މި މަހު 100 މިލިއަން ދޭ ގޮތަށް ވެސް މަސްވެރިންގެ މުޒާހަރާ ހުއްޓާނުލި، މިހާތަނަށް 400 މިލިއަން ޖަމާކޮށްދީފި!

އިއްޔެ، ފިޝަރީޒް މިނިސްޓަރު ޝިޔާމް ކޫއްޑޫއަށް ވަޑައިގެން އެ ރަށުގައި އިހުތިޖާޖު ކުރަމުންދާ މަސްވެރިންނާ ވާހަކަ ދައްކަވަނީ؛ މިނިސްޓަރު ވިދާޅުވީ 100 މިލިއަން މި މަހުގެ 25،26ގައި ޖަމާކޮށްދެއްވާނެ ކަމަށް.--- ފޮޓޯ: ފިޝަރީޒް މިނިސްޓްރީ

ފާތިމަތު އަޖްފާން، މިހާރު

19 ފެބުރުއަރީ 2024 - 10:48

123 comments

މަސްވެރިންނަށް ނުދެވި ހުރި 300 މިލިއަން ރުފިޔާގެ ތެރެއިން 100 މިލިއަން ރުފިޔާ މި މަހު ދޭން ސަރުކާރުން ނިންމައި އެގޮތަށް ހުށަހެޅުމުން ވެސް ހުރިހާ ފައިސާއެއް ނުދެނީސް ގއ. ކޫއްޑޫން ނުފައިބާނެ ކަމަށް އެ ރަށުގައި މުޒާހަރާކުރާ މަސްވެރިން ބުނެފި އެވެ.

އެ މީހުން އެހެން ބުނާއިރު، މި ސަރުކާރުން މިހާތަނަށް އެކަނި ވެސް 400 މިލިއަނަށް ވުރެ ގިނަ ރުފިޔާ ވަނީ މަސްވެރިންނަށް ޖަމާކޮށްދީފަ އެވެ.

އިއްޔެ ހެނދުނު ކޫއްޑޫގައި މަސްވެރިން މުޒާހަރާ ފެށީ މަސްވެރިންނަށް ދޭންޖެހޭ ފައިސާ ނުލިބި ތިން މަސްވެއްޖެ ކަމަށް ބުނެ، އެކަމުގެ ކަންބޮޑުވުން ފާޅުކުރުމަށެވެ. އެކަމާ ގުޅިގެން ފިޝަރީޒް މިނިސްޓަރު އަހުމަދު ޝިޔާމް އިއްޔެ ވަނީ ށ. އަތޮޅުގައި ހުންނެވުމަށް ފަހު، ކޫއްޑޫ އަށް ވަޑައިގެން މަސްވެރިންނާ ބައްދަލުކުރައްވައިފަ އެވެ.

އެ ބައްދަލުވުމަށް ފަހު މިނިސްޓަރު ދޯނިތަކުގެ ކެޔޮޅުންނާ ބައްދަލުކުރެއްވި އެވެ. އެ ބައްދަލުވުމުގައި ބައިވެރި ދޯންޏެއްގެ ކެޔޮޅަކު "މިހާރު" އަށް ބުނީ މަސްވެރިންނަށް ދޭންޖެހޭ ފައިސާ އެއްކޮށް ނުދޭ ނަމަ އިހުތިޖާޖު ނުހުއްޓަން ނިންމާފައިވާ ކަމަށެވެ.

"މިނިސްޓަރު ހަމަ ވިދާޅުވަނީ ފިނޭންސުން އަންގާފައި ކަމަށް ވަނީ، އަންނަ މަހުގެ ފަހެއްގެ ކުރިން، ނުދެވި ހުރި ހުރިހާ ފައިސާއެއް ދެއްވާނެ ކަމަށް. އެކަމަކު އަޅުގަނޑުމެން ބުނިން އެގޮތެއް ބޭނުމެއް ނޫނޭ. ވަރަށް ވާހަކަ ދައްކައިގެން މިނިސްޓަރު އެއްބަސްވީ މި މަހުގެ 26،25 ހިސާބުގައި 100 މިލިއަންދޭން. ބާކީބައި އަންނަ މަހުގެ ފަހެއްގައި ދޭން،" އޭނާ ބުންޏެވެ.

މަސްވެރިން މަސައްކަތް ހުއްޓާލައި މުޒާހަރާގައި.

އޭނާ ބުނީ ކޫއްޑޫގައި ކުރަމުންދާ މުޒާހަރާ ހުއްޓާލައި، މަސްވެރިން އެ ރަށުން ފައިބައިގެންދާނީ ސަރުކާރުން ގަނެފައި ހުރި މަހަށްވާ ފައިސާ އެއްކޮށްދީ ނިންމުމުން ކަމަށެވެ.

"ރޯދަ މަސް އައިސް ޖެހިފައި މި އޮތީ. މަސްވެރިން މިތިބީ، ތިބި ހާލު. އިހުތިޖާޖު ހުއްޓާލައި ކޫއްޑޫއިން ފައިބައިގެނެއް އަޅުގަނޑުމެން ދާ ގޮތަކަށް ނޫން މި ތިބީ. ފައިސާ ލިބެންދެން އިހުތިޖާޖު ކުރާނަން،" އެ ކެޔޮޅު ބުންޏެވެ.

"މިފްކޯގެ އެއްވެސް މަސައްކަތެއް ނުކުރެވޭނެ އަޅުގަނޑުމެންނަށް ފައިސާ އެއްކޮށް ދިނުމުން ނޫނީ. މަސް ކިރުމާއި މަސް ހިއްކުމާއި އޮފީހުގައި ކުރަން ޖެހޭ ހުރިހާ މަސައްކަތެއް ވެސް ހުއްޓިފައި މިހާރު އޮތީ..."

ކޫއްޑޫއަށް މަސް ކިރަން ގޮސް އޮތް ދޯންޏެއްގައި މަސްވެރިންތަކެއް މަޑުކޮށްލައިގެން.-- ފޮޓޯ: ފިޝަރީޒް މިނިސްޓްރީ

ފައިސާ ދިނުމުން ނޫނީ މުޒާހަރާ ހުއްޓާނުލަން ނިންމި ސަބަބަކީ މީގެ ކުރިން ވެސް ސަރުކާރާ ވާހަކަ ދެކެވި، އެކަމަށް ހައްލެއް ނުލިބުމުން ކަމަށް އޭނާ ބުންޏެވެ.

"މިތާ ވެސް 30 ދޯނި އެބަ އޮތް. އެއީ ކިތައް މަސްވެރިން. އަޅުގަނޑުމެން އަތުގައި މިއަދު ނެތް އެކައްޗެއް ވެސް، ދަރައި ވިކިފައި މި ތިބީ. އަނެއްކާވީ އަނެއް މަސް ވަންދެން މަޑުކުރަން. އެންމެ ކުޑަމިނުން ކާންބޯން ގަނެލާނެ އެއްޗެއް ވެސް ނެތިފައި މި ތިބެން ޖެހެނީ،" އެ އިހުތިޖާޖުގައި ބައިވެރިވި މަސްވެރިއަކު ބުންޏެވެ.

ތިން މަސް ދުވަހަކީ ސަރުކާރަށް، މަސްވެރިންނަށް ފައިސާ ދިނުމަށް ދިން ވަރަށް ގިނަ ދުވަސް ކަމަށާއި ސަރުކާރުން ދައްކާ ވާހަކަތައް ގަބޫލުކުރަން ދަތި ކަމަށް އޭނާ ބުންޏެވެ.

Masverinnah Minister ge yageenkan: March 5 ge faun muzaaharaa kuran nujeheyne

The most trusted news source in the Maldives

Mihaaru

އިއްޔެ މަސްވެރިންނާ އެކު ބޭއްވި ބައްދަލުވުމުގައި މިނިސްޓަރު ވިދާޅުވެފައި ވަނީ މަސްވެރިން ބާނާ މަހަށް ފައިސާ ނުލިބިގެން އަންނަ މަހުގެ ފަހަކުން ފެށިގެން މުޒާހަރާކުރަން ނުޖެހޭނެ ކަމަށެވެ.

ސަރުކާރުން ނިންމާފައި ވަނީ ލޯނެއް ނަގައިގެން ވިޔަސް މަސްވެރިންނަށް ދޭން ޖެހޭ ފައިސާ ދީ ނިންމުމަށެވެ.

މަސްވެރިން ފިޝަރީޒް، އެގްރިކަލްޗާ މިނިސްޓްރީ ކޫއްޑޫ ފިޝަރީޒް އަހުމަދު ޝިޔާމް (ފިޝަރީޒް މިނިސްޓަރު)

123 ކޮމެންޓް, 56 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މައުސޫމްް

20 February 2024

މަސްވެރިންވެސް މިހާރު ގޮތް ދޫކުރަން ޖެހޭ. މާރިޗް ފަހެއްގެ ކުރިން ބެކްލޮގް އެއްކޮށް ކްލިއާ ކޮށްދޭނެވާހަކަ އެވަނީ މިނިސްޓަރ ވެސް ވިދާޅުވެފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުހާާމް

20 February 2024

ރައީސް މުއިއްޒުގެ ސަރުކާރުން މިވަރަށް ވެސް ފައިސާ މިހާ ކުރު މުއްދަތެއްގަ މަސްވެރިންނަށް ދިނީ. ދެން އަދިވެސް ގޯސްވެގެން އުޅޭ ސަބަބެއް ނޭގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަސީމާާ

20 February 2024

މަސްވެރިން މިއުޅެނީ ހޭބަލިވެގެންތަ. މި ގައުމުގަ އުޅެނީ ހަމައެކަނި މަސްވެރިންނެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު..

19 February 2024

މަސްވެރިން މަސްކިރުވާފަ ފައިސާ ނުލިބުނީމާ އިހްތިޖާޖު ކުރިޔަކަސް ވަރިހަމަ. އޯކޭ. އެކަމަކު ވަކިމީހަކު ވެރިކަމުގަ ހުރެގެން އެގޮތް ކަމުނުގޮސްގެން އަނބުރާ ގޭސް އެނބުރިޔަކަސް ކަމަކުނުދާނެ. މުޅި ދައުލަތް ލޫޓުވާލައިގެން ބަޔަކު ގޮނޑިން ފައިބައިގެން ދިޔައިރު މަސްވެރިން ތިބީ ކޯމާގަތަ؟ ތިޔަ އަނބުރާ ގޭސްގަނޑެއް އަނބުރާކަށް ނޭނގުނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުނިޔޭގެހަގީގަތް

19 February 2024

ހަގީގަތުގައި ވެގެންއުޅޭގޮތަކީ، މާމޮޅުބަޔަކަށް ހެދިގެން ނުވަތަ ކެވުނުވަރަކަށް ކާންވެގެން، މިހެދިގޮތަކީ ކުރިން އެސްޓީއޯ ދަށުން ހިންގި ކުންފުންޏެއް އެތަނުގެދަށުން ވަކިކޮށް ހިންގަންއުޅެގެން ހިންގަން ނޭނގިގެން މިއުޅެނީ. ވިސްނުންތޫނު ކޮންމެމީހަކީ ހިންގުންތެރިއެއް ނޫން. މޮޅު ކޮންމެލީޑަރަކީ އެންމެ ތައުލީމީ މީހާއެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިވިލް މީހާ

19 February 2024

މަޖްލިސް އިންތިޚާބު ފަހުން ތިކަމުގެ ހިތި މަސްބާނާ މީހުންނަށް ދައްކަންވާނެ. 15 ރުފިޔާއަށް ކިލޯއެއް ވައްޓާލަންވާނެ. ސިވިލް ސާވިސް ގައި އުމުރު ދުއްވާލާ މީހުންނަށް ވެސް އެމީހުން ބޭނުންވާ ވަރަށް މުސާރައެއް ނުދޭ. ދެން ކީއްވެ ނުއަގުގައި މަސްގަނެ ބަޔަކަށް ދައުލަތުގެ ފައިސާ ދޭންވީކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަސްވެރިޔާ0

19 February 2024

ގައިމު ނުދީ ނޯންނާނެޔޯ މިދިޔަ ސަރުކާރުން ބުނީ. 3 މަސް ވެގެން ގޮސްފިއްޔާ އެއީ ނޮވެންބަރުވެސް ނުދެވި އޮތީ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

19 February 2024

ކުރީ ސަރުކާރުގަ ސަރުކާރުގެ އެތައް ބިލިއަން ފައިސާ ނެގި މީހުން ހިފާ ހައްޔަރު ކޮށް ތަހުގީގު ކޮށް އެފައިސާ ހޯދަން ވީ އެވެ. ސަރުކާރު ބަދަލު ވިއަސް އެއްވެސް މައްސަލަ އެއް ނުބަލަ އެވެ. ހުރިހާ ގެއްލުމެއް ރައްޔިތުންނަށެވެ. ހަމަ ކާލައިގެން ދިޔައީމަ އެނިމުނީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގައުމު ލޫޓުވާލައިފި

19 February 2024

މަސްވެރިންނަށް 300 މިލިއަން ނުދެވި، ފެނަކަ ކޯރޕަރޭޝަންގައި 6 ބިލިއަން ރުފިޔާ ނުދެވި، މިހެންގޮސް ކިޔާނެ ކަމެއް ނެތް، މިގައުމުގެ މިއޮތީ ސިޔާސީން ފުނޑުފުނޑުކޮށްލާފައި. ދިވެހިރާއްޖެ އަލުން ހޯދައި ބިނާކުރަން ޖެހިފައި. ޕީޕީއެމް، އަދި އެމްޑީޕީގެ 2 ވެރިކަމުގައިވެސް ދައުލަތަށް އާމްދަނީއެއް ލިބޭކަހަލަ ކަމެއް ނުކުރުމުގެ ސަބަބުން ދިވެހި ދައުލަތް މިވަނީ ފަގީރުވެ، ބަނގުރޫޓްވުމުގެ ތުންފަތްމަތީގައި. ތަރައްގީގެ ނަމުގައި ގައުމު ލޫޓުވާލައިފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަމަ

19 February 2024

ހިތާމައަކީ 100% މުސްލިމް ޤައުމެކޭ ބުނާއިރު މުސްލިމުންގެ ރީތި ސިފަތައް ނެތުން. ކެތްތެރިކަމާއި ލިބޭ މިންވަރަށް ޝުކުރު ނުކުރުމާއި މަޑުމައިތިރިކަމާއި ރުޅި ކޮންޓުރޯލްކުރުމެއް ނެތް. މިނިސްޓަރ ރީތިކޮށް ވާހަކަދެއްކިއިރުވެސް އައުގުރާނަ ގޮވައި އަޑު ގަދަކޮށް، އިހްތިރާމްކުރުމެއް ނެތް. 100 މިލިއަން ދޭން ބުނެ، 5 ކުރިން އެއްކޮށްދޭން ބުނީމަވެސް ނުފުދުނު.