ހުޅުމާލެ 1 ގެ ފްލެޓްތަކުގެ ކުލިން 20 ޕަސެންޓް ދެން ކުޑަވާނެ

ހުޅުމާލެ 1 ގައި ހުންނަ ފްލެޓްތަކެއް: އެ ތަންތަނުން ކުލިން 20 ޕަސެންޓް ސަރުކާރުން ވަނީ ކުޑަކޮށްދީފައި.-- ފޮޓޯ: ފަޔާޒް މޫސާ | މިހާރު

އިފްރާޒް އަލީ، މިހާރު

31 ޖެނުއަރީ 2024 - 19:58

33 comments

ހުޅުމާލެ 1ގެ ފްލެޓްތަކުގެ ކުލިން ކުޑަކޮށްދޭން ނިންމި 20 ޕަސެންޓުގެ ޑިސްކައުންޓް ލިބެން ފަށާނީ މި ފެބްރުއަރީ މަހުން ފެށިގެން ކަމަށް އެޗްޑީސީން މިއަދު ބުނެފި އެވެ.

އެޗްޑީސީން ނެރުނު ނޫސްބަޔާނެއްގައި ބުނީ ރައީސް ޑރ. މުހައްމަދު މުއިއްޒުގެ "ހަފުތާ 14"ގެ މަގުޗާޓުގައިވާ ގޮތަށް ހުޅުމާލެ 1ގެ ހައުސިން ޔުނިޓްތަކަށް ކުލީގެ އަދަދުން ކޮންމެ މަހަކު ވެސް 20 ޕަސެންޓްގެ ޑިސްކައުންޓެއް ދިނުމަށް ނިންމާފައިވާ ކަމަށެވެ.

ޑިސްކައުންޓް ދޭނީ އިންސްޓޯލްމަންޓްގެ އަދަދުން ކަމަށާއި ފްލެޓްގެ މެއިންޓެނަންސް ނުވަތަ މެނޭޖުމަންޓް ފީން މި އުނިވުން ނާންނާނެ ކަމަށް އެޗްޑީސީން ބުންޏެވެ.

މިގޮތަށް ނިންމުމުން، ފްލެޓްތަކުގެ ކުލިން މިހާތަނަށް ނުދައްކާ ހުރި ބައި ދައްކާއިރު 20 ޕަސެންޓުގެ އުނިވުމެއް ނާންނާނެ އެވެ.

ރައީސް ނިންމަވާފައި ވަނީ ކުލި ކުޑަކޮށްދިނުމާ އެކު، ނުދައްކާ ހުރި ކުލީގެ ފައިސާ ވެސް ބަހާލައިގެން ދެއްކޭނެ ގޮތް ހަމަޖައްސައިދިނުމަށެވެ. އެޗްޑީސީން ވަނީ މި ފުރުސަތު ބޭނުންވާ މީހުންނަށް އެކަމަށް އެދި ހުށަހަޅަން މީގެ ކުރިން ފުރުސަތު ދީފަ އެވެ.

ހުޅުމާލެ 1ގެ ފްލެޓުތަކުގެ ކުލިން 20 ޕަސެންޓް ކުޑަކުރުމަށް ނިންމާފައިވާ ކަން ރައީސް އިއުލާންކުރެއްވީ މި މަހު ކުރީކޮޅުގަ އެވެ. ކުލިން ކަނޑާ 20 ޕަސެންޓް ސަރުކާރުން އަމިއްލައަށް މެނޭޖުކުރާނެ ކަމަށް ރައީސް އޭރު ވިދާޅުވި އެވެ.

ރައީސް ވިދާޅުވި ގޮތުގައި، އެ ފްލެޓްތަކުން މެއިންޓެނަންސް ފީ ނުލައި ކުއްޔަށް 4،000ރ. އިން ފެށިގެން 7،000ރ. އާ ހަމައަށް ފައިސާ ދައްކަން ޖެހެ އެވެ.

ސަރުކާރުން ވަނީ ހުޅުމާލެ 2 ގައި އިމާރާތްކޮށްފައިވާ ހިޔާ ފްލެޓްތަކުގެ ކުލި، މެއިންޓެނަންސް ފީ ނުލައި 3،984ރ. އަށް މިދިޔަ އަހަރު ފަހުކޮޅު ކުޑަކޮށްދީފަ އެވެ. އަދި ރަށްރަށުގައި ހުރި ރޯހައުސްތަކާއި ފްލެޓްތަކުގެ ކުލި ވެސް 3،330ރ. އަށް ވަނީ ކުޑަކޮށްދީފަ އެވެ.

ހުޅުމާލެ ބޯހިޔާވަހިކަން ފްލެޓް އެޗްޑީސީ

33 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޜާހަތު

01 February 2024

ވިނަރެސް ގެ ކުލިކުޑައެއް ނުވޭ މަހަކު 18000 ރުފިޔާ ދައްކަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާނިމް މުހައްމަދު

01 February 2024

މުއިއްޒް ވަރެއް ނެތް. ތަފާތު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުޖޫބް

01 February 2024

ކޮބާ ހީވޭ ކަމެއްހެން، ބަޔަކު ގައިމު ބުނި މުއިއްޒުއަށް ނުކެރޭނޭ ކުލި ކުޑަކުރާކަށް، ހަމައެކަނި ފޭސް 2 މީހުންނަށް އެކަންޏޭ ރަނގަޅު ގޮތްތަކެއްވާނީ. އެހެން ބުނި މީހުންނަށް ވަރަށް ސަލާމް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައުޝޫދު

01 February 2024

އާންމު ރައްޔިތުންގެ ދިމާވާ ކޮންމެ ދައްޗެއް ހައްލު ކުރައްވާނެ ވެރިއެއް ރައީސް މުއިއްޒު އަކީ، އަދި ގެދޮރުގެ މައްސަލައަށް ހައްލު ގެނެސްދޭނެ ވެރިޔަކީވެސް ރައީސް މުއިޒް،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހުދީ

01 February 2024

ތަކެތީގެ އަގު ބޮޑުތަނުން އުފުލިފައިން ދަނޑިވަޅެއްގަ މަނިކުފާނު ތިޔަ ކޮށްދެއްވި ކަންތަކުން ވަރަށް ބޮޑު ލުއިއެއް ލިބިގެން މިދިޔައީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުމާމް

01 February 2024

ތޭންކިޔު ރައީސް. ތި ކޮށްދިނީ ވަރަށް ބޮޑުކަމެއް، އަހަރުމެން ތިކޮށްދިން ކަންތައް ވަރަށް ރަނގަޅަށް ބަލާއިގެންފިން. މަޖިލިސް އިންތިހާބުގަ ނަތީޖާވެސް ނެރެދޭނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާނިމް މުހައްމަދު

01 February 2024

އަލްހަމްދުލިﷲ. އުފާވެރި ހަބަރެއް. އަޅުގަނޑުމެންނަށް ތިލިބުނީ ވަރަށް ބޮޑު ލުޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިނަރެސް ފްލެޓް ވެރިޔާ

01 February 2024

ވިނަރެސްގެ އަގުތައް ކުޑަކުރާނަމޭ ބުނެގެން އަހަރެން އެހާ ވަރުން އެމްޑީޕީ ދޫކޮށް މި ސަރުކާރަށް ވޯޓް ދިނީ. އެކަމަކު މިއަދު ކަންވި ނިމުނު ގޮތް ނިކަން ބަލާ ބަލަ. އެންމެ އެތިކޮޅެއްވެސް ކުޑަ ނުކޮށް ސަރުކާރުން މީޑިޔާ ހެޑްލައިން ހަދާލާގެން ހަމަ މި ތިބެނީ. އަދިވެސް ސަރުކާރުގަ އާދޭހާއެކު މި ދަންނަވަނީ އަގު ކުޑަ ކޮށް ދެއްވާ.. އަހަރެމެންނަށް އެތަނަށް 18،000+ ދައްކަން ޖެހުމަކީ ވަރަށް ބޮޑު ބޭއިންސާފެއް