ޒުހުރޫ ޗެއާމަނަކަށް ހަމަޖައްސައި އެފްއޭއެމްގެ ހިންގުން ނޯމަލައިޒޭޝަން ކޮމިޓީއާ ފީފާއިން ހަވާލުކޮށްފި
19 އޯގަސްޓް 2024 - 23:34
14 comments
ކުރީގެ ސްޕޯޓްސް މިނިސްޓަރު އަހްމަދު ޒުހޫރު ނޯމަލައިޒޭޝަން ކޮމިޓީގެ ޗެއާމަނަކަށް ހަމަޖައްސައި، އެ ކޮމިޓީއާ އެފްއޭއެމްގެ ހިންގުން ފީފާއިން ހަވާލުކޮށްފި އެވެ.
އެ ކޮމިޓީއާ އެފްއޭގެ ހިންގުން ހަވާލުކުރިކަން، އެކްޓިން ޖެނަރަލް ސެކްރެޓަރީ މުހައްމަދު ޖައުޝަން ޝަރީފަށް ފީފައިން ވަނީ އަންގައިފަ އެވެ.
އެކަން، ޖައިޝަން ވަނީ، މީޑިއާ އަށް ވެސް އަންގައިފަ އެވެ.
ފީފާ އާއި އޭއެފްސީ މަންދޫބުން ޕެނަލަކުން އިންޓަވިއު ކުރުމަށް ފަހު ކޮމިޓީގެ މެންބަރުކަމަށް ފަސް ބޭފުޅަކު ވަނީ ހަމަޖައްސައިފަ އެވެ.
އެ ކޮމިޓީގެ މެންބަރުންގެ ތެރޭގައި ކުރީގެ ޕްރޮސިކިއުޓާ ޖެނަރަލް އަހްމަދު މުއިއްޒު ހިމެނިވަޑައިގަންނަވަ އެވެ.
އެފްއޭއެމް ނޯމަލައިޒޭޝަން ކޮމިޓީގެ މެންބަރުން
ޗެއާމަން: އަހްމަދު ޒުހޫރު
މެންބަރު : ފަރީހާ ޝަރީފް
މެންބަރު: އަހްމަދު މުއިއްޒު
މެންބަރު: އިސްމާއީލް ސިމަން
މެންބަރު: އަހްމަދު އަލީ
އެ ކޮމިޓީގެ އަންހެން މެންބަރެއްގެ ގޮތުގައި އިންނަވާ ފަރީހާ ޝަރީފަކީ، އެކައުންޓިން އާއި ފައިނޭންސް ދާއިރާގެ ތަޖުރިބާކާރު ބޭފުޅެކެވެ.
ކޮމިޓީގެ ޗެއާމަނަކަށް، ފީފާއިން ހަމަޖެއްސި ޒުހޫރު ވަނީ ރައީސް އަބްދުﷲ ޔާމީންގެ ވެރިކަމުގައި ސްޕޯޓްސް މިނިސްޓަރުކަން ގާތްގަނޑަކަށް ދެ އަހަރުގެ މުއްދަތަކަށް ކުރައްވައިފަ އެވެ. އެ މުއްދަތުގައި އެފްއޭއެމް އިސްލާހު ކުރުމަށް ގިނަ ފިޔަވަޅުތަކެއް އޭނާ އެޅުއްވި އެވެ. އެފްއޭއެމުން އޭރު ކަންތައް ކުރަމުންދާ ގޮތުން ކަންބޮޑުވުން ފާޅުކޮށް، ސަރުކާރުގެ ފަރާތުން ޒުހޫރު އޭރު ފީފާ އަށް ސިޓީއެއް ވެސް ފޮނުއްވި އެވެ.
ނޯމަލައިޒޭޝަން ކޮމިޓީގެ ދައުރު ހަމަވާނީ އަންނަ އަހަރު ޖުލައި 31 ގެ ނިޔަލަށެވެ.
އެ ކޮމިޓީގެ ޒިންމާއަކަށް ވާނީ ހިންގުން ބޮއްސުންލާފައިވާ އެސޯސިއޭޝަން ހަމަޔަކަށް އަޅުވައި އަސާސީ ގަވާއިދު އިސްލާކޮށް އާ އިންތިހާބެއް ބޭއްވުމެވެ.
މީގެ އިތުރުން އެތަނުގެ އޮޑިޓެއް ކުރުވައި، ފައިސާގެ މުއާމަލާތްތަކާއި، ލިބިފައިވާ ފަންޑުތަކުގެ ބޭނުން ހިފާފައިވާ ގޮތް ވެސް ބަލާނެ ކަމަށް ބެލެވެ އެވެ. އެފްއޭއެމްގެ އެންމެ ފަހުގެ ރައީސް ބައްސާމް އަދީލް ޖަލީލް މިވަގުތު ހުންނެވީ އެފަދަ ތުހުމަތުތަކާ ގުޅިގެން ސަސްޕެންޑްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މޯޑޭ
20 August 2024
މިއީ އުފާވެރި ހަބަރެއް. އުންމީދުކުރަން އަލުން ފުޓުބޯޅައިގެ ފޯރި ރާއްޖޭގައި ހިފާނެކަމަށް، އަދި ނިއު ވެސް އެއްވަނަ ޑިވިޝަނުގައި ކުޅެވޭނެގޮތްވެސް ހަދާނެކަމަށް. ނިއު 2 ވަނަ ޑިޝަނަށްލީ ރެލިގޭޓްވެގެން ދިޔަދިއުމަކަށް ނުވާތީ، އެޓީމު 1ވަނަޑިވިޝަނުގައި ކުޅެވޭގޮތްހަދައިފިނަމަ ފުޓުބޯޅައިގެ ފޯރި ހިފާނެކަމުގައި ފެނޭ. އަޅުގަނޑު ހެން އެތައްބައެއްގެ އެދުމެއް މިދެންނެވީ، އަދި މިއީ މިވަގުތު ފުޓުބޯޅައިގެ ފޯރި އެންމެ އަވަހަށް ގެނެވޭނެގޮތް ކަމުގައި ފެނޭ - ޝުކުރިއްޔާ
ބައްސާމު އަދިވެސް ބޭނުންވަނީ އެފް.އޭ.އެމް އަށް!
20 August 2024
ވަރަށް ބޮޑު ބަދަލެއް އަންނާނެ މިފަހަރު ! ކޮމިޓީގައި ތިބިމީހުންއަށް މަހަކު 4000 ޑޮލަރު! އަނެއްކާ އަނެއް ބަޔަކު މުސަނދިވާނެ މިފަހަރު، ސްޕޯޓްސް މިނިސްޓްރީ ދަށުން ތިތަން ހިންގަންވީ ! ޝުކުރިއްޔާ ބައްސާމް ކޮށްދެއްވި މަސައްކަތަށް ، ބަޔަކަށް ބައްސާމް ގޯސްވިޔަސް ތީ ޤާއުމުގެ ފަހުރުވެރި ދަރިއެއް!
އމހަދާން
21 August 2024
އާދެ ބައްސާމަކީ އުމަރުގެ ފާނު. ހާދަ ހެޔޮފުޅު މަނިއްޕުޅެކޭ އެއީ.
ބަލަ
20 August 2024
މިއީ އުފާވެރި ހަބަރެއް. އުންމީދުކުރަން އަލުން ފުޓުބޯޅައިގެ ފޯރި ރާއްޖޭގައި ހިފާނެކަމަށް، އަދި ނިއު ވެސް އެއްވަނަ ޑިވިޝަނުގައި ކުޅެވޭނެގޮތްވެސް ހަދާނެކަމަށް. ނިއު 2 ވަނަ ޑިޝަނަށްލީ ރެލިގޭޓްވެގެން ދިޔަދިއުމަކަށް ނުވާތީ، އެޓީމު 1ވަނަޑިވިޝަނުގައި ކުޅެވޭގޮތްހަދައިފިނަމަ ފުޓުބޯޅައިގެ ފޯރި ހިފާނެކަމުގައި ފެނޭ. އަޅުގަނޑު ހެން އެތައްބައެއްގެ އެދުމެއް މިދެންނެވީ، އަދި މިއީ މިވަގުތު ފުޓުބޯޅައިގެ ފޯރި އެންމެ އަވަހަށް ގެނެވޭނެގޮތް ކަމުގައި ފެނޭ - ޝުކުރިއްޔާ
އޮނަރަބްލް އަފީފު ދީދީ
20 August 2024
މިހާރުގެ FAM އުވާލާފައި މުޅިރާއްޖެ ތަމްސީލުވާގޮތަށް National Football Federation އުފައްދާ ރާއްޖެ 3 ސަރަޙައްދަކަށް ވަކިކޮށް ފުޓްބޯޅައިގެބާރުތައް ޙިއްސާކުރެވޭގޮތަށް ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާ ކޮންމެރީޖަނެއްގައި "ރީޖަނަލް ފުޓްބޯލް އެސޯސިއޭޝަން" ހެދުމަށް ޖާގަ ދެއްވާ އިދާރީ ދާއިރާތަށް ކަޑައަޅާފައިވާގޮތަށް ކުޅިވަރުވެސް ޑީސެންޓްރަލައިޒް ކުރޭ.
ދޯދީދީ
20 August 2024
އެކުވެރިކަމަކީ ގަދަފަދަ ބާރެއް. ވަކިވެގަތުމަކީ ނިކަމެތިކަމެއް.
ފޯވާޑް
20 August 2024
އަސްލުވެސް ތިއީ ހަމަ ރަނގަޅު ގޮތެއް. މިހާރު މުޅި ތަނުގައި އޮންނަނީ މާލޭ އެފްއޭއެމްގެ ބަސް. އޭގެ ބަދަލުގައި އެކިސަރަޙައްދު ތަކަށްވެސް ބާރުތަކެއް ދޭންޖެހޭ. އަދި މާލެސަރަހަްދަށްވެސް ވަކި އެސޯސިއޭޝަނެއް ހުރުމަކީ ހިންގުން ހަރުދަނާ ކުރެވޭނެ ގޮތެއް. ޤައުމީ ފެޑެރޭޝަން ހަދާފައި ވަކި އެސޯސިއޭޝަން ހުރުމަށް މަވެސް ތާއީދު.
ސިޔާމު.
20 August 2024
މާލޭގެ ޓީމް ތަކުން ދީދީ ތިޔަބުނާ ގޮތަށް ތިކަން ކުރަން އެއްބަސް ނުވާނެ. އެމީހުން ބޭނުމެއްނުވޭ އެމީހުންގެ ރަށުން ބޭރަށް ގޮސްގެން އެހެން ރަށެއްގައި ކުޅެން. ހޯމް އަވޭ ކުޅެން ފަހަރެއްގާ ލަންކާ އަށް ނޫނީ ބެންކޮކަށް ދާން މާލޭ ޓީމް އޯކޭ ވެދާނެ.
ކުޑަ މެނޭޖަރު
20 August 2024
އެފްއޭއެމް އާއި ބެހޭ ލިއުންތަކަށް ކުރާ ކޮމެނޓް ތަކުގެ ތެރެއިން އެންމެ ބިނާކުރުވަނިވި ކޮމެންޓް ތަކެއް ކުރަމުންދަނީ އަފީފު ދީދީ ކަމަށް މަ ޤަބޫލު ކުރާނީ.
އޮނަރަބުލް ގާޑު
24 August 2024
އަފީ އެފްއޭއެމްގެ ރައީސްކަމަށް ކުރިމަތިލާންވާނެ ނޯމަލައިޒޭޝަން ކޮމެޓީގެ ދައުރު ހަމަވީމާ.
އޮނަރަބްލް އަފީފު ދީދީ
20 August 2024
ކުޅިވަރުގެ 3 ޒޯނު ނުވަތަ ރީޖަންތައް ހަދާއިރު ތިލަދުންމަތިން ފާދިއްޕޮޅަށް ނޯތު، ކ.އަތޮޅުން (މާލެ ހިމަނައި) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާންރީޖަންކަމުގައި ކަޑައަޅާންޖެހޭ ސަބަބަކީ މިއިން ކޮންމެ ރީޖަނެއްގައިވެސް އިންޓަރނޭޝަނަލް އެއަރޕޯޓެއް މިހާރުވެސް އޮތުމުން ދަތިކަމެއްނެތި ސާފް ގޭމްސް ބާއްވަންވެސް ފުރުސަތު ހޯދުމަށާއި AFC އަދި ރާއްޖެ ބައިވެރިވާ FIFA World Cup Qualification މެޗްތައްވެސް މިރީޖަންތަކަށް ގެންދެވޭނެގޮތްހެދުން އިގޭތޯ.
އޮނަރަބްލް އަފީފު ދީދީ
20 August 2024
މަތީގައިދެންނެވި ބަދަލާއިއެކު National Football Federation ގެ އިންތިޙާބީ މަޤާމްތަކަށް ވާދަކުރަން ފުރުސަތުދޭނީ ރީޖަނަލް އެސޯސިއޭޝަން މެންބަރު ކުލަބްތަކުގައި ޙަރަކާތްތެރިވާ ފަރާތްތަކަށް. # އަދި ނެޝަނަލް ފެޑަރޭޝަންގެ އިންތިޙާބީ މަޤާމްތަކަށް ވޯޓްދެވޭނީ 3 ރީޖަންގެ ސީނިއަރ ޓީމްތަކުގެ ކެޕްޓަނާއި، މެނޭޖަރ ޖީއެސް އަދި ރީޖަނަލް އެސޯސިއޭޝަންތަކުގެ ރައީސާއި، ނައިބް ރައީސްގެ އިތުރަށް Secretary General އަށް. އެސޯސިއޭޝަން ޤައުމީ ވާނީ މިފަދައިން ފުރުސަތުދީގެން.
ސާބަސްސ
20 August 2024
މަރުހަބާ. ގެއްލުނު ފައިސާ ހޯދާދޭތި. ޕޭންޓް ހައުސްވެސް
ބައްތުބަތްކާ
19 August 2024
ވަރަށް ބޮޑު ކުރިއެރުމެއް. މަރުހަބާ ނކ. ބައްސާމުއާއި ޝަވީދު ދެމީހުން ހިންގި ހުރިހާ ގޯހެއްވާނެ ބަލަން. ޖޭޖޭ ޓީމުގެ އަފޭގެވެސް