03 ޑިސެމްބަރ 2023 - 07:21
32 comments
ފާއިތުވި އަހަރުތަކުގެ ތެރޭގައި ހުޅުމާލޭގެ އާބާދީ އެތައް ގުނައެއް އިތުރުވެފައިވާތީ އަވަސް ހައްލަކަށް ދިއުމަށް ވެސް މި ވަގުތު އިތުރު ހަތަރު ސްކޫލު ބޭނުންވާ ކަމަށް އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެއްޖެ އެވެ.
މަގާމާ ހަވާލުވެވަޑައިގަތުމަށްފަހު، މިދިޔަ ހަފުތާގެ އަންގާރަ ދުވަހު "މިހާރު" އަށް ދެއްވި އިންޓަވިއުގައި މިނިސްޓަރު ވިދާޅުވީ މާލެ ސަރަހައްދުގެ ސްކޫލުތަކުގެ ޖާގައަށް އަންނަ ބަދަލުތައް މިނިސްޓްރީން މީގެ ކުރިން މޮނީޓާކުރި ކަމަށެވެ. އެއާއެކު، އެކަމަށް ނަގަންޖެހޭ ފިޔަވަޅުތައް މީގެ ކުރިން ނަގައި، އާބާދީ އިތުރުވަމުންދާތީ ހުޅުމާލޭގައި ސްކޫލުތައް ވެސް އަޅަމުންދިޔަ ކަމަށް އޭނާ ވިދާޅުވި އެވެ.
ނަމަވެސް، މި ވީ މުއްދަތުގެ ތެރޭގައި ހުޅުމާލޭގެ އާބާދީ އެއް ފަހަރާ އެތައް ގުނައަކުން އިތުރުވެފައިވިޔަސް، އެކަމަށް އެޑިއުކޭޝަން މިނިސްޓްރިން ރިއާޔަތްނުކުރުމަކީ ޕޮލިސީ ވޭކްނެސް އެއް ކަމަށް ޝަފީއު ވިދާޅުވި އެވެ.
"އަޅުގަނޑު ގަބޫލުކުރަނީ އެކަށީގެންވާ ގޮތުގައި ޕޮލިސީ ލެވެލްގައި ރިއާޔަތްކުރިނަމަ، އަޅުގަނޑުމެންނަށް އެބަފެނޭ ޕޮލްކޯ ނިމެނީކަން، ސިފްކޯ ނިމެނީކަން، ހިޔާ ފްލެޓު ނިމިއްޖެކަން އަދި ވިނަރެސް ފްލެޓު މިހާރު ދިނުމުގެ މަރުހަލާގައި ކަން ހުރީ.. އެހެން ނަމަ އެކަށީގެންވާ އަދަދަށް އަޅުގަނޑުމެންށް ސްކޫލު ބިނާކުރުމުގެ މަސައްކަތް ކުރެވޭނެ. އެއީ ހަމަ ވަރަށް ބޮޑު ގޮންޖެހުމެއް،" މިނިސްޓަރު ވިދާޅުވި އެވެ.
އެޑިއުކޭޝަން މިނިސްޓަރު ޑރ. ޝަފީއު، މިދިޔަ ހަފުތާގައި "މިހާރު" އަށް އިންޓަވިއު ދެއްވަނީ.-- ފޮޓޯ: ފަޔާޒު މޫސާ/ މިހާރު
"އަޅުގަނޑަށް ގަބޫލުކުރެވެނީ މިހާރުން މިހާރަށް ވެސް ހުޅުމާލޭގައި އެންމެ ފަހުން ބިނާކުރެވުނު އިމާރާތުގެ ހަތަރު ސްކޫލު ބިނާކުރަންވާނެ އިމެޑިއެޓް ހައްލަކަށް ދަންޏާ ވެސް."
މިނިސްޓަރު ވިދާޅުވީ ހުޅުމާލޭގައި މި ފަހުން ހުޅުވި ތިން ސްކޫލުގައި ވެސް ފުރަތަމަ ކިޔަވައިދޭން ފެށީ އެއް ދަންފަޅިއަށް ކަމަށެވެ. އެއީ، ކުރީގެ ރައީސް އަބްދުﷲ ޔާމީންގެ ސަރުކާރުން ހެދި ރެހެންދި ސްކޫލާއި ހުރަވީ ސްކޫލު އަދި ނިމިދިޔަ ސަރުކާރުން އެޅި ސަލާހުއްދީން ސްކޫލެވެ.
އެ ސްކޫލުތަކުގެ ތެރެއިން މި ވަގުތު އެއްދަންފަޅިއަށް ކިޔަވައިދެނީ ސަލާހުއްދީންގައި އެކަންޏެވެ. ޖާގައިގެ ދަތިކަމާ ހެދި ހުރަވީ އަދި ރެހެންދި ސްކޫލު ވަނީ ދެ ދަންފަޅިއަށް ބަދަލުކޮށްފަ އެވެ.
މިނިސްޓަރު ވިދާޅުވީ ހަތަރު ސްކޫލަކީ އެންމެ އެކަށީގެންވާ އަދަދެއް ވެސް ނޫން ކަމަށެވެ. އެކަމަކު، 1،200 އެއްހާ ކުދިންގެ ޖާގައިގެ ސަލާހުއްދީން ވަރުގެ ހަތަރު ސްކޫލުން، ހުޅުމާލޭގައި މިހާރު ހިންގާ އެހެން ސްކޫލުތަކުގެ ޖާގައަށް އުނދަގޫނުކޮށް، މި ވަގުތަށް ފުއްދާލެވޭނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޯންގޭ
04 December 2023
ކިހިނެއްތަ ސްކޫލް އަޅާނީ އެދިޔައީ ހުޅުމާލޭގަ އޮތިއްޔާ އޮތް ހުސް ބިންކޮޅެއް އައުވާނުންނަށް ބަހާލާފަ. ދެން ކޮންކަމެއް ކިޔާކަށް.
ސުކޫލުތައްއަޅާ
03 December 2023
ސުކޫލުތައް އަޅާށޭ. ތިތިބީ ވެރިކަމުގައޭ. އެސަރުކާރޭ މިސަރުކާރޭ ކިޔައިގެން ބޮޑެތިހައި ކަރާ ނުފަޅާށޭ.
ނަރީޝް
03 December 2023
އިސްކޫލް ސަރަހައްދު މަގުތައް ބަލަހައްޓަން ދުވަސްވީ މީހުން ބައިތިއްބަންވީ. މިހާރު އެސަހަރު މަގުތަކުގައި މީހުން ބެލުމެއްނެތި ހުރަސްކުރަނީ އަދި ސައިކަލާއި ކާރުތައް ސްޕީޑްގައި ދުއްވަނީ. އެއްވެސް ރައްކާތެރިކަމެއްނެތް ކުޑަކުދިންނަށް. އަދި ހަމަ އެފަދައިން ފަޔާ ޑްރިލްވެސް އެބަޖެހޭ ހަދަން.
ޝޯމޭން
03 December 2023
ސްކޫލްވެސް 25 ބުރިއަށް އަޅާބަލަ. އޭރުން އެކަތިން ވާނެ.
މުންމިން
03 December 2023
4 ސްކޫލް ތެރެއިން އެއް ސްކޫލް އޯޝަން ފްރަންޓް ކައިރިން އަޅާ އެއޮތް ނިމުނީ. އެގިލައްވާތޯ؟ ކަންބޮޑުވީ އޭލެވެލް ކިޔަވާ ކުދިން ހުޅުމާލެ އަށް ކިޔަވަންދާން ޖެހުނީމާ. އެކަމަަކު 4 ސްކޫލް އަޅާ ކިޔަވާ ނިމޭ ކުދިން އޭލެވެލް އަށް މާލެއަށް. ދެން ކުރީ ސަރުކާރޭ ނުކިޔާ. ދެން ކޮންމެ ހިނދުކޮޅަކު ކުރީ ސަރުކާރޭ ގޮވާކަށެއްނޫން ރައްޔިތުންގެ ފައިސާ އިން މުސާރަ މިދެނީ. އެހެން ލަވައެއް ކިޔާ.
ވަލީދުބެ
03 December 2023
މިޒަމާނުގާވެސް ދިވެހިން މިއުޅެނީ ތަޖުރިބާ ދަތުރެއްގަ. އާބަންކޯ ވިސްނުން ހުރީ ހަމައެކަނީ ފުލެޓް އަޅައި ބިންވިއްކުމަށް. ޕާރކިން އޭރިޔާއާ މިސްކިތާ ސްކޫލާ ބަސްސްޓޮޕްއާ މައިދުއްވުންތަކުގެ މަގުތަކާ ފިއުޗަރ ޓްރާންސްޕޯޓްގެ ޕްލޭނާ ހޮސްޕޓަލާ ބިޒްނަސް އޭރިޔާ އަކީ އެމީހުންގެ ވިސްނާކަމެއްނޫން.
ލޯންގޭ
04 December 2023
ބަލަ އެތަންތަށް ވިއްކައިގެންދޯ ކިރިޔާ މި ގައުމު ހިންގާލެވުނީ. ހޮޅި ވާހަކަ ނުދައްކަބަލަ.
އިހްސާސް..
03 December 2023
މިނިސްޓަރު އަވަދިނެތި ތިޔައުޅުއްވަނީ ކުރީގެ މީހުން އެހެންނޭ މިހެންނޭ ކިޔުމުގައިތޯ؟ ވީއެއްޗެއް ވެނިމިފައެއޮތީ. އެވާހަކަ ދެއްކުމަށްވުރެ މިހާރުން މިހާރަށް ހައްލުހޯދަންވީ. މީގެއިތުރުން އިސްލާމިކް މިނިސްޓަރަށް އެނގޭބާ ހުޅުމާލެ 2 ގައި ކިތައް މިސްކިތް ހުރިކަން. މިހާރު އަމިއްލަ ބަޔަކު އަޅާ ދެމިސްކިތްވެސް ހަދަނީ ކުދިކޮށް 2 ބުރި ގޮތަށް. މީގެ ބަދަލުގައި ބޮޑު ޖަމާއަތެއް އެއް ބުރީގައި ހެދޭ ގޮތަން މިސްކިތް ބިން އޮތްތާ ހެދެންވާނެ.
މުދިންބެއްޔާ
03 December 2023
ބަލަގަ، އާބަނުކޯއަކަށް ނުދެވޭނެ ދޯ ކަލޭމެން ބޭނުންހާ ބޮޑުމިނެއްގެ ބިމެއް ހިލޭސާބަހަށް
ލޯންގޭ
04 December 2023
ކޮންތާކުތޯ ތިޔަ ބުނާ ތަންތަން އަޅނީ. ނުވިތާކަށް ތި ދިޔައީ ވިނަރެސް ކައިރިން އަޅަން އިން ކުދިން ކުޅޭ ޕާރކް ގެ ބިންކޮޅު ވެސް އައުވާނުންނަށް ބަހާ ހުސްކޮއްލާފަ
ކަބުރު
03 December 2023
މާލޭގެ އާބާދީއާ އެއްވަށް މާލޭގަވެސް ސްކޫލެއް ނެތެވެ. ދެތިން ދަންފަޅިއަށް ކިޔަވައިދީގެން ސުކޫލް ހިންގުމަކީ މިޒަމާނުގަ މީހުން ކަންކުރާ އުސޫލެއް ނޫނެވެ. ޔާމީނު ސަރުކާރު ނިމުނީ ތިޔަ ވިދާޅުވާ ހިޔާފުލެޓާއި ސިފްކޯއާއި ޕޮލްކޯއާއި ވިނަރެސްއާ ތަންތަން އަޅަމުން ދަނިކޮށެވެ. އެކަމަކު ސްކޫލެއް މިސްކިތެއް ހޮސްޕިޓަލެއް އަޅާކަށް ނުފަށެވެ. އެފަދަ ޕްލޭނެއްވެސް މަސައްކަތެއްވެސް ނުކުރެއެވެ. ކުރީ ސަރުކާރުގެ ބޮލަށް ހުރިހާ ކަމެއް ޖަހާލައިގެން ކިހިނެތް ތިކަން ކުރާނީ
ހުމާމް
03 December 2023
ވ. ބޮޑު ތެެދެއް. ދިވެހިން ވ. ހަނދާން ބަލިވާނެ. މި މިނިސްޓަރު އޭރުގައިވެސް އިސް މަގާމެއްގައި ހުރި. މީނާގެ ޒިންމާ އަދާ ކުރިބާ. ހަމަ ހައްތާވެސް ލޮނޮބޮކި ތަކެއް.
ކޮލަމާހުއްޓާ
03 December 2023
ތޮއްޖެއްސުމުގެ ސިޔާސަތު ހުއްޓާނުލާހާ ހިނދަކު ތިކަމެއް ޙައްލު ނުވާނެ.
އާބަންކޯ
03 December 2023
މިދިޔަ ސަރުކާރުގައި ބިޑްކޮށް ކޮންޓްރެކްޓަރ ފައިނޭންސް ކޮށް ސްކޫލްއަޅަން ބަޔަކާ ހަވާލުކުރި. ޢެކަމަކު އަހަރެއް ވީރު އެސްކޫލް އަޅާބިން އެފަރާތާ ހަވާލު ނުކުރެވުނު! މިހާރުގެ ސަރުކާރަށް މިކަން އެނގޭބާ؟