އެޓާނީ ޖެނެރަލް އުޝާމް: ވަކިކުރި ފުލުހުންގެ އޮފިސަރުންގެ މައްސަލަ އަނބުރާ ގެންދަން ނުނިންމާ ކަމަށް ދައުލަތުން ބުނޭ --- ފޮޓޯ/ރައީސް އޮފީސް
12 ޑިސެމްބަރ 2023 - 15:21
15 comments
ޕޮލިސް ބޯޑުގެ ލަފައަށް ބިނާކޮށް ވަކިކުރި ފުލުހުންގެ އޮފިސަރުންގެ މައްސަލައިގެ އިސްތިއުނާފް ކުރިއަށް ނުގެންދަން ޕޮލިސް ބޯޑުން ނިންމިޔަސް، އެ މައްސަލަ އަނބުރާ ގެންދިއުމާ މެދު އެޓާނީ ޖެނެރަލްގެ އޮފީހުން ގޮތެއް ނުނިންމާ ކަމަށް އެ އޮފީހުން ހައި ކޯޓުގައި މިއަދު ބުނެފި އެވެ.
ޕޮލިސް ބޯޑުގެ ލަފައާ ގުޅިގެން ފުލުހުންގެ ވަޒީފާއިން ވަކިކުރީ އެސިސްޓެންޓް ކޮމިޝަނާ އޮފް ޕޮލިސް މުހައްމަދު ޖަމްޝީދާއި އެސިސްޓެންޓް ކޮމިޝަނާ އޮފް ޕޮލިސް އަހުމަދު މުހައްމަދާއި ޗީފް ސުޕްރިޓެންޑެންޓް އޮފް ޕޮލިސް އަބްދުﷲ ޝަރީފްގެ އިތުރުން ސުޕްރިޓެންޑެންޓް މުހައްމަދު ދާއޫދާއި ސުޕްރިޓެންޑެންޓް އިސްމާއިލް ޝަމީމެވެ. އެ އޮފިސަރުން ވަކިކުރަން ނިންމި ނިންމުން ސިވިލް ކޯޓުން ބާތިލްކުރި މައްސަލަ ކުރީގެ ސަރުކާރުގައި އޮތީ ހައި ކޯޓުގައި އިސްތިއުނާފް ކޮށްފަ އެވެ.
ހައި ކޯޓުގައި މިއަދު ބޭއްވި އަޑުއެހުމުގައި ޖަމްޝީދާއި އަހުމަދު މުހައްމަދުގެ ވަކީލުން ވިދާޅުވީ އެ މައްސަލަ އިސްތިއުނާފް ކުރަން ދައުލަތުން ހުށަހެޅީ ފުލުހުންގެ ފަރާތުން އެދިގެން ނޫން ކަމަށް ފުލުހުން ބުނާއިރު އެ މައްސަލަ ކުރިއަށް ގެންދަން ބޭނުންނުވާ ކަމަށް ޕޮލިސް ބޯޑުން އަންގާފައިވާ ކަމަށް ވަކީލުން ވިދާޅުވި އެވެ.
ނަމަވެސް ދައުލަތުން ބުނީ އެ މައްސަލަ އިސްތިއުނާފްކުރީ މިދިޔަ ޖެނުއަރީ މަހު ޕޮލިސް ބޯޑުން ދިން ލަފާގެ މަތިން އަދި އެޓާނީ ޖެނެރަލްގެ އޮފީހުގައި އަމަލުކުރާ އުސޫލުތަކުގެ ތެރެއިން ކަމަށެވެ.
ޕޮލިސް ބޯޑުން އެ މައްސަލަ އަނބުރާ ގެންދަން މިހާރު ބޭނުންވާއިރު، އެކަމާ މެދު ގޮތެއް ނިންމާފައިވޭތޯ ބެންޗުން ސުވާލު ކުރެއްވުމުން ދައުލަތުން ބުނީ އެކަމާ މެދު ގޮތެއް ނުނިންމާ ކަމަށެވެ.
ޕޮލިސް ބޯޑުން ބޭނުން ނުވިޔަސް، ދައުލަތަށް މައްސަލަ އިސްތިއުނާފް ކުރެވިދާނެތޯ ބެންޗުން ސުވާލު ކުރެއްވުމުން ދައުލަތުން ބުނީ ބަލަންޖެހޭ ކަންކަމަށް ފަހު އެގޮތަށް އަމަލު ކުރެވިދާނެ ކަމަށެވެ. އަދި އެހެން އިދާރާތަކުގެ ލަފާ ހޯދިޔަސް، ފަހުގެ ނިންމުން ނިންމާނީ އެޓާނީ ޖެނެރަލް ކަމަށް ދައުލަތުން ބުންޏެވެ.
ޖަމްޝީދާއި އަހުމަދު މުހައްމަދުގެ ވަކީލުން ވިދާޅުވީ ކަމާބެހޭ އިދާރާތަކުން އެ މައްސަލަ ކުރިއަށް ގެންދަން ބޭނުން ނުވަނީސް، އެ މައްސަލަ ކުރިއަށް ގެންދަން އެޓާނީ ޖެނެރަލްގެ އޮފީހަށް ނުނިންމޭނެ ކަމަށެވެ.
އެ މައްސަލަ ހައި ކޯޓުގައި އޮތުމުން ސިވިލް ކޯޓުގެ ހުކުމަށް އަމަލުކުރުން ފަސްކުރަން ހައި ކޯޓުން ކުރިން އޮތީ ވަގުތީ އަމުރެއް ނެރެފަ އެވެ. އެ އަމުރު ބާތިލްކުރަން ޖަމްޝީދާއި އަހުމަދު މުހައްމަދުގެ ފަރާތުން ހައި ކޯޓުގައި އެދުނެވެ.
އެ ދެ ބޭފުޅުންގެ ވަކީލުން ވިދާޅުވީ ވަކިކުރަން ނިންމި އޮފިސަރުންގެ ތެރެއިން މިވަގުތު ފުލުހުން ވަޒީފާ ނުލިބި ތިބީ ޖަމްޝީދާއި އަހުމަދު މުހައްމަދު އެކަނި ކަމަށާއި އެކަމުގެ ސަބަބުން އެ މީހުންގެ އާމްދަނީއަށް ހުރަސް އެޅިފައިވާ ކަމަށެވެ.
ނަމަވެސް ދައުލަތުން ބުނީ އަމުރު މުރާޖައާކުރަންޖެހޭ ހާލަތެއް ނެތް ކަމަށެވެ.
ފަނޑިޔާރުންގެ ބެންޗުން ވިދާޅުވީ އަމުރު މުރާޖާ ކުރުމަށްފަހު ނިންމާ ނިންމުން ލިޔުމުން އަންގަވާނެ ކަމަށެވެ.
ހައި ކޯޓުން އެ މައްސަލަ ބައްލަވަނީ ފަނޑިޔާރު ހަސަން ޝަފީއު އާއި އިސް ފަނޑިޔާރު ހުސައިން ޝަހީދުގެ އިތުރުން ފަނޑިޔާރު މުހައްމަދު ސަލީމެވެ. ބެންޗުގެ ރިޔާސަތު ފަނޑިޔާރު ޝަފީއު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
6000
13 December 2023
ނުބައި މަކަރުވެރި ރޭވުންތަކެއްގެ ތެރެއިން 24 ކަމިޝަނަރ އަކަށް ގެންނަން ހައިކޯޓުން ކުޅޭ ޑްރާމާއެއް. އެއްބަޔަކު ވަރަށް ފަހުރުވެރިކަމާއިއެކު މީގެ ހަފްތާއެއް ކުރިން ބުނަންފަށައިފި ކޯޓުގައި މައްސަލަ ތާވަލްކުރާނެ ވާހަކަ އަދި އޭޖީ އުޝާމްގެ ނަން ހަރާޤބުނުވާނެ ގޮތަށް އޭނާ އޭގެން ނެއްޓި، ހައިކޯޓުް މެދުވެރިކޮށް އެކަން ކުރާނެ ވާހަކަ. ބައްލަވާ އިއްޒަތްތެރި ފަނޑިޔާރު ޝަހީދު. މިއި އިންސާފުތޯ؟ ނަން ކިޔާފަ އެބަބުނޭ މިވެނި ފަނޑިޔާރަކު މިމައްސަލަ ނިންމާނެކަމަށް.
މަޖިލިސް.
13 December 2023
މިއަދު ނޫނީ މާދަމާ ހައިކޯޓުން 24 އަދި ޖަންބޭ އޮފީހަށް ނެރެން ހުކުމްކުރާނެ.. އަންނަ ހޯމަ ފުވަހު 24 ކަމިޝަނަރ ކަމަށް އައްޔަންކުރާނެ. ޢޭޖީ އޮފީހުން ތިމަންނަމެން ސްޓޭންޑް ދިފާއުކުރީމެ ބުނާނެ. ޙަގީގަތަކީ ހައިކޯޓް ރިސެސްގައި އޮއްވައި މި ޑްރާމާ މިކުޅުނީ އެންމެން ގުޅިގެން. ވަކިމީހަކު ރުއްސަން. ދެން މިގައުމަށް ވާގޮތްބަލާ.
ޅޮސް
13 December 2023
މަކަރުވެރި ސަރުކާރެއް. އުފެދުނީވެސް މަކަރާއި ހީލަތުން. މިމީހުންގެ ބޭނުމަކީ ފުލުހުންގެ މުއައްސަސާ މުޅިން ހަލާކުކޮށްލުން.
ކުރޮޅި ކަތީބު
13 December 2023
މިހާރު ފުލުހުންގެ އޭސީޕީ ރޭންކްގައި ތިބި ފުލުހުންގެތެރޭގައި ސަލާމަތުންތިބި އެއްވެސް ފުލުހަކު އެބަހުރިބާ ހުރިހާ އޭސީޕިންނަކީވެސް ތި ސިފައިނއގޭގައި ތިބި ބްރިގޭޑީއަރ ޖެނެރަލުންހެން ކްރޮޕްޓް ފަސާދަ އަދި ތަފާތުކުރުންތައް އެހާ ބޮޑަށް ގެންގުޅޭ ބައެއް / އަލަށް ވގގގގގ ރޭންކް ޖަހައިގެންވެސް އޭސީޕީންނަށާއި ބްރިގޭޑިއަރ ޖެނެރަލުންނަށް އިބްރާޙިމް ސަރުކާރުންވަނީ ހަދާފައި މީވެސް އިބްރާޙިމްހގެ ޖަރީމާ ފޮރުވަންވެގެން ޖަހާފައިހުރި މަޅިތައް މި ކޮމެންޓް ޖަހާދޭތި
އަލީސުޖާއު ސާކިރުސޯ ގެ ފަރާތުން
12 December 2023
އެ އޮފިސަރުންގެ ފޮޓޯތައްވެސް ޖެހީމަ ދޯ ރައްޔިތުންނަށް ވާނުވާސާފުވާނީ.
ރަބަރ ސްޓޭމްޕް
12 December 2023
ޕޮލިސް ބޯޑަކުން ނުނިންމާ މައްސަލަ އަނބުރާ ގެންނާކަށެއް. އެކަންކުރީ ވަކިގޮތަކަށް ނިންމުންތައް އޮޅާލަމް އެކުލަވާލި ރަބަރ ސްޓޭމްޕް ބޯޑުން. ކުރީގެ ޕޮލިސް ބޯޑަށް ފުލުހެއްގެ ހައިސިއްޔަތުން ސެލިއުޓް ކުރަން.
މުރާ ޖަޢާ
12 December 2023
ޕޮލިސް ބޯޑުން މަޤާމުން ވަކިކުރަން ނިންމި 7 މީހުންގެ ތެރެއިން 5 މީހުން ވަޒީފާއިން ވަކިނުކޮށް ވަޒީފާގައި، 24 އާއި ޖަމްޝީދު ވަޒީފާއިން ވަކިކޮށްލާފައި، މިއަށްވެސް ކިޔަނީ އިންސާފްތަ؟ އޮޅިއްޛެ މިވަރުންވެސް އަމުރު މުރާޖައާ ކުރަންޖެހޭ ހާލްތެއް ނެތޯ އޭ ޖީ މިބުނަނަނީ، ކިހާވަރެއްވީމާ ތިބުނާ ހާލަތު އުފެދޭނީ. އަޅެ މީ ގަމާރެއްތަ. ވަރަށް ސަލާން
އެމް ސީ
12 December 2023
24 އާއި ޖަމްޝީދު ތަފާތުގޮތަކަށްފުލުހުންގެ ވަޒީފާއިން ވަކިކުރީ މި އުޝާމުގެ ލަފާގެ ދަށުން، ޢަބްދުﷲ ރިޔާޒާއި، މަންނާނު ގެ ރޭވުމުގެތެރެއިން. އެހެންވީމާ މިކަމުގައި މީނާ އިންސާފުވެރިކަމެއް ނުގެންގުޅޭނެ. މީނާއަށް އެނގޭބާ ކަނޑާލަން ނިންމި އެހެންމީހުން ތިބީ މިހާރުވެސް ވަޒީފާގައިކަން. މުއިއްޒޫ ހެޔޮނުވާނެ މި އުޝާމު އޭ ޖީކަމުން ވަގުތުން ވަގުތައް ވަކިކުރޭ. އެހެން ނޫނީ ވަރަށްްްް ޖެއްސުން ކުރާނެ. މީ ކޮރަޕްޝަން ހިންގަން އުޅޭ ސޮރެއް.
1026
12 December 2023
މިކަލޭގެ ކޮމިޝަނަރަކަށް ނުހެދިގެން ދޯ މިއުޅެނީ
ފަޔާޒް
12 December 2023
މީނާއަކީ އެޓަރނީ ޖެނެރަލްކަން ކުރެވޭފަދަ ޤާބިލްކަމެއް ހުރިމީހެއްނޫން، ކަމެއް ދިމާވާއިރަށް މީހާ އިންނާނީ ބުރާންތިއަރާފައި. މީނާ ރަނގަޅުވާނީ ވަޑާންކުރަން.
ފާތުން
12 December 2023
މީނާ އަންނަ ދައުރުގާ މަޖިލީހަށް ނުހޮވޭނެތީ އަވަހަށް ރައީސު މުއިއްޒުއަށް ދަޅަ ދައްކައިގެން މަޤާމެއް ދަމައިގަތީ، މީނާ ހަދާނީ އަބުދުﷲ ރިޔާޒް ބުނާގޮތެއް. މީނާއަކީ އިންސާފުގެ ކުނޑިފަށެއްވެސް ހުންނަ މީހެއްނޫން.