ދަރުމަވަންތަ ސްކޫލުގެ ކްލާސްރޫމެއްގައި ޓީޗަރަކު ކިޔަވައިދެނީ.-- ފޮޓޯ: ނިޝާން އަލީ/ މިހާރު
15 އޮކްޓޯބަރ 2024 - 11:01
30 comments
އަލަށް އިމާރާތްކޮށް މިދިޔަ އަހަރުގެ އޮގަސްޓް މަހު ބޭނުންކުރަން ފެށި ދަރުމަވަންތަ ސްކޫލުގެ އާ އިމާރާތުގެ ކްލާސްރޫމެއްގައި ކުދިން ކިޔަވަން ތިއްބާ އިއްޔެ ފަންކާއެއް ވެއްޓިއްޖެ އެވެ.
ސްކޫލުގެ ބެލެނިވެރިއަކު ބުނީ ގްރޭޑް 4 ގެ ކުދިން ކްލާހުގައި ކިޔަވަން ތިއްބާ ފަންކާއެއް ވެއްޓުނީ އެ ކުދިންގެ ޑެސްކު މައްޗަށް ކަމަށެވެ. މި ހާދިސާގައި އެއްވެސް ކުއްޖަކަށް އަނިޔާއެއް ނުވާ ކަމަށް އެ ބެލެނިވެރިޔާ ބުންޏެވެ.
އެކަމާ ގުޅޭ ގޮތުން "މިހާރު" އިން މިއަދު ސުވާލު ކުރުމުން އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވީ ފަންކާއެއް ވެއްޓުމުގެ ހާދިސާއެއް އިއްޔެ ހިނގި ކަމަށާއި އެފަދަ ކަންކަން ސިއްރު ނުކޮށް އެންގުމަކީ މުހިންމު ކަމަކަށް ވާތީ ބެލެނިވެރިންނާ އެކަން ހިއްސާ ކޮށްފައިވާ ކަމަށެވެ.
ދަރުމަވަންތަ ސްކޫލުގެ ކްލާހެއްގައި ޓީޗަރަކު ދަރިވަރުންނަށް ކިޔަވައިދެނީ. -- ފޮޓޯ: ނިޝާން އަލީ / މިހާރު
މިނިސްޓްރީން އިއްޔެ އެ ސްކޫލަށް ގޮސް ހުރިހާ ކްލާސްރޫމެއްގެ ފަންކާތައް ރަނގަޅުތޯ ބެލި ކަމަށާއި އެއްވެސް މައްސަލައެއް ނެތް ކަމަށް މިނިސްޓަރު ވިދާޅުވި އެވެ.
އެ ސްކޫލުގެ ކުޑަދޮރުތަކުގައި ޖަހާފައިހުރި ބިއްލޫރިތައް ތަޅައިގެންދާ މައްސަލައެއް ވެސް މިދިޔަ އަހަރުގެ ޑިސެމްބަރު މަހު ފާހަގަވި އެވެ. އޭރު މިނިސްޓަރު ވިދާޅުވީ ފިޔަވަހިތަކަށް ބަހާލައިގެން އެ ހުރިހާ ދޮރެއް ބަދަލުކުރާނެ ކަމަށެވެ.
ވިލާ ކޮލެޖު ކުރިމަތީގައި އޮންނަ ބިމުގައި ދަރުމަވަންތައިގެ އާ އިމާރާތް ހަދަން އެޑިއުކޭޝަން މިނިސްޓްރީން ފެބްރުއަރީ 4، 2020 ގައި ހަވާލުކުރީ އެސްޖޭ ކޮންސްޓްރަކްޝަން ކުންފުންޏާ އެވެ.
ދަރުމަވަންތަ ސްކޫލުގެ އާ އިމާރާތް: އެ ސްކޫލުގައި މިހާރު 1400އަށްވުރެ ގިނަ ދަރިވަރުން ކިޔަވަމުންދޭ.-- ފޮޓޯ: ނިޝާން އަލީ / މިހާރު
އެ މަޝްރޫއު ފުރަތަމަ ހަވާލުކުރީ 74.9 މިލިއަން ރުފިޔާ އަށް އެއް އަހަރުގެ ތެރޭގައި ނިންމާ ގޮތަށެވެ. ނަމަވެސް، މުއްދަތަށް މަސައްކަތް ނުނިމުމުން މުއްދަތު އިތުރުކޮށް، އެ ކުންފުންޏަށް އިތުރު 20 މިލިއަން ރުފިޔާއާ އެކު، 94 މިލިއަނަށް ވުރެ ގިނަ ރުފިޔާ ވަނީ އޭރު ދީފަ އެވެ.
ދަރުމަވަންތަ ސްކޫލް ކައިރީގައި ހުރި އިއްޒުއްދީން ސްކޫލްގެ އިމާރާތުގައި ރެނދުލައި ވަރަށް ބޮޑަށް ހަލާކުވެފައި ވާތީ އެ ތަން ބަންދުކޮށް އެ ސްކޫލު ދަރިވަރުން ވެސް މިހާރު ކިޔަވަނީ ދަރުމަވަންތަ ސްކޫލުގަ އެވެ. އެ ދެ ސްކޫލު ދަރިވަރުންނާ އެކު ދަރުމަވަންތަ ސްކޫލްގެ ދަރިވަރުންގެ އާބާދީ މިހާރު ވަނީ 1400 އިން މައްޗަށް އަރައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަނިޔާ
15 October 2024
ކުއްޖަކަށް އަނިޔާ ނުވެޔޭ ބުނަން ހެޔޮނުވާނެ. ކޮބާ ނަފްސާނީ ގޮތުން ލިބުނު އަނިޔާ، އަނިޔާވީކަމަށް ވަނީ ބޭރުފުށުން ފެނުނީމަތަ!!!
ބަގަރ
15 October 2024
ތި ބުނަާ ވަރަކަށް އިއްޒުދީނަކު ރެނދު ލާފައެއް ނެތް. އެއްޗެކޭ ކިޔާފަ ވިލާ ކޮލެޖަށް އެތަން ދޭން ވެގެން ހިންގި ބޮޑު ޖަރީމާއެއް.
އެސްޖޭ
15 October 2024
އެސް.ޖޭ ސްޓޭންޑްކުރަނީ ކޮން ނަމަކަށްބާ؟ އާއްމުކޮށް މިގައުމުގަ ވިޔަފާރިކުރާ ބިދޭސީން ބިދޭސީ ނަމެއް ފޮރުވަންވެގެން ހުންނާނެ މިކަހަލަ ކުރު އަކުރު އަކުރުން ކުދި ފިހާރަތަކަށް ނަން ދީފަ. ހުރިހާ ސަރުކާރަކަށް އެވަރަށް ފަންޑުކުރާ ބަޔަކު ފައިސާ ހޯދާ ތަނެއްވެސް އޮންނާނެތާ.
ބާގިރު
15 October 2024
މީ އެއްކަލަ އެސް.ޖޭ ކޮންސްޓްރަކްޝަނުން އިމާރާތްކުރިތަނެއް. އެންމެ ފުރަތަމަ އެމީހުން ހެދި އަރަބިއްޔާ ބޭނުންކުރެވުނީ 5 އަހަރު، މިހާރު ދަރުމަވަންތައްށް 5 އަހަރުވަނީ. އަނެއްކާ އެސްޖޭއިން ހުޅުމާލޭގައި ހަދާފަ ވިއްކަމުންދާ އެޕާޓްމެންޓަށް މިހެން ނުވާނެބާ. މިފަދަ ކުންފުނިތަކަށް އިމާރާތްކުރުމުގެ ހުއްދަދިނުން ހުއްޓާލާނީ ކޮންއިރަކުންބާ؟
ކިހިނެއްދޭނީ
15 October 2024
އަބަދުވެސް ބޮޑު އަގުގަ އެމްޑީޕީ ސަރުކާރު އޮންނައިރު އެމީހުންނައް ދޭނީ އަދި ހަދާނީ އެހާ ފެންވަރުދައްކޮއް އަދި އަހަރެއް ވެސް ނުވޭ ތިޔަތަނައް
ކޮޔާ
17 October 2024
އެކޮއި، ދަރުމަވަންތަ ހުޅުވީ އިހަކަށްދުވަހު. ދެން ކިހިނެއް 5 އަހަރު ވާނީ؟ ކިހިނެއް ތިޔަ ގުނީ؟
ގުދުގުދުލީބެއްޔާގެ ތެދުބަސް
15 October 2024
އެސްޖޭއޭ ބުނީމާ ހާދަހާ ގިނަ ޒިކުރާއެއް އާވެއޭ. ކީއްތޯ ކުރާނީ؟ ހުރިހާ ކެންޑިޑޭޓުންނަށް ފަންޑުކޮށްގެން އަންނަބަޔަކު އަބަދުވެސް އޮންނަނީ ސަރުކާރުކޮޅުގާ. މާނައަކީ ފެންތިޔާގިވެ ދިޔަވަރު ބޮޑުވެފައޭ އެކޮޅުގާ އޮންނާނީ. މަސްކައިގެން އުޅެބޮޑުތިވެފާ ތިބޭ ބަޔަކު އުޅޭނީ ހަމަ މަސްއުޅޭގޮތަށް.
ބަބްސް
15 October 2024
ސިއްރުކުރާ ވާހަކަ ނުދައްކާ ތަހުގީގުކޮށް ކޮންޓްރެކްޓްތައް ދައުވާކޮށް ބަލަ. އަދިހވާލުވިތާ ދެއަހަރު ނުވޭ.
ޢެދި މަރިޔަބު
15 October 2024
މަ ބުނީ ޕުރިވެންޓިވް މެއިންޓަނަންސް ޕުރޮގުރާމެއް އަވަހައް ފަށާށޭ
ޢޮނަރަބަލް ޓުއްތޯންބެ
15 October 2024
އައްޕާޅު ނުހަދާ މިސްކިތަށް ބަދަލު ނެގި އެސްޖޭ ކޮންސްޓްރަކްޝަން ކުންފުނީގެ މައްޗަށް އިމާރާތު ގެ ބަދަލު ހޯދަން މި ސަރުކާރުން ލަސް ނުކޮށް ދައުވާ ކުރަން ޖެހޭ. ޓެކުސް ފައިސާ ތައް އިސްރާފު ކޮށްގެން ނުވާނެ .
ނަމުންވެސް
15 October 2024
ތި އެސް ޖޭ ތީ ވަރެއްގެ ތަނެއްނު. ކުއްޖަކަށް ބޮޑު އަނިޔެއް ނުވިކަން ކިތަންހާވެސް ރަގަޅު. ހުރިހާ ފަންކާއާ ބިއްލޫރި ތެޅުނަސް ހެވެއްނު ބަދަލެއް ދޭން ޖެހޭ ގައުމެއްނޫން. ޗެކްކުރި އިންޖިނިއަރުވެސް ކޮންސާލްތަންޓްވެސް ލާރިނަގައިގެން ހެވިފަ.
1181
15 October 2024
ދަރުމަވަންތަ ސްކޫލުއަޅަން ހިންގާފައިވާ ކޮރަޕްޝަނުގެ ގެއްލުން މިހާރު ލިބެމުން ފެންނަމުން މިދަނީ. މީގެ އިތުރުންވެސް 20 މިލިއަން ރުފިޔާ ޚަރަދުކޮށްފައި އެމް.ޑީ.ޕީ ސަރުކާރު ހުޅުމާލޭގައި ސްކޫލެއް އެޅި ވާހަކަބުނީމަ އެތަން ބަލަައިލި އިރު ހުރީ ޓިނުން އަޅާފަ. ތަނެއް ބޭނުމެއް ނުކުރެވޭ. މިފަދަ ވައްކަމުގެ ޖަރީމާތައް ހިންގި މީހުންގެ މައްސަލަތައް ތަހުގީގު ކޮށް ދައުވާ ކުރުމަށް ގޮވާލަން. ކިތައް ކުދިންގެ ކިޔެވުން މި ޚަރާބުވެގެން ދަނީ؟؟؟؟