ވަޒީރުންގެ މަޖިލީސް. ވެންޑަރުންނަށް ފައިސާގެ ބަދަލުގައި ބިން ލިބޭ އުސޫލެއް ހަމަޖައްސަނީ
26 އޯގަސްޓް 2024 - 20:48
ދައުލަތުން އެކި ފަރާތްތަކަށް ނުދެއްކި ހުރި ފައިސާގެ ބަދަލުގައި، އެ ފައިސާ ލިބެންޖެހޭ ފަރާތްތަކަށް އިތުރު އާމްދަނީއެއް ލިބޭ ގޮތަށް ޓީ-ބޮންޑަކަށް އެ ފައިސާ ބަދަލުކުރުމުގެ ފުރުސަތު ދިނުމާއި ފައިސާގެ ބަދަލުގައި ބިމެއް ކުއްޔަށް ނެގުން ފަދަ އިހުތިޔާރެއް ދެވޭނެ އިންތިޒާމު ހަމަޖެއްސުމަށް ރައީސް ޑރ. މުހައްމަދު މުއިއްޒު ނިންމަވައިފި އެވެ.
ފިނޭންސުން އެންމެ ފަހުން ހިއްސާކޮށްފައިވާ މައުލޫމާތުން އެނގޭ ގޮތުގައި ޕެންޑިން ބިލްތަކުގެ ގޮތުގައި ދައުލަތުން އެކި ފަރާތްތަކަށް ދައްކަން ޖެހޭ އަދަދު ގާތްގަނޑަކަށް ތިން ބިލިއަން ރުފިޔާއަށް އަރަ އެވެ. އޭގެ ތެރޭގައި ހަ މަހަށް ވުރެ ގިނަ ދުވަސްވެފައިވާ ބިލްތައް ވެސް ހިމެނެ އެވެ.
ރައީސް އޮފީހުން މިއަދު ނެރުނު ބަޔާނުގައި ބުނީ ދައުލަތުން ވެންޑަރުންނަށް ދައްކަން ޖެހޭ ބިލްތަކަށް ފައިސާ ދެއްކުމުގައި އެންމެ ގިނަ ދުވަސްވެފައިވާ ބިލްތައް ބަލައިގެން ކަންކަން ރާވަން ނިންމާފައިވާ ކަމަށެވެ. އަދި ކޮންމެ މަހަކު ވެންޑަރުންނަށް ދެއްކުމަށް ކަނޑައެޅޭ ފައިސާގެ އަދަދަށް ބަލައި، އެންމެ ގިނަ ދުވަސްވީ ބިލުތަކުގެ ތަރުތީބުން، ދެފުށް ފެންނަ އުސޫލެއްގެ ތެރެއިން ފައިސާ ދެއްކުމުގެ ކަންކަން ކުރިއަށް ގެންދާނެ ކަމަށް ބުނެފައިވެ އެވެ.
ކަނޑައެޅޭ ވަކި މިންވަރަކަށްވުރެ ދަށުގެ ބިލްތަކަށް ފައިސާ ދައްކާނެ އަދަދެއް ކަނޑައަޅައި، ދެބައި ވަކިން ބެލެހެއްޓުމަށް ވެސް ނިންމާފައިވާ ކަމަށް ރައީސް އޮފީހުން ބުންޏެވެ.
ރައީސް އޮފީހުން ބުނީ ވިޔަފާރިތަކުން ދައުލަތަށް ދައްކަން ޖެހޭ ފައިސާ، ހާއްސަކޮށް މީރާއަށް ޓެކްސްގެ ގޮތުގައި ދައްކަންޖޭ ފައިސާއިން އޮފްސެޓް ކުރުމާއި، އެކި ފަރާތްތަކުން ދައުލަތަށް ދައްކަންޖެހޭ ފައިސާ ހޯދުމަށް ޓާސްކްފޯހެއް އެކުލަވައިލުމަށް ވެސް ނިންމާފައިވާ ކަމަށެވެ.
ނުލިބި ހުރި ފައިސާ ހޯދުމަށް އިސްކަން ދޭނެ ކަމަށާއި ފިނޭންސުން ހުށަހެޅި ލޯނު ނެގޭނެ ގޮތްތަކުގެ އިތުރުން ލޯނު ނެގޭނެ އިތުރު ގޮތްތައް ވެސް ބަލައި ލޯނު ހޯދުމަށް މަސައްކަތް ކުރުމަށް ވެސް ވަޒީރުންގެ މަޖިލީހުގެ ލަފަޔާ އެކު ރައީސް ވަނީ ނިންމަވައިފަ އެވެ.
އިއްޔެގެ ވަޒީރުންގެ މަޖިލީހުގެ ބައްދަލުކުރެއްވުމުގައި ރާއްޖޭގެ ބޭރު ފައިސާގެ ބާޒާރު ހަރުދަނާކޮށް، ދިވެހި ރުފިޔާއަށް އޮންނަ ޑިމާންޑް އިތުރުކުރުމަށް ފިޔަވަޅުތަކެއް އަޅަން ވެސް ނިންމި އެވެ. ވަޒީރުންގެ މަޖިލީހުގެ ބައްދަލުވުމަށްފަހު ބޭއްވި ނޫސްވެރިންގެ ބައްދަލުވުމުގައި އެޓާނީ ޖެނެރަލް އަހުމަދު އުޝާމް ވަނީ އިންކަމް ޓެކްސް އާއި ޕެންޝަނާއި މީރާ އާއި ޖީއެސްޓީގެ ގާނޫނަށް ވަރަށް އަވަހަށް އިސްލާހުތަކެއް ގެންނާނެ ކަމަށް ވިދާޅުވެފަ އެވެ. އެ ގެންނަ ބަދަލުތެރޭގައި ބޭރު ފައިސާއިން އާމްދަނީ ލިބޭ ވިޔަފާރިތަކުން ކަސްޓަމްސް ޑިއުޓީ އާއި އިންކަމް ޓެކްސް އަދި ޕެންޝަން ޑޮލަރުން ދައްކަން ޖެހޭ ގޮތަށް ބަދަލު ކުރުމަށް ވެސް ނިންމާނެ ކަމަށް އޭނާ ވިދާޅުވި އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އިސްމާއިލް އުޝާމް
27 August 2024
ބަޔަކު ބުނި ޔާމީންއަށް އެކަންޔޭ މިކަހަލަ ކަންކަން ކުރަން އިނގޭނީ. އެހެންނެ ނޫނެއްނު މިވަނީ. ރައީސް މުއިއްޒްވެސް ހަމަ ރަނގަޅު ހައްލު މި ގެންނަނީ
ޜޯނުއެދުރު
27 August 2024
ބަޖެޓަށް ފައިސާހޯދަން ހިޔާފުލެޓް ލާރިނުދަށްކާ ތިބި މީހުންގެ ވާހަކަ ކީއްވެތަ ނުދައްކަނީ؟ ބިލިއަނުން އެބައޮތް.
ސުފްޔާން
27 August 2024
ކުރީ ސަރުކާރުން ލާރި ނުދީ ހުރި ހުރިހާ ކުންފުންޏަކަށް މި ސަރުކާރުން ލާރި ދީ ހަލާސް ކުރާނެ.
މޮޔަވެދާނެއޭ
27 August 2024
މަނިކުފާނެވެ. ރާއްޖޭގެ ސަރުކާރުގެ މުއައްސަސާތަކަކީ އެއް މުއައްސަސާއަކުން އެއްބިލަަކަށް ދެފަހަރު ތިންފަހަރު ފައިސާ ދެއްކޭއިރުވެސް ނޭގޭ ތަނެކެވެ. އެކިއެކި މުއައްސަސާތަކުން ދައްކަންޖެހޭ ފައިސާއާއި ލިބެންޖެހޭ ފައިސާ އެއް ޕްލެޓްފޯމަކަށް ގެނެވިފައި ނެތީސް އޮފްސެޓް ކުރަން އުޅުމަކީ މުޅި ސިސްޓަމް އޮޅުންބޮޅުންވެ ބޮއްސުންލައިގެން ދިއުމަށް މަގުފަހިވެދާނެ ކަމެއް. އަދި މީގެ ނާޖާއިޒު ފައިދާ ނެގުމަށް ބައިވަރު ދޮރުތައް ހުޅުވިގެން ހިގައިދާނެ ކަމެއް.
ގައިޑް
27 August 2024
ބަޖެޓަށް ފައިސާ ނުހޯދިގެން ފެއިލް ވަނީ.... ފައިސާ ނުލިބޭތީ މީހުން މަދުކޮށް ޚަރަދު ކުޑަކުރަން ވީއެއްނު. އެކަމަކު އިއްޔެވެސް ބުނި ފެހި ސިގްނަލް ލިބިފައޭ އޮތީ.
58965
27 August 2024
މިއީ ވަރަށް ރަނގަޅު ވިސްނުމެއް. ކޮރަޕްޝަން ނުހިމެނޭހެން، ވިޔަފާރިވެރިންނަށް ބިން ވަކި މުއްދަތަކަށް ކުއްޔަށް ދީގެން ދައުލަތުގެ ދަރަނިތައް އަދާކުރެވިދާނެ. އަނެއް ގޮތަކީ، ހުޅުމާލެއިން އިބުރާހިމް ބަހާލި ބިންތަށް ދޫކުރުން 3 އަހަރަށް މަޑުޖައްސާލާ އެތަންތަން ކުއްޔަށް ބިންތައް ހިލޭ ދިނުމުން އެޗްޑީސީއަށްވި ގެއްލުން ކުޑަކޮށް އިތުރަށް ލިބޭ ފައިސާއިން ބިލްތަކަށް ފައިސާ ދެއްކުން.
ރައްޔިތުންގެބިން
27 August 2024
ކޮންމެ އެއްޗެއް ދިނަސް ބިން ދީގެން ނުވާނެ.
ށޭކުބެ
27 August 2024
ސަރުކާރު މުވައްޒަފުންނަށް މުސާރައަށް ވެސް ދެން ދެއްވާނީ އަލަނާސި މެޓާ
ޮިއަނާ
27 August 2024
އަލަނާސި މެޓާގަނޑެއް ގަނެލެވޭވަރުވެސ ކުރެވެން އަންނަނީ ލައްކަހިކުމަތުން. ބިލިއަން ރުފިޔާގެ ހުޅުމާލޭގެ ބިންތައް ހިލޭބަހާނުލިނަމަ އެތަންތަން ކުރިންވެސ ވިއްކިގޮތަށް ވިއްކައިގެންވެސް ދައުލަތް ހިންގޭނެ.އެކަމަކު ނިމިދިޔަ 5 އަހަރު ގައުމުގެ ވެރިކަން ކުރީ ދިވެހިންގެ ދުޝްމަނު އަމިއްލަ ފައިދާނޫން އެއްޗެއް ނުފެންނަ މީހުންވީމަ ހުޅުމާލެއިން ހިލޭ 4050 އަކަފޫޓުގެ ބިމެއް އެސަރުކާރުގެ ކޮންމެބޮޑެއް ނެގުމަށް ޗޑސ އަށް ފައިސާ ދައްކަންޖެހުނީވެސް ރައްޔިތުންގެ ހަޒާނާއިން
ޙަޒްނ
26 August 2024
2019 ގައި ލިބެން ޖެހޭ ފައިސާ ނުލިބޭ. މަގޭ ވިޔަފާރިއަށް ވެސް ނުލިބި އެބަހުރި 7 މިލިއަން.
ހަސްން
27 August 2024
ދެން ކޯޓަށް ނުދަނީ ކީއްވެ؟
މުޝީރު
27 August 2024
މިފައިސާ ﷲ ވާގިފުޅާއެކު ވަރަށް އަވަހަށް ނިމޭނަކަމަށް އުންމީދު ލިރަން