އަހަރުގެ މިހާތަނަށް ބައި މިލިއަން ޓޫރިސްޓުން އަތުވެއްޖެ

ޓޫރިސްޓުންތަކެއް އެއާޕޯޓުން ނުކުންނަނީ. މި އަހަރުގެ މިހާތަނަށް 500،000 ޓޫރިސްޓުން ރާއްޖެ އައި. -- ފޮޓޯ: ފަޔާޒް މޫސާ / މިހާރު

ފާތިމަތު ޝަނާ މުހައްމަދު، މިހާރު

13 މާޗް 2025 - 11:42

8 comments

މި އަހަރުގެ މިހާތަނަށް ފަސް ލައްކަ ޓޫރިސްޓުން ރާއްޖެއަށް ޒިޔާރަތްކޮށްފި އެވެ.

ޓޫރިޒަމް މިނިސްޓްރީން އާއްމުކުރި ތަފާސްހިސާބުތަކުން ދައްކާ ގޮތުން މިއަހަރުގެ މިހާތަނަށް އެވްރެޖުކޮށް 7،100 ޓޫރިސްޓުން އާދެ އެވެ. އެއީ މިދިޔަ އަހަރަށް ވުރެ 4.6 ޕަސެންޓުގެ ކުރިއެރުމެކެވެ. މިދިޔަ އަހަރުގެ މި މުއްދަތުގައި 470،000 ޓޫރިސްޓުން އަ އެވެ.

މިއަހަރު އެންމެ ގިނައިން ޓޫރިސްޓުން އައީ ޗައިނާ އިންނެވެ. އެގައުމުން ވަނީ 63،000 ޓޫރިސްޓުން އައިސްފަ އެވެ. ދެން އެންމެ ގިނައިން ޓޫރިސްޓުން އައިސްފައިވަނީ އިނގިރޭސިވިލާތާއި ރަޝިއާއިންނެވެ.

ފަސް ލައްކަ ޓޫރިސްޓުން އައި އިރު އޭގެ ތެރެއިން 345،000 ޓޫރިސްޓުން އައީ ރިސޯޓުތަކަށެވެ. އެއީ ޖުމްލަ އައި ޓޫރިސްޓުންގެ 69 ޕަސެންޓެވެ. ގެސްޓްހައުސްތަކަށް އައިސްފައި ވަނީ 127،000 ޓޫރިސްޓުންނެވެ.

މިއަހަރު އައި ޖުމްލަ ޓޫރިސްޓުންގެ އަދަދު އިތުރުވި އިރު މިދިޔަ މަހު ރާއްޖެ އައި ޓޫރިސްޓުންގެ އަދަދު ވަނީ މިދިޔަ އަހަރުގެ ފެބްރުއަރީ އަށް ވުރެ 1.5 ޕަސެންޓު ދަށްވެފަ އެވެ. އެކަމަކު ޖެނުއަރީ މަހު އައި ޓޫރިސްޓުންގެ އަދަދުވަނީ މިދިޔަ އަހަރުގެ ޖެނުއަރީއަށް ވުރެ 11 ޕަސެންޓު އިތުރުވެފަ އެވެ.

މިދިޔަ ދެ މަހަކީ ވެސް ޕީކް ސީޒަން ކަމުން ކޮންމެ މަހަކު ވަނީ ދެ ލައްކައަށް ވުރެ ގިނަ ޓޫރިސްޓުން އައިސްފަ އެވެ.

ސަރުކާރުގެ އަމާޒަކީ މިއަހަރު 2.2 މިލިއަން ޓޫރިސްޓުން ގެނައުމެވެ.

ޓޫރިސްޓުން ޓޫރިޒަމް ޓޫރިޒަމް ޕްރޮމޯޝަން

8 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަލީމު އިދުރީސް

13 March 2025

މިއަހަރުއަންނަ ގިނަ ޓުއަރިސްޓުންނަކީ މިދިއަހަރު ބުކިން ހެދިމީހުން! މިއަހަރު ޓުއަރިސްޓުން އަންނަން ކުރަންޖެހޭހޭދަ ވަރައް ބޮޑުތަން ބޮޑުވެއްޖެ! ސަބަބަކީ ތިމާވެށީގެ ނަމުގަ ނަގާ ޓެކުސްތައް ބޮޑުކޮއް ޔޫރަފުންވެސް ކަރާސީން ޓެކުސް ނަގަން ފަށުން! ކުރިން700 - 800 ޑޮލަރައް ގަންނަ ޓިކެޓު15000 - 2000 ލިބުމާ އަދި މިދަނޑިވަޅުގަ ހަމަ މިގައުމުގަވެސް ގުރީންޓެކުސް 100% ބޮޑުކުރުން! ދެންބަލަން ތިބެންވީ ޓުއަރިމަކީ ވަރައް ނާޒުކު ގޮންޖެހުން ބޮޑު ވިއަފާރިއެއް!