ހެލްތު މިނިސްޓްރީ ކައިރިން ލާފައި މީހަކު ހިނގާފައި ދަނީ.-- ފޮޓޯ: ފަޔާޒު މޫސާ/ މިހާރު
25 ޖެނުއަރީ 2024 - 10:22
43 comments
ހެލްތު މިނިސްޓަރު ޑރ. އަބްދުﷲ ހަލީލްގެ އުފަން ރަށް، ފ. ނިލަންދޫގައި ހުންނަ އަތޮޅު ހޮސްޕިޓަލަށް ވިހަން ގެންދިޔަ މީހަކަށް ދޭން ޖެހުނު ބޭހެއް އެ ރަށަކު ނެތެވެ. ކައިރި ރަށަކުން ވެސް އެ ބޭހެއް ލިބޭކަށް ނެތެވެ. އަނެއްކޮޅުން މީހާގެ ހާލު ސީރިއަސްވަނީ އެވެ. ނިލަންދޫގައި ވެސް އިތުރަށް މަޑުކުރެވޭކަށް ނެތެވެ. އެ ފަރުވާއަށް ބޭނުންވާ ބޭސްގުޅައިގެ އަގަކީ އެންމެ 10ރ. އެވެ. އެކަމަކު، އާސަންދައަށް އެ ފަހަރު ޖެހުނީ 10ރ. ގެ ބޭސް ގުޅައެއް ނެތިގެން، 30،000ރ. ހަރަދުކޮށްފައި އިތުރު ފަރުވާއަށް މާލެ ގެންނާށެވެ.
ފަސޭހައިން ބޭސް ފޮނުވޭނެ ގޮތްތަކެއް ހުރި ނަމަ، މިއީ، ހަމަ ގައިމު ވެސް ނުކޮށް ފަރުޖެއްސޭނެ ހަރަދުތަކެކެވެ. އެކަމަކު، ރާއްޖޭގެ ރަށްތައް ބެހިފައިވާ ގޮތުން، ބޭސް ހޯދުމާއި ރަނގަޅު ސިއްހީ ފަރުވާއަށް ފަސޭހައިން އެކްސެސްވުމަށް އަދި ވެސް އެތައް ގޮންޖެހުންތަކެއް އެބަހުއްޓެވެ.
ޑްރޯން އިން ބޭސް ފޮނުވުމަކީ، ހަލީލް ވިދާޅުވި ގޮތުގައި، ދައުލަތުން ކުރާ އެތައް ހަރަދެއް ސަލާމަތްވާނެ މަގެކެވެ. އާ ސަރުކާރުން މިހާރު މަސައްކަތްކުރަމުން އަންނަނީ މި އަހަރުގެ ފުރަތަމަ ހަ މަސް ދުވަހުގެ ތެރޭގައި ޑްރޯން އިން ބޭސް ފޮނުވުމަށެވެ.
ރައީސް ޑރ. މުއިއްޒު، ހެލްތު މިނިސްޓަރު ހަލީލާ ސަލާމްކުރައްވަނީ.-- ފޮޓޯ: ރައީސް އޮފީސް
"ވަރަށް ބޮޑު ހަރަދެއް ކުރަން މި ޖެހެނީ 10 ރުފިޔާއަށްޓަކައި. އެ ނިޒާމު ބަދަލުކުރެވޭތޯ މި ބަލަނީ އަގުހެޔޮކޮށް، ތަންކޮޅެއް ފަސޭހައިން ބޭސް ވަގުތުން ވެސް ފޮނުވޭނެ ނިޒާމެއް. ޑްރޯންގެ ހިދުމަތް ކައިރި މުސްތަގުބަލެއްގައި އިރާދަކުރެއްވިއްޔާ އަޅުގަނޑުމެން ފަށާނަން. އަންނަ [މި] އަހަރުގެ ފުރަތަމަ ހަ މަސް ދުވަހުގެ ތެރޭގައި ފެށޭ ވަރަށް އެ މަސައްކަތް ގެންދެވޭތޯ އަޅުގަނޑުމެން މި މަސައްކަތްކުރަނީ." މިދިޔަ މަހުގެ ތެރޭގައި "މިހާރު" އަށް ދެއްވި އިންޓަވިއުގައި އޭނާ ވިދާޅުވި އެވެ.
ހަލީލް ވިދާޅުވީ ޑްރޯން ބޭނުންކުރަން ފެށުމުން، ބޭސް ހުސްވުމުން ދައުލަތުން ކުރާ ބޭކާރު ހަރަދުތައް ކުޑަކުރެވި، އެއިން ސަލާމަތްވާ ފައިސާ އެހެން ކަންކަމަށް ހަރަދުކުރެވޭ ކަމަށެވެ.
މި ފަހުން އޭނާގެ ސަމާލުކަމަށް އައި ކްރިޓިކަލް ތިން ކޭހެއްގެ ތެރެއިން، އެއް ކޭސްގައި ބަލި މީހާ އުފުލުނީ 36 ގަޑިއިރު ފަހުންނެވެ. އަނެކަކު 24 ގަޑިއިރުގެ ތެރޭގައި މާލެ ގެނެސްފި އެވެ. އެ ވަގުތު ކުޑަކުރުމަކީ އެންމެ އިސްކަންދޭ ކަންތައް ކަމަށް ވާތީ، ސަރުކާރުން ވަނީ އަންނަ މާޗު މަހުން ފެށިގެން އެއާ އެމްބިއުލާންސްގެ ހިދުމަތް ފަށަން ނިންމައިފަ އެވެ.
ފުރޮޅުލީ އަދި ސީ ޕްލޭންގެ ބޯޓާ އެކު ފަށާ ހިދުމަތުން، ފަސޭހައިން އަދި އަވަސް އަވަހަށް ބަލި މީހުން ފޮނުވާލެވޭނެ ކަމަށް އޭނާ ވިދާޅުވި އެވެ.
މިއީ، އޭނާ ވިދާޅުވި ގޮތުގައި، ސިއްހީ ނިޒާމް އޯވަހޯލްކުރުމުގެ އެއް މަސައްކަތެވެ.
މެޑިކަލް ޓޫރިޒަމް: މި ސަރަހައްދުގައި ފާހަގަކުރެވޭ ތަނަކަށް!
ހަލީލް ވިދާޅުވީ މެޑިކަލް ޓޫރިޒަމް ކުރިއެރުވޭނީ ރާއްޖޭގައި މިހާރު ލިބޭ ފަރުވާ އެތައް ގޮތަކުން ރަނގަޅު ކުރެވިގެން ކަމަށެވެ. އޭގެ ތެރެއިން، ވަކިވަކި ބަލިތަކަށް ހާއްސަ ހޮސްޕިޓަލް އަޅައި، އެ ތަންތަނުން ރަނގަޅު ފަރުވާ ލިބޭނެ ގޮތް ހަދައި ދުނިޔޭގެ ފެންވަރުގެ ސިއްހީ ފަރުވާ ދެވޭނެ މެކޭނިޒަމް ގާއިމްވުން ޕްލޭނުގައި ހިމެނޭ ކަމަށް މިނިސްޓަރު ވިދާޅުވި އެވެ.
އުނގޫފާރު ރީޖަނަލް ހޮސްޕިޓަލް.
މާލެ ސަރަހައްދުގައި އަޅާ ކެންސަރު ހޮސްޕިޓަލާއި ލ. ގަމުގައި ގާއިމްކުރަން ހަމަޖައްސާފައިވާ މެންޓަލް ހެލްތު ހޮސްޕިޓަލް އަދި ތެލެސީމިއާ ކުދިންނަށް ވަކި ހޮސްޕިޓަލެއް ހަދަން ވަނީ ނިންމައިފަ އެވެ.
އޭނާ ވިދާޅުވީ އެ ކަންކަމަށް ފަންޑު ހޯދުމުގެ މަސައްކަތް ކުރަމުން އަންނަ ކަމަށެވެ.
"ވަރަށް ހޯލިސްޓިކް އެޕްރޯޗަކުން ތަރައްގީކުރުމުގެ މަސައްކަތް ފެށިގެން މި ދަނީ." ހަލީލް ވިދާޅުވި އެވެ.
އެ ބަލިތަކުގެ އިތުރުން އަންހެނުންނާއި ކުޑަކުދިންނަށް ހާއްސަ ހޮސްޕިޓަލް އަޅަން ނިންމައި، އޭގެ ކޮންސެޕްޓް ޑިޒައިންކުރުމުގެ މަސައްކަތް ކުރަމުން އަންނަކަން ފާހަގަކުރެއްވި އެވެ.
"މަސައްކަތްތައް ނިމިގެންދާއިރު ރާއްޖެ އިރާދަކުރެއްވިއްޔާ ވެގެންދާނީ މި ސަރަހައްދީ ފެންވަރުގައި ވެސް ފާހަގަކުރެވޭ، ރާއްޖެއަށް މެޑިކަލް ޓޫރިޒަމަށް ވެސް އަންނަ ގައުމަކަށް. އެއީ ދުރު ރާސްތާގައި އަޅުގަނޑުމެން އަމާޒުކުރާ ފެންވަރަކީ ރާއްޖޭގައި ސިއްހީ ހިދުމަތް." މިނިސްޓަރު ވިދާޅުވި އެވެ.
ހދ. ކުޅުދުއްފުށި ރީޖަނަލް ހޮސްޕިޓަލުގައި ހެދި އާ އޯޕީޑީ އިމާރާތް.- ފޮޓޯ: ޖައުފަރު އަލީ | ކުޅުދުއްފުށި އޮންލައިން
ހަލީލް ވިދާޅުވީ މި ސަރުކާރުގެ ޕްލޭނަކީ ފަސް ސަރަހައްދެއްގައި ޓާޝަރީ ފެންވަރަށް ހޮސްޕިޓަލްތައް ގެނައުން ކަމަށެވެ. އޭގެ ތެރެއިން ބައެއް ތަންތަނުގައި ޓާޝަރީގެ ބޯޑު އެޅުވިއަސް އެ ފަރުވާ ލިބެން ނެތް ކަމަށް އޭނާ ވިދާޅުވި އެވެ. އެހެންވެ، އެކަށީގެންވާ ފަރުވާ ލިބޭނެ ގޮތްތައް ހަމަޖައްސައި، އެ ރަށެއްގެ ފެންވަރުން ޓެސްޓުތައް ހެދޭނެ ގޮތްތައް ހަމަޖެއްސުމަކީ އެއް ކަންތަކެވެ.
އެއް ޑޮލަރުން 16 ޑޮލަރު ސަލާމަތްވޭ
ރާއްޖޭގައި 2022 ގައި ހެދި ދިރާސާއަކާ ހަވާލަދެއްވައި ހަލީލް ވިދާޅުވީ ބަލިން ރައްކާތެރިވުމަށް ހޭދަކުރާ ކޮންމެ ޑޮލަރަކުން، ފަރުވާއަށް ހޭދަކުރަންޖެހޭ 16 ޑޮލަރު ސަލާމަތްވާ ކަމަށެވެ.
އެހެންވެ، ބަލި ޖެހުމުގެ ކުރިން އެކަމަށް ރައްކާތެރިވުމަކީ ވަރަށް އިސްކަންދޭނެ ކަމެއް ކަމަށާއި އޭގެ ތެރޭގައި ކަސްރަތަށް މީހުން ހޭލުންތެރިކުރުމާއި އުމުރުން ދުވަސްވީ މީހުންނަށް ދޭ ފަރުވާ ރަނގަޅުކުރުން އަދި ދުޅަހެޔޮ ދިރިއުޅުމެއް އުޅުމާއި ރަނގަޅު ކާނާ ކިޔައިދިނުމަކީ ވެސް އޭގައި ހިމެނޭ ކަމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަރުބާދު
26 January 2024
ތީދެން ބޮޑުފޭކް ސްޓޯރީއެއްދޯ؟. ކޮންމެދުވަހަކު ސްޕީޑްލޯންޗްތައް މާލެއިންދާރަށެއް 700 ވަރަކައްރުފިޔާއައް ޓިކެޓެއް ގަނެފަވެސް ބޭސްފޮނުވޭނެދޯ؟.
ނެތެއްނު
27 January 2024
ފެރީ ނިޒާމު ގާއިމުކޮށް ދަތުރުފަތުރު ފަސޭހަވެ ލޯންޗް ފަހަރާ މަތިންދާބޯޓާ ސީޕްލޭންގެ ދަތުރުތަކުން ކަނޑުމަތި ފުރޭއިރުވެސް ވީ ފަސޭހައެއް ހަމަ ނެތޭ.
ދުންމާރިހ
26 January 2024
ތިއަ ބޭސްގުޅަ ނެތިގެން ތިއަބުނާމީހާ ބަލައިދިޔަ އޮޑިއަށް ލެވޭވަރަށްވުރެ ބޭސްގުޅަ ބޮޑީތަ ނޫންނަމަ ބަލިމީހާ އެތަނުގަ ބާއްވާފަ ބޭސްގުޅަ ގެނައިނަމަ ދޯ
އަފްރާސިޔާބު
25 January 2024
އެއީކީ މައްސަލައެއްނޫން. ރާއްޖޭގެ ޒުވާނުންގެ އާބާދީގެ 33 ޕަސެންޓަކީ ވޭޕް ބުއިމަށް ދެވިހިފާފައިވާ ބައެއް. 95 ޕަސެންޓަކީ ސިގިރެޓް ދަމާ ބައެއް. ދުންފަތާއި ދުންފަތުގެ ބާވަތް ތަކުން ސަރުކާރު ހިންގަން ރަނގަޅު އާމްދަނީއެއްލިބޭ.
ށިނގިރޭޓް
25 January 2024
ސިނގިރޭޓް/ވޭޕް ހުއްޓުވަން މަސައްކަތް ކުރަން ނުވޭތޯ؟
ޑިސްއޮނަރަބަލް ޑީޑީ
25 January 2024
އެއް ޑޮލަރުން 16 ޑޮލަރު އެބަ ސަލާމަތްވޭ ޚަލީލުމެންގެ ތަހުލީލުން. އެހެނަސް ސަރުކާރު މަތިބަރުވެގެންގޮސް އެއްލައްކަ ޚަރަދުވާތަނަށް އެއްމިލިޔަން މިހާރު އެބަ ޚަރަދުވޭ. އަދުރޭ ބުނަނީ އަދިވެސް ކުރިއަށް އައްޔަންކުރުންތައް އޮތިއްޔޯ. ކޮންމެއަކަސް ދައްކަވާންހުރިތަނެއް ދައްކަވާނެ.
މެޑިކިސްސަރު
25 January 2024
މޮޅުއެއްޗެއް ކިޔިދާނެ. މާލެއަކީ ރާއްޖެތެރޭ މީހުންނަށް މިހާރުވެސް މެޑިކަލްޓޫރިޒަމްގެ ރަށެއް. މެޑިކަލް ޓޫރިޒަމް ކިޔާއިރު އެއްވެސް ސްޕެޝަލިޓީގެ ރެސިޑެންސީއެއް ރާއްޖޭގައި ނުހެދޭ. ޔުނިވަރސިޓީއާގުޅިފައިވާ ހޮސްޕިޓަލެއް ނުހުރޭ. އެހެންވެ ސްޕެޝަލިސްޓުންނެއްތާގަ ނުވެސް އުފެއްދޭ. އެކަންކުރަން ކިޔަވާކުދިން ދުނިޔޭގަ ހޭވެނީ. ބޭރުމީހުންލާގެން ކުރާވަރަކަށް ފައިސާއެއްނެތް.ބޭސްވެރިކަމުގެ ފަތުރުވެރިކުގައި ބޭރުމީހަކު ކުޅުދޫފުށްޓަށް ދާނެދުވަހެއް ހުވަފެނުންވެސްނުފެނޭ
އެކަމު
27 January 2024
ކުޅުދުއްފުށި ހޮސްޕިޓަލްގެ ފޮޓޯގަ ހާދަ ރީއްޗޭ އެތަން. ފޮޓޯ ނެގި މީހާގެ މޮޅުކަންތަ އެއީ؟
ބަޑިތަކުރު
25 January 2024
އެހެންވެޔޭ އަބަދުވެސް މިބުނަނީ ޖަޒީރާ ރާއްޖެއޭ ކިޔައިގެން ރީތި މޮޅު ނަންނަން ކިޔައިގެން މީހުން ހައްދައިގެން އެންމެ ކުޑަރަށުގައިވެސް ހުރިހާކަމެއް ފުރިހަމަވާންޖެހޭނޭ ކިޔަކިޔާ ތިބެގެން މިރާއްޖެ ދުވަހަކުވެސް ތަރައްޤީއެއް ނުވާނޭ. ބިންބޮޑެތި އަދި ބިންއިތުރުކުރެވެންއޮތް ވީހާ މަދު ރަށްތަކެއް އިޤްތިޞާދީ މަސައްކަތްތަކާއެކު ތަރައްގީކޮށްގެން ނޫނީ ކިތަންމެ ބޭނުންވިޔަސް ގިނަ ކަންކަން ދުވަހަކުވެސް ފުރިހަމައެއް ނުވާނެ.
ބޭކާރު
25 January 2024
ނިކަމެތި ރައްޔިތަކަށް ކަމެއްކޮށް ދެވިއްޖެއްޔާ އެވާހަކަ ދައްކާނެ ރައްޔިތުންގެ މަޖިލީހުގައި ކަމެއްނުކޮށް ކިތައް ހާރސް ރުފިޔާތޯ އެނަހަނީ.
ޑެބީ
25 January 2024
ހަލީލް ކަލޭ ދާންވީ މަހަށް. ހެހެހެ.
ޅަސޮރުގޯތި ފޮނިބެ
25 January 2024
މިހާރުވެސް ހުޅުމާލޭ ހޮސްޕިޓަލަތު ނެތް ދަތުގެ ރޫޓްކެނެލް ވެސް ހަދާލެވެން. އެންމެ އާދައިގެ ސިމްޕަލް ކަމެއް. ހަދަން ފެށޭން ދުވަހެއްނޭގެޔޭ ބުނަނީ. ދެން ޚިއްކުރާނީ. އެކަމަކު ދުވާލަކު ހުވަފެނެއް, ދުވާލަކު މަންޒަރެއް, ދުވާލަކު އާތެއް ދައްކަމުން އެހެރަދަނީ. މެދިކަލް ޓޫރިޒަމް, ވާވާވާ