ސިވިލް ކޯޓުގެ އެތެރެ: މާވަރުލު އެއްބަސްވުން ބާތިލްކުރީ އިޖުރާއަތުތަކާ އެއްގޮތަށް
19 ފެބުރުއަރީ 2017 - 16:10
6 comments
ގދ. މާވާރުލުގައި އެއާޕޯޓެއް ހަދަން މޫވިން އިންޓަނޭޝަނަލާ އެކު ހެދި އެއްބަސްވުން ސަރުކާރުން ބާތިލްކުރީ ރަނގަޅަށް ކަމަށް ސިވިލް ކޯޓުން މިއަދު ހުކުމްކޮށްފި އެވެ.
މާވާރުލުގައި ޑޮމެސްޓިކް އެއާޕޯޓެއް އެޅުމަށް މޫވިން ކުންފުންޏަށް 2011 ގައި ދިނުމަށް ފަހު މިދިޔަ އަހަރު ސަރުކާރުން ވަނީ އެއްބަސްވުން ބާތިލްކޮށްފަ އެވެ.
ސަރުކާރުން ބުނެފައިވަނީ އެއްބަސްވުން ބާތިލްކުރީ މަސައްކަތް ނިންމަން ޖެހޭ މުއްދަތު އިތުރުކޮށް ދިނުމުުން ވެސް ނިމިފައިނުވާތީ ކަމަށެވެ. އެހެންވެ އެހެން ބަޔަކާ މަސައްކަތް ހަވާލުކުރަން ސަރުކާރުން އަންނަނީ މަސައްކަތް ކުރަމުންނެވެ.
އެ މައްސަލަ މޫވިން ކުންފުނިން ކޯޓަށް ހުށަހެޅުމުން އެ ކޯޓުން ކުރި ހުކުމުގައި ވަނީ އެއްބަސްވުން ބާތިލްކުރީ އަމަލުކުރަން ޖެހޭ އިޖްރާއަތުތަކާ އެއްގޮތަށް ކަން ސާބިތުވާ ކަމަށެވެ. އެހެންވެ، އެގްރިމެންޓް ބާތިލް ކުރުމުގެ ސަބަބުން މޫވިން އަށް ލިބުނު ގެއްލުމުގެ ބަދަލު ހޯދަން ދައުލަތާ ދެކޮޅަށް ދައުވާ ކުރުމުގެ ހައްގު އެ ކުންފުންޏަށް ނެތް ކަމަށް ގާޒީ މުހައްމަދު ހަލީމް ހުކުމްކުރެއްވި އެވެ.
މޫވިން ކުންފުނިން ކުރިން ބުނެފައިވާ ގޮތުގައި އެއްބަސްވުން ސަރުކާރުން ބާތިލްކުރީ އެތަނުގެ 60 ޕަސެންޓް މަސައްކަތް ނިމިފައި ވަނިކޮށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މާ ވަރުލު
20 February 2017
ޢެއޭ ތެދެއް މަވެސް އެއްބަހެއް ނުވާނަން އެތަނުގެ މަސައްކަތް އެ ބުނާ އަދަދަށް ނިމިފަ ހުރި ކަމަށް .
ގައްދޫ
19 February 2017
އެތަނުގެ %40 ވެސް ނުނިމޭ. އެރަށަށް އަރާ ބެލީމަ ފެންނާނެ
ލލ
19 February 2017
ސަރުކާރާއި ދެކޮޅު ހުކުމެއް ކޮށްފިއްޔާ ވިލާޔަތާއި އަހުލިއްޔަތު ގެއްލޭނެ ނުންތޯ އެޤާޒީއެއްގެ!
ދދ
19 February 2017
ދެން ސަރުކާރާއި ދެކޮޅަށް ހުކުމެއް ނުކުރާނެ ކޮށްފިއްޔާ ޤާޒީ އާއި ދޭތެރޭގައި ފިޔަވަޅު އަޅާފާނެތީ ބިރުގަންނާނެ ނުންތޯ؟
ހަސަނު
19 February 2017
އަނެއްކާ ބެލިންތަ ސުޕްރީމް ކޯޓުން ދެކޭ ގޮތް؟؟ ސަރުކާރު މިކަމުގާ އޮތް ފަޅި؟؟ ފަނޑިޔާރު ކަންޑާޅަ ފާނެ..
އަބްދުއްލާ އަލީ
19 February 2017
60 ޕަސެންޓް ނިމުނަސް މިސައްކަތް މުއްދަތަށް ނުނިމުނީމަ މުއްދަތު އިތުރުކުރީމަވެސް ނުނިމުނީމަ ހަދާނީ ކިހިނެތް ނިމޭހާ ދުވަހެއްވަންދެން ބާއްވަންވީތަ ؟