ލަންކާގައި ކަރަންޓުގެ އަގު 18 ޕަސެންޓަށް ހެޔޮކުރަނީ

ސްރީ ލަންކާގައި އިގްތިސާދީ ހާލަތު އެންމެ ގޯސްވި 2022 ވަނަ އަހަރު ތެޔޮ ލިބުން ދަތިވެފައި އޮތް އިރު، ތެޔޮ ވިއްކާ ތަނެއްގެ ބޭރުގައި އާންމުން ކިއޫ ހަދާފައި. -- ފޮޓޯ: އޭއެފްޕީ

22 ފެބުރުއަރީ 2024 - 05:47

5 comments

ސްރީ ލަންކާގައި އާންމު ގޭބިސީތަކުގެ ކަރަންޓުގެ އަގު 18 ޕަސެންޓް ހެޔޮކުރަން ސަރުކާރުން މިއަދު ހުށަހަޅާނެ ކަމަށް ބުނެފި އެވެ.

ރޮއިޓާސް އިން ބުނީ ލަންކާއަށް ފަހުގެ ތާރީހެއްގައި ކުރިމަތިވި އިގްތިސާދީ އެންމެ ބޮޑު ހީނަރުކަމުގެ ސަބަބުން އާންމު ދިރިއުޅުމަށް ކޮށްފައިވާ ނޭދެވޭ އަސަރުން ސަލާމަތްވުމަށް އެހީއެއްގެ ގޮތުން އަޅާ ފިޔަވަޅެއް ކަމަށެވެ.

އާބާދީ 22 މިލިއަނަށްވުރެ ބޮޑު ލަންކާގައި ބޭރު ފައިސާގެ ރިޒާވް މަދުވެ ދަރަނިތައް އަދާނުކުރެވި އަދި ބޭނުންވާ ތަކެތި އިމްޕޯޓް ނުކުރެވި އިގްތިސާދަށް ކުރިމަތިވި ބޮޑު ހީނަރުކަމުގައި 2022 ވަނަ އަހަރު އިގްތިސާދު 7.8 ޕަސެންޓް ދަށަށް ދިޔަ އެވެ.

މި ދަތިކަމުން ސަލާމަތްވާން ލަންކާއިން އައިއެމްއެފުން ހޯދި 2.9 ބިލިއަން ޑޮލަރުގެ ބެއިލްއައުޓާ އެކު އެ އިދާރާގެ ޝަރުތުތަކަށް އަމަލުކުރުމުގެ ގޮތުން ސެޕްޓެމްބަރު 2022 ގައި ކަރަންޓުގެ އަގު 75 ޕަސެންޓް ބޮޑުކުރި އެވެ. އަދި މިދިޔަ އަހަރުގެ ފެބްރުއަރީ މަހު އިތުރު 66 ޕަސެންޓަށް ބޮޑުކުރި އެވެ.

ކަރަންޓުގެ އަގު ބޮޑުކުރި އިރު އެހެން ޓެކްސްތަކާއި ތެލުގެ އަގު ބޮޑުކުރުމުން ސެޕްޓެމްބަރު 2022 ގައި އިންފްލޭޝަން ރެކޯޑް މިންވަރަކަށް އުފުލި 70 ޕަސެންޓާ ހަމަޔަށް ދިޔަ އެވެ. އެކަމަކު މި އަހަރުގެ ޖެނުއަރީ މަހު އިންފްލޭޝަން ވަނީ 6.5 ޕަސެންޓް ދަށްވެފަ އެވެ.

ލަންކާގެ ޕަވަ އެންޑް އެނާޖީ މިނިސްޓަރު ކަންޗަނާ ވިޖެސެކެރާ، ގާނޫނު ހަދާ މަޖިލީހުގައި އިއްޔެ ވިދާޅުވި ގޮތުގައި ވާރޭ ވެހުން އިތުރުވުމާއި ރުޕީގެ އަގު ރަނގަޅުވުމާއި އިންޓަރެސްޓް ރޭޓް ދަށްވުމާ އެކު ކަރަންޓުގެ އަގު ހެޔޮކުރުމަކީ މިހާރު ކުރެވިދާނެ ކަމެކެވެ.

"އަޅުގަނޑުމެން ގޭބިސީތަކާއި ދީނީ ކަންކަމަށް ބޭނުންކުރާ ތަންތަނުން ކަރަންޓުގެ އަގުން 18 ޕަސެންޓް ކުޑަކުރާނަން. ފެކްޓަރީތަކަށް 12 ޕަސެންޓް ހެޔޮކޮށްދޭނަން،" އޭނާ ވިދާޅުވި އެވެ.

މިނިސްޓަރު ވިދާޅުވީ ސަރުކާރުން ބޭނުންވަނީ ދެވެން އޮތް ކޮންމެ ލުޔެއް ވީ އެންމެ އަވަހަކަށް ދޭން ކަމަށެވެ.

ސްރީ ލަންކާ ކަރަންޓު އިގްތިސާދު

5 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

MySuperGreenDOTcom

03 March 2024

ރާއްޖޭގައި ކަރަންޓުގެ އަގު އެކަށީގެންވާވަރަށްވުރެން މާބޮޑު، މީ ރައްޔިތުންގެ ކުރިއެރުމަށް އެޅިފައިވާ ބޮޑުހުރަހެއް، މުސާރައިގެ ބޮޑު ޕަސެންޓެއް ކަރަންޓުބިލަށް ޕޭކުރަންޖެހޭ! އޭސީއެއް ގޭގައި ބޭނުންކުރަންޏާ ބިލަށް މަދުވެގެން /-2500 ވަރު އަރާނެ! ކަރަންޓުބިލު ހެދުމުގައި ޒަމާނުއްސުރެ ބޮޑު "ހީލަތްތެރިކަމެއް" ގެންގުޅޭ، އެއީ ކޮންމެ 100 ޔުނިޓަކުން ރޭޓުބޮޑުކުރުން، ކޮބައިތޯބޭނުމަކީ؟ ފުރަތަމަ ސަތޭކަޔުނިޓަށް ދަށްރޭޓަކުން ނަގާނީ އެ ރޭޓުންވެސް ގެއްލުންނުވާތީނުން؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުހާ.

24 February 2024

ހުރިހާ ޝުކުރެއް އިރާނަށް. އިރާނުގެ ވެރިންނަކީ ހިތްހެއު އޯގާތެރި ބައެއް. ސައިފަތަށް ތެއު ވިއްކީ އިރާނުން. އެއްވެސް ބަޔަކު ބާޓާ ސިސްޓަމަށް ތެއު ނުވިއްކިއަސް އިރާނުން އެކަންކޮށްދިން. ތަމަޅައިން ބަލިކުރީ ވެސް ސީދާ އިރާނުގެ އާޓުލަރީ ހަތިއާރު ލަންކާއަށް ދީގެން. އޭރު އިރާނުގެ ރައީސް އަހުމަދު ނީޖާދު ލަންކާއަށް ފުލުފުލުން ދަތުރުކޮށްފަ އަލަށް އިރާނުން އުފެއްދި ހަތިއާރުތައް ޓެސްޓުކޮށްލީ ތަމަޅައިންނާ ދެކޮޅަށް، އެމެރިކާ އޮތީ ސޮނިވެއްޓިފަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަނގަޅުކޮށްލާ

24 February 2024

ޖުހާ ދެން ފަހަރަކުން "ތެއު"ގެ ބަދަލުގަ ލިޔާނީ "ތެޔޮ". އަދި"ހިތްހެއު"ގެ ބަދަލުގަ ލިޔާނީ "ހިތްހެޔޮ". އަދި "ހަތިއާރު"ގެ ބަދަލުގަ ލިޔާނީ "ހަތިޔާރު" މިހެން. އޯކޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުރޫރީ

22 February 2024

މިހިރަ ފެންނަނީ ގައުމުތަކުގެ ހާލަތު ރަނގަޅުވާ ވަރަކަށް ގައުމުގެ ރައްޔިތުން އަށް ފަސޭހަ ކޮށްދޭން ދައުލަތުން ކޮށްދޭ ކަންތައްތަ. މި ރާއްޖޭ މީގެ އިދިކޮޅު.. މާލީ ހާލަތު ރަނގަޅުވިޔަސް އަގުތައް މައްޗަށް.