ބީހައިވަށް އެކަނި އެފްއޭއެމްގެ ދަރަނި މަހަކު 11،000 ޑޮލަރަށް ވުރެ މައްޗަށް

އެފްއޭއެމްގެ ރައީސް ބައްސާމް: އެ އެސޯސިއޭޝަނުން ބީހައިވަށް މަހުން މަހަށް ދައްކަން ޖެހޭ ފައިސާގެ އަދަދު ވަނީ އިތުރު ވެފަ

30 މާޗް 2024 - 07:37

ސިވިލް ކޯޓުން ކުރި އާ ހުކުމާ އެކު އެފްއޭއެމުން، ބީހައިވް ހޮޓެލްސް އަށް އެކަނި ދައްކަން ޖެހޭ ދަރަނި މަހަކު 11،000 ޑޮލަރަށް ވުރެ މަތިވެއްޖެ އެވެ.

ބުރާސްފަި ދުވަހު ސިވިލް ކޯޓުން ކުރި ހުކުމުގައި ވަނީ، ބީހައިވުން ހޯދާފައިވާ ހިދުމަތަށް ޑޮލަރުން ދައްކަން ޖެހޭ ޖުމުލަ ފައިސާ އެއް އަހަރުތެރޭ މަހުން މަހަށް ދައްކައި ހަލާސް ކުރުމަށެވެ. އެއީ ޖުމުލަ 102،186.87 ޑޮލަރު

މި ހުކުމާ އެކު އެފްއޭއެމުން ކޮންމެ މަހަކު 8،500 ޑޮލަރަށް ވުރެ ބޮޑު އަދަދެއް ދައްކަން ޖެހޭނެ އެވެ. މިއީ ބީހައިވަށް ދަރަނި ދައްކަން އެފްއޭއެމްގެ މައްޗަށް ކުރި ދެވަނަ ހުކުމެވެ.

މިދިޔަ އަހަރު ނޮވެމްބަރު މަހު ވެސް ސިވިލް ކޯޓުން ވަނީ، ބީހައިވަށް ފައިސާ ދައްކަން އެފްއޭއެމްގެ މައްޗަށް ހުކުމެއް ކޮށްފަ އެވެ. އެއީ އެ ކުންފުނިން ދަރަނީގެ ގޮތުގައި ނެގި 500،000ރ. އަށް ޑޮލަރުން ފައިސާ ދެއްކުމަށް އެފްއޭއެމުން އެއްބަސްވެ އެ ފައިސާ ނުދައްކާތީ ކުރި ހުކުމެކެވެ.

އެ މައްސަލާފައި އެފްއޭއެމުން ބީހައިވް އަށް ދައްކަންޖެހޭ ޕްރިންސިޕަލް އަދަދަކީ 32،426 ޑޮލަރެވެ. އެ ފައިސާ ދައްކަން ވެސް ކޯޓުން ހުކުމް ކުރީ މަހުން މަހަށް ބަހާލައިގެން އެއް އަހަރުތެރޭ ދެއްކުމަށެވެ. އެ ދަރަނި މަހުން މަހަށް ބަހާލުމުން ކޮންމެ މަހަކު މަދުވެގެން 2،700 ޑޮލަރު ދައްކަން ޖެހެ އެވެ.

500،000 ރުފިޔާގެ ދަރަނި ބީހައިވް އަށް ދައްކަން ސިވިލް ކޯޓުން އެފްއޭއެމަށް ހުކުމްކޮށްފި https://t.co/3OleCAbYkY
— Mihaaru (@Mihaarunews) November 1, 2023

ބުރާސްފަތި ދުވަހު ކުރި ހުކުމްގެ ޝަރީއަތުގައި ބީހައިވުން ވަނީ، ފައިސާ ދައްކަން ޖެހޭ މުއްދަތުގައި އެފްއޭއެމުން ފައިސާ ދައްކާފައި ނުވުމުން، އެ ކުންފުނީގެ ވިޔަފާރި އަށް ލިބޭ ގެއްލުމުގެ ބަދަލެއްގެ ގޮތުން ފައިސާ ނުދައްކާ ފާއިތުވާ ކޮންމެ ދުވަހަކަށް އިތުރު ދެ ޕަސަންޓާ އެކު އެކީ އެއްފަހަރާ ފައިސާ ދެއްކަން ހުކުމްކޮށް ދިނުމަށް އެދިފަ އެވެ.

ނަމަވެސް އެފްއޭއެމުން އެކަމާ މެދު އިއުތިރާޒު ކުރި އެވެ. އެ އެސޯސިއޭޝަނުން ބުނީ ކޮންމެ ދުވަހަކަށް އިތުރުވާ ދެ ޕަސަންޓަކީ ނިސްބަތުން ބޮޑު އަދަދެއް ކަމަށެވެ. އެ ދެ ޕަސަންޓް ބީހައިވުން ދައުވާގައި ހިމަނާފައި ނުވާ ކަމަށާއި އަދި އެ ދެ ޕަސަންޓަށް އެފްއޭއެމުން އެއްބަސްވެފައި ވެސް ނޯންނާނެ ކަމަށް އެ އެސޯސިއޭޝަނުން ކޯޓުގައި ބުންޏެވެ.

ދައްކަންޖެހޭ ދަރަނީގެ އަސްލު އަދަދަށް އެއްބަސްވެ، އެ އެސޯސިއޭޝަނުން އެދުނީ މަހުން މަހަށް ބަހާލައިގެން ދެއްކުމަށެވެ. ކޯޓުން ހުކުމް ކުރީ އެ ދުވަހުން ފެށިގެން އެއް އަހަރު ތެރޭ ކޮންމެ މަހަކު ވެސް ދައްކަން ޖެހޭ އަދަދަށް ވުރެ މަދު ނޫން އަދަދެއްގެ ފައިސާ، ކޮންމެ މަހެއްގެ ވެސް 10 ވަނަ ދުވަހުގެ ކުރިން ސިވިލް ކޯޓަށް ދެއްކުމަށެވެ.

ފުޓްބޯޅަ އެފްއޭއެމް ސިވިލް ކޯޓް

10 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިހާލު

30 March 2024

އަސްލު މިހެން މިވަނީ ކުލަބުތަކުން ދިވެހި ފުޓްބޯޅައަށް ލޯބިކުރުމައްވުރެ އަމިއްލަ ޖީބައްލޯބިކުރާތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުނޑުހަސަނު

30 March 2024

މިވަރުން ވެސް އިތުރު ދައުރެއް މީނާއަށް ހަމަ ދޭންވީތަ!. އަޖައިބު އަންތަރީސްވާވަރުވޭ. ގޭންގް ކްލަބުތަކަށް ލިބޭ ނާޖާއިޒު ފައިދާތަކެއް އެހެން މީހަކު ރައީސްކަމަށް އައިސްގެން ނުލިބިދާނެތީ އެމީހުން ބައްސާމަށް މަޖުބޫރުކުރަނީބާ! މިކަން ތަހުގީގުކުރަން އެބަޖެހޭ. ގޭންގް ކްލަބުތަކެއް ބޭނުންނުވާނެ ކޮންމެހެން ފުޓުބޯޅަ ކުރިއަރުވަން. ފުޓުބޯޅަ ނުކުޅުނަސް އެމީންހުންނަށް މަންފާވާނަމަ އެމީހުން ބައްސާމު ދިފާޢުކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްޖޭ

30 March 2024

ތިކަންކަމުން އަަރައިގަނެ ފުޓްބޯޅަ މެޗެއް ކުޅެން ފަށާއިރު ހުންނާނީ ދެކޮޅު ނުރަޖަހާފަ ނޫންތޯ،ނޫނޭ ވ ކުރިއަށް ޖައްސާފަ އޮތީ ފުޓްބޯޅަ މިރާއްޖޭގައި،ނަސީބެއް މެސީ އާ ނޭމާ އާ ރޮނާލްޑޯ މެން މިގައުމަށް ކުޅެން އަންނަން ނޫޅޭކަން،ޔަގީނޭ ގައުމު ވިއްކާފަ ބައްސާމު ތިނެތ ވިއްކިޔަސް ފައިސާދަށްކާ ޙަލާސް ނުކުރެވޭނެކަން،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

30 March 2024

ދައުލަތުން ބަދަލުހޯދުންފަދަ އެތައްކަމެއް ރާއްޖޭގައި ހިގާފައިވާގޮތަށްބަލާއިރު އެފަދަކަންކަމުގައިހިމެނޭ ފަރާތްތައްގުޅިގެން އެކަންކަމަށް ފަހިވާގޮތަށް ނުވަތަ މިޒަމާނުގެބަހުން ބުނާނަމަ ފުރޯޑްހިންގަން ގަސްތުގައި މިފަދަކަންކަން ކޮށްފައިއެބަހުރި. # މިދެންނެވިފަދަ އަމަލެއްތޯބަލަން ބީހައިވްއިން އެފްއޭއެމް އާއި އެކު ހިންގިކަމަށްބުނާ މުއާމަލާތްތަކަށް އިންވޮއިސްކޮށް އަދި ދައުލަތަށް ދައްކާންޖެހޭ ޓެކްސް ދައްކާފައިވޭތޯ މީރާއިން ކަށަވަރު ކުރުން ވަރަށް މުހިންމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

30 March 2024

އެކިއެކިނަންތަކުގައި ތަންތަންހަދައި ނަމުގެކުރިއަށް "ޤައުމީ" ނޭޝަލަން ނުވަތަ ދިވެހިރާއްޖެފަދަ ނަންތައްލައިގެން ކ.މާލޭގެ ޤަބީލާތަކަށް މާލީފައިދާ ހޯދާދޭން ހަދައިގެންއުޅޭ މިފަދަތަންތަނާއި ދެކޮޅަށް އެރަށުމީހުންނޫން އެހެންއެންމެން ތެދުވެ އަޑުއުފުލައިގެން މެނުވީ އެރަށުމީހުންގެ (ކ.މާލޭމީހުން) މިފަދަނޭއްގާނި އަމަލުތައް އެމީހުން ހުއްޓާނުލާނެ. # އެފްއޭއެމްގެ އެއްވެސްޙަރަކާތެއް އެއްވެސްރަށެއްގައިހިންގާން ފުރުސަތުނުދީބަލަ. ކ.މާލޭގައި އެމީހުން ކުރާކަމެއްކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިސާން

30 March 2024

ބައްސާމު ހައްޔަރު ކުރޭ!! ތަހުގީގު ހިންގާ ، ފިޔަވަޅު އަޅާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާއަލިމޯޑު

30 March 2024

އަޅެ މިހިސާބަށް އެފްއޭއެމް ވައްޓާލި ބައްސާމް އަނެއްކާވެސް އިތުރު ދައުރަކަށް ހޮވަން ތާއީދު ކުރެޔޯލަ ފަސްޓް ޑިވިޝަންގެ ގިނަ ޓީމުތަކުން. ކަންމަތީ ހުރިހާ ޓީމެއް ކަހަލަ ގޮތަކަށް ސަޕޯޓް އޮތީ ބައްސާމް އަށޯ. އަޖައިބެއް