ޕީޕީއެމްއިން އެންމެ ފަހުން މާލޭގެ ކާނިވާ ސަރަހައްދުގައި ބޭއްވި "ހޭވައްލާ" ޖަލްސާގައި ބަޔަކު ބައިވެރިވަނީ: ވަޒީފާއަށް ބިރުން މި ފަދަ ޖަލްސާތަކުގައި ގިނަ ބަޔަކު ބައިވެރިވާ ކަމަށް އެމްޔޫއޯއިން ތުހުމަތު ކުރޭ.--- ފޮޓޯ: ހުސެއިން ވަހީދު/މިހާރު
20 ފެބުރުއަރީ 2017 - 19:32
22 comments
ވެރިކަން ކުރާ ޕީޕީއެމުން ބާއްވާ ސިޔާސީ ޖަލްސާތަކަށް ސަރުކާރު އަދި ސަރުކާރުގެ ކުންފުނިތަކުގެ މުވައްޒަފުން މަޖުބޫރުން ގެންދާތީ، އެ ފަދަ މީހުންނަށް އަމަލު ކުރެވިދާނެ ގޮތްތަކާ ގުޅޭގޮތުން މައުލޫމާތު ދިނުމަށް މޯލްޑިވްސް ޔުނައިޓެޑް އޮޕޮޒިޝަން (އެމްޔޫއޯ) އިން ޕެނަލް ޑިސްކަޝަނެއް ބޭއްވުމަށް ނިންމައިފި އެވެ.
އެމްޑީޕީގެ އޮފީހުގައި މިއަދު ބޭއްވި ޕްރެސް ކޮންފަރެންސެއްގައި، އިދިކޮޅު އިއްތިހާދުގެ ޝެޑޯ ޖުޑީޝަލް ރިފޯމް މިނިސްޓަރު ހިސާން ހުސެއިން ވިދާޅުވީ، ޕީޕީއެމުން ބާއްވާ ޖަލްސާތަކާއި ސިޔާސީ ހަރަކާތްތަކުގައި ސިވިލް ސާވަންޓުންނާއި ސަރުކާރުގެ ކުންފުނިތަކުގެ މުވައްޒަފުން މަޖުބޫރުން ބައިވެރިވެރި ކުރާ މައްސަލަ، އެ އިއްތިހާދުން އެންމެ ފަހުން ބޭއްވި ބައްދަލުވުމުގައި މަޝްވަރާކޮށް، އެކަން ހައްލު ކުރެވޭނެ ގޮތަކާ ގުޅޭގޮތުން ވާހަކަ ދައްކާފައިވާ ކަމަށެވެ.
މި ބައްދަލުވުމުގައި ނިންމީ، ޖަލްސާތަކަށް މަޖުބޫރުން ސަރުކާރުގެ މުވައްޒަފުން ގެންދާ މައްސަލައާ ގުޅޭގޮތުން އެ މީހުން ހޭލުންތެރިކޮށް، އަމަލު ކުރެވިދާނެ ގޮތްތަކާ ގުޅޭގޮތުން މައުލޫމާތު ދިނުމަށް ކަމަށް ހިސާން ވިދާޅުވި އެވެ. އަދި އެކަމާ ގުޅޭ ޕެނަލް ޑިސްކަޝަން އަންނަ ބުދަދުވަހު އޮންނާނެ ކަމަށް އޭނާ ވިދާޅުވި އެވެ.
"ޕީޕީއެމްގެ ހަރަކާތްތަކުގައި ބައިވެރިވުމަށް މުވައްޒަފުންނަަަށް އަންގައި އެ މީހުންގެ ހާޒިރީ އެ ދަނީ ނަގަމުން. މިއީ އަޅުގަނޑުމެން ވަރަށް ކަންބޮޑުވާ މައްސަލައެއް ކަމުން، މިކަމާ މެދު ފިޔަވަޅެއް އެޅުމަށް މި ނިންމީ،" ހިސާން ވިދާޅުވި އެވެ.
ރައީސް އަބްދުﷲ ޔާމީންގެ ސަރުކާރުގެ ފުރަތަމަ ޔޫތު މިނިސްޓަރު އަދި އެމްޔޫއޯގެ ހިޔަނި ކެބިނެޓްގެ ޓޫރިޒަމް މިނިސްޓަރު މުހައްމަދު މަލީހް ޖަމާލް ވިދާޅުވީ ގަދަ ބާރުން މީހުން ޕީޕީއެމަށް ސޮއި ކުރުވާ ކަމަށާއި އެއީ އެ އިއްތިހާދުން ކުށްވެރި ކުރާ ކަމެއް ކަމަށެވެ.
އޭނާ ވިދާޅުވި ގޮތުގައި ގާނޫނުއަސާސީގެ ބޭނުމަކީ ވެސް ވަޒީފާގެ ބިރަށް، ގަދަ ބާރުން މީހުން ސިޔާސީ ޕާޓީތަކަށް ސޮއި ކުރުން ފަދަ ކަންކަމުން ރައްކާތެރިކުރުވުމެވެ. އެކަމަކު ސިވިލް ސާވަންޓުންގެ ބަލަދުވެރިޔާ، ސިވިލް ސާވިސް ކޮމިޝަނުން ވެސް މިކަމުގައި އިންސާފުވެރި ނޫން ކަމަށް މަލީހް ވިދާޅުވި އެވެ. އަދި ހާއްސަކޮށް އެ ކޮމިޝަންގެ ރައީސް އަލީ ޝަމީމް ވެސް މި ފަދަ ހަރަކާތްތަކުގައި ބައިވެރިވެ ވަޑައިގަންނަވާކަން މަލީހް ފާހަގަ ކުރެއްވި އެވެ.
"ސްޓެލްކޯ އާއި ފެނަކަ އާއި އެމްޓީސީސީ އާއި އެއާޕޯޓްސް ކޮމްޕެނީގެ ގިނަ މުވައްޒަފުންނަކީ އަޅުގަނޑުމެންގެ ސިސްޓަމްގެ ތެރޭގައި އުޅެފައި ތިބި ބައެއް ވީމާ، އެބަ އެނގޭ އެ މީހުންނަކީ ސަރުކާރުން ބުނާހާ ގޮތެއް ހެދުމުގެ ވިސްނުމުގައި ތިބި ބައެއް ނޫންކަން. އެ މީހުންނަށް އެނގޭ ގާނޫނުއަސާސީން މިކަމުގައި ލިބިދޭ ހައްގުތައް،" މަލީހް ވިދާޅުވި އެވެ.
އޭނާ ވިދާޅުވީ އެ ކުންފުނިތަކުގެ ސިޔާސީ މަގާމުތަކުގައި ތިއްބަވާ ސިޔާސީ ވެރިންގެ ނުފޫޒުން ހިންގާ އެފަދަ ކަންކަން ހުއްޓުވޭނީ، ކުރިއަށް އޮތް ލޯކަލް ކައުންސިލްތަކުގެ އިންތިޚާބާއި އަންނަ އަހަރުގެ ރިޔާސީ އިންތިހާބުގައި ޕީޕީއެމް ކެންޑިޑޭޓުންނަށް ނޫނެކޭ ބުނެގެން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދަރުބާރު
03 April 2017
ނޮގޮސް ކީކުރާނީ މިުގައުމުގައި ތިބޭނީ ހުސް އަޅުކުދީން .އެހެން ނޫނީ ބަޑަށް ޖެހިން ވާނީމަރު ..
ދޮގެއްތަ؟
27 February 2017
ކެކެކެ މޭކަރަނީ. ބިރުގަންނަނީ. ތުރުތުރު އަޅަނީ. ހީކަރުވަނީ. ދެރަވަނީ. އަސަރު ކުރަނީ. މަނަމަވެސް ކަޑަވާނެ
އަލީ ލަތީފު
21 February 2017
ޕީޕީއެމް ޖަލްސާ ތަކަށް އެމްޑިޕީ މީހުން ދިޔުމާއި އެމްޑީޕީ ކައުންސިލަރުން ޕީޕީ އެމަށް ސޮއި ކުރަނީ ބިރަކުން، އަދި މަޖުބޫރުކޮށްގެން ނުން.. ވަޒީފާގެ ދަހިވެތި ކަމުގައި މަކަރުވެރި ކަމުން
މުހައްމަދު ޝިމާޒު
21 February 2017
އޭ މުހައްމާ އެވެ. މަނިކުފާނު ރީނދޫ ހުންފުޅު މާމައްޗަށް ހުރީމަ އަޅުގަނޑު ލިޔުނު އެއްޗެއް އެނގިވަޑައި ނުގަތީއެވެ. ނުވަތަ ރީނދޫ ބޭބެ އެ ވިދާޅުވާ ވަގުތު ކޮޅުގައި ހުންނެވީ ކަމަށް ވެދާނެ އެވެ. އަޅުގަނޑަށް ބިރު ދެއްކީ އެފަދަ ވާހަކަ އެއް ދައްކައިގެން ނޫނެވެ.
އަޙްމަދު
21 February 2017
ރަށްރަށަށް ކައުންސެލަރުންނޭ ކިޔާބަޔަކު ލައްވައިގެން ހިންގި ޖަރީމާއަކީ ނުފޫޒުފޯރުވުންނޫންތޯ؟
ސައްޕު
21 February 2017
އެންމެ ފުރަތަމަ ތިޔަ ކުޅިވަރު ފެއްޓީ އެމް.ޑީ.ޕީ! މިހާރު ތިޔަ އުޅެނީ މާ ރަގަޅު ބަޔަކަށް ހެދިގެން ކޮން އޮޅުވާލުމެއް އޮޅުވާލާކަށްތަ؟ 2009 ވަނަ އަހަރު ޑިމޮކްރަސީ އަށް އެއް އަހަރު ފުރުން ފާހަގަ ކުރުމޭ ކިޔާފަ އެމްޑީޕީ އިން ދަރުބާރުގެ ރަންނަބަޑޭރި މާލަމުގައި، ބޮޑު ޚަރަދުކޮށްގެން ސްޓޯލްތަކެއް ހަދައިގެން ކުންފުނިތަކުގެ އިތުރުން ހުރިހާ ސިވިލް ސާވިސް މުވައްޒަފުންނަށް ވެސް މަޖުބޫރު ކުރުވައިގެން ގެންގޮސް ރޭގަޑާ ދުވާލު 3 ދުވަސް ވަންދެން 2008 ވަނަ އަހަރު ނިމުނު ސަރުކާރަށް އެއްޗެތި ކިޔާ ތިމާ މީހުން އެއް އަހަރުތެރޭގައި މާ މޮޅެތި ކަންތައްތަކެއް ކުރެވުނުކަމަށް ހަދައިގެން ކުޅުނު ނާޗަރަންގީ ވެސް ހަދާން ނެތީ ހެއްޔެވެ؟
މުހައްމަދު ޝިމާޒު
21 February 2017
ރައީސް ނަޝީދުގެ ސަރުކާރުގައި އަޅުގަނޑު ކުލާސްތެރޭގަ ސިޔާސީ ވާހަކަ ދައްކަނީއޭ ކިޔައި ސްޓޭޓް މިނިސްޓަރާއި، ޕްރޮވިންސަށް ކަނޑައަޅައި ހުންނެވި އެޑިޔުކޭޝަނުގެ ބޭފުޅާ އަޅުގަނޑަށް ގުޅުއްވާ މައްސަލަ ބައްލަވާނެ ކަމަށް ވިދާޅުވެ ތަކުރާރުކޮށް އިންޒާރު ދެއްވި.
މުހައްމާ
21 February 2017
ކުލާސް ތެރޭގައާއި ވަޒީފާގެ މާހައުލުގައި ސިޔާސީ ވާހަކަ ދެއްކުމަކީ އެހާ ކަމުދާކަމެއް ނޫނޭނުންތޯ؟ އެވަރުދެން ގާނޫނަކުން މަނާ ނުކުރިއަސް އެގެންވާނެދޯ.
ސާމިރު މުހައްމަދު ޓީޗަރެއް
21 February 2017
ރައީސް ނަޝީދު ވެރިކަމަށް ވަޑައިގެން އުފެއްދެވި ސްކޫލް ބޯޑުގައި ހިމެނުނު ސިޔާސީ މެމްބަރާއި، އެ ބޯޑުގައި ހިމެނުނު ކައުންސިލަރާ 2 މީހުން އެންމެ ފުރަތަމަވެސް ބޯޑަށް ހުށަހެޅީ ސްކޫލުގައި ވަޒީފާ އަދާ ކުރާ ޑީއާރުޕީ މީހުން ވަކި ކުރުމަށް.. އެ ގޮތުން އެ ބޯޑުން ލިޔެގެން އެޑީޔުކޭޝަނުން މައްސަލަ ބަލަން ވެސް 2 ފަހަރަކު އަޅުގަނޑުމެންގެ ރަށަށް އައި.
އަލީ ރަޝީދު ސިވިލްސާވަންޓެއް
21 February 2017
ރައީސް ނާޝީދުގެ ވެރިކން ވެއްޓުނު ނުވަތަ ވައްޓާލި ފަހުން ނަޝީދު އަޅުގަނޑުމެންގެ ރަށަށް ކުރެއްވި ދަތުރެއެްގައި ނަޝީދުގެ އިސްތިޤްބާލަށް ނުގޮސްގެން އަޅުގަނޑަށް އެމްޑީޕީ ކައުންސިލަރުން އަޅުގަނޑަށް އިންޒާރުދީ ބިރު ދައްކައިފައި ވެއެވެ.
މުހައްމަދު އަހްމަދު
21 February 2017
ސިވިލް ސާވިސް އާ މިނިވަން މުއައްސަސާ ތަކުގެ މުވައްޒަފުން ދާކަށް ނުޖެހޭޔނެ އެވެ. އެކަމަކު ކުންފުނި ތަކާއި، ތަފާތު ނަންނަން ކިޔާ ބޯޑު ތަކުގެ މުވައްޒަފުން ދާން މަޖުބޫރު ވާނެ އެވެ. އެއީ ސިޔާސީ ގޮތުން ދީފައިވާ ވަޒީފާ ތައް ކަމަށް ވާތޭ އެވެ. އަހަންނަކީ ސިވިލް ސާވަންޓެކެވެ. ރައީސް ނަޝީދު އަަހަރެމެންގެ ރަށަށް އައި ދުވަހު އަހަރެންގެ ދަރިފުޅު ބަލިވެ ބަނދަރަށް ނުދެވުނީމާ، އަހަންނަށް އިންޒާރު ދިނެވެ.