ފުވައްމުލަކު ޑްރަގް ކޭސް: ތަހުގީގު ފުރިހަމަކުރަން އެދިއްޖެ

ޑްރަގް ޓްރެފިކިންގެ މައްސަލައިގައި ފުވައްމުލަކުން ހައްޔަރުކުރި ދެ މީހުން.-- ފޮޓޯ: ޕޮލިސް

އާސިމާ ނިޒާރު، މިހާރު

12 ޖެނުއަރީ 2025 - 15:30

މަސްތުވާތަކެތި ވިއްކައި މަނީ ލޯންޑާކުރާކަމުގެ ތުހުމަތުގައި ފުވައްމުލަކުން އަތުލައިގަތް މީހުންނަށް ދައުވާ އުފުލަން މައްސަލަ ބަލައިނުގަނެ، ތަހުގީގު ފުރިހަމަކުރަން ޕްރޮސެކިއުޓާ ޖެނެރަލް އޮފީހުން ފުލުުހުންނަށް ލަފާ ދީފި އެވެ.

ފުވައްމުލަކުގައި މިދިޔަ އަހަރުގެ ޖެނުއަރީ 14 ގައި ފެށި "އޮޕަރޭޝަން ވެށި ރައްކަލް" ގައި 58 މީހަކު ހައްޔަރުކޮށް، އެ މީހުންގެ މައްޗަށް 75 މައްސަލައެއް ތަހުގީގުކުރި އެވެ. އޭގެ ތެރެއިން 65 މައްސަލައެއްގެ ތަހުގީގު ނިންމައި ދައުވާ ކޮށްދޭން އެދި ޕީޖީ އޮފީހަށް ވަނީ ފޮނުވައިފަ އެވެ.

އެކަމާ ގުޅިގެން ޕީޖީ އޮފީހުގެ މީޑިއާ އޮފިޝަލް ވިދާޅުވީ އެ މައްސަލަތައް ޑިއުޓީ ޕްރޮސެކިއުޝަނަށް ހުށަހަޅާފައިވާ ކަމަށެވެ. އެކަމަކު ދައުވާކުރަން އަދި ބަލައިގެންފައިނުވާ ކަމަށް ވިދާޅުވި އެވެ.

"ތަހުގީގުގައި އިތުރު ކަންތައްތަކެއް ފުރިހަމަކުރުމަށް ފުލުހުންނަށް ލަފާ ދީފައި ވަނީ،" އޭނާ ވިދާޅުވި އެވެ.

އެ ނެޓްވޯކްގައި އިސްކޮށް އުޅޭ ދެ މީހަކު ޑްރަގް ޓްރެފިކިން އާއި މަނީ ލޯންޑަރިންގެ މައްސަލައިގައި މިދިޔަ މަހު ވަނީ ހައްޔަރުކޮށްފަ އެވެ. އެއީ؛

- ފުވައްމުލަކު، ދޫޑިގަން، ކަރަންކާވިލާ އަހުމަދު ނިއުޝާދު، 34 އަހަރު

- ފުވައްމުލަކު، ދޫޑިގަން، ޒަމާނީވިލާ، ހަސަން އާޒިމް، 29 އަހަރު

ފުލުހުން އޭރު ބުނީ ނިއުޝާދުގެ ބޭންކު އެކައުންޓުން ފާއިތުވި ފަސް އަހަރުގެ ތެރޭގައި 21 މިލިއަނަށް ވުރެ ގިނަ ރުފިޔާގެ މުއާމަލާތް ހިންގާފައިވެ އެވެ. އާޒިމްގެ ބޭންކު އެކައުންޓް މެދުވެރިކޮށްގެން ދެ އަހަރުގެ ތެރޭގައި ހަތް މިލިއަނަށް ވުރެ ގިނަ ރުފިޔާގެ މުއާމަލާތް ހިންގާފައިވާ ކަމަށް ފުލުހުން ބުންޏެވެ.

ފުވައްމުލަކުން ވާހަކަ ދެއްކި މީހުން ތުހުމަތުކުރި ގޮތުގައި ނިއުޝާދާއި އާޒިމް ޑްރަގްސްގެ ވިޔަފާރީގައި އުޅޭތާ އަހަރުތަކެއް ވެއްޖެ އެވެ. މަސައްކަތެއް ނުކޮށް މުއްސަނދި ދިރިއުޅެއް އުޅޭތީ އަބަދު ވެސް ޑްރަގްގެ ވިޔަފާރިކުރާ ކަމުގެ ޝައްކު ކުރެ އެވެ.

ފުލުހުން ޕްރޮސެކިއުޓާ ޖެނެރަލް މަސްތުވާތަކެތި

9 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މުލޭ

12 January 2025

މިގައުމުގައި މިއޮންނަ ނިޒާމެއްގެތެރެއިން ތިޔަކަހަލަ މީހުންނަަށް އެޅޭނެ ފިޔަވަޅެއް ނޯންނާނެ. މިއީ ކުށްވެރިންގެ ސުވަރުގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލޮއްލަ

12 January 2025

މަމެން ރަށުގައި އުޅޭ ޕޮލިސް ކުދިންވެސް މިހާރު ގިނައިންދަނީ މަހަށް. ބޮޑެތި އޮޮަރޭޝަންތަށް ހިންގައިގެން ޑުރަގު ލޯޑުން ހެއްކާއެކު އަތުލައިގަތީމަ ކޯޓުން ކޮންމެސް އެއްޗެކޭ ކިޔާ އަނެއްދުވަހު އެމީހުން ދޫކޮށްލާ. ފިޔަވަޅެއް ނޭޅޭ ހުކުމެއް ނުކުރެވޭ ބަންދެއްނުކުރެވޭ ބައެއް. އެކަމުވެސް ގާނޫނުތަށް ފައްކަަވެ އުތުރިއަރަނީ. ގޯސްމިވަނީ ޕޮލިހުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 January 2025

ހައްޔަރުގަ ނުބެހެއްޓެ އެވެ. ހުކުމެއް ނުކުރެވެ އެވެ. ފައިސާ އާ މުދާ ނުހިފެހެއްޓެ އެވެ. މިމީހުންނަށް އެހީވާ ބަޔަކުވެސް ހައްޔަރު ކުރަން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޖައިބު22

12 January 2025

ރައްޔިތުންގެ ސަލާމަތާއި ގުޅިފައިވާ މިފަދަ ބޮޑު މައްސަލައެއް ތަހުގީގު ފުރިހަމަ ނުވާކަމަށް ޕީޖީން ނިންމީ ކިހިނެތްތޯ؟ ތިގޮތައް ތިޔަމީހުން ދޫކޮށްލީމަ ފުލުހުންގެ ނިކަމެތި އާއިލާތައް ބޮޑު ނުރައްކަލަކަށް ހުށަހެޅިގެންދޭ.. އިތުރު ކޮންކޮން ކަންތައްތަކެއްތޯ ފުރިހަމަ ކުރަންޖެހެނީ؟ ރައްޔިތުންނަށް ތަފްސީލް އިނގެންޖޭހޭނެ، އެތައް ސަތޭލަ މިލިއަން ރުފިޔާއެއް ތިޔަ 2 މުވަސާސާއަށް ރައްޔިތުން ހަރަދުކުރޭ.. މިގައުމު ދުވަހަކުވެސް މިކަމުން ސަލާމަތެއްނުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަބޫ

12 January 2025

ބްރަދާ އެއުޅެނީ ތަހުގީގު ފުރިހަމަ ނުވެގެނެއް ނޫނޭ. އެހިސާބު މަތީގައި ތިބޭ މީހުން ތިބެނީ ސިޔާސީ މީހުންގެ ބާރުގަ. މިހާރު އެއުޅެނީ އެމީހުންގެ މައްސަލަ ނުބަލާ ދަުކޮށްލަން. ދުވަހަކުވެސް އަޑުއެހިންތަ ނިކަމެއްޗެއްގެ މައްސަލައެއް ޕީޖީއިން ދައުވާ ނުކުރަން ނޫނީ ބަލައިނުގަންނަން އުޅުނުވާހަކަ؟ މީ ހަމަ ކުޅޭގޭމެެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީބޯ

12 January 2025

މުއައްސަސާގަ ތިބިއެންމެން ކުޑަހުޅުން ނެއްޓެންދެން އަތްޖަހާފަބުނާނެ ސަތޭކައެތައް އަހަރެއްވީ ފަހުރުވެރި ތަނެކޭ އެކަމަކު ހަވާލުވެފައޮތް އަސާސީކަންތައްކުރަންއެނގޭ މީހަކުހުރިކަމަކަށްނުވޭ ކޮންމެކަމެއްގަވެސް ލޫޕްހޯ ބައްދާންތެރަހެއްނެތް ތަންބަންދުކޮށްފަ ގޭގަތިބެންވީނު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢިބޫ

12 January 2025

އަހަރުވާއިރު މައްސަލައެއްގެ ތަހުގީގު ނިންމާނުލެވެ، މިނިސްޓަރ މިކަމާދޭތެރޭ ނުވިސްނަންތޯ؟ ފުލުހުންގެ މުއައްސަސާ ތަންކޮޅެއް ފާސްޓް ވޭތޯ ބަލަންޖެހޭނޫންތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގު ތީ

12 January 2025

ފުވައްމުލަކު އެންމެން ދަންނަ ބޮޑު ސިއްރެއް ތިމީހުންގެ ސިޔަރަތަކީ. އެކަމަކު ، ބޭންކް އެކައުންޓް މިލިއަނުން ރޯލްވެފައިވާ ބަޔަކަށް މިގައުމުގައި އުގޫބާތެއް ދެވިދާނެކަމަށް ގަބޫލުކުރުމަކީ ވެސް މޮޔަކަމެއް. ކޮންމެވެސް ބަހަނާއެއް ނުވަތަ ލޫޕް ހޯލެއްގެ ތެރެއިން ދޫވެގެންދާތަން ދެކެން ރައްޔިތުން ބޭނުންވާނެހެނެއް ހިއެއް ނުވޭ!