ފްލެޓާ ގުޅޭގޮތުން އޭސީސީން މި ހަފުތާގައި ގޮތެއް ނިންމަނީ

އެފްޑީސީން އަޅަމުން އަންނަ ފްލެޓުގެ އެތެރޭގެ މޮކްއަޕް.-- ފޮޓޯ: ފަޔާޒް މޫސާ / މިހާރު

އާސިމާ ނިޒާރު، މިހާރު

28 ޖެނުއަރީ 2024 - 17:48

ފަހި ދިރިއުޅުން ކޯޕަރޭޝަން (އެޗްޑީސީ) ގެ ފްލެޓުތަކާ ގުޅޭގޮތުން ހުށަހެޅި ޝަކުވާތަކަށް މި ހަފުތާގައި ގޮތެއް ނިންމާނެ ކަމަށް އޭސީސީން މިއަދު ބުނެފި އެވެ.

އެ ކޮމިޝަންގެ މީޑިއާ އޮފިޝަލަކު ވިދާޅުވީ ގެދޮރުވެރިޔާ ސްކީމްގެ ދަށުން އިއުލާންކުރި 4000 ފުލެޓާ ގުޅިގެން ކޮމިޝަނަށް ހުށަހެޅި މައްސަލައާ ގުޅިގެން، ފްލެޓާ ގުޅޭ ކަންކަން މަޑުޖައްސާލުމަށް އެ ތަނުން އެންގި އެންގުމާ މެދު މި ހަފްތާ ތެރޭގައި ގޮތެއް ނިންމާނެ ކަމަށެވެ.

އެހެންވެ، އެ މައްސަލައިގެ އިތުރު ތަފްސީލެއް ނުލިބެ އެވެ.

ކުރީގެ ސަރުކާރުން އިއުލާންކުރި ގެދޮރުވެރިޔާ ސްކީމްގެ ދާއިމީ ލިސްޓާ މެދު ސުވާލު އުފައްދައި ގިނަ ބަޔަކު އޭސީސީއަށް މައްސަލަ ހުށަހެޅި އެވެ. އެއާއެކު، އެ ފްލެޓުގެ ހުރިހާ މަސައްކަތެއް ހުއްޓާލަން ނޮވެމްބަރު 15، 2023 ގައި އެ ކޮމިޝަނުން އެންގި އެވެ.

ހައުސިން މިނިސްޓަރު ޑރ. އަލީ ހައިދަރު އަހުމަދު ވެސް ވިދާޅުވީ ފްލެޓާ ގުޅޭ މަސައްކަތްތައް ފަށާނީ އެ މައްސަލައަށް އޭސީސީން ގޮތެއް ނިންމުމުން ކަމަށެވެ.

ގެދޮރުވެރިޔާ ސްކީމްގެ ދާއިމީ ލިސްޓުގައި ފްލެޓަށް ޝަރުތު ހަމަވާ 13،000 މީހުން އެބަ ތިއްބެވެ. އޭގެ ތެރެއިން، އެންމެ ފުރަތަމަ ކަނޑައެޅީ 4،000 ފްލެޓް މީހުންނެވެ. ތިން ކޮޓަރި ދޭން ހަމަޖައްސާފައިވަނީ 76 ޕޮއިންޓަށް ވުރެ މަތިން ލިބޭ މީހުންނަށެވެ. އަދި ދެ ކޮޓަރީގެ ފްލެޓު ދޭނީ 73 ޕޮއިންޓަށް ވުރެ މަތިން ލިބުނު މީހުންނަށެވެ.

މިނިސްޓަރު ވިދާޅުވީ އެ ކްރައިޓީރިއާއަކަށް އެއްވެސް ބަދަލެއް ނުގެންނާނެ ކަމަށެވެ. އަދި ކުރީގެ ލިސްޓުގައި އެއްވެސް މައްސަލައެއް ނެތް ނަމަ، ހަމަ އެ ލިސްޓަށް، ފުރަތަމަ 4،000 ފްލެޓު ލިބުނު މީހުންނަށް ލިޔުން ދޭނެ ކަމަށް އޭނާ ވިދާޅުވި އެވެ.

ހުޅުމާލޭގައި މިހާރު ހަދަމުން އަންނަ ފްލެޓުތައް އިމާރާތްކޮށް އެ ތަންތަން ބަލަހައްޓާނީ އެފްޑީސީންނެވެ. އެ ކުންފުނިން ވެސް ވަނީ އޭސީސީން މައްސަލަ ނިމޭތާ ތިން ދުވަސް ތެރޭގައި ފްލެޓު އެގްރިމެންޓުގައި ސޮއިކުރަން ފަށާނެ ކަމަށެވެ.

ބޯހިޔާވަހިކަން އެންޓި ކޮރަޕްޝަން ކޮމިޝަން ހައުސިން މިނިސްޓްރީ ޑރ. އަލީ ހައިދަރު (ހައުސިން މިނިސްޓަރު)

16 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގެދޮރުވެރިޔާ

29 January 2024

އިންސާފުން ދޫކުރި ފްލެޓް ތަކެއް ނޫނޭ މީސްތަކުންނޭ ތީކީ. އިންސާފު ގާއިމްކުރަން އައި ބަޔަކު އެކަން ކޮށްދޭން ޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިލާންބެ

29 January 2024

ތިޔަ ލިސްޓްގައިވާ ނުހައްގުން ޕޮއިންޓް ދީފައިވާ މީހުންގެ ނަންތައް އުނިކޮށް ދިރި އުޅުމުމުގެ ހާލަތު ބަލަާފއި ފްލެޓްތައް ދިނުމަކީ ވަރަށް މުހިއްމު ކަމެއް ކަމަށް ފެނޭ... މަކަރާއި ހީލަތްތައް ރަނގަޅަށް ބަލަންވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލުބެ

29 January 2024

އަދުރޭގެ ރެހެންދި 2 ފުލެޓާއި ބެހޭ މައްސަލަތޯ؟ މިހާރު ކޮންޒަމާނެއް! ވަކި މީހެއްގެ މައްސަލަވީމަ ނުނިމިފައި! އާދައިގެ މީހެއްނަމަ ބުރިން ހަންދަމާފަ ނިންމާފަ އޮންނާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިހާ ދެެރަކަމެއް

29 January 2024

ހެޔޮނުވާނެ ނިންމާފަ ދޭންވެެއްޖެއެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަމީމު

29 January 2024

ފުލެޓް ލިބޭ ފުރަތަމަ 4000 އިން 1905 މީހަކު، ކަޓާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

‫ދެރަސޮރު

28 January 2024

ފ‫ްލެޓުގެ ޝަރުތު ހަނަވެގެން ފޯމްލާ, ޕޮއިންޓްދެވި, ގެޒެޓް ކުރެވިފަ އެގއރީމެންޓް ސޮއިކޮށް ގުރުނަގާފަ ހުރި ފުލެޓް ތަށް އަވަހަށް ހަޥާލު ކިރޭ ޢޭގެ ފަހުން ވޯޓުދެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާާބީ

28 January 2024

ބާާކި ތިބި މީީހުންގެ ފުލެޓްތައްކޮބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުންބާ

28 January 2024

ދީފައެބަތިބި 18 އަހަރުވެފަ ކުދިންތިބި މީހުންނަ ތިންކޮޓރި ކިހިނެއްށަރުތު ހަމަވާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

28 January 2024

ތި ފްލެޓާ ގޯތު ނުދީ ދެން ސަރުކާރަކަށް ކުރިޔަށް ދެވޭކަށް ނެތް. މާލޭ މޭތަރުކަންވެސް އަތުން ދިޔައީ އެހެންވެ. ދެން އޮތީ މަޖިލީސް އިންތިހާބު. ފްލެޓާ ގޯތި ހަތިޔާރަކަށް ހަދައިގެން ވޯޓުހޯދަން އުޅެނީ. މިހާރު ތިފެންނަނީ އޭގެ ކޮޅުމަތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުހުން ނުދީ ހިފަހައްޓަން އުޅުމުން އެބަ ރަނގަޅުވޭ

28 January 2024

މިއީ ބައެއް ވަޒީރުންނަށް ރުހުން ނުދީ ހިފަހައްޓާނެ ކަމުގެ އިންޒާރުގެ ރަނގަޅު ނަތީޖާ އެކެވެ. ތެދެކެވެ! އޮޅުވާލައިގެން މަޢުލޫމާތު ދީފައިވާ ފްލެޓް ޙައްޤު ނޫން މީހުންނަށް ފްލެޓް ދީގެން ނުވާނެ އެވެ. އެކަމަކު ރ. މުޢިއްޒުގެ ސްޕީޑް ބާރު ސަރުކާރުގައި މިއީ ބޮޑުވަރެކެވެ! ދުވަހަކު އެކަމަށް ގޮތެއް ނުނިންމުނެވެ. އެމީހުންގެ މައްސަލަ ބަލަމުން ދާއިރު، ލިސްޓްގައި ހިމެނޭ، މައްސައެއް ނެތްމީހުންނަށް ފްލެޓްތައް ދޫކުރަންވެސް ޖެހޭނެ އެވެ.