ޚަބަރު / މަސްތުވާތަކެތި

ބޭރުން އައި 65 އަހަރުގެ ދިވެއްސެއްގެ އަތުގައި ޑްރަގްސް

ކަސްޓަމްސް އިން ފާސްކުރިއިރު ފެނުނު ޑްރަގްސް

އާސިމާ ނިޒާރު، މިހާރު

20 ސެޕްޓެމްބަރ 2024 - 16:08

12 comments

ރާއްޖެއިން ބޭރުން އައި އުމުރުން ދުވަސްވީ ދިވެއްސެއް ބަލައި ފާސްކުރި އިރު މަސްތުވާތަކެތި ފެނިއްޖެ އެވެ.

ކަސްޓަމްސް އިން ބުނީ މިދިޔަ ހޯމަ ދުވަހު ސްރީލަންކަން އެއާލައިންސް އިން އައި 65 އަހަރުގެ ދިވެހި ފިރިހެނެއް ބަލައި ފާސްކުރިއިރު މަސްތުވާތަކެތި ކަމަށް ޝައްކުކުރެވޭ ތަކެތި ފެނިފައިވާ ކަމަށެވެ. އެއީ 349 ގްރާމްގެ ޑްރަގެވެ.

މީގެ އިތުރުން މިދިޔަ ބުދަ ދުވަހު ރާއްޖެ ގެނައި އެއާކާގޯ ޝިޕްމަންޓަކާއި ޕޯސްޓް ޕެކޭޖަކުން ވެސް މަސްތުވާތަކެތި ފެނުނު ކަމަށް ބުންޏެވެ.

އެ ތަކެތި ފުރަތަމަ މަރުހަލާގައި ޓެސްޓުކުރިއިރު ހެރޮއިން، ސިންތެޓިކް ކެތިނޯން، ކެނަބިސް އަދި އެކްސްޓަސީއަށް ވަނީ ޕޮޒިޓިވްވެފަ އެވެ.

ކަސްޓަމްސް އިން ފާސްކުރިއިރު ފެނުނު ޑްރަގްސް

އެ ފިރިހެން މީހާ ފާސްކުރިއިރު 349 ގްރާމްގެ ހެރޮއިން ފެނިފައިވެ އެވެ. ޕޯސްޓުން ގެނައީ 582 ގްރާމްގެ ސިންތެޓިކް ކެތިނޯން އެވެ.

ކެނަބިސް އަދި އެކްސްޓަސީއާ އެކު، ޖުމްލަ އެ ތަކެތީގެ ބަރުދަނުގައި ނުވަ ކިލޯ ހުރި ކަމަށް އެ އިދާރާއިން ބުންޏެވެ.

ކަސްޓަމްސް އިން ބުނީ އެ މައްސަލަ ތަހުގީގުކުރަން އެ ފިރިހެން މީހާ އަދި އަތުލައިގަތް މަސްތުވާތަކެތި ފުލުހުންނާ ހަވާލުކޮށްފައިވާ ކަމަށެވެ.

ފުލުހުން މަސްތުވާތަކެތި ކަސްޓަމްސް

12 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މަތޮޅޭ

21 September 2024

އަތުލާ ޑުރަގް ވަލު ދޮރާށިން ނެރި ވިއްކަނީތަ، މާލެ އާއި އަތޮޅުތެރޭގައި ވިއްކާ ރީޓެއިލަރުން މަދެއްނު.ވޭ ހައްތަހާވަނީގިނަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑރގސ

20 September 2024

ޑްރަގް ޑީލަރުން ކުޅެނަި ރާޒުވާ. އުމުރު ހުސްވެފަ ހުރި މީހަކު އުމުރަަށް ޖަލަށް ލީމަ އޭނަ ޖަލުގަ އޮވެ މަރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދަނޑި މުޑި

20 September 2024

މަސްތުވާ ތަކެތި ޓްރާންފަރ ސެންޓަރ އަކަށް ދުނިޔެ މިހާރު ބަލާތަނެއް ދިވެހި ޤައުމަކީ. މިކަން ހުއްޓުވަންޖެހޭ. ހުއްޓުވޭނީ ހިތްވަރު ހުރި ދިވެހި ދަރިޔަކި ޤައުމުގެ ވެރިކަމާ ހަވާލުވެ ސިންގަޕޫގައި އޮތްކަހަލަ ޥަރުގަދަ ޤާނޫނެއް ރައްޔިތުންނަށް ޓަކައި ހަދައިދީ ތަންފީޛު ކުރެވުނު ދުބަހަކުން.