މީހުންނަށް އޮޅުވާލައިގެން ގެންގޮސް، ބަރަހަނާކޮށް، ފޭރޭ ގެއެއް

ފުލުހުންގެ ކާރަކަށް މީހަކު އަރުވަނީ: މީހުންނަށް އޮޅުވާލައިގެން ގެންގޮސް ފޭރެން ބޭނުންކުރާ ގެއެއްގައި އެފަދަ ހާދިސާއެއް އަނެއްކާވެސް ވަނީ ހިނގާފައި --- ފޮޓޯ/މިހާރު

ފާތިމަތު އަޖްފާން، މިހާރު

28 ޖުލައި 2024 - 13:46

72 comments

މިދިޔަ ބުދަ ދުވަހު މާލޭގެ ގެއަކަށް މީހަކު ވައްދައި، އެ މީހާ ބަރަހަނާކޮށް، ބިރު ދައްކައިގެން ކޭޝް ކާޑުގެ ޕިން ނަމްބަރު ހޯދުމަށް ފަހު އެކައުންޓްގައިވާ ފައިސާތައް ފޭރުނު ގެއަކީ އެފަދަ މައްސަލަތަކުގެ ރެކޯޑު އޮންނަ ގެއެއް ކަމަށް ފުލުހުން ބުނެފި އެވެ.

އެ މައްސަލާގައި ފުލުހުން މިހާތަނަށް ވަނީ ތިން މީހުން ހައްޔަރު ކޮށްފަ އެވެ. އެއީ އިއްޔެ ހައްޔަރުކުރި 26 އަހަރާއި 35 އަހަރުގެ ދިވެހި ދެ ފިރިހެނުންނާއި މިއަދު ހައްޔަރުކުރި 43 އަހަރުގެ އަންހެނެކެވެ.

އޭގެ ތެރެއިން 26 އަހަރުގެ މީހާގެ ބަންދަށް ކްރިމިނަލް ކޯޓުން 60 ދުވަސް ދީފައި ވާއިރު، 35 އަހަރުގެ މީހާގެ ބަންދަށް ވަނީ 30 ދުވަސް ދީފަ އެވެ. މިއަދު ހައްޔަރުކުރި އަންހެން މީހާ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ތަހުގީގު ނިމެންދެން އޭނާ ބަންދު ކުރުމަށް ވަނީ އަމުރު ކޮށްފަ އެވެ.

އިއްޔެ ހައްޔަރުކުރި ދެ މީހުން ބަންދުކުރަން ނެރުނު ކޯޓު އަމުރުގައި ބުނެފައިވަނީ އެ ހާދިސާ ހިނގި މއ. މަސްފަންގެ އަކީ ތަކުރާރުކޮށް އެކި ބޭނުންތަކަށް މީހުން ވެއްދުމަށް ފަހު ބިރުދައްކައި، ރެކޯޑް އޮތް ތަނެއް ކަމަށެވެ.

ބުދަ ދުވަހު ފޭރުނު ހާދިސާގައި ކަން ހިންގާފައިވާ ގޮތުން ފުލުހުން ކޯޓުގައި ބުނެފައިވަނީ އަނިޔާ ލިބުނު މީހާ މަސްފަންގެ އަށް ވެއްދި ކަމަށް ބެލެވެނީ އަންހެނެއް ކަމަށެވެ. އޭނާ އެގެ އަށް ވަނުމުން ދެ ފިރިހެނުން އޭނާ ހިފަހައްޓައި، ވަޅިއަކުން ބިރުދައްކައި ބަރަހަނާކޮށް، އޭނާގެ ފޯނު އަތުލި ކަމަށް ވެސް އެ އަމުރުގައިވެ އެވެ.

އަދި އޭނާގެ އެކައުންޓުން އެހެން އެކައުންޓަކަށް 20،000ރ. ފޮނުވާފައިވާ ކަމަށާއި އަނިޔާ ލިބުނު މީހާގެ ކާޑު ބޭނުންކޮށްގެން އޭޓީއެމުން 25،000ރ. ނަގާފައިވާ ކަމަށް ވެސް ބަންދު އަމުރުގައި ވެ އެވެ.

މި ފަހުން މީހުން ތަންތަނަށް ވައްދައިގެން ފޭރުމާއި ބިރުދެއްކުމުގެ ކުށްތައް މާލެ ސަރަހައްދުގައި ވަނީ ގިނަވެފަ އެވެ. އެ އަމަލްތައް ހިންގަނީ ގްރޫޕް ހަދައިގެން ކަން ވެސް ފުލުހުން މިހާތަނަށް ހާމަކުރި މައުލޫމާތުތަކުން އެނގެ އެވެ.

ފުލުހުން ކްރިމިނަލް ކޯޓް ވައްކަމާއި ފޭރުން

72 ކޮމެންޓް, 43 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބަދަ

30 July 2024

ތިމާ އުޅޭ މުޖުތަމައުގަ ކަންތައްތައް ވަމުންދާގޮތް އިގޭހާލު މިކަހަލަ މަޅިތަކުގަ ދިވެހީން އަބަދުވެސް ބެދޭ. ބަލާބަލަ އޮޅުވާލައިގެން ބޭންކު ޓުރާންސްފާއާއި ލާރިކޮޅު ޖަހާގަންނަގޮތް. އަދި ހެސްކިޔާފަ ފޯންރީލޯޑު ކުރުމުމާއި ލަކީޑުރޯގެ މަޅީގަވެސް ޖެހޭ. މިވަރަށް މިކަންތައް ތަކުރާރުވަމުންދާއިރުވެސް ހަމަ ގިނަމީހުން ދަންތުރާގަ ޖެހޭ. ދިވެހިން ވެއްޖެ ތަހުޒީބުވާން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

30 July 2024

ރާއްޖޭގެ މުއައްސަސާތަކުގެ މެދުގައިވަނީ ކަންފަސޭހަކަމާ ކަންނެތްކަމާ ޒިންމާއަދާނުކުރުން އާންމުވެފަ، މިގޮތުން އަޅުގަނޑަށް ތަޖުރިބާކުރެވުނު ދެތަނަކީ ޕޮލިހާ ޖެންޑާ، މިބައިމީހުނަށް ބެލޭމައްސަލައެއްމިހާރު އޮންނަކަމަކަށްނުވޭ، އަބަދުވެސް ރިކޮމެންޑުކުރަނީ ކޯޓަށްދާން، ތިމަންނަމެނަށްދެއްކޭނީ ވާހަކަޔޯ! އެހެޔޮ ކޯޓުހުކުމަކުން އެހުކުމްތަންފީޒުކުރުމަށް ޖެންޑާ އާއި ޕޮލިހުގެމައްޗަށް މަތިކޮށްފައިވިޔަސް، ޖަވާބަކީ އަލުންކޯޓަށްދާށޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

30 July 2024

އަޅުގަނޑަށް މިކަމުންދޭހަވާ އެއްމާނައަކީ ބޭންކުގައި ބަހަށްޓާފައިސާ %100 ރަށްކާތެރިނޫންކަން، ޓެކުނޮލޮޖީކިތަންމެމޮޅަސް ޕިންޖަހަނީ ކާޑުގެ ވެރިމީހާކަމެއްނުވަތަ އެހެންމީހެއްކަމެއްނޭންގެ، އޭޓީއެމުން ފައިސާތައްލިބޭ! ސިޔާސީކަންކަމުގައި މީގެކުރިން މީހުންގެ ފޯނުގެސިމްކާޑު ރިޕުލޭސްކޮށްގެން ފޯނުއަންލޮކުކުރުމާ އެކައުންތުތަކުގެ އެކުސެސްހޯދުންފަދަކަންކަން ސަރުކާރުތަކުންވެސް ކޮށްފައިވޭ! ރަށްކާތެރިތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޯމްލޭންޑް11

29 July 2024

ތިޔަކަންކަން ހިންގާ މައިގަނޑު ގެތައް މިވީ އަށެއްކަ މަސްތެރޭ ވަނީ ދެނެގަނެވިފައި. މިހާރު ދަނީ އެގެތަކާ ދެކޮޅަށް ހެކިހޯދުމުގެ މަސައްކަތް. ހެކި ހޯދާފަ ދެންދާނީ ހެކިތައް ދިރާސާކުރުމުގެ މަސައްކަތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު 23 ކްރޮމޮސޯމް

29 July 2024

މުޙައްމަދަކީ ވެމްކޯގައި މަސައްކަތްކުރާ ޑައުންސިންޑްރޯމް މީހެއް. މި ކުއްޖާ ވެސް ގޭ ދޮށުން ދިމާވެ ބިރުދައްކާ އެގެޔަށް ގެންގޮސް، އޮރިޔާންކޮށް މީހެއްކައިރީ ބުނެފިނަމަ މަރާލާނެކަމަށް ބުނެ ފައިސާ އާ ފޯނު ފޭރި، އޮރިޔާންކޮށް ފިރިހެނަކާ އަންހެނަކު އޭނާ އާ ބެހި، އެ ދެމީހުން އޭނަ ކުރިމަތީގައި ބެހި، މިކަންކަން މީގެ 2 އަހަރެއްވަރު ކުރިން ހިނގި. މާފަންނު ޕޮލިހަށް ބަޔާނެއް ނަގަން ގެންދިޔަ، އެފަހުން ބަހަބަރު. އޭނަ އަދިވެސް ބިރުން ސިހޭ. މިހާރުން މިކަން ބަލާބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންޕަތުކުމާރު

29 July 2024

މިކަމެއް ހުއްޓުވަން ބަޔަކު އުޅެގެންތާ!. މިގެއިންފެށިގެން ކޮންނަމުންދޭބަލަ މުލުގެކޮޅު އޮންނާނީ ކޮންމެވެެސް ބޮޑުގަލަކަށް ވަދެފަ. ދެންކިހިނެއް ކުރާނީ. ސަރުކާރަށް ބިރުގަނޭ ވަކިބަޔަކު ހިތްހަމަ ނުޖެހިދާނެތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަޑާ

29 July 2024

ސީޕީ އިސްތިއުފާދީ. ގައުމުގެ އަމާންކަމެއް ނުބެލެހެއްޓޭ. އަދިވެސް ޕޮލިހުންގެ މުސާރަ ކުޑައީކަންނޭގެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންޓަލް-ފެއިލް

29 July 2024

ރެކޯޑް އޮތް ގެއެއްކަން ގޫގުލް ކޮއްލީމަ އެބަ އިގޭ.... މާލެ ތެރޭގަ ތުންތުން މަތިންނާ ފާޅުގަ ފެންނަން ހުންނަ ކަންތައްތައްވެސް ފުލުހުންގެ އިންޓަލްއަށް އަޅައި ނުގަނޭ...