ގޯތީގެ ރަޖިސްޓްރީއާ ހަވާލުވާން އަންނަ ބުދަ ދުވަހުގެ ނިޔަލަށް ފުރުސަތުދީފި

ގުޅިފަޅުން ގޯތި ލިބުނު ބަޔަކު އިން ވަކިކުރަނީ. -- ފޮޓޯ | މިހާރު

ފާތިމަތު އަޖްފާން، މިހާރު

14 މާޗް 2024 - 18:13

ބިންވެރިޔާ ސްކީމުގެ ދަށުން ދޫކުރި ގޯތީގެ ރަޖިސްޓްރީއާ ހަވާލު ނުވާ މީހުންނަށް އަންނަ ބުދަ ދުވަހުގެ ނިޔަލަށް އަނެއްކާވެސް އިތުރު ފުރުސަތެއް ދިނުމަށް ހައުސިން މިނިސްޓްރީން ނިންމައިފި އެވެ.

މިނިސްޓްރީން މިއަދު ކުރި އިއުލާނެއްގައި ބުނީ މާލޭގެ ބޯހިޔާވަހި ކަމަށް ހައްލު ހޯދައި ދިނުމަށް ކުރީގެ ސަރުކާރުން ކުރިއަށް ގެންދިޔަ ބިންވެރިޔާ ސްކީމްގެ ދަށުން ދޫކުރި ގޯތިތަކުގެ އެގްރީމެންޓްގައި ސޮއިކޮށް 8،394 މީހުންނަށް ގޯތީގެ ރަޖިސްޓްރީ ހަވާލުކޮށްފައިވާ ކަމަށެވެ.

ނަމަވެސް ގޯތި ލިބުނު ބައެއް މީހުން ރަޖިސްޓަރީ ނުވަތަ ގޯތި ލިބުނުކަމުގެ ލިޔުމާ ހަވާލުވުމަށް އަދިވެސް ހާޒިރު ނުވާ ކަމަށް މިނިސްޓްރީން ބުންޏެވެ.

މިނިސްޓްރީން އެންމެ ފަހުން ހިއްސާކޮށްފައިވާ މައުލޫމާތުގައި ބުނެފައި ވަނީ ލިޔުން ހަވާލުނުކުރާ 303 މީހުން ތިބި ކަމަށާއި ބިމަށް ކުރިމަތިލި މީހުންގެ ތެރެއިން 16 މީހަކު އެ ބިން ދޫކޮށްލަން އެދިފައިވާތީ ސޮއެއް ނުކުރާ ކަމަށެވެ. ބިން ލިބުނު ފަހުން 12 މީހަކު މަރުވި އެވެ.

ގުޅިފަޅުން ގޯތި ލިބުނު މީހަކު ގޯތީގައި ރުކެއް އިންދަނީ-- ފޮޓޯ: ނިޝާން އަލީ/ މިހާރު

ހައުސިން މިނިސްޓްރީން ބުނިގޮތުގައި، ބިން ލިބިފައިވާ މީހުންގެ ތެރެއިން އިތުރަށް ބަލަން ޖެހޭ ކަންކަން ހުރުމުގެ ސަބަބުން 120 މީހަކާ އެކު އެއްބަސްވުމުގައި ސޮއެއް ނުކުރެވެ އެވެ. އެކަަމަކު، އެއީ ކޮން ސަބަބުތަކެއް ކަމެއް މިނިސްޓްރީން ހާމައެއް ނުކުރެ އެވެ.

ގޯތީގެ ރަޖިސްޓްރީއާ ހަވާލުވުމަށް އަންނަ ހޮނިހިރު ދުވަހުން ފެށިގެން ބުދަ ދުވަހުގެ 12 ޖެހުމާ ހަމައަށް ފުރުސަތު ހުޅުވާލާފައިވާ ކަމަށް މިނިސްޓްރީން ބުންޏެވެ.

ރަޖިސްޓްރީއާ ހަވާލުވުމަށް އެޕޮއިންޓްމެންޓު ހަދާނީ ހިޔާވެހި ޕޯޓަލް މެދުވެރިކޮށެވެ.

ކުރީގެ ސަރުކާރުން ހިންގި އެ މަޝްރޫއުއާ ގުޅިގެން ގިނަ ބަޔަކު ކަންބޮޑުވުން ފާޅުކޮށް، އެކަމުގެ ޝަކުވާ އޭސީސީ އަށް ކޮށްފައިވާތީ އެކަން އެ ކޮމިޝަނުން ވެސް އަންނަނީ ބަލަމުންނެވެ. އެކަމަކު މި މަޝްރޫއު މިހާތަނަށް ނުހުއްޓުވަ އެވެ.

ގުޅިފަޅު ހައުސިން މިނިސްޓްރީ ގިރާވަރު ފަޅު ބޯހިޔާވަހިކަން

25 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުފްޔާން

15 March 2024

ތިޔަތަނުން ގޯއްޗެއްގައި ލައްވާނުލިޔަސް މި ސަރުކާރުން ހިންގާ މަޝްރޫއު ތަކުގައި ބޯހިޔާ ވަހި ކުރާނެ ރަނގަޅު ގޮތްތައް ފަހިވެގެން ދާނެ ކަމުގެ ޔަގީންކަން މަށަށް އެބައޮތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާހިދް

15 March 2024

ގޯތިތައް އޭގެ ހައްގުވެރިންނައް ލިބެން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖބކނކމކ

15 March 2024

ވަކި ރަށަކަށް އުފަންވީތީ މި ވަރަށް ތަފާތު ކުރާ ގައުމެއް މިދުނިޔޭގަ ނޯނާނެ. މާލެ ދަރިކޮޅަށް އޮތިއްޔާ އޮތް ފަޅެއް ހިއްކާފަ އާބަން ތަންތަނަށް ހަދާފަ އަގުބޮޑު ބިން ހިލޭ. އާބަންތަނެއްގަ ދިރިއުޅުމުގެ ހުވަފެން ދުށުމަށްވެސް ރާއްޖޭގެ އެހެން ރަށްރަށަށް އުފަންމީމީ 25 އަހަރަށް ނޫނީ 30 އަހަރަށް އެބަ ދަރަނިވެރިވާންޖެހޭ. ދަރަނި ނިމޭއިރު މީހާ އޮންނަނީ ފަސްގަނޑުދޮށުގަ. މާކެ މީހާ ހިލޭ ގޯތި ހޯދާފަ ބޮޑުއަގުގަ ބިން ކުއްޔަށް. ދެލޯކަރުނުންފުރިސަހަރޯ ހީވޭ އިންސާފުފެނިފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒޯލްނާ

15 March 2024

އަދިވެސް ފްލެޓް ތައް ނުދޭން ހިފާލާފަ މިތިބެނީ ކޮން މަގުސަދެއް ޙާޞިލުވަންދެންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާކުންބޭ

15 March 2024

ގޯތި ދިނީ ރާއްޖޭގަ ނުވެސް އުޅޭ ޤަބީލާތަކުގެ މީހުނަށް، ޤައަމުގަ ޓެކްސް ދައްކާ ފަރާތްތައް ބާކީކޮށް އެމްޑީޕީ އިން ހިންގި ރޭސިސްޓް ޖަރީމާ މުއިޒްވެސް އެންޑޯރޒްކޯޮށް ހެދުމަކީ އެ ރޭސިސްޓް ޕޮލިސީތައް މުއިޒްވެސް ބަލައިގަތުން.، މެޖޯރިޓީ ދިވެހިންގެ ހައްޤުތަކަށް އަރައިގަތުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާލަތުހުރިގޮތޭ

15 March 2024

ހަވާލުނުވާ ގޯޗެއް މަށަށް ދީބަލަ. މާލޭގައި ކުއްޔަށް އުޅޭތާ 17 ވަނަ އަހަރު މި. އެއްވެސް ތަނަކު އަމިއްލަ ބޯހިޔާވަހިކަމެއް ގޯޗެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބުރިހިމ

15 March 2024

ޢިބުރާހިމް ރާއީސް ކަން ބޭނުންވެފަ ހުރި ވަރު ބޮޑުކަމުން ކަނޑަ އެޅިގެން އޮޅުވާލުމެއްގެ ތެރޭން އޭނަ ހިންގި ބޮޑު ޖަރީމާއެއްކަން އެނގޭ އިރުވެސް މުޅި ރާއްޖޭގެ ބަޖެޓު ހުސްކޮސްލާފަ ދަރުވާލާފަ އޭނަ ދިޔައިމަވެސް މި ސަރުކާރުން ހަމަ މިގޯތިތައް ހިލޭ ބަހަން ޖެހޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިނަދޫބެއްޔާ

15 March 2024

ތިނަދޫ ސިޓީން ވިއްކާ ގޯތިތަކުން އަކަފޫޓަކަށް 600ރ ކައުންސިލަށް ދައްކަންޖެހޭ ގޮތަށް ފާސް ކުރި ނިންމުން ބާތިލް ކުރަން ގޮވާލަން. އެކަމުގެ ސަބަބުން ފަޅުގޯތިތައް އިތުރަށް ފަޅުވުން ނޫންކަމެއް ނުވާނެ. ސިޓީގެ ތަރައްގީ ލަސްވުން ނޫންކަމެއް ނުވާނެ. ސިޓީގެ މޭޔަރަށް ހެޔޮވިސްނުން ދެއްވާށި.