އުމުރު ހަމަވެފައިވާ އުޅަނދުތައް ރަޖިސްޓްރީކުރަން އިތުރު މުއްދަތެއް

ޓެކްސީތަކެއް: ބޭނުން ކުރެވޭނެ އުމުރު ހަމަވެފައިވާ އުޅަނދުތަކުގެ ތެރެއިން ރަޖިސްޓްރީ ނުކޮށް ހުރި އުޅަނދުތަކަށް އިތުރު މުއްދަތެއް ދޭން ވަނީ ނިންމާފައި --- ފޮޓޯ/މިހާރު

އިފްރާޒް އަލީ، މިހާރު

09 ޖެނުއަރީ 2025 - 15:29

6 comments

އުޅަނދު އުފެއްދި ދުވަހުން ފެށިގެން ރަޖިސްޓްރީކުރަން ޖެހޭ އުމުރު ނުވަތަ މުއްދަތު މިދިޔަ އަހަރުގެ ނިޔަލަށް ހަމަވެފައިވާ ހަތަރު ފުރޮޅުލީ އުޅަނދުތައް ރަޖިސްޓްރީކުރަން އިތުރު މުއްދަތެއް ޓްރާންސްޕޯޓް މިނިސްޓްރީން މިއަދު ދީފި އެވެ.

ޓްރާންސްޕޯޓް މިނިސްޓްރީން ކުރި އިއުލާނެއްގައި ބުނީ މިދިޔަ އަހަރުގެ ނިޔަލަށް ރާއްޖެއަށް އެތެރެކޮށްފައިވާ ހަތަރު ފުރޮޅުލީ އެއްގަމު އުޅަނދުތަކުގެ ތެރެއިން، ރަޖިސްޓަރީ ކުރުމަށް ކަނޑައަޅާފައިވާ އުމުރު ހަމަވެފައިވާ އުޅަނދުތަކުގެ ތެރެއިން ރަޖިސްޓްރީ ނުކޮށް ހުރި އުޅަނދުތައް ރަޖިސްޓްރީކުރަން އިތުރު މުއްދަތެއް ދޭން ނިންމާފައިވާ ކަމަށެވެ.

އެފަދަ އުޅަނދުތައް ރަޖިސްޓްރީކުރުމަށް ހަ ދުވަހުގެ މުއްދަތެއް ވަނީ ދީފަ އެވެ. އެ މުއްދަތު ހަމަވާނީ އަންނަ ބުދަ ދުވަހަށެވެ.

އެ އުޅަނދުތައް ރަޖިސްޓަރީކުރުމަށް ބޭނުންވާ ލިޔެކިޔުންތަކާ އެކު، ޓްރާންސްޕޯޓް މިނިސްޓްރީގެ ޕޯޓަލް eportal.mta.gov.mv މެދުވެރިކޮށް ހުށަހެޅޭނެ އެ އިއުލާނުގައި ބުންޏެވެ.

އެއްގަމު އުޅަނދު ރަޖިސްޓަރީކުރުމުގެ ގަވާއިދުގައި ބުނެފައިވާ ގޮތުގައި، އިންޖީނުލީ އެއްގަމު އުޅަނދުތައް ރަޖިސްޓްރީކޮށްދެވޭނީ އެ އުޅަނދެއް އުފެއްދި އަހަރުން ފެށިގެން ވަކި މުއްދަތެއް ހަމަވެފައި ނުވާ ނަމަ އެވެ. އެގޮތުން އެކި ބާވަތުގެ ވެހިކަލްތަކަށް އެކި މުއްދަތު އެ ގަވާއިދުގައި ކަނޑައަޅާފައިވާއިރު، އެންމެ ގިނަވެގެން ލިބޭ މުއްދަތަކީ 15 އަހަރެވެ.

ދަތުރުފަތުރު ވެހިކަލްތައް ޓްރާންސްޕޯޓް މިނިސްޓްރީ

6 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަސަނު

09 January 2025

ރަޖިސްޓްރީ ނުވާ ހުރިހާ އުޅަނދެއް ނައްތާލަން ޖެހޭ.. އަދި އެކަން ކުރާންވާނީ ރައްޔިތުންނަށް ފެންނަގިތަށް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަފްސާނީ އަލީ

09 January 2025

ހިފަހައްޓާފަ ހުރި ރައްޔިތުން އެތައް މިލިއަން ރުފިޔާގެ ފޯވީލާރސް ތައް ދޫކޮށް އެތަކެތި މާލޭ ޒޯނަށް ފީއެއް ދީގެން ރަޖިސްޓަރީ ކުރެވޭނެގޮތެއް ސަރުކާރުން ދައްކަދޭންޖެހޭ ދޯ މިހާ ދުއްޕާންނުކޮށް. އަނިޔާ ނުދެވޭނެ ތިހެންނަކުން!! މާލެއަކު ގަރާޖެއް ނެތް! ކޮން ގަރާޖެއް ކިޔާކަށް މިތާ ދިރިއުޅޭމީހުންނަށް މި ޒޯނަށް ރަޖިސްޓަރީ ކުރެވެންވާނެ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މައްކުބޭ

09 January 2025

ތިފަދަ ލީނިއަންސީ ދިނުމުން ތި ޤަވާޢިދު ހެދި ހެދުން ވެސް އެއްކޮށް ބާޠިލްވީ ބޭކާރުވީ، ޤަވާއިދެއް ހަދަންވާނީ އެޤަވާއިދަކީ އެއްވެސް މީހެއްގެ ބޮލަކަށް ކަނދުރައަކަށް ނުބަލާ އެޤަވާއިދެއް އެންފޯރސް ކުރެވޭނެނަމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެހެހެހެހެހެ

09 January 2025

ތި ރަޖިސްޓްރީ ތަށް އޮޅުވައިގެން މިހާރުވެސް ގެންނާނެ އެއީ ވަރަށް ބޮޑަށް ގަބޫލްކުރެވޭ ކަމެއް. ދެން 400މ ވެސް ހަމަ ވާނުން. ޓްރާންސްޕޯރޓް ގްރޫޕް އުޅޭނީ އަދި މާކުރީގަ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޭލަ

09 January 2025

އުމުރު ހަމަވީމާ އަނެއްކާ ފުރާނަ އެޅެނީތަ. އަލުން ރަޖިސްޓްރީ ކުރަން ޖެހެނީ. ދެން ކީއްކުރަން ހަދާފަހުރި ޤަވާއިދުތަކެއްތަ ތީ. ފުރޮޅު އެނބުރެންޏާ ރަޖިސްޓްރީ ކުރެވޭނެޔޭ ލިޔެބަލަ ޤަވާއިދުގައި. ބޯހަލާކު.