރު ހުންނެވީ ޑރ.އާއިޝަތު ޝިހާމް. އެތާ ތިބި ބަޔަކު އޭރު ބުނެ ބުނެ ހުސްކޮށްނުދިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރަބިއްޔާ ޕޭރެންޓ

23 November 2023

އަލްޙަމްދުލިއްލަހި. ވަރަށް ދުވަސް ވަންދެން އިސްލާމީ ތަޢުލީމު މި ފަސްގަނޑުއް ފޮހެލުމަށް ބަޔަކު މަސައްކަތް ކޮށްފި. ނަމަވެސް ކާމިޔާބެއްނުވި. ބެލެނިވެރިންނާއި ކުރިން ވަރަށް ސަފަރ ކޮށްފި. ބެލެނިވެރިންނާއި ކުދިން އިސްލާމީ ތަޢުލީމަށް އޮތް ލޯތްބެއްގެ ބޮޑު ކަމުން އެކަން އެމީހުނަށް ކާމިޔާބު ނުވީ. ވަރަށް އުފާވެއްޖެ. މުއިއްޒުއަށް ހުރިހާ ކަމެއްގައިވެސް ހެޔޮވިސްނުން ދެއްވާ ކާމިޔާބު ދެއްވާށި. އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރާބަރު

23 November 2023

ޢަރަބިއްޔާ ޕޭރަންޓުން އެހެން ސްކޫލްތަކުގެ ޕޭރަންޓުންނާ ވަރަށް ތަފާތު. ސާބަހޭ ކުރާ ހިތްވަރަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީފްްް

22 November 2023

ވަރަށް އުފާވެރި ހަބަރެއް. އެކުދިން ކިޔެވުމަށް ރަނގަޅު މާހައުލެއް ވީހާވެސް އަވަހަށް ފޯރުކޮއްދޭންޖެހޭ. ޑރ. މުއިއްޒަކީ ބަހުގައި ހިފަހައްޓާ ކަންކަން ކުރުމުގެ ގާބިލްކަން ހުރި ބޭފުޅެއް. އަރަބިއްޔާ ސްކޫލް ވަރަށް އަވަހަށް އެހެން ސްކޫލް ތަކެކޭ އެއްފަދައިން ހިންގަން ފެށޭނެ ކަމާމެދު އެއްވެސް ޝައްކެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަތާޝާ

22 November 2023

ވަރަށްވެސް ރަނގަޅު ނިންމުމެއް. އަރަބިއްޔާ ކުދިން ކިޔެވުމަށް ޖާގަ ތަނަވަސް ފެންވަރު ރަނގަޅު ސްކޫލެއް އިމާރާތް ކުރުން އެއީ ވަރަށް މުހިންމު ކަމެއް. އެކުދިންނަށް އުފާވެރިކަމާއެކު ކިޔެވޭނެ މާހައުލެއް ރައީސް ހޯއްދަވާ ދެއްވާނެކަން ޔަގީން. ޝުކުރިއްޔާ ރައީސް.