ބިންތައް ދޫކުރި ގޮތް އޭސީސީން ތަހުގީގުކުރަނީ

ގޯތި ލިބުނު މީހެއްގެ ބިން ފާހަގަ ކުރުމުގެ މަސައްކަތް ކުރަނީ: އެ ތަންތަން ދޫކުރި ގޮތާ ގުޅޭ މައްސަލަތަކެއް ލިބިގެން އެ މައްސަލަ ވެސް ބަލަމުންދާ ކަމަށް އޭސީސީން ބުނޭ..-- ފޮޓޯ: ފަޔާޒް މޫސާ / މިހާރު

މާއިދާ މުހައްމަދު ރަޝާދު، މިހާރު

07 ފެބުރުއަރީ 2024 - 14:42

45 comments

ކުރީގެ ސަރުކާރުން ފެށި، "ބިންވެރިޔާ" ސްކީމުގެ ދަށުން ގޯތި ބެހި ގޮތް ވެސް ބަލަމުން އަންނަ ކަމަށް އެންޓި ކޮރަޕްޝަންސް ކޮމިޝަން (އޭސީސީ) އިން މިއަދު ބުނެފި އެވެ.

ބިންވެރިޔާ ސްކީމުގެ ދަށުން ދޫކުރި 4000 ފްލެޓްގެ މައްސަލާގައި އާންމު މީހަކު ފޮނުވި ސިޓީއާ ގުޅިގެން ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީގައި މެމްބަރުން ވަނީ ބިންވެރިޔާ ސްކީމުގެ ދަށުން ގަވާއިދާ ހިލާފަށް ގޯތި ދޫކުރި މައްސަލަ ލިބިފައިވޭތޯ ސުވާލު ކުރައްވައިފަ އެވެ.

އެކަމާ ގުޅިގެން އޭސީސީގެ ރައީސް އާދަމް ޝާމިލް ވިދާޅުވީ ބިންވެރިޔާ ސްކީމާ ގުޅިގެން ވެސް މައްސަލަތަކެއް އޭސީސީ އަށް ހުށަހަޅާފައިވާ ކަމަށާއި އެ މައްސަލަ ތަހުގީގުކުރަމުން އަންނަ ކަމަށެވެ.

"އެކަމުގެ ތަހުގީގު ވެސް މިދަނީ ކުރަމުން. އެކަމަކު އެ ތަހުގީގުގައި ފާހަގަކުރެވުނު ކަންކަން މި ބައްދަލުވުމަށް ނެތް ގެނެވިފައެއް،" ޝާމިލް ވިދާޅުވި އެވެ.

ކޮމިޓީން އެކަމުގެ ތަފްސީލު ބޭނުންވާ ނަމަ، ހިއްސާކުރައްވާނެ ކަމަށް ވެސް އޭނާ ވިދާޅުވި އެވެ.

ބިންވެރިޔާ ސްކީމުގެ މައްސަލަ ބަލަމުން އަންނަ ކަމަށް އޭސީސީން ބުނިއިރު އެ ސްކީމުގެ ދަށުން ގޯތި ލިބުނު މީހުންނަށް ރަޖިސްޓްރީ އާއި ބިން ހަވާލުކުރުމުގެ މަސައްކަތް ވެސް މިހާރު ހައުސިން މިނިސްޓްރީން ފަށައިފި އެވެ.

Goathi libunu meehunnah registry aai bin havaalu kuran fashaifi

The most trusted news source in the Maldives

Mihaaru

ގޯތި ލިބުނު ކަމުގެ ރަޖިސްޓްރީ އާއި ބިން ހަވާލުކުރުމުގެ މަސައްކަތް ކުރީ ސަރުކާރުން ވަކި ހިސާބަކަށް ގެންދިއުމަށް ފަހު ރިޔާސީ އިންތިހާބުގެ ފުރަތަމަ ބުރަށް ފަހު އޮތީ މަޑުޖެހިފަ އެވެ. އެކަމަކު މި ސަރުކާރުން އަލުން ވަނީ އެ މަސައްކަތް ފަށައިފަ އެވެ.

ގޯތި ދޫކުރަނީ ހުޅުމާލެ 2 އާއި އަލަށް ހިއްކާ ހުޅުމާލެ ތިނަކާއި ގުޅިފަޅާއި ގިރާވަރުފަޅުންނެވެ. އެތަންތަނުން 9،000 ގޯތި ދޭން ނިންމާފައިވެ އެވެ.

އޭސީސީން ބިން ދޫކުރި ގޮތުގެ މައްސަލަ ބަލަމުން އަންނައިރު ގެދޮރުވެރިޔާގެ ނަމުގައި ސަރުކާރުން ހިންގި ފްލެޓް މަޝްރޫއުން ވެސް ޝަރުތު ހަމަނުވާ 60 ޕަސެންޓް މީހުންނަށް ފްލެޓް ދިން ކަން އޮތީ އޭސީސީގެ ތަހުގީގުން ފަޅާއަރައިފަ އެވެ. އެކަމަކު އެ މައްސަލާގައި ފްލެޓް ލިސްޓު ބާތިލުކުރާނެ ކަމެއް ވެސް ނުވަތަ އިތުރަށް ދެން އަމަލުކުރާނެ ވަކި ގޮތެއް މިހާތަނަށް ސަރުކާރުން އާންމެއް ނުކުރެ އެވެ. އެކަމަކު އޭސީސީ އާއި އެޓާނީ ޖެނަރަލް އޮފީހާއި ސަރުކާރުގެ އެހެން މުއައްސަސާތަކާ އެކު މަޝްވަރާކުރަމުން އަންނަ ކަމަށް ހައުސިން މިނިސްޓްރީން ބުނެ އެވެ.

ރައްޔިތުންގެ މަޖިލިސް އެންޓި ކޮރަޕްޝަން ކޮމިޝަން ހައުސިން މިނިސްޓްރީ

45 ކޮމެންޓް, 32 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަންބ

08 February 2024

އޭސީސީ ބެލިދަނެ އެލެނެ ފިޔަވަލެއް ނެތް ރަސްތްރީ ތައް ކޮސްދީ އެގްރިމަންތް ތައް ހަދާ ނިމިއްޖެ.ދެން އެއި އެއްޗެއް ބާތިލް ކުރެވެނީ ވެސް ކޯޓަށް ގޮސް އެތައް ބަދަލެއް ދީގެން. ތިބަލަން އެތައް ލާރި އެ ހަރަދު ކުރުމުގެ ބޭނުމެއ ނެތް.އ އެމް އެމް ޕީ ރަސީ މައްސަލަ ވި ގޮތް އެގެ އެއްނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮކްޓާރ. ބަނާނާ

08 February 2024

ތިޔަ މައްސަލަތައް ބެލުމުގެ އެއްވެސް ގާބިލުކަމެއް ތިޔަ ކަމިޝަން ގައި ނެތް. މިހެން ބުނަން ޖެހުނު ސަބަބަކީ މިބިންތަކާއި ފްލެޓް ގަވައިދާއި ހިލާފަށް ދޫކުރިއިރު ކަލޭމެން ތިބީ ނިދާފަތޯ؟ މިއަދު ތިޔާ ބިންތަކުގައި މީހުން އެތިބީ ގެދޮރު އަޅައިގެން..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

08 February 2024

ނިލަންދޫ ޚަލީލުގެ މުޅިއާޢިލާއަށް ހިޔާ ފުލެޓް ލިބުމުގޮތް އޭސީސީގެ ތިހާ ގަޓެއް ހުރިއްޔާ ތަޚްޤީޤު ކޮއްލަ ދީބަލަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަސޮރު

08 February 2024

ރިޔާސީ ކެމްޕެއިންގައިވި ވަޢުދާއި ޚިލާފަށް ހުރިހާކަމެއް ވަމުންދާތަން މިފެންނަނީ، ކުރީސަރުކާރުން ރައްޔިތުންނަށް ދީފަވާ ބޯހިޔާވަހިކަމުގެދަށުން އެއްވެސްމީހަކަށްދީ ގެޒެޓްކޮށްފަހުރި ފުލެޓެއްވިއަސް ބިމެއްވިއަސް ނައަތުލާނެކަށާއި، އަދި އެއްވެސް ސިޔާސީ މަޤާމް ފިޔަވައި އެއްވެސް މީހަކު ވަޒީފާއިން ވަކި ނުކުރާނެކަމަށްވި ވަޢުދާއި މުޅިން ޚިލާފު ވަމުންދާތަން މިފެންނަނީ، ވަޒީފާއިން ވަކިކޮށްފި، ފުލެޓް އަތުލާފި، މިހާރު އެއުޅެނީ ބިންއަތުލަން،، ފުލެޓް ވަގު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާލެ، ދިވެހިރާއްޖެ

08 February 2024

ނަސްލީ ތަފާތުކުރުމާއެކީ ހިންގި ޖަރީމާއެއްތިއީ.. ވަގުތުން ވަގުތައް ބާތިލުކުރަންޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނަގޮތް

08 February 2024

ފުލެޓާއި ބިން ވުޖޫދުގަ ނެތީސް ބަހާލުމީ،، ފާއިތުވި ސަރުކާރުން މާލޭގެ މީހުން ހުސްބުޅީގައި އަޅުވައިލުމަށް އޮއްސާލި އެއްވަޓެއް.. މުޅި އެން އޮޑި ހުސްއަރުވާލީ ، ފަހަކަށް ނުބަލައި، ބޭނުންވި ބަޔަކަށް.. އެތަށް ސަތޭކަ މިލިއަން ޑޮލަރެެއް ހަރަދުކޮށްގެން ހިއްކި ބިން ހިލޭ (ހަމައެކަނި މާލޭ މީހަކަށް ވިކަން) .. އެއްމިލިއަން ނާރާ ފުލެޓް ދެނީ ހާލަތުބަލައި، ސުވާލުކޮށް އަދި 25 އަހަރުވަންދެން ކުލި ދައްކާގޮތަށް.. ވަރަށް ވެސް ހެއްވާ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

08 February 2024

މި މުއިޒު މީ ބުނާބަހާ އިދިކޮޅައް ކަންކުރާ މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސްލީތަފާތު

08 February 2024

ނިމިގެން ދިޔަ ސަރުކާރަކީ ފަހުގެ ތާރީޚުގައި ރާއްޖޭގައި އެންމެ ފުޅާކޮށް އެންމެ ބޮޑުކޮށް ފަލަކޮށް ނަސްލީ ތަފާތުކުރުން ރާއްޖޭގައި ހިންގި ޕާޓީ. ޤާނޫނުއަސާސީއާއި އަދި ޤާނޫނުތަކާ ޚިލާފަށް ނަސްލީ ތަފާތުކޮށްފައި ބިންދިން މީހުންގެ މައްޗަށް ނަސްލީ ތަފާތުކުރުމުގެ ދައުވާ އުފުލަންޖެހޭ. މިހުރިހާ ކަމެއް ކުރިއިރު ޕްރޮސިކިއުޓަރ ޖެނެރަލް ހުރީ ކުޅިބަލަން. ނަސީބެއް އޭސީސީއަށް އެކަން ރޭކާލައިގެން ތި މައްސަލަ ބަލާކަށް. އުންމީދުކުރަނީ އިންސާފު ގާއިމުކޮށްދޭނެ ކަމަށް.