27 އޯގަސްޓް 2024 - 12:03
ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ އޮފީސް ވީރާނާވެފައި ވުމުން، އެ އެސޯސިސޭޝަނަށް ފީފާ އިން އައްޔަންކުރި ނޯމަލައިޒޭޝަން ކޮމީޓީގެ އިދާރީ މަސައްކަތްތައް ވަގުތީ ގޮތުން ގަލޮޅު ދަނޑުގައި ފަށައިފި އެވެ.
ކޮމިޓީގެ ފުރަތަމަ ބައްދަލުވުން އިއްޔެ ކުރިއަށް ގެންގޮސްފައި ވަނީ ގަލޮޅު ދަނޑުގެ ވީއައިޕީ ރޫމުގަ އެވެ. ފީފާގެ ފައިނޭންޝިއަލް ކޮންސަލްޓަންޓުންނާ އެކު އޮންލައިންކޮށް ބާއްވާ ބައްދަލުވުމަށް، ކޮމިޓީގެ މެންބަރުން އެއްތަނެއްގައި ތިބުމުގެ ގޮތުން ހާޒިރު ވާން ހަމަޖެހިފައިވަނީ އެތަނަށެވެ.
އެފްއޭއެމްގެ އިމާރާތުގެ އެތެރޭގެ ހާލަތު ދާދި ފަހަކާ ޖެހެންދެން އޮތީ ކުންޏަށް ވެފަ އެވެ.
އެފްއޭއެމްގެ ކުރީގެ ރައީސް އަހްމަދު ތޯރިގް (ޓޮމް) ދާދި ފަހުން ވަނީ އެފްއޭއެމްގެ އެތެރެ ކުރިން އޮތް ހާލަތު ދައްކުވައިދޭ ފޮޓޯތަކެއް ސޯޝަލް މީޑީއާގައި ހިއްސާކުރައްވައިފަ އެވެ.
އެ ފޮޓޯތަކުން ފެންނަ ގޮތުގައި ސީލިން އޮތީ ފޫ ވެއްޓިފަ އެވެ. އަދި ފަރުނީޗަރާއި ކޮމްޕިއުޓަރުގެ ބައެއް ސާމާނުތައް ވެސް ހަލާކުވެފައިވާ މަންޒަރު ފޮޓޯތަކުން ފެނެ އެވެ. މުބާރާތްތަކުގައި ބޭނުން ކުރަން ގަނެފައި ހުރި މެޑަލް ތަކާއި ޖޯޒީތަކަށް ވެސް ގެއްލުން ދީފައިވާ މަންޒަރު އެ ފޮޓޯތަކުން ފެނެ އެވެ.
އެފްއޭއެމްގެ ނކ މެންބަރުންނަށް މަރުޙަބާ. އެފްއޭއެމް ހިންގަންތިބި ވެރިން ވެފައިވާ އިހުމާލުތައް ބަލާ ފިޔަވަޅު އެޅެންވާނެ. މިއީ އެފްއޭއެމްގެ ހާލަތު، ދެރައީ އަދިވެސް އިންތިޚާބަކަށް އިއުލާން ކުރުމާއެކު ވާދަކުރަނީ ބައްސާމުއާއި އޭނާގެ އެކްސްކޯގައި ތިބި ފަރާތްތައް. ހިތާމައިގެ ކޮޅެއްނެތް. pic.twitter.com/bxE9rKEYB2
— Ahmed Thariq (@AhmedThaariq) August 20, 2024
އެފްއޭއެމްގެ އިމާރާތުގެ ދޮރެއް ހަލާކުކޮށްލައިގެން ވަދެ ގުރޫޕަކުން އެތަނުގެ ތަކެއްޗަށް ގެއްލުން ދީފައިވާ ކަމަށް ވެސް ބައެއް މީޑިއާތަކުން ބުނެ އެވެ.
އެކަމަކު ކުރީގެ ފުޓްބޯޅަ ކުޅުންތެރިޔާ އަދި މޯލްޑިވްސް ސޮކަ މޭޓްސްގެ އިސް ހަރަކާތްތެރިޔާ އަހުމަދު ޝަރީފް (މާޑޭ) ގެ ބެލުމުގެ ދަށުން އެ އިދާރާގެ އެތެރެ ސާފުކޮށް ކުލަލާފައިވާވެ އެވެ.
ނޯމަލައިޒޭޝަން ކޮމިޓީގެ މަސައްކަތް ކުރަން ރަސްމީ އޮފީހެއް ނެތުމުގެ އިތުރުން މަސައްކަތް ކުރާނެ ކޮމްޕިއުޓާ ސިސްޓަމްތަކެއް ވެސް ނެތެވެ.
ކޮމިޓީގެ މެންބަރުން، މާދަމާ ސްޕޯޓްސް މިނިސްޓަރު އަބްދުﷲ ރާފިއުއާ ބައްދަލު ކުރަން ހަމަޖެހިފައިވާކަން "މިހާރު" އަށް ވަނީ އެނގިފަ އެވެ. އެ ބައްދަލުވުމުގައި ކޮމިޓީގެ މަސައްކަތް ކުރުމަށް އޮފީހެއް ހަމަޖެއްސުމާ ބެހޭގޮތުން ރާފިއުއާ އެކު ކޮމިޓީގެ މެންބަރުން މަޝްވަރާ ކުރާނެ ކަމަށް ބެލެވެ އެވެ.
ނޯމަލައިޒޭޝަން ކޮމިޓީގެ ޒިންމާ އަކީ އަހަރެއްހާ ދުވަހުގެ ތެރޭގައި އެ އެސޯސިއޭޝަން ހަމަޔަކަށް އަޅުވައި، އިންތިހާބަކާ ހަމައަށް ގެންދިއުމެވެ. ސަސްޕެންޑްކޮށްފައިވާ އެފްއޭއެމްގެ ކުރީގެ ރައީސް ބައްސާމް އަދީލް ޖަލީލުގެ ދައުރުގައި އެތަނުން ގެއްލިފައިވާ ފައިސާ ހޯދުމަކީ ވެސް އެ ކޮމިޓީގެ ބޮޑު މަސްއޫލިއްޔަތެކެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ކައުންސެލަރު..
28 August 2024
ފީފާއަށް ވަރަށް ވެދުންސަލާމް!!
އަޒްރާ
28 August 2024
މިމީހުންގެ ނަން ވިދަމުން ދަންޏާ ވަރިހަމައެއްނުން ތަންތަން ވީރާނާވިޔަސް ބައްސާމަކީ ދެވަނަ ބްރޯ
އިއްޕަޓޭ
27 August 2024
ދެރަކަމަކީ މިހާލަތައް ވެއްޓިފައިވާކަން އެނގޭއިރުވެސް ބައްސާމަށް އެއްބާރުލުންދޭ ގައުމީ ލެޖެންޑުން ތިބިކަން. އޮއްޕޮ އެއުޅެނީ ޓާފް ދަނޑުތަކަށް ގެއްލުންވާގޮތައް ވިޔަފާރިކުރަން. ދަގަނޑޭގެ ސަސް މިހުރިހާދުވަހު އެއުޅުނީ ބައްސާމަށް އެއްބާރުލުންދީގެން ވޯޓު ކަށަވަރުކޮށް.
އޮފްސައިޑް
27 August 2024
ދެން ހަދަންވީ ގޮތަކީ ބައްސާމުގެ ޕެންޓްހައުސް އެފްއޭއެމަށް ބަދަލުކޮށްފައި ބައްސާމު ތިތަނަށް ފޮނުވާލުން. އޭނައެއްނުން ފީފާއިން ދޭ ޑޮލަރުކޮޅު ވާނުވާ ނޭގޭވަރަށް އެކައުންޓްތަކަށް ޖަމާކުރަމުން ދިއައީ. އެހެންވީމަ އެކަހަލަ މީހެއްގެ ބެލުމުގެ ދަށުން ތަނެއް ހަލާކުނުވާންވީ ސަބަބެއްނެތް. އޭނަގެ ދޯދިއާކަމުން ދިވެހި ފުޓްބޯޅައި ވިހި ތިރީސް އަހަރަށް ފަހަތައްޖެހުނީ. އޭނައާއި ހެދި އަރަމުން އައި އެތަކެއް ތަރިންގެން ފުޓްބޯޅަ ކެރިއާރ މަޑުޖެހުނީ!!
ހުސެއިންބެ.
27 August 2024
ކިހިނެތް އިހުމާލު ބަލާނީ. ޛެނެރަލް ސެކްރެޓަރީ އަކީ މިނިސްޓްރީގެ ސިޔާސީ މަޤާމެއްގައި ހުންނެވި ބޭފުޅެއް. އޮފީސް ހިންގަން ޖާގަ ލިބޭނެ އަމިން އެވެނިއުއިން ބައްސާމް ގަނެފަ ހުރި ޕެންޓްހައުސް ހުސްކޮށްގެން
112233445566
27 August 2024
ރާއްޖޭގެ ފުޓްބޯޅަ ފުނޑިއްޖެ
ލަސް
29 August 2024
މާލޭގެ
ނަގިއްޔާ
27 August 2024
ތީމިގައުމުގެ ހާލަތު. ހެވެއްނުން ބައްސާމެ ޒައާމަތުގައި އެފްއޭއެމް ވީރާނާ ބިމާހަމަވިއިރު އެބޭފުޅާ އެބޭފުޅާގެ ޕެންޓްހައުސް ޖަރީކޮށްފިއެއްނުން. އެކަން ބަލާނެ މީހަކު އެބަހުރިތޯ؟ ކާކުތޯ ބެލީ ކުއްލިއަކަށް އަގުބޮޑު އެޕާޓްމަންޓް ގަނެ ދުނިޔެ ކުޑަކުރާމީހުން އެހާ ފައިސާ ހޯދަނީ ކޮންތާކުންތޯ؟ ކާކުތޯ ބެލީ ކިތައް ކޮރަޕްޝަން އެކުލެޥޭ އެޅިގާ، ކިތައް ކޮަޕްޓް ފާޓާ ކުލަ، ކިތައް ކިތައް ކިތައް މިހެންގޮސް ކިޔާނެ ކަމެނެތް، އަދަދު ނުކުރެވޭ ކަންތައް ކޮށްފައި ހުރީ.
ވަހީދުބެ
27 August 2024
މިހާ ދުވަސްވަންދެން އެފްއޭއެމް ހިންގީ ތިތަނުގައިތަ؟
އެޑްމުންޑޯ
27 August 2024
މިކަމުގައިވެސް ޒިންމާވާނެ ފަރާތްތަކެއް ހަމަޔަގީނުންވާނެދޯ
ޖާދޫ
27 August 2024
ޢެފްއޭ އެމް ގެ އޮފީސް ވީރާނާވެގެން ދިޔަޔަސް ބައްސާމު އަތުގަ ޕެންޓްހައުސްއަކާއި ބައިވަރު މުދާތަކެއް އެބަހުރި، އެހެންވީމާ މައްސަލައެއް ނެތެއްނު