މިއަހަރު ބޭއްވުނު އެފްއޭއެމްގެ އެކްސްޓްރާ އޯޑިނަރީ ކޮންގްރެސްގެ ތެރެއިން: އެފްއޭއެމްގެ މައްޗަށް ކުރިން ވެސް ގިނަ ހުކުމްތަކެއް ވަނީ އައިސްފައި --- ފޮޓޯ/މިހާރު
30 ޖޫން 2024 - 21:42
5 comments
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން އަމިއްލަ ކުންފުންޏެއްގެ އަތުން ނެގި ފައިސާ އަނބުރާ ދައްކަން އެފްއޭއެމުން ދޫކުރި ޗެކް ބައުންސްވި މައްސަލާގައި 776،000ރ. ދައްކަން އެފްއޭއެމްގެ މައްޗަށް ސިވިލް ކޯޓުން މިއަދު ހުކުމްކޮށްފި އެވެ.
އެމްއެސް ފައިނޭންސް ކަރަންސީ އެކްސްޗޭންޖް ކުންފުނިން އެފްއޭއެމްއާ ދެކޮޅަށް ދައުވާކުރީ އޮގަސްޓް، 2022 ގައި އެފްއޭއެމް އިން އެ ކުންފުނި އަތުން އަނބުރާ ދައްކާގޮތަށް ނަގާފައިވާ 771،000ރ. ދެއްކުމަށްޓަކައި އެފްއޭއެމުން ދިން 50،000 ޑޮލަރުގެ ޗެކު ބައުންސްވެފައިވާތީ އެ ފައިސާ ހޯދުމަށެވެ. އަދި އެ މައްސަލަ ކޯޓަށް ހުށަހެޅުމުން ގާނޫނީ ވަކީލުގެ ފީއަށް ހަރަދުވި 100،000ރ. ހޯދުމަށް ވެސް އެ ކުންފުނިން އެދުނެވެ.
ސިވިލް ކޯޓުން މިއަދު އެފްއޭއެމްގެ މައްޗަށް ހުކުމްކުރީ އެ އެސޯސިއޭޝަންގެ ޣައިރު ހާޒިރުގަ އެވެ.
ހުކުމުގައިވަނީ ހުށަހެޅިފައިވާ ކިތާބީ ހެކިތަކަށް ރިއާޔަތް ކުރާއިރު، އެ ޗެކަށް ފައިސާ ލިބިފައި ނުވާކަން ސާބިތުވާތީ، އެމްއެސް ފައިނޭންސް އަށް ދައްކަންޖެހޭ 771،000ރ. އާއި ޝަރީއަތުގެ ހަރަދަށްވާ 5،000ރ. މިއަދުން ފެށިގެން 30 ދުވަހުގެ ތެރޭގައި ދެއްކުމަށް އެފްއޭއެމްގެ މައްޗަށް އަންގާ ކަމަށެވެ.
މާލީ ބޮޑު މައްސަލަގަނޑެއްގެ ތެރޭގައި އޮތް އެފްއޭއެމްގެ މައްޗަށް މީގެ ކުރިން ވެސް ވަނީ އެކި ފަރާތްތަކަށް ފައިސާ ދެއްކުމަށް ހުކުމްތަކެއް ކޮށްފަ އެވެ.
މީގެ އިތުރުން ފީފާއިން ދޭ ފައިސާއިން އެފްއޭއެމްގެ ވެރިން މަނީލޯންޑަރިން އާއި ހިޔާނާތާއި ކޮރަޕްޝަނާއި އެހެނިހެން ޖިނާއީ ކުށްތައް ކުރާކަމުގެ ތުހުމަތުގައި ޕްރޮސެކިއުޓާ ޖެނެރަލްގެ އޮފީހުގެ އިސް ނެގުމަށް ފަށާފައިވާ ތަހުގީގާ ގުޅިގެން، މި މަހު ފީފާއިން ވަނީ އެފްއޭއެމްގެ ރައީސް ބައްސާމް އަދީލް ޖަލީލް ނުވަ މަހަށް ސަސްޕެންޑް ވެސް ކޮށްފަ އެވެ. އެ މައްސަލާގައި ބައްސާމްގެ މައްޗަށް ދައުލަތުން ކްރިމިނަލް ކޯޓުގައި މިހާރު އޮތީ ދައުވާ ވެސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީރިއަސް ފައިސާގެ ކުށް
02 July 2024
އަދިވެސް އެކަލޭގެއަށް ދައުވާކުރަން ނުކުރާ ހާލަތެއްގައި އުޅޭހެން ހީވަނީ!!
އޮނަރަބްލް އަފީފު ދީދީ
30 June 2024
މިހާރުގެ FAM އުވާލާފައި މުޅިރާއްޖެ ތަމްސީލުވާގޮތަށް National Football Federation އުފައްދާ ރާއްޖެ 3 ސަރަޙައްދަކަށްވަކިކޮށް ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާ ކޮންމެރީޖަނެއްގައި "ރީޖަނަލް ފުޓްބޯލް އެސޯސިއޭޝަން" ހެދުމަށް ޖާގަނުދޭނަމަ، މާލެނޫން ކައުންސިލްތަކުން އެރަށު FAM އަށް އެއްބާރުދިނުންހުއްޓާލާފައި ކައުންސިލްގެ ބެލުމުގެދަށަށް ދަނޑުތައް ގެނޭ.
އޮނަރަބްލް އަފީފު ދީދީ
30 June 2024
ކުޅިވަރުގެ 3 ޒޯނު ނުވަތަ ރީޖަންތައް ހަދާއިރު ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާންޖެހޭ އެންމެބޮޑު ސަބަބަކީ ކޮންމެ ރީޖަނެއްގައިވެސް އިންޓަރނޭޝަނަލް އެއަރޕޯޓެއް އޮންނަގޮތަށް ހެދުން. ބޭނުމަކީ ސާފް ގޭމްސް ބާއްވަންވެސް ފުރުސަތުހޯދުމާއި AFC މުބާރާތްތަކާއި ރާއްޖެ ބައިވެރިވާ FIFA World Cup Qualification މެޗްތައްވެސް ރީޖަންތަކަށް ގެންދެވޭނެގޮތް ހެދުން.
އޮނަރަބްލް އަފީފު ދީދީ
30 June 2024
މަތީގައިދެންނެވި ބަދަލާއިއެކު National Football Federation ގެ އިންތިޙާބީ މަޤާމްތަކަށް ވާދަކުރަން ފުރުސަތުދޭނީ ރީޖަނަލް އެސޯސިއޭޝަންތަކުގެ މެންބަރު ކުލަބްތަކުގައި ޙަރަކާތްތެރިވާ ފަރާތްތަކަށް. # އަދި ނެޝަނަލް ފެޑަރޭޝަންގެ އިންތިޙާބީމަޤާމްތަކަށް ވޯޓްދެވޭނީ 3 ރީޖަންގެ ސީނިއަރ ޓީމްތަކުގެ ކެޕްޓަނާއި މެނޭޖަރ އަދި ރީޖަނަލް އެސޯސިއޭޝަންތަކުގެ ރައީސާއި ނައިބްރައީސް އަދި Secretary General އަށް. ޤައުމީ ވާނީ މިފަދަގޮތަކަށް ތަމްސީލުވެ އިންތިޙާބުކުރީމަ ނޫންތޯ؟!
އޮނަރަބްލް އަފީފު ދީދީ
30 June 2024
ދިވެހި ފުޓްބޯޅަ މިހާރުއޮތް ހިސާބަށް ވެއްޓުނީ މާލެ ނޫން ރަށެއްގެ ކްލަބަކަށް ޤައުމީ ފެންވަރުގައި ވާދަކުރަން ފުރުސަތު ނުދީ އަދި ގަދަކަމުން ފުރުސަތު ހޯދި އެހެން ރަށްރަށު ޓީމް ތަކާއި ދެކޮޅަށްވެސް (ޑީއެންސީ، އޭދަފުށި، ހުރާ، އައިއެފްސީ، ވީބީ އައްޑޫ އެފްސީ ފަދަ ޓީމްތަކާއި ދެކޮޅަށް) ސަރުކާރާއި ތިރަށު އެފްއޭއެމް ގެ ފަރާތުން ރޭވި ނުބައި ރޭވުންތަކުގެ ސަބަބުން. އަދިވެސް އެކަން އިސްލާޙް ކުރާކަށް އެފްއޭއެމް އާއި ސަރުކާރުން ބޭނުމެއްނުވޭ. އަދި ބުވެސް ވިސްނާ.