އަލީ ހަމީދުގެ ކުންފުންޏަށް 44 މިލިއަން ދިން މައްސަލަ މާލިއްޔަތު ކޮމިޓީން ފުލުހަށް ހުށަހަޅަނީ

ކުރީގެ މެމްބަރު އަލީ ހަމީދު އެމްޑީޕީއަށް މިދިޔަ އަހަރު ސޮއި ކުރައްވަނީ: އޭނާގެ ކުންފުންޏަށް ސެޓްލްމަންޓް އެއްބަސްވުމެއްގެ ދަށުން 44 މިލިއަން ރުފިޔާގެ މަޝްރޫއުއެއް ދިން މައްސަލަ ވަނީ ފެންމަތި ކޮށްފައި--

މާއިދާ މުހައްމަދު ރަޝާދު، މިހާރު

29 އޮކްޓޯބަރ 2024 - 16:38

26 comments

ރައްޔިތުންގެ މަޖިލީހުގެ އިސްދޫ ދާއިރާގެ ކުރީގެ މެމްބަރު އަލީ ހަމީދުގެ ކުންފުނި، ނޯތު ކޯސްޓް ކޮންސްޓްރަކްޝަނަށް 44 މިލިއަން ރުފިޔާގެ ރުފިޔާގެ މަޝްރޫއުއެއް ހަވާލުކޮށް، މިދިޔަ އަހަރު އެ ފައިސާ ދިން މައްސަލަ ފުލުހަށް ހުށަހަޅަން ރައްޔިތުންގެ މަޖިލީހުގެ މާލިއްޔަތު ކޮމެޓީން މިއަދު ނިންމައިފި އެވެ.

ސެޕްޓެމްބަރު، 2016 ގައި އާސަންދައިން ނޯތު ކޯސްޓް ކޮންސްޓްރަކްޝަނަށް ހަ ބުރީގެ ހޮސްޕިޓަލެއް އިމާރާތް ހަވާލުކުރީ 61 މިލިއަން ރުފިޔާއަށެވެ. އެ ޕްރޮޖެކްޓުން ނޯތު ކޯސްޓަށް ތިން ޕަސެންޓް ޕްރޮފިޓް މާޖިންގެ ގޮތުގައި 18.3 މިލިއަން ރުފިޔާ ލިބޭނެ ކަމަށް އޭރު ވަނީ އަންދާޒާކޮށްފަ އެވެ.

ފަނަރަ މަސް ދުވަހުގެ ތެރޭގައި ނިންމަން ހަވާލުކުރި އެ ޕްރޮޖެކްޓްގެ މަސައްކަތް ކުރިއަށް ނުގޮސް އޮއްވާ ޖޫން، 2017 ގައި އާސަންދައިން ޕްރޮޖެކްޓް މަޑުޖައްސާލަން އެންގީ ބަޖެޓް މައްސަލަތަކަކާ ހުރެ އެވެ. އެހެންވެ، މަޝްރޫއު ހުއްޓާލުމުން ނޯތު ކޯސްޓަށް ގެއްލުންވި ކަމަށް ބުނެ ސަރުކާރާ އެކު އިތުރު ސެޓްލްމަންޓް އެގްރިމެންޓެއްގެ ދަށުން އެހެން މަޝްރޫއުއެއް އެ ކުންފުންޏާ ހަވާލުކޮށް، 44 މިލިއަން ރުފިޔާ އެ ކުންފުންޏަށް މިދިޔަ އަހަރު ދޫކޮށްފައިވެ އެވެ.

ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ލިބިފައިވާ މައްސަލަތައް ދިރާސާކުރުން pic.twitter.com/pbivA7HGfJ
— People's Majlis (@mvpeoplesmajlis) October 29, 2024

އެ މައްސަލައާ ގުޅިގެން މާލިއްޔަތު ކޮމިޓީގެ މިއަދު ބައްދަލުވުމުގައި މެމްބަރުން ފާހަގަ ކޮށްފައި ވަނީ ނޯތު ކޯސްޓުން އާސަންދައިގެ އިމާރާތަށް ބޭނުންވާ ސާމާނު ގެނައުމަށް އޯޑަރު ކުރިކަމުގެ އެއްވެސް ލިޔެކިޔުމެއް ފެންނަން ނެތް ކަމަށެވެ. އެހެންވެ، މިއީ ސްކޭމެއް ކަމަށާއި ނޯތު ކޯސްޓަށް ލިބުނު 44 މިލިއަން ރުފިޔާއަށް ވީ ގޮތެއް ހޯދުމަށް ޖިނާއީ ތަހުގީގެއްކޮށް ކުރުމަށް ފުލުހުންނަށް ހުށަހެޅުމަށް ކޮމެޓީއަށް ހުށަހެޅުމުން އެގޮތަށް ފާސްވި އެވެ.

Settlement Agreement eh hadhaa Ali Hameed kunfunyah 44 million ge mashroou eh

The most trusted news source in the Maldives

Mihaaru

އެ މައްސަލާގައި މިދިޔަ ޖޫން މަހުގެ ތެރޭގައި ބޭއްވި މާލިއްޔަތު ކޮމިޓީގެ ބައްދަލުވުމުގައި މަޖިލީހުގެ ނައިބު ރައީސް އަހުމަދު ނާޒިމް ވިދާޅުވެފައިވަނީ އާސަންދަ ކުންފުނީގެ ޕްރޮޖެކްޓް ހުއްޓާލުމުން ނޯތު ކޯސްޓަށް ގެއްލުންވާނެ ކަމަށް ބެލެވުނީ 18 މިލިއަން ރުފިޔާ ނަމަވެސް، އެއާ ނުބައްދަލު ބޮޑު ޕްރޮޖެކްޓެއް ހަވާލުކޮށް 44 މިލިއަން ރުފިޔާ ދިނުމަކީ ބޮޑު މައްސަލައެއް ކަމަށެވެ. އެހާ ބޮޑު އަދަދެއް އެކުންފުންޏަށް ދޫކުރިއިރު ފަހުން ހަވާލުކުރި ޕްރޮޖެކްޓްގެ އެއްވެސް މަސައްކަތް މިހާތަނަށް ނުކުރާ ކަމަށް އޭނާ ވިދާޅުވެފައިވެ އެވެ.

ޖުމްހޫރީ ޕާޓީގެ ޓިކެޓްގައި މަޖިލީހަށް ހޮވިވަޑައިގަތް މެމްބަރު އަލީ ހަމީދު އެމްޑީޕީއާ ގުޅިވަޑައިގަތީ ވެސް މިދިޔަ އަހަރު އެވެ. ނަމަވެސް މިދިޔަ އަހަރުގެ ޑިސެމްބަރު މަހު އެމްޑީޕީގެ ބައެއް މަޖިލިސް މެމްބަރުން ޕީއެންސީއާ ގުޅިވަޑައިގަތްއިރު، އަލީ ހަމީދު ވެސް ޕީއެންސީއަށް ސޮއި ކުރެއްވި އެވެ.

ފުލުހުން ރައްޔިތުންގެ މަޖިލިސް އާސަންދަ މެމްބަރު އަލީ ހަމީދު (އިސްދޫ)

26 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސޭކުބެ

31 October 2024

ދެން އެއްވެސް މައްސަލައެއް ނެތެއްނު. ވައިފައްސަށް އެދަނީ ދީލާލަމުން. ދެން އަބަދުވެސް ރިޔަލުގަ ފަހިވައި. މައްސަލަ ނުބެލޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހަންމަދު ހަސަން

31 October 2024

އެވަގުތަކު އޮންނަ ސަރުކާރަކަށް ހީވާކަހަލަ ތިމަންނާމެނަށް މިއޮތީ ފުރުސަތެކޭ ދައުލަތުގަ އެސެޓް ބޭނުންގޮތަކަށް ހަދާލަން ، ލައިސަންސް މިއޮތީ ކަށަވަރު ވެފައޭ! ޖަރީމާތައް ހިންގަން ފުރަތަމަ ކުރާކަމަކީ ކޮންމެ ރަށަކުންވެސް މި މީހުންނަށް ބައިއަތު ހިފޭ ޒާތުގަ މީހުން ގަނެލާ ޕާޓީ ދަފްތަރު އިތުރު ކުރުމުގަ އަވަދިނެތި ތިއްބާ ދައުރު ނިމެނީ! ދެން އަންނަ ބަޔަކު އައިސް ބޭލިމީހުން ކަސްތަޅު އަޅުވާފަ ކުރަނީ ހަމަ އެއްޒާތެއްގަ ކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިމާލްް

30 October 2024

މިފަދަ އެތަށް މައްސަލައެއް އަދި ހުންނާނެ. މި ހުރިހާ މައްސަލައެއް ބަލާ ހައްޤު އަދަބު ލިބެންޖެހޭ މީހުންނަށް އަދަބު ދޭންޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖައުފަރްް

30 October 2024

ނޯތް ކޯސްޓަށް އެތަށް ޕްރޮޖެކްޓެއް ތިނޫންވެސް ވަނީ ހަވާލުކޮށް އެއްވެސް މަސައްކަތެއް ނުކޮށް ހުއްޓާލާފައި. އެކަމަކު އެ ހުރިހާ ޕްރޮޖެކްޓެއްގެ އެޑްވާންސް ފައިސާ އަދި މޮބިލައިޒޭޝަން ކޯސްޓް އިނީ ނަގާފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުވައުިދާާ

30 October 2024

ރައްޔިތުންގެ ފައިސާއަށް މިވަރަށް ހިޔާނާތްތެރިވި ބަޔަކަށް ރައްޔިތުން ދުވަހަކުވެސް މާފެއް ނުކުރާނެ. ބަދަލު ދެމުން ދެމުން ގޮސް އާއްމު ނިކަމެތި މީހާ އެއްލާލީ މަގުމައްޗަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެކަމަކުވާާ

30 October 2024

މަމިހިރީ ކިޔާނެއެއްޗެއް ނޭގިފަ. އެމްޑީޕީގެ ކޮރަޕްޝަންއަކީ މުޅި ދުނިޔެއިންވެސް ނަމޫނާ ނެގިދާނެވަރުގެ ކޮރަޕްޝަންއެއްކަން މިޔަދު ގަބޫލުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޚަލޭނޭ

30 October 2024

ޢެންމެ ފަހުބައިގަ ތިޔޮތީ 44 މިލިޔަންއަށްވީގޮތްއެގޭކަށްނޫންތޯ. ޑިސެމްބަރުމަހު ޕާޓީއަކަށް ސޮޔެއްކުރާނީ ކޮންމެވެސްގޮތަކަށްނޫންތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

29 October 2024

މި ފެންނަނީ މަޖިޅިހަށް މީހުން ވަންނަ ފޯރު ހުންނަ ސަބަބު. ޤާނޫނު އަސާސޫ އިސްލަހް ކުރަން އެބަޖެހޭ. މަޖުލިހުގައި ހުންނަހަަ ދުވަހަކު ވިޔަފާރީގައި ސީދާ ގޮތުންނާ ނުސިދާ ގޮތުން ނޫޅެވޭނެހް ހަދަން. ރައީސުލްޖުމްހޫރިއާއަކަށް އުއްތަމަ ފަންޑިޔާރަކަަށް ކޯޓުތަކުގެ ފަންޑިޔާރުންނަކަށް ކަެބިނެޓް މެމްބަރުންނަކަށް. ނުލުރެވޭ ދެން 3 ވަނަ ބާރުގެ މެމްބަރުންނަށް ކުރެވެންޖެހޭ ސަބަބަކީ ކޮބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

29 October 2024

ލަދު ކޮބާ؟؟/

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަޞީލަތް

29 October 2024

"ޖުމްހޫރީ ޕާޓީގެ ޓިކެޓްގައި މަޖިލީހަށް ހޮވިވަޑައިގަތް މެމްބަރު އަލީ ހަމީދު އެމްޑީޕީއާ ގުޅިވަޑައިގަތީ ވެސް މިދިޔަ އަހަރު އެވެ. ނަމަވެސް މިދިޔަ އަހަރުގެ ޑިސެމްބަރު މަހު އެމްޑީޕީގެ ބައެއް މަޖިލިސް މެމްބަރުން ޕީއެންސީއާ ގުޅިވަޑައިގަތްއިރު، އަލީ ހަމީދު ވެސް ޕީއެންސީއަށް ސޮއި ކުރެއްވި އެވެ." މާބޮޑު ގޯހެއް ނެތް. ގޯސްވާނީ ބާރު ކެނޑުނީމަ