ކުޅުދުއްފުށީ ފަރުގައި ބާޖު އޮންނަތާ ހަ މަސް، އެތައް ފަހަރަކު އަންގައިގެން ވެސް ނުނެގި!

ހދ. ކުޅުދުއްފުށި ފަރަށް އެރި ބާޖު: އެ ބާޖު އެރީ އެ ރަށް ކައިރުން 6،000 ޓަނުގެ ހިލައާއެކު ދަތުރުކުރަމުން ދަނިކޮށް.-- ފޮޓޯ: ހުސެއިން ދާވޫދް

ފާތިމަތު އަޖްފާން، މިހާރު

20 ޖެނުއަރީ 2024 - 10:42

21 comments

ހދ. ކުޅުދުއްފުށީގެ ފަރަށް މިދިޔަ އަހަރުގެ ޖުލައި މަހު އެރި ބާޖު ފުން ނުކުރެވި އޮންނަތާ ހަ މަސް ވެއްޖެ އެވެ.

އެ ބާޖު ފަރަށް އެރީ 6،000 ޓަނުގެ ހިލަ ބަރުކޮށްގެން އެ ރަށް ކައިރިން ދަތުރުކުރަމުން ދަނިކޮށް، މިދިޔަ އަހަރު ޖުލައި 16 ގަ އެވެ.

އީޕީއޭގެ ޑެޕިއުޓީ ޑިރެކްޓަ ޖެނެރަލް އިބްރާހިމް ނައީމް "މިހާރު" އަށް މިއަދު ވިދާޅުވީ، އެ ބާޖުގައި ހުރި ހިލަތައް ހުސްކޮށްފައިވާ ކަމަށެވެ. ބާޖު އެތަނުން ނެގުމަށް އޭގެ ވެރިފަރާތަށް އެތައް މުއްދަތެއް ދީފައި ވިޔަސް އެ އެންގުމަށް އަމަލު ނުކުރި ކަމަށް އިބްރާހިމް ވިދާޅުވި އެވެ.

"އަޅުގަނޑުމެން އެތައް ފަހަރަކު މުއްދަތު ދީފިން. ހަމަ ބުނަނީ މި ނަގަނީ އޭ، މި ނަގަނީ އޭ. އެކަމަކު ނުނަގާ. ނެގީމާ ސާވޭ ހަދާފައި އަޅުގަނޑުމެންނަށް ފިޔަވަޅެއް އެޅެނީ،" ނައީމް ވިދާޅުވި އެވެ.

މިކަމާ ގުޅޭގޮތުން ކުޅުދުއްފުށި ކައުންސިލްގެ ބަހެއް ނުލިބުނެވެ.

Kulhudhufushi farugai hila barge onnathaa haftha eh, adhives funn nukurevey!

The most trusted news source in the Maldives

Mihaaru

އުޅަނދެއް ފަރަށް އެރުމުން އީޕީއޭ އިން އެ މައްސަލަ ބަލަން ފަށަ އެވެ. ނަމަވެސް ފިޔަވަޅު އެޅެނީ އެ އުޅަނދު އެ ފަހުން ނެގުމުން ކުރާ ސާވޭ އަކަށް ފަހު އެވެ. ކިތަންމެ ގިނަ ދުވަހަކު އުޅަނދު ނުނަގާ ފަރު މަތީގައި އޮތަސް، ނަގަން ބުނުން ފިޔަވާ ކުރެވޭނެ ކަމެއް ގާނޫގައެއް ނޯވެ އެވެ.

މިދިޔަ އަހަރަކީ ޓަގު ބޯޓާއި ބާޖު ފަރަށް އެރުން ގިނަ އަހަރަށް ވީއިރު، ފުވައްމުލަކު ގިރާ ސަރަހައްދު ހިމާޔަތް ކުރުމަށް ބޭނުންވާ ހިލަ ބަރުކޮށްގެން ދިޔަ ބާޖެއް ވެސް ފަރަށް އެރި އެވެ. ބޮޑުހިލަ ހިފައިގެން ދިޔަ އެމްއެމް އެކްސްޕޯޓްގެ ބޯޓެއް ހއ. ދިއްދޫ ފަރަށް އަރާފައި ވެ އެވެ.

އެ ދެ މައްސަލާގައި ފަރަށް ލިބުނު ގެެއްލުން ބަލައި ދެ އުޅަނދުގެ ވެރިފަރާތް ވަނީ ޖޫރިމަނާ ކޮށްފަ އެވެ.

ތިމާވެށި ހދ. ކުޅުދުއްފުށި އީޕީއޭ އިބްރާހިމް ނައީމް (އީޕީއޭ)

21 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެރިންޑޫ

21 January 2024

ވަރަށް ފާހަގަ ކުރެވޭ މިހާރުގަ މިހަބަރު ލިޔާއިރު ބާޖު ވެރިފަރާތުގެ ނަން ބޭނުން ކުރަން ބިރު ގަންނަކަން. ދިއްދޫ ފަރަށްއެރި ބާޖުގެ ވެރިފަރާތް އެނގުނު އިރުވެސް މި ހަބަރުގެ މައިގަނޑު ބިނާވެފަ އޮތް ބާޖުގެ ވެރިފަރާތެއް ނޭންގުން. އަޖާއިބު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެންގެ ބަސް

21 January 2024

މައުލޫމާތު މުޅިން ދޮގު. ބާޖު ފަރަށް އެރީ އެއް ނޫން. ބާޖު އަށް ދިޔަވާން ފެށިމާ ބާޖު ގެނެސް ފަރަށް ބީސްސާލާފައި އެ އޮތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަނަނަ

21 January 2024

ކޮބާ ތަފަތަކީ؟ ފަރަށް ލިބުނު ގެއްލުން އެއްތާކު ދޯ ޖެހުނީ. އުޅަނދެއް ފަރަށް އެރުވުމަކީ އަދި އަރުވާލުމަކީ ކުށެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އީޕީއޭ

21 January 2024

ނައީމް ބެ މެން ދުވަނީ ފޮރިންގ އެއިޑް ފަހަތުން / އެ ދިރުވާލިއަކަސް ބަޖެޓް ކެއިކަމަކަށް ނުވާނެތީވެ އެކަމުގައި އަވަދިނެތި މިދުވަސްކޮޅު އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުރިޔާ

21 January 2024

ފުށި ދިއްގަރު ފަޅު ހިއްކީމައި އެކަމުން ފަރަށާއި ފަޅަށް ނުލިބޭ ގެއްލުމެއް މިބާޖު މިތާ އޮވެގެން ލިބޭނެހެންނެއް ހިޔެއްނުވޭ އފަރާއި އަޅާ ބަލާއިރު މީނުވާނެ 0.0001 ޕަސެންޓް ވަރުވެސް އެހެންވިމާ މީ އަޅާލާ ވަރުގެ ކަމެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލިމާ

20 January 2024

މީ އެއްކަލަ އިންޑިޔާގެ އެމްއެމް އެކްސްޕޯޓު މީހުންގެ ބާޖެއް ކަމަށް މީހުން ކިޔާ.. މިމީހުން ތަބާ ވާން ޖެހޭ ގާނޫނެއް ގަވާއިދެއް ރާއްޖެގަ އޮވެތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ ކުރުސީ

20 January 2024

މި ސަރުކާރުވެސް އެމް.އެމް އެކްސްޕޯޓަށް ވިކިއްޖެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޫނު

20 January 2024

ހއ. އިންނަފިނޮޅު ފަރުމަތީ އެއޮތީ ކާކުގެ ބާޖެއްތޯ ނައީމުގާތު އަހާބަަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާޖު

20 January 2024

އެއީ އެ ފަރަށް ލެއްގި ހއ. ހޯރަފުށީ ކައުންސިލްގެ ބާޖެއް މިހާރު ނޫނީ ލެއްގި އެއްޗެއްވީމަ ދިވެހިސަރުކާރުގެ އެއްޗެއް. އޭގެ ވެރިއަކީ ސީދާ ކާކުކަމެއް ނޭނގެ.