މާދަމާއިން ފެށިގެން އަނެއްކާވެސް މޫސުން ގޯސްވާނެ

މާލެއަށް ކުރި ވިއްސާރާގައި ފެންބޮޑުވެފައި އޮތް މަގަކުން މީހަކު ހުރަސްކުރާއިރު، ކާރުތަކެއް ދުއްވާފައި ދަނީ.-- ފޮޓޯ: ފަޔާޒް މޫސާ | މިހާރު

ފާތިމަތު އަޖްފާން، މިހާރު

12 ޖެނުއަރީ 2025 - 16:40

21 comments

މާދަމާއިން ފެށިގެން އަނެއްކާވެސް ރާއްޖޭގެ ބޮޑު ބަޔަކަށް މޫސުން ގޯސްވާނެ ކަމަށް މޫސުމާބެހޭ ގައުމީ އިދާރާ (މެޓް) އިން މިއަދު ލަފާކޮށްފި އެވެ.

މެޓުން ބުނީ ބޭ އޮފް ބެންގަލްގައި ކޮޅިގަނޑެއް އުފެދިފައިވާ ކަމަށެވެ. އެ ކޮޅިގަނޑު ހުޅަނގަށް ޖެހި އޭގެ އަސަރު ރާއްޖެއަށް މާދަމާއިން ފެށިގެން ކުރާނެ ކަމަށް ވެސް މެޓުން ލަފާކޮށްފައިވެ އެވެ.

އެ ވިއްސާރަ ހަ ދުވަހަށް ދެމިގެންދާނެ ކަމަށް ލަފާކުރެވޭ ކަމަށާއި އަދި ބައެއް ރަށްތަކަށް ބޯކޮށް ވާރޭ ވެހި ގުގުރާނެ ކަމަށް ވެސް މެޓުން ބުންޏެވެ.

އެ ކޮޅިގަނޑުގެ ސަބަބުން އާންމުކޮށް ވައި ގަދަވެ، ކަނޑުތައް ވެސް ގަދަވާނެ ކަމަށާއި އަދި އުތުރާއި މެދުރާއްޖެ ތެރޭގެ ބައެއް ރަށްތަކަށް އުދައިގެ އަސަރު ކުރާނެ ކަމަށް ވެސް އެ އިދާރާއިން ލަފާކުރެ އެވެ.

މި އަހަރު ފެށުނީއްސުރެ ރާއްޖޭގެ އެކި ސަރަހައްދުތަކަށް ބޯކޮށް ވާރޭ ވެހި ވަނީ ބޮޑެތި ގެއްލުންތަކެއް ލިބިފަ އެވެ. އެގޮތުން މި މަހުގެ ތިން ވަނަ ދުވަހު މާލެ ސަރަހައްދަށް ވެހުނު ވާރޭގައި ހުރިހާ މަގުތަކެއްގައި ކަހަލަ ގޮތަކަށް ފެން ބޮޑުވެ، ގޭގެ އަށް ވަރަށް ބޮޑެތި ގެއްލުންތަކެއް ވަނީ ލިިބިފަ އެވެ.

ނޭޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފައި ވަނީ އެ ފަަހަރު ލިބުނު ގެއްލުން 2.2 މިލިއަން ރުފިޔާއަށް އަރާ ކަމަށާއި އެއީ މިހާތަނަށް ވިއްސާރާގައި މާލެ އަށް އެންމެ ގެއްލުން ބޮޑު ފަހަރު ކަމަށެވެ.

އެ ދުވަހު ކުރި ވިއްސާރައިގެ ސަބަބުން ހަތް ގެއެއްގެ 44 މީހަކަށް ވަގުތީ ބޯހިޔާވަހިކަން ދޭން ޖެހުނެވެ.

މޫސުން ގޯސްވާ ދުވަސްވަރު، ކަނޑު ދަތުރުކުރުމުގެ ކުރިން މޫސުމަށް ސަމާލުވުމަށް މެޓުން ވަނީ އިލްތިމާސް ކޮށްފަ އެވެ.

މޫސުން ވާރޭ މެޓް

21 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑު ފެންގަނޑު

13 January 2025

އެފެންތައް ދޯ އައި·ޖީ·އެމް·އެޗް ކައިރީ މ އޮންނަނީ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަހަރޯއި

12 January 2025

މިދިޔަހަފްތާގައި ދިން ވެލިަސްތާތަށްކޮބާ؟ އަބަދު ބޭނުންވާކަން އެނގޭއިރު އުކާނުލާ ބަހައްޓަންވީނު ދޮރާށިކައިރި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަމީބާ

12 January 2025

ކޮބާ އާޒިމާ ޝުކޫރު؟ ކޮބާ ގަނބޫޓު އަދި އަގުބޮޑު ކޯޓު ތުރުކުރައްވާ ފޮޓޯގުރާފަރުން ގޮވައިގެން ނިކުތް ރައީސް؟ އަވަހަށް އެކްޓު ކުރަން ތައްޔާރުވޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

12 January 2025

މާލެ ސަރަހައްދޭ ކިޔާ އިރު ހުޅުމާލެއާ ވިލިނގިލީގަ ފެންބޮޑުވިތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

12 January 2025

ވިލިނގިލި އަދި ހުޅުމާލޭގައި ވެސް ފެން ބޮޑުވި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުޅުމާލެ މީހެއް

12 January 2025

ލައްބަ. ހުޅުމާލޭގައި ފެން ބޮޑުވި. ވިލިނގިލި ގޮތެއް ނޭނގޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަތީޖާ ހަމަ ރަނގަޅު ދޯ؟؟

12 January 2025

ވިއްސާރަ މޫސުމުގައި ފެން ހިންދުމަށް މަސައްކަތް ކުރާ މީހުންގެ ހުށިޔާރުކަން ހުންނަ ގޮތުން އެންމެ ފުރަތަމަ މަގުތަކުގައި 2 ފޫޓަށް ނުވަތަ 3 ފޫޓަށް ފެން ބޮޑުވަންދެން މަޑު ކުރުމަށްފަހު ދެން ފެން ހިންދަން މަސައްކަތް ފަށާ. މިއީވެސް މިސަރުކާރުން އެކަން ކުރަން އަންގާފަ އޮންނަ ގޮތް ކަންނޭންގެ. އޭރުންނެއްނުން ރައްޔިތުންނަށް އުނދަގޫ ނުވާނީ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާޖިމެޑަމް

12 January 2025

މެޓު އޮފީހުން ދައްކާ ވާހަކައިގެ 0.1 ވެސް ދިމާނުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނަމް

12 January 2025

މިހާރުއްސުރެ ކުރިން ފެންބޮޑުވި ގޭތަކަށާއި ވިޔަފާރިތަކަށް ކުރީބައިގައި ކަމާބެހޭފަރާތުން ބޭނުންވާ އެހީފޯރުކޮށްދޭން ފަށަންވީނުން. ބުނެއެއްނުން ތައްޔާރުވެ ތިބިއްޔާ ދަތުރެކޭ. ހުރިހާ ސަލާމަތި ފިޔަވަޅުތަކެއް އަޅައިގެން ތިބުންދޯ ބުއްދިވެރިގޮތަކީ. އެކަމަކު މިގައުމަކީ ދިވެހިރާއްޖެ ވީމާ ކޮރަޕްޝަންނޫން ހުރިހާކަމެއް ބަރާބަރަކަށް ނުދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

12 January 2025

ކުއްލި ހާލަތު ތަކުގަ އިދާރާ ތަކާ ރަށްރަށު ކައުންސިލްތައް އޮންލައިން ކޮށް ވަގުތުން މަސައްކަތް ކުރަން ވީ އެވެ. ފޮޓޯ އާއި ވީޑިއޯ އިދާރާތަކަށައި މީޑިޔާ އަށް އެއްފަހަރާ ފޯރު ކޮށް ދެވޭނެ ސޯސަލް މީޑިޔާ އެއް ބޭނުން ކުރަން ވީ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންނިބެ

12 January 2025

މޫސުމީ ނުރައްކާ އެއީ ހަގީގަތެއް ކަމަށް ޤަބޫލުކުރަން މަޖުބޫރު ވެއްޖެދޯ މިހާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިނބިރާ

12 January 2025

ހިތާމައަކީ މޫސުމާއި ބެހޭއިދާރާއިން ކިތަންމެ ކުރިއަށް ލަފާކޮށް މޫސުން ގޯސްވާނެ ކަމަށް ބުންޏަސް އެކަމަށް ތައްޔާރުވާންޖެހޭ ކަމާބެހޭ އިދާރާއެއް ނެތީމަ. ވެލި ބަސްތާއެއްވެސް ލިބެނީ ގެތަކަށްފެންވަދެ ވިޔަފާރިތަކަށް ބޮޑެތި ގެއްލުންވާފަހުން. އޭގެ ކުރިން އެވިދާޅުވާ މަޝްހޫރު އެމްއެންޑީއެފެއް އަނެއް އެފެއް އޮޅިގެންވެސް ނުފެނޭ. ބަލަންތިބޭ މާދަންވެސް ވާރޭވެހެންފަށައިފިއްޔާ އެމީހުންނުން އެހެން ހުރިހާ މީހުން އަވަދިނެތި އުޅޭތަން ފެންނާނެ!