ދަރުމަވަންތަ ހޮސްޕިޓަލުން މިހާތަނަށް ބޭނުންކުރީ 40 ޕަސެންޓް، އިތުރު މުވައްޒަފުންނާ އެކު ހިދުމަތް ފުޅާކުރަނީ
އައިޖީއެމްއެޗުގެ ޖާގައިގެ ދަތިކަން ހައްލުކުރަން އިމާރާތްކުރި 25 ބުރީގެ ދަރުމަވަންތަ ހޮސްޕިޓަލް.---ފައިލް ފޮޓޯ: މިހާރު
17 ޖެނުއަރީ 2024 - 15:30
27 comments
ބޮޑު ހަރަދެއް ކޮށްގެން އިމާރާތްކުރި ދަރުމަވަންތަ ހޮސްޕިޓަލްގައި މިހާތަނަށް ބޭނުންކުރީ އެތަނުގެ 40 ޕަސެންޓް ކަމަށާއި، އެކަމަކު އެ އިމާރާތް އެއްކޮށް ބޭނުންކުރުމުގެ މަސައްކަތް މިހާރު ފަށާފައިވާ ކަމަށް، ދަރުމަވަންތަ ހޮސްޕިޓަލްގެ ސީއީއޯ އިބްރާހިމް ހަލީމް ވިދާޅުވެއްޖެ އެވެ.
ސިންގަޕޫރު ޝެންހުއާ ކުންފުންޏާ ހަވާލުކޮށްގެން ދައުލަތުން 140 މިލިއަން ޑޮލަރު (2.1 ބިލިއަން ރުފިޔާ) ހަރަދުކޮށްގެން ހެދި 25 ބުރީގެ ހޮސްޕިޓަލް ބޭނުންކުރަން ފެށީ މާޗު، 2019 ގަ އެވެ. ނަމަވެސް، އެ ތަނަށް ފަސް އަހަރުވާން ކައިރިވިއިރު ވެސް، ދަރުމަވަންތައިގެ ހަގީގީ ފައިދާއެއް އާއްމުންނަށް ނުކުރެ އެވެ.
"މިހާރު" އަށް ދެއްވި އިންޓަވިއުއެއްގައި ހަލީމް ވިދާޅުވީ، ދަރުމަވަންތަ އަކީ އެންމެ ފަހުގެ ވަސީލަތްތަކާ އެކު، ޒަމާނީ ފެންވަރުގެ، ވަރުގަދަ ހޮސްޕިޓަލެއް ކަމަށެވެ. ނަމަވެސް، ފާއިތުވި އަހަރުތަކުގައި އެ ތަން ރަނގަޅަށް ބޭނުން ނުކުރާކަން، އޭނާ ފާހަގަކުރެއްވި އެވެ.
ދަރުމަވަންތައިގެ ސީއީއޯ ހަލީމް، "މިހާރު" އަށް އިންޓަވިއުދެއްވަނީ.-- ފޮޓޯ: މިހާރު
"ބައެއް ސާވިސްތައް، ދަރުމަވަންތަ ހޮސްޕިޓަލުން ފޯރުކޮށްދެމުން ދިޔައީ. އަޅުގަނޑު ދަންނަވާނީ މުޅި ހޮސްޕިޓަލް އިމާރާތުގެ ވަސީލަތްތައް ވެސް އެންމެ ފުރިހަމައަށް ބޭނުންނުކޮށް ބަހައްޓާފައި ހުރިއްޔޭ. އެ ތަނުގައި ބޭނުންކުރަމުން ދިޔައީ އަޅުގަނޑު ދަންނަވާނީ މުޅި އިމާރާތުގެ 40 ޕަސެންޓު ބޭނުން ހިފަމުން ދިޔައީ." މިދިޔަ އާދިއްތަ ދުވަހު ދެއްވި އިންޓަވިއުގައި ހަލީމް ވިދާޅުވި އެވެ.
އޭނާ ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަމުގައި ބިނާކުރި އިމާރާތް އެއްކޮށް ބޭނުންކުރަން ތައްޔާރުވަމުން އަންނަ ކަމަށެވެ. ނަމަވެސް، ބޭނުން ނުކޮށް ގިނަ ދުވަސްވުމުން ބައެއް މެޝިނުތައް ހަލާކުވެފައިވާތީ، އެ އެއްޗެހި މަރާމާތުކުރުމާއި ބައެއް ފަންގިފިލާތަކަށް ބޭނުންވާ ވަސީލަތްތައް ހޯދުމުގެ މަސައްކަތް ވަނީ ފަށައިފަ އެވެ.
"ރައީސް ޑރ. މުހައްމަދު މުއިއްޒުގެ ވަރަށް ބޮޑު އިސްނެންގެވުމެއް އެއީ އައިޖީއެމްއެޗްގެ އިތުރުން ދަރުމަވަންތަ ހޮސްޕިޓަލް، ވަކި ހޮސްޕިޓަލެއް ގޮތުގައި، ފުލީ ފަންކްޝަން ހޮސްޕިޓަލެއް ގޮތުގައި ވީހާ ވެސް އަވަހަކަށް އިންތިޒާމް ހަމަޖައްސައިގެން ހިދުމަތް ދިނުން ކުރިއަށްގެންދަން."
ހަލީމް ވިދާޅުވީ އޮޕަރޭޝަން ތިއޭޓަރުގެ ބައެއް މައްސަލަތައް މި ފަހުން ރަނގަޅުކޮށް، ބޭނުންކުރަން ފަށާފައިވާ ކަމަށެވެ. ފާއިތުވި ދުވަސްތަކުގައި ރަނގަޅަށް މަރާމާތު ނުކުރުމުން އޮކްސިޖަން ބޭންކް ވެސް މައްސަލަ ޖެހިފައިވާ ކަމަށާއި އެކަން މަރާމާތުކުރަމުން އަންނަ ކަމަށް އޭނާ ވިދާޅުވި އެވެ.
ދަރުމަވަންތަ ހޮސްޕިޓަލް އިމާރާތްކުރަމުން ދިޔަ ދުވަސްވަރުގެ ފޮޓޯއެއް.-- ފައިލް ފޮޓޯ: މިހާރު
"މެއިންޓެނެންސް ބަރާބަރަށް ނުގެންގޮސް ހުރީމަ، އޭސީތަކުގައި މައްސަލަ ހުރީ ޖެހިފައި. އެކަންތައްތަކަށް ހައްލު އެބަ ހޯދަން. އޭގެ އިތުރުން، ބިލްޑިންގެ ޖެނެރަލް މެއިންޓެނަންސްގެ ކަންތައްތައް ވެސް ކުރިއަށް ގެންދަން ޖެހޭ. ލިފްޓުތަކުގެ އެކްސެސް ކޮންޓްރޯލާ. މި ހުރިހާ ކަމެއް ވެސް އެބަޖެހޭ ގެންދަން. ރެގިއުލޭ މެއިންޓަނެންސް ކުރިއަށް ނުގެންދެވި ހުރީމަ ދިމާވެފައި ހުރި މައްސަލަތައް ބޮޑަށް ހުރީ." ހަލީމް ވިދާޅުވި އެވެ.
އޭނާ ވިދާޅުވި ގޮތުގައި 25 ބުރީގެ ހޮސްޕިޓަލް އެއްކޮށް ބޭނުންކުރުމަށް އިތުރު މުވައްޒަފުން ބޭނުންވާ ކަމަށެވެ. އެހެންވެ، ނަރުހުންނާއި ޑޮކްޓަރުން އަދި އިތުރު މުވައްޒަފުން ހޯދުމުގެ މަސައްކަތް ކުރަމުން އަންނަ ކަމަށް ދަރުމަވަންތަ ހޮސްޕިޓަލުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައުމިއްޔަތު.
20 January 2024
މިފަހަރުވެސް އަޅާ، 10ފޫޓް 10ފޫޓް ގެ ޓަވަރެއް 50 ބުރިޔަށް، އަނެއްކާ ދެން އަންނަ 5 އަހަރު ޖަރީމާ އެއް ހިންގަން ކަމެއް އޮންނާނެ އޭރުން.
40ޕަސެންޓް
18 January 2024
ވެރިކަމުގަ ތިބެ ސިކުނޑީގެވެސް 40% ޕަސެންޓް ބޭނުންކުރެވުނީމަ ތިކަހަލަ ކަންކަން ހިނގާފަ އެހުރީ.
ރޯޒަސް
18 January 2024
އެހެން ވީމައި އަހާލަން ޖެހެނީ ރަސްމާލޭގައި މާލޭގެ 5މާލެ ހިއްކައިގެން ބޭނުންކުރާނީ ކިތައްޕަސެންޓުބާއޭ. ތިކަހަލަ ގައުމަށް މިވަގުތު ބޭނުންނުވާ ކަންކަން ތިބޭޅުން އެބަކުރޭ. ބައެއް ފަހަރު ހިތައްއަރާ މިބޮޑެތި ޕްރޮޖެކްޓްތަށް މިހިންގަނީ ކޮންމެހެންވެސް ލާރިކޮޅެއް ހޯދާލަން ޖެހިގެންނޭ. ގުޅިފަޅު، ގިރާވަރު، ހުޅުމާލެ މިހާރު ކޮންޓްރެކްޓް ކޮށްފައި އޮތީމާ ފަހަރުގައި ލާރއް ލިބޭނޭ މަގެއް ނެތީމައި ފަސްމާލެއަށް އާކޮންޓްރެކްޓެއް ހަދާލީދޯ ހިތާ ހިތާ އެބަ ސުވާލުކުރެވޭ.
ރަސްމާލެ
18 January 2024
ރަސްމާލެއަކީ ކުލީއަޅުންގެ ދަރަޖައިން ކޮންމެވެސް ބަޔަކު މިންޖުވާނެ ޕްރޮޖެކެޓެއް. އެހެންވެގެން ބަޔަކު މީހުން އެކަމާ ދެރަވަނީ. ކުލީ އަޅުން ގެންގުޅޭ މީހުން ކިތަންމެ ފޫހިވިޔަސް ރުޅިއަޔަސް ރަސްމާލެ ދާނީ ބާރަށް ކުރިޔަށް. މިހާރު ތިއުޅެނީ ކުރިން އިނގިރޭސީން އެމެރިކާއާ ޖައްސާލައިގެން އުޅުނުގޮތަށް.
ފެންނަގޮތް
18 January 2024
ތަންތަން ހުސްކޮށް ބޭއްވުމާއި، ދަންފަޅިތަށް ހުސްކޮށް ބާއްވާނީ އޭގެއިން ބަޔަކަށް ފައިދާ ކުރާތީ ކަންނޭގެ.. ފުރިހަމަ ކެޕަސިޓީގައި ހިންގަންވީ.. އައިޖީ އެމް އެޗްވެސް 2 ދަންފަޅިއަށް ހިންގަންވީ..ސަރުކާރުގެ ހަރަދުގަ ކިޔާ ޑަކްޓަރުންވެސް ގައުމަށް ހިދުމަށް ކުރަން ނެރެންވީ ވަކި މުއްދަތަކަށް ވިޔަސް.. އެހެން ނޫނީ ބޭސްފަރުވާ އަށް ސަލާޖަހަން ޖެހޭނީ
ހެންޑެލި
18 January 2024
ތިޔަ ތަނަކީ އައި.ޖީ.އެމް.އެޗް ގެ ވިންގަކަށް ހަދައިގެން އުޅޭ އުޅުން ނިމުމަކަށް ގެނެސް އައި.ޖީ.އެމް.އެޗް އާ ދަރުމަވަންތަ ވަކިކޮށް ވަކި ހޮސްޕިޓަލެއްގެ ގޮތުގައި ދަރުމަވަންތަ ހޮސްޕިޓަލުންން ރައްޔިތުންނަށް ޓަރޝަރީ ހިދުމަތް ލިބޭނެ އިންތިޒާމު ހަމަޖެއްސުމަށް ސަރުކާރަށް ގޮވާލަން
ޖަގޭ
17 January 2024
މިހެންނޭ ހެދީ އެހެންނޭ ހެދީ ކިޔާނެކަމެއްނެތް މިއަދު ކުރާންވި ކަމަކީ ތިޔަތަނުގައި އޮތްޖާގައެއް ބޭނުންކޮށްގެން ރަށްޔިތުންނަށް ޚިދުމަތް ދޭންވީ ހަދާންކުރަންވީ ކަމަކީ ތިމާއަކީ ރަށްޔިތުންގެ ޚާދިމެއްކަން އެކަމަށްވުރެ ބޮޑަށް ތިމާގެ ހިތުތެރޭގައި އާމިރިއްޔަތު ވާނަމަ އަވަހަށް އިސްތިޢުފާދީފަ ގެއައް ވަޑައިގަންނަވާ...
ދޭސީ
17 January 2024
އެމްއެންޔޫ ގެ މެޑިކަލް ސްކޫލް ހިންގަން ދަރުމަވަންތަގެ ދެ ފްލޯ ދޭކަށް ނުޖެހޭ. އެމްއެންޔޫގެ ބައިވަރު އިމާރާތްތައް ހުރިއިރު ޖާގަ ދަތި ހޮސްޕިޓަލުގަ ތިއަރީ ކްލާސްތައް ނަގައިދޭކަށް ނުޖެހޭ. މިހާރުވެސް މީހުން އެޑްމިޓުކުރާނެ ޖާގަ ހޮސްޕިޓަލުގަ ނެތިގެން އުޅެނީ.
ޚައިރުއްނިސާ
18 January 2024
މިއީ ވަރަށް ބޮޑު ތެދެއް. އެހާ ބޮޑު ޚަރަދުކޮށްގެން ޢިމާރާތް ހަދާފައި ހުރިއިރު ބަލިމީހަކުމަރުވާއިރުވެސް އޮންނާނެ އެނދެއް ނުލިބިގެން ހޮސްޕިޓަލުގެ ކަންކަނުގައިވެސް ބައިތިއްބާ. އަހަރެންގެ މަންމަ ބަލިވެގެން އައިސީޔޫގައި 15 ދުވަސްއޮވެ، ޕްރައިވެޓްކޮޓަރިއަކަށް ނޯޓްކޮށްގެން އުޅޭތާ 2މަހަށްވުރެ ގިނަދުވަސްވެއްޖެ. ކުޑަމިނުން ވޯޑެއް ނުލިބިގެން އައިސީޔޫއިން ނުނެރެވިފައިވެސް އޮތް. މިހާރުއޮތީ ވޯޑުގައި. އޭގެފަހުން މަހެއްވަނީ. އަޅެ މިވަރު ބޮޑެއް ނޫންްތަ؟؟؟
ޔުނިވަރސިޓީ
18 January 2024
ޔުނިވަރސިޓީގެ ހޮސްޕިޓަލެއް ނެތިއްޔާ މީހުންނަށް ޓްރޭނިންގ ދިނުމަށް ހޮސްޕިޓަލެއް ބޭނުންވާނެ. އެކަމަށް އެންމެ އެކަށީގެންވަނީ ދަރުމަވަންތަ ހޮސްޕިޓަލް.
ދަރުމަ
17 January 2024
ތިވާހަކައިގެވެސް ހަގީގަތެއްނޭގެ. ދޮގުހަދާހަދާތިޔަބައިމީހުންގެ އިތުބާރު ގެއްލިއްޖެ. މަރާމާތުކުރުމާވބޮޑެތިޕްރޮޖެކްޓު ތައް ފަށަންޖެހޭ ވާހަކަ ނޫންއަޑެއް ނީވޭ. ޖީބުތަކަށްވެސް ފައިދާވާނީ އޭރުން. މާލެނޫނިއްޔާ މިރާއްޖޭގައެހެން ރަށެއްވެސް އޮތްކަމާމެދު މިހާރުޝައްކު. އެއްވެސްރަށަކަށް އެއްވެސްކަމެއް ކޮށްދޭތަނެއް ވެސް ވާހަކައެއްވެސް ނީވޭ. ވޯޓުހޯދަންވީމަ ބާރުލާފަ ދުވާނެ ރައްތަކަށް. ރައީސްސޯލިހުނޫނީ ރައްތަކަށް ކަމެއްކޮއްދިން ރައީސަކު ނެތް
ނާސިރާފުޅު
18 January 2024
ޙަޤީޤަތް އެއޮތީ ފެންނަން. ކުރީގެ ރައީސް ކުރިކަމަކީ ވޯޓަށް ފެނަކަ އޮފީސްތަކަށް އޮބިނޯންނަވަރަށް މީހުން އެޅުން. އެ ތަރައްޤީ ގެނައިމަ ތިހުންނަނީ މާކަންތައް ކޮށްދިން މީހެއް ކަމަށް ހީވެފަ. ކިތަންމެވަރަކަށް އުޅުނަސް ކޮންމެ ރަށެއްގައި ޓާޝިއަރީހޮސްޕިޓަލްތަކާއި، ބޮޑެތި ޔުނިވަރސިޓީތަކާ، އެއަރޕޯޓްތަކެއް ނޭޅޭނެ. އެކަންކުރަން ދިމާކުރާތީ ކަމެއް ނުވެ މުޅި ދައުލަތް 190ބިލިޔަނަށް މިދިޔަ ސަރުކާރުން ދަރައިގެން ދިޔައީ. އޭގެ ބަދަލުގައި ހުރިހާ ދިވެހިންނަށް ޚިދުމަތްކުރ
ކާކަށްއޮޅުވަން
17 January 2024
މިބެރެބެދިއަކަށް ނޭނގުނު މިރާއްޖެ ކޮވިޑު ހާލަތުގައި ދެއަހަރު އޮތްކަމާއި އެދެއަހަރު ކޮވިޑު ފެސިލިޓީއަކަށް އެތަން ބޭނުންކުރިކަމެއް. އަދި ކޮވިޑު ނިމުނުއިރު މުޅި ސިއްހީދާއިރާ އޮތީ ވަރުބަލިވެފައިކަމާއި ކަމެއްކުރަން އަދި ކިިރިޔާކަމެއް ފުރުސަތެއް ލިބުނީ. އެފުރުސަތުގެ ބޭނުންނުކޮށް އަދިވެސް ތިބަލަނީ އެހެންމީހުންގެ ކުށްދެއްކޭތޯ!
ގެއްލުނު
17 January 2024
ބޭނުންކުރި ޕަސެންޓުގެ ވާހަކަނުދައްކައި ގެއްލުނު ޓަވަރުގެ ވާހަކަދެއްކުން މާމުހިއްމު. އަނެއްކާ ތިގޮތަށް ދެއްކި އެއްވެސް ވާހަކައެއްގެ ހަގީގަތެއް އަދި ނުފެނޭ.