އީސީ އާއި އޭސީސީގެ ރައީސާއި ނައިބު ކަނޑައަޅާ ގޮތަށް ބަދަލު ގެންނަނީ

އޭސީސީގެ ރައީސް ޝާމިލް: މަގާމުގެ މުއްދަތު ހަމަވަންދެން އޭނާ އަށް މަގާމުގައި ދެމިހުރެވޭނެ ކަމަށް އިސްލާހުގައި ވޭ.

27 އޮކްޓޯބަރ 2024 - 22:29

އެންޓި ކޮރަޕްޝަން ކޮމިޝަން (އޭސީސީ) އާއި އިލެކްޝަންސް ކޮމިޝަން (އީސީ) ގެ ރައީސާއި ނައިބު ރައީސް ކަނޑައެޅުމުގެ ބާރު ރައީސުލްޖުމްހޫރިއްޔާ އަށް ދޭ ގޮތަށް ސަރުކާރުން ރައްޔިތުންގެ މަޖިލީހަށް އިސްލާހެއް ހުށަހަޅައިފި އެވެ.

އޭސީސީގެ ގާނޫނާއި އީސީގެ ގާނޫނަށް ވަކިވަކިން އިސްލާހު ހުށަހެޅުމުގެ ބޭނުމަކީ މުސްތަގިއްލު ކޮމިޝަންތަކުގެ ހިންގުން ހަރުދަނާކޮށް، އެ ކޮމިޝަންތަކުގެ ރައީސާއި ނައިބު ރައީސްގެ މަގާމަށް މެމްބަރުން އައްޔަން ކުރުމުގެ އުސޫލު އެއްހަމަކުރުން ކަމަށް އިސްލާހުގެ ބިލްގައި ވެ އެވެ.

އެ ދެ ކޮމިޝަނުގެ ރައީސާއި ނައިބު ރައީސް އައްޔަން ކުރުމުގެ މާއްދާ އަށް ހުށަހަޅާފައިވާ އިސްލާހުގައި ބުނަނީ ކޮމިޝަންގެ މެމްބަރުންގެ ތެރެއިން ކޮމިޝަނުގެ ރައީސަކާއި ނައިބު ރައީސެއް ރައީސުލްޖުމްހޫރިއްޔާ އައްޔަން ކުރަން ވާނެ ކަމަށެވެ.

އެކަމަކު އެ ދެ ކޮމިޝަނުގެ ރައީސް އަދި ނައިބު ރައީސްގެ މަގާމަށް އައްޔަން ކުރާ މީހެއްގެ ނަން މަޖިލީހަށް ހުށަހަޅަން ޖެހޭނެ ކަމަށް އެ ދެ އިސްލާހުގައި ބުނެފައިވެ އެވެ.

އަދި ދެ ކޮމިޝަނުގެ ރައީސާއި ނައިބު ރައީސް އައްޔަން ކުރެވޭނީ، މަޖިލީހުގެ ޖަލްސާ އަށް ހާޒިރުވެ، އެކަމަށް ނަގާ ވޯޓެއްގައި ބައިވެރިވެވަޑައިގަންނަވާ މެމްބަރުންގެ އަޣުލަބިއްޔަތުން ފާސްވުމުން ކަމަށް އެ އިސްލާހުތަކުގައިވެ އެވެ.

ނަމަވެސް، މި ވަގުތު އޭސީސީ އާއި އީސީގެ ރައީސާއި ނައިބު ރައީސް ކަމުގެ މަގާމުގައި ތިއްބެވި ބޭފުޅުން މަގާމުން ވަކިވަންދެން އެ މަގާމުތަކުގައި ދެމިތިބެވޭނެ މާއްދާއެއް ވެސް އެ އިސްލާހުތަކުގައި ވަނީ ހިމަނައިފަ އެވެ.

އޭސީސީގެ ގާނޫނަށް އިސްލާހު ގެނައުމުގެ ބިލް ސަރުކާރުގެ ފަރާތުން ހުށަހެޅުއްވީ ފެލިދޫ ދާއިރާގެ ޕީއެންސީގެ މެންބަރު އާދަމް ޒާހިރެވެ. އީސީގެ ގާނޫނަށް އިސްލާހު ހުށަހެޅުއްވީ ކެލާ ދާއިރާގެ ޕީއެންސީގެ މެންބަރު އަބްދުﷲ ޝަރީފެވެ.

މި ދެ ބިލުގެ ފުރަތަމަ ކިޔުން މަޖިލީހުގެ މާދަމާގެ ޖަލްސާގައި އިއްވާ ގޮތަށް ވަނީ ތާވަލުކޮށްފަ އެވެ.

އިލެކްޝަންސް ކޮމިޝަނާއި އެންޓީ ކޮރަޕްޝަން ކޮމިޝަންގެ ގާނޫނު މިހާރު ބުނާ ގޮތުން، އެ ކޮމިޝަންތަކުގެ ރައީސާއި ނައިބު ރައީސް އައްޔަން ކުރާނީ، ކޮމިޝަންގެ ޖަލްސާގައި މެމްބަރުގެ ތެރޭގައި ނަގާ ވޯޓަކުން ހޮވޭ މެމްބަރެކެވެ.

ރައްޔިތުންގެ މަޖިލިސް އެންޓި ކޮރަޕްޝަން ކޮމިޝަން އިލެކްޝަންސް ކޮމިޝަން ރައީސް ޑރ. މުހައްމަދު މުއިއްޒު މިނިވަން މުއައްސަސާތައް

42 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިސްމާލު2.0

28 October 2024

މުސްތަގިއްލު ކޮމިޝަންތަކުގެ ހިންގުން ހަރުދަނާކުރަން ކަމަށް ބުނެ، ތި ކޮމިޝަންތަކުގެ މުސްތަގިއްލުކަން ގެއްލުވާލަން ނޫންތޯ ތިއުޅައްވަނީ؟ އެހެންވީމަ، މާ ރަނގުޅުވާނެ ސަރުކާރު މިނިސްޓްރީތަކުގެ ދަށަށް ކޮމިޝަންތައް ލާންވެސް. މިއީތޯ ޑިމޮކްރަސީގެ އާ ބާބަކީ؟ ދެން އޮތީ ކޮންކަމެއްތޯ؟ ދައުރު ދަންމާލުންތޯ؟ ދެން ދައުރު ދަންމާލިޔަސް ހައިރާނެއް ނުވާނެ. ތިޔަ އިސްލާހު ފާސްވުން ވާނީ - ހަގީގީ އިސްލާހަށް މަސައްކަތް ކުރާ ދިވެހި ރައްޔިތުންނަށް ކަޅު ދުވަހަކަށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސ.ހިތަދޫ

28 October 2024

މި ޕާޓީތ ސިސްޓަމް އުވާލަންޖެހޭ. މިކަހަލަ ސަކަރާތެއްގައި ޢެތައް ވައުދެއްވެގެން އައިސްތިބެ ފަސްއަހަރުނިންމާލާއިރު މި މިކަމުގައި އުޅޭމީހުން ތިބެނީ މުއްސަދި މަހުޖަނުންނަށް ބަދަލުވެފައި. ފާއިތުވި ވިހި އަހަރު ސިޔާސީމައިދާނުގައި ތިބިމީހުންގެ ދިރިއުޅުމުގެ ހާލަތުމިހާރު ބެލިއަސް އެމީހުންތިބީ މުސްސަދި މަހުޖަނުންނަށްވެ މިއަނދިރި ދައުލަތުގެ މުއަށްސަސާތަކާއި ގާނޫނާއި ގަވާއިދުތަކުގެ ނިވަލުގައި ފޮރުވެގެން. ރައިޔަތުން އެބޖެހޭ ޕާޓީތަކަށް ނޯ ބުނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަކަނޭ އޭ

28 October 2024

ހެޔޮނުވާނެ، ތިޔަ އޭސީސީ އުވާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރާދު

28 October 2024

ވެލްކަމް ޓު މައުމޫނިޒަމް! ބައި ބައި ޑިމޮކްރަސީ! ބަޔަކު ހަދާފައި އޮތް މެނިފެސްޓޯ އަކާއި، ސިޓީ ކައުންސިލުގެ ވަޒީފާގައި ތިބި ގިނަ ސެނެޓަރުންގެ "ވޯޓާއި"، "ހުސް ގޮނޑިއެއް" ދައްކައިގެން، އެންމެ 2 މަސް ދުވަހުގެ ކެމްޕޭނަށް ފަހުގައި ވެރިކަމަށް އާދެވުނު ބަޔަކު ކޮށްފައި ނުކުރާނީ ކޮންކަމެއް!