ބޮޑެތި ޖޫރިމަނާތަކާ އެކު، ވޭޕް މަނާކުރަން މަޖިލީހުން ފާސްކޮށްފި

އަންނަ ހުކުރު ދުވަހުން ފެށިގެން ރާއްޖެ އަށް ވޭޕް އެތެރެކުރުން މަނާކޮށް، އަންނަ ޑިސެމްބަރު މަހުގެ 15 ވަނަ ދުވަހުން ފެށިގެން ވޭޕް ވިއްކުމާއި ބޭނުން ކުރުން މަނާކުރަން ރައްޔިތުންގެ މަޖިލީހުން ފާސްކޮށްފި އެވެ.

މިގޮތަށް ފާސްކުރީ، ސަރުކާރުގެ ފަރާތުން ހެންވޭރު އުތުރު ދާއިރާގެ ޕީއެންސީގެ މެންބަރު އަހުމަދު އައިފާން ރައްޔިތުންގެ މަޖިލީހަށް ހުށަހެޅުއްވި ދުންފަތާ ގުޅޭ ބިލަށް ގެނައި އިސްލާހުތަކުގަ އެވެ.

އެ ބިލްގައިވާ ގޮތުން މި މަހުގެ 15 އިން ފެށިގެން ރާއްޖެ އަށް ވޭޕް އެތެރެ ކުރުން މަނާވާއިރު، ޑިސެމްބަރު 15 ވަނަ ދުވަހުގެ ފަހުން ރާއްޖޭގައި ވޭޕް ބޭނުން ކުރުމާއި ވިއްކުން ވެސް މަނާވާނެ އެވެ.

ދުންފަތުގެ ނުރައްކަލުން ޖީލުތައް ސަލާމަތްކުރަން ސަރުކާރުގެ ފަރާތުން ގާނޫނަށް ހުށަހެޅި މި އިސްލާހުގައި ވަނީ، އެ ކަންކަމާ ޚިލާފުވާ ނަމަ ބޮޑު އަދަދުން ޖޫރިމަނާ ކުރަން ވެސް ހިމަނައިފަ އެވެ.

ބިލުގައިވާ ގޮތުން ވޭޕް ކުރަން ބޭނުންކުރާ އާލާތްތަކާއި އެކަމަށް ތައްޔާރު ކޮށްފައިވާ އުފެއްދުންތައް އެތެރެ ކޮށްފި ނަމަ 50،000ރ. އަދި އެތެރެކުރާ ކޮންމެ އިލެކްޓްރޯނިކް ސިނގިރޭޓް ނުވަތަ ވޭޕް އާލާތަކަށް 10،000ރ.ގެ މަގުން ޖޫރިމަނާ ކުރާނެ އެވެ.

BREAKING: Raajjeygai vape manaa kurumuge harukashi fiyavalhu thakeh!

The most trusted news source in the Maldives

Mihaaru

ދުންފަތް ބޭނުންކުރަން އެފަދަ އާލާތެއް ނުވަތަ އުފެއްދުމެއް ވިއްކައިފި ނަމަ 20،000ރ. އިން ޖޫރިމަނާކުރެވޭނެ އެވެ. ވިއްކި ކޮންމެ އެއްޗަކަށް 10،000ރ. ގެ ޖޫރިމަނާއެއްގެ އިތުރުން ހިލޭ ބަހައިފި ނަމަ 10،000ރ. ގެ ޖޫރިމަނާ ކުރާނެ ކަމަށް ބިލްގައި ބަޔާންކޮށްފައި ވެ އެވެ. އެފަދަ އެއްޗެއް ވިއްކީ ކުޑަކުއްޖަކަށް ނަމަ އެ މީހެއްގެ ޖޫރިމަނާ 50،000ރ. އަށް ބޮޑުވާނެ އެވެ.

މީގެ އިތުރުން ބިލްގައި ވަނީ އަންނަ ހުކުރު ދުވަހުން ފެށިގެން ދުންފަތް ގަނެ ވިއްކޭނެ އެންމެ ދަށް އުމުރަކީ 21 އަހަރު ކަމުގައި ކަނޑައަޅަން ވެސް ހިމަނައިފަ އެވެ.

އިޖުތިމާއީ ކޮމިޓީން މި ބިލަށް ގެނައި ބައެއް އިސްލާހުތަކުގެ ތެރޭގައި، އަމިއްލަ މީސްމީހުންގެ ގޭގައި ހިންގާ ސަރުކާރުގެ އޮފީސް އިމާރާތްތަކުގައިި ވެސް ދުންފަތުގެ އިސްތިއުމާލްކުރުން ވަނީ މަނާކޮށްފަ އެވެ.

ބިލު ހުށަހެޅިއިރު ދުންފަތުން ދުރުވުމަށް ސެޒޭޝަން ފަރުވާގެ ތެރެއިން ދެވޭ ބާވަތްތަކަކީ ދުންފަތުގެ ގޮތުގައި ހިމަނާފައި އޮތް ނަމަވެސް ކޮމިޓީން ވަނީ އެ ބައި އުނިކޮށްފަ އެވެ.