ބޭރުމަގުގެ ޕޭވްމަންޓް ކޮނެގެން މަގުބައްތިތަކުގެ ކޭބަލްތައް ވަގަށް ގެންގޮސްފައި.
09 ޖޫން 2024 - 10:19
27 comments
މާލެ ފުޓްކޯޓު ކައިރީގައި ހުރި މަގުބައްތިތަކުގެ ކޭބަލްތައް ރޭ ވަގަށް ނަގައިފި އެވެ.
މާލޭ ސިޓީ ކައުންސިލުން ބުނީ ފުޑްކޯޓު ކައިރި ރިންގް ރޯޑް (އިއްޒުއްދީން މަގު)ގެ ލައިޓްތަކުގެ ކޭބަލްތައް ވަގަށް ގެންގޮސްފައިވާ ކަމަށެވެ. އެ ލައިޓްތަކަށް އަލުން ކޭބަލް ގުޅައި ދިއްލުމުގެ މަސައްކަތް ކުރަމުން އަންނަ ކަމަށް ސިޓީ ކައުންސިލުން ބުންޏެވެ.
ސިޓީ ކައުންސިލުން އާންމު ކޮށްފައިވާ ފޮޓޯތަކުން ފެންނަ ގޮތުގައި، އެ ކޭބަލްތައް ނެގީ އިއްޒުއްދީން މަގުގައި ޓިނު ޖަހައިގެން ބަންދުކޮށްފައި ހުންނަ ސަރަހައްދުގެ ޕޭވްމަންޓް ކޮނެގެންނެވެ.
ރޭ ވަނީ އަމީނީ މަގުގައި ހުންނަ ސިނަމާލޭ ތިނެއްގެ ފްލެޓްތަކުގެ ފެން މޯޓާރުގެ ކޭބަލްތައް ވެސް ވަގަށް ގެންގޮސްފަ އެވެ.
އިއްޒުއްދީންމަގު ( ފުޑްކޯޓް ) ސަރަހައްދުގެ ބައްތިތަކުގެ ކޭބަލްތައް ބަޔަކު ވަގަން ގެންގޮސްފައިވާތީ އަލުން ކޭބަލްއެޅުމުގެ މަސައްކަތް ކުރުން pic.twitter.com/OHeDMW2l28
— Malé City Council (@MaleCitymv) June 9, 2024
އެކަމުގެ ސަބަބުން އެތަނުގައި ދިރިއުޅޭ މީހުންނަށް ދަތިތަކާއި ކުރިމަތިވި ކަމަށާއި އެ މައްސަލަ މިހާރު ހައްލުކޮށްފައިވާ ކަމަށް ސިޓީ ކައުންސިލުން ބުންޏެވެ.
"މިފަދަ ކަންތައް ކުރާ ފަރާތަށް ހޯދާ ހަރުކަށި ފިޔަވަޅު އަޅަން ޖެހޭ،" ސިޓީ ކައުންސިލުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަދީމާ
10 June 2024
މީގެ މައްސަލައަކީ ކަންކަން ބަލަހައްޓާނެ ބަޔަކު ނުތިބޭކަން. ކުއްކުރާ މީހުންގެ ކަންކަން ހުއްޓުވާނެ ބަޔަކު ބޭނުންވަނީ.
ބޮޑުއަހަދޭގެޅިޔަނާ
10 June 2024
ތިއަކީ މައްސަލައެއްނޫން. މިހެންމިބުނީ ތިޔަކޭބަލްތައް ކޯއްޗެއްކަން އެގި ފެންނަފަށުގައި ވިއްކައި އެއިން ބޮއެ މަސްތުވާކަން އެގިފެނިދެނިވެ އުޅޭ ފުލުން މަދެއްނުވާނެކަން ޔަގީން. އާދައިގެމީހުން މިހެން އުޅޭއުޅުމުގައި ވަގަށް ނަގާތެކެތި، ފައިވާން ފަދަ ތަކެތި ވިއްކާތަން ފެނޭއިރު އެކަންބަލަން މުސާރަދީ އަބަދު މަގުމަތީގަ އުޅޭ ފުލުހުންނަށް ނުފެންނަނީނަމަ ދެންކީކޭ ބުެނެވޭނީ. ދެން ބޮޑުހަރަދު ނުކޮށް ފުލުސްގެ ބަންދުކުރާށޭ.
އެމީލިއޯ
09 June 2024
ގޭންގް ސުޓާރސް ޕެރަޑައިސް
ތުއްތުކޮއި
09 June 2024
ބޮޑުއިންތިޚާބބު ގާތްވެ ނޭވާހޮޅިއަށް އެޅެމުންއައި ވަގުތު، ތޭރިތަކުގެ ބިއްދޮށުގައި ތިބި ވަގުންނާއި އެއްބަޔަކު އެކިޔާ ބަލިކުދިން ނެރެ ދޫކޮށްލުމުގެ ނަތީޖާ
ރުސަމާ
09 June 2024
ކޮބާހޭ މަހަކު ދެފަހަރަށް ވައްދާ ފުލުހުންތަށް.....
ނަތީޖާ11
09 June 2024
އަދި ރަނގަޅުވާނެ. ހޯމް މިނިސްޓަރ މިވަގުތު އުޅުއްވަނީ ފުލުހުން ނަތީޖާ ނެރެންޖެހޭތޯ ނޫންތޯ ދިރާސާކުރުމުގައި. އެކަން ކޮޅެއްގައި ޖެހުނީމާ ތިކަހަލަ ކަންކަމަށް ވާނެ ގޮތެއް އެނގޭނީ.
.
09 June 2024
ނިކަން މޮޅުކަމެއް ހިތުން
ގޮއްޔެ.
09 June 2024
މަގު ބައްތީގެ ވާހަކަ ދެއްކުމުން ހަނދާނަށް އައީ މާލެ ހުޅުމާލޭ ބުރިޖްގެ އަލިކަމުގެ މަތިން. ހުޅުމާލެއިން މާލެއަންނަން ހައިވޭއަށް އަރާއިރު ބެންޑްކޮށް އެ އިންނަ ބައިގައި އަލިކަމެއްނެތްތާ އެތައްދުވަހެއް ވެއްޖެ. އަނދިރިކަމުން އެހާ އަނދިރި. ބެންޑްކޮށް އޮންނަތަނަކީ އެންމެބޮޑަށް އަލިވެފައި އޮންނަންޖެހޭ ތަނަށްވިއަސް މިކަމެއް ސަރުކާރަށް ރޭކާވެސްލާހެން ހިއެއްނުވޭ. އެތަނުން ވަޒީރުބޭފުޅުން ދަތުރުކުރާތީ ތޯއްޗެ. ނޫނީ ޑްރައިވަރު އިންނާތީ އޯކޭވަނީ
ދަތިފުޅު11
09 June 2024
އެއީ ރައީސުލްޖުމްހޫރިއްޔާއަށް ނުވަތަ މިނިސްޓަރަކަށް އަދި އުނދަގޫފުޅު ނުވާތީ ޕްރިއޮރިޓީއަށް ނާރަނީ. ނިކަމެތިން ދަތުރުފަތުރުކުރުމަށް ބޭނުންކުރާ ޕަބްލިކް ޓްރާންސްޕޯޓްގެ ބަސްތައް، މަޖީދީ މަގުގައި ދެފަރާތުގައި ޕާކްކޮށްފައި ހުންނަ އެއްޗެއްސާހެދި ދެއަތަށް ލޮޅެމުން ލޮޅެމުން ދާއިރުވެސް، ރައީސުލްޖުމްހޫރިއްޔާގެ މޮޓޯކޭޓަށް އަދި މާކަ ބޮޑު ދައްޗެއް ދިމައެއްނުވޭ. މިނިސްޓަރަކަށްވެސް އަދި މާކަ ދަތިފުޅެއް ނުވޭ. ފަހުން ރަނގަޅުވާނެ ކަންނޭނގެ އަދި.
ބުޅާގޯނި
09 June 2024
ކޮބާތަ މިގައުމުގަ ރައްޔިތުންގެ ފައިސާ އިން ބޮޑު މުސާރަ ނަގައިގެން 24 ގަޑިއިރު އަމަން ބަލަހައްޓަން މަތިކުރިމީހުން މަށަށް ފެންނަނީ ރައްޔިތުންގެ ތެރެއިން ބަޔަކު މުގުރު ހިފަގެން މަގުތައް ބަލަހައްޓަން ނުކުންނަން އޭރުން މިކަން ހުއްޓުވޭނީ
ރަންނަ
09 June 2024
ޓު ޕްރޮޓެކްޓް އެންޑް ސާވް ގާނޫނާ ހިލާފްކޮށް އުޅޭ ކޮންމެ މީހަކަށް. ރަނގަޅަށް އުޅޭމީހުން އެއީ ބޭކާރު ބައެއް
ކޮރަލް
09 June 2024
މަގުބައްތިތަކުގެ ކޭބަލްތައް ވަގަށް ނެގި މައްސަލަ ބަލަން ވާނެ އެވެ. މިއަދު ސައިބޯން ރަން މިސްކިތް ކައިރި އިން ކެފޭ އަށް ވަދެ ސައި ބޮއި ބިލް ހޯދަން ބުނީމަ ބުނީ 35 ރ އެވެ. ދެން ބިލް ދިނީމަ ބިލްދައްކާނަމޭ ބުނީމަ ބުނީ ބިލް އެއް ނުދޭނަމޭ އެވެ. ދެން ގަޑުކޮޅެއްގަ 35ރ ޖަހާފަ ދީފި އެވެ. ރަނގަޅު ބިލެއް ދޭން ބުނީމަ ބިލްފޮތުން ގަނޑެއްގަ ހަމަ އެކަނި ޖެހީ 35 ރ އެވެ. ހުރީ އެންމެ ބިދޭސީއެކެވެ. ސަޓީ ކައުންސިލް އާ މީރާ އާ ފުލުހުން އެކޮނޮމިކް ކޮބާ ތޯ އެވެ.؟