ޚަބަރު / މަތީ ތައުލީމު

މަތީ ތައުލީމަށް 700 އެއްހާ މިލިއަން ރުފިޔާ

ވިލާ ކޮޖެލުގެ ދަސްވެނިވުމުގެ ހަފުލާގެ ތެރެއިން-- ފޮޓޯ: ފަޔާޒު މޫސާ / މިހާރު

އާސިމާ ނިޒާރު، މިހާރު

01 އޮކްޓޯބަރ 2024 - 12:58

4 comments

މަތީ ތައުލީމު ފޯރުކޮށްދިނުމަށް މިހާތަނަށް 700 އެއްހާ މިލިއަން ރުފިޔާ ހަރަދުކޮށްފި އެވެ.

ސަރުކާރުގެ ޚަބަރުތައް ގެންނަ "ސަރުކާރު" ވެބްސައިޓުގައި ހަޔާ އެޑިއުކޭޝަން މިނިސްޓްރީން މިއަދު ބުނީ އެކި ދާއިރާތަކުން ތައުލީމު ހާސިލްކުރަން މިދިޔަ އޮގަސްޓް މަހުގެ ނިޔަލަށް 13،866 ދަރިވަރުންނަށް މާލީ އެހީ ފޯރުކޮށްދީފައިވާ ކަމަށެވެ. އެއީ ފުރަތަމަ ޑިގްރީ އާއި ސްކޮލަޝިޕް އަދި ސްޓޫޑެންޓް ލޯނު ސްކީމްގައި ކިޔަވަމުން އަންނަ ދަރިވަރުންނެވެ.

އެ ސްކީމްތަކަށް 689.663،352ރ. ހަރަދުކޮށްފައިވާ ކަމަށް މިނިސްޓްރީން ބުންޏެވެ.

އޭގެ ތެރޭގައި އެންމެ ގިނައީ ރާއްޖޭގައި ޑިގްރީ އަށް ކިޔަވާ ދަރިވަރުންނެވެ.

ހަޔާ އެޑިއުކޭޝަން މިނިސްޓްރީން ކުރިން ބުނީ، ޑިގްރީ ހަދާ 11،000 އަށް ވުރެ ގިނަ ދަރިވަރުންނަށް މި އަހަރު 115 މިލިއަނަށް ވުރެ ގިނަ ރުފިޔާ ހަރަދުކޮށްފައިވާ ކަމަށެވެ.

ދިވެހިންނަށް މަތީ ތައުލީމުގެ ފުރުސަތުތައް ފަހިކޮށްދިނުމަށް ގިނަ މަސައްކަތްތަކެއް ކުރަމުން އަންނަ ކަމަށް ވެސް މިނިސްޓްރީން ބުންޏެވެ.

އޭގެ ތެރެއިން ޖަޕާނާއި ތުރުކީ އާއި މެލޭޝިއާ އާއި ޗައިނާ އަދި އިނގިރޭސި ވިލާތް ފަދަ ގައުމުތަކުގެ އެމްބަސީތަކާއި ޔުނިވާސިޓީތަކުގެ އިސްވެރިންނާ ބައްދަލުކޮށް، އެކްސްޗޭންޖް ޕްރޮގްރާމްތަކާއި ސްކޮލަޝިޕް ފުރުސަތުތަކާ ގުޅޭ އެއްބަސްވުންތަކުގައި ސޮއިކުރަމުން އަންނަކަން ފާހަގަކުރި އެވެ.