ޑރ. ރަމްޝާ: އޭނާ އަވަހާރަވީ ކެންސަރު ބަލީގައި ފަރުވާ ހޯއްދަވަމުން ގެންދަވަނިކޮށް ތައިލެންޑްގައި --- ފޮޓޯ/ސޯޝަލް މީޑިއާ
02 މެއި 2024 - 18:25
10 comments
ކަރުންމަތީގެ ޑޮކްޓަރު، ޑރ. އާމިނަތު ރަމްޝާ ކެންސަރު ބަލީގައި މިއަދު އަވަހާރަވެއްޖެ އެވެ.
އެނގިފައިވާ ގޮތުގައި، އައިޖީއެމްއެޗްގައި ކުރިން މަސައްކަތް ކުރެއްވި ރަމްޝާއަށް ކެންސަރު ޖެހިފައިވާކަން އެނގުނީ، ކަރުންމަތީގެ ބައްޔަށް ހާއްސަވުމަށް ތައިލެންޑްގެ ވެރިރަށް ބެންކޮކްގައި ކިޔަވާ ވިދާޅުވަމުން ދަނިކޮށެވެ. އެހެންވެ، އޭނާ ގެންދެވީ ބެންކޮކްގައި އެކަމަށް ފަރުވާ ހޯއްދަވަމުންނެވެ.
ރަމްޝާ އަވަހާރަވީ ކިޔެވުން ފުރިހަމަ ކުރެއްވުމަށް ބެންކޮކްގައި ފަރުވާ ހޯއްދަވަމުން ގެންދަވަނިކޮށެވެ. އޭނާއަކީ ކުރިން ރާއްޖޭގައި އުފެދުނު އަންހެން ދުވުންތެރިންގެ ތެރެއިން ފާހަގަކޮށްލެވޭ މީހެކެވެ. އޭނާ ވަނީ ރާއްޖެއިން ބޭރުގެ މުބާރާތްތަކުގައި ވެސް ރާއްޖެ ތަމްސީލު ކުރައްވައިފަ އެވެ.
ކެންސަރު ސޮސައިޓީގެ ޗެއާޕާސަން ޖުވޭރިޔާ ސައީދު ފޭސްބުކްގައި ކުރެއްވި ޕޯސްޓްގައި ވިދާޅުވީ ރަމްޝާއަކީ އެ ޖަމިއްޔާ އުފެދުނީއްސުރެ ކެންސަރު ބައްޔަށް އާއްމުން ހޭލުންތެރި ކުރުވުމުގައި އިސްކޮށް މަސައްކަތް ކުރެއްވި ބޭފުޅެއް ކަމަށެވެ.
"ރަމްޝާއަކީ މެންބަރުންނަށް ވަރަށް ބޮޑު އެއްބާރުލުމެއް ދެއްވި އަދި އަޅުގަނޑުމެން އެންމެންނަށް ވެސް ވަރަށް ގާތް އެކުވެރިއެއް." ޖުވޭރިޔާ ވިދާޅުވި އެވެ.
ކޮވިޑް-19 ގެ ދުވަސްވަރު ވުޖޫދުވި ކްލަބްހައުސްގައި ވެސް ރަމްޝާ ވަނީ ބަލިތަކަށް އާއްމުން ހޭލުންތެރި ކުރުވުމަށް މަސައްކަތް ކުރައްވައިފަ އެވެ. އޭގެ ތެރެއިން، ބައްދަލުވި އަހުމަދު ރަޝީދު ނަމަކަށް ކިޔާ މީހަކު ފޭސްބުކްގައި ކުރި ޕޯސްޓެއްގައި ބުނީ ރަމްޝާ ވަނީ ގިނަ ބަޔަކަށް އެކުވެރިކަމާއެކު ނަސޭހަތްތެރިވެފައި ކަމަށެވެ.
ވަކިން ހާއްސަކޮށް ލޯފަން މީހުންނަށް ނަސޭހަތްތެރިވެ، އިރުޝާދު ދެމުން ދިޔަ ކަމަށް އޭނާ ބުންޏެވެ.
"އެތަކެއް ދުވަސްތައް ހޭދަކުރުމަށް ފަހު ލޯފަން ކުދިންނާއެކު ބައްދަލުވި ދުވަހެއްގައި ދިމާވެ ވާހަކަ ދައްކާލުމުގެ ފުރުސަތު ލިބުނެވެ. ވަރަށް ހިތްހެޔޮ ހިތްވަރުގަދަ ނަމޫނާ ޝަހުސިއްޔަތެކެވެ. ކެންސަރުގެ ބަލީގައި ހަނގުރާމަ ކުރަމުން ވެސް އެތައް ބަޔަކަށް ހިތްވަރު ދެމުން ގެންދިޔަ އެވެ." އެ ޕޯސްޓްގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަހީ
02 May 2024
ސުވަރުގޭގެ ދާއިމީ ނިޢުމަތް ދެއްވާށި امين ކެންސަރުބަލީގައި ދިވެހިން ނިޔާވުން ނިސްބަތުން ވަރަށް ގިނަ މިކަމުގެ ރަނގަޅު ދިރާސާއެއް ހައްދަވައިދެއްވުމަށް ރައީސްގެ ކިބައިން ވަރަށް އާދޭހާއެކު އެދެން
ޕޫރުބެ
02 May 2024
މަރުޙޫމާގެ ފުރާނައަށް ހެއު ރަޙުމަތް ލައްވައި، މަރުޙޫމާގެ ފާފަތައް ފުއްސަވައި ޖަންނަތުލް ފިރުދައުސް މިންވަރުކުރައްވައި މަރުޙޫމާގެ އަހުލުންނަށް ކެތްތެރިކަން މިންވަރުކުރައްވާށި!
ކިމް
02 May 2024
إِنَّا لِلّهِ وَإِنَّا إِلَيْهِ رَاجِعونَ.
1123
02 May 2024
إِنَّا لِلّهِ وَإِنَّا إِلَيْهِ رَاجِعونَ
ހޮޅި އަބުޅޯ
02 May 2024
إِنَّا لِلّهِ وَإِنَّا إِلَيْهِ رَاجِعونَ We ask Allah to forgive her sins, wipe away her mistakes, accept her good deeds, and grant her Jannah. Ameen!
އިސްލާޙް
02 May 2024
إِنَّا لِلّهِ وَإِنَّـا إِلَيْهِ رَاجِعُونَ. މާތްﷲ މައްޔިތާގެ ފާފަ ފުއްސަވާ ސުވަރުގޭގެ މަތިވެރި ނިޢުމަތް މިންވަރު ކުރައްވައި އާއިލާއަށް ކެތްތެރިކަން ދެއްވާށި. آمين. ........... އެއްވެސް އިންސާނަކު ބައްޔަކާ ނުވަތަ މަރާ ހަނގުރާމަ ކުރަނީ ކަމަށް ބުނުމަކީ ރަނގަޅު ކަމެއްނޫން ކަމުގައި ދެކެން. ސަބަބަކީ އެއްވެސް އިންސާނަކީ އެފަދަ ކަންކަމުގައި ހަނގުރާމަ ކުރުމުގެ ކުޅަދާނަކަން ލިބިގެންވާ މީހަށްނުވާތީ.
ޕާކިސތާނ ދިވެހި ދަރިވަރުނ
02 May 2024
? Our hearts are saddened by your loss, and our thoughts are with you إِنَّا لِلَّٰهِ وَإِنَّا إِلَيْهِ رَاجِعُونَ
ކަންބޮޑުވުން
02 May 2024
ވަކި އުމުރުފުރާއެއް ނެތި ކެންސަރު ޖެހޭ މީހުން ދިވެހިރާއްޖޭގައި ގިނަކަމަށް ފާހަގަކުރެވޭ. މިކަމާއި ގުޅޭ ސައިންޓިފިކް ދިރާސާ އެއް ޤައުމީ ލެވަލްގައި ކުރުން މުހިންމު.
ޢެޑްމުންޑޯ
02 May 2024
ދިވެހިރާއްޖޭގައި އެކަނި ނޫން ، މުޅި ދުނިޔޭގައިވެސް ކެންސަރ ބަލި ޖެހޭމީހުންދަނީ ގިނަވަމުން ، ތަރައްގީވެފައިވާ ބޮޑެތި ގައުމުތަކާއި ޔޫރަޕްގެ އެންމެ ކުރިއަރާފައިވާ ގައުމުތަކުގައިވެސް ކެންސަރ ޖެހޭމިހުންގިނަވެ ކަންބޮޑުވާ ދަރަޖައަށް ވަނީގޮސްފައި ،
ރޯޒަސް
03 May 2024
އިންޑިއާ އިން މިގެންނަ ހަވާދުތަކާ ބަންދުކޮށްފަ ހުންނަ ތަކެތި އެބަޖެހޭ ވަރަށް ރަނގަޅަށް ޓެސްޓުކުރަން އެކައިގެން މިގައުމު އެންމެން ބޮޑުވަނީ.