ހައި ކޯޓު: ޑްރަގް ތުހުމަތުގައި ވަކިކުރި އެ މުވައްޒަފާ ދެކޮޅަށް އެކަށީގެންވާ ހެކިތައް ނެތް ކަމަށް ހުކުމުގައިވޭ--ފޮޓޯ/މިހާރު
14 މާޗް 2017 - 10:57
5 comments
މަސްތުވާތަކެތީގެ މައްސަލައެއްގައި ޓީޗަރަކު ހައްޔަރު ކުރުމުން އޭނާ ވަޒީފާ އިން ވަކިކޮށްފައި ވަނިކޮށް އޭނާ އަށް އެ ވަޒީފާ އަނބުރާ ދޭން ހައި ކޯޓުން އިއްޔެ ހުކުމް ކޮށްފި އެވެ.
ތ. ހިރިލަންދޫ ސްކޫލްގައި ޓީޗަރެއްގެ ގޮތުގައި ކިޔަވައި ދެމުން އައި އޭނާ މަސްތުވާތަކެތީގެ މައްސަލައެއްގައި 2014 ގައި ހައްޔަރު ކުރުމުން ސިވިލް ސާވިސް ކޮމިޝަން (ސީއެސްސީ) އިން އޭނާ އެ ވަޒީފާ އިން ވަކި ކުރި އެވެ. އެކަމަކު އެ މައްސަލާގައި ޓްރައިބިއުނަލުން އަމުރުކޮށްފައިވަނީ އޭނާ އަށް ވަޒީފާ އަނބުރާ ދިނުމަށެވެ.
ޓްރައިބިއުނަލްގެ ނިންމުން ސިވިލް ސާވިސް ކޮމިޝަނުން އިސްތިއުނާފް ކުރުމުން ހައި ކޯޓުން ވެސް ހުކުމް ކުރީ އޭނާ އަށް ވަޒީފާ އަނބުރާ ދޭންޖެހޭނެ ކަމަށާއި ޓްރައިބިއުނަލްގެ ނިންމުން ރަނގަޅު ކަމަށެވެ.
ހައި ކޯޓުގެ ހުކުމުގައިވަނީ މަސްތުވާތަކެތި ފެނުނީ އެ ޓީޗަރު ދިރިއުޅޭ ގޭގެ ތެރޭގައި ހުރި ބޫޓެއްގެ ތެރެއިން ކަމަށް ވާ އިރު އެ މަސްތުވާތަކެއްޗާ އެ ޓީޗަރާ ގުޅުން ހުރިކަމުގެ ހަރުދަނާ ހެއްކެއްގެ މައްޗަށް ސީއެސްސީ އިން ބަލާފައިވާ ކަން އެނގެން ނެތް ކަމަށެވެ. އަދި އެ މައްސަލާގައި އެ ޓީޗަރުގެ މައްޗަށް ދައުވާ ކުރަން ޕްރޮސެކިއުޓާ ޖެނެރަލްގެ އޮފީހަށް ފޮނުވި ކަމަށް ސީއެސްސީ އަށް ފުލުހުން އެންގިޔަސް އެ ޓީޗަރުގެ މައްސަލައެއް ޕީޖީ އޮފީހުގައި ނެތް ކަމަށް އެ އޮފީހުން ހައި ކޯޓަށް އަންގާފައިވާ ކަމަށް އެ ހުކުމުގައިވެ އެވެ.
އެހެންވެ، އެ މަސްތުވާތަކެއްޗާ އެ ޓީޗަރާ ގުޅުން ނެތް ކަމަށް ބެލުމުގެ ފުރުސަތު ބޮޑު ކަމަށް ބެލެވޭ ކަމަށް ތިން ފަނޑިޔާރުންގެ އިއްތިފާގުން ކުރި ހުކުމުގައިވެ އެވެ.
އެ މައްސަލާގައި އެ ޓީޗަރު ހައްޔަރުކޮށް، ބަންދު ވެސް ކުރި އެވެ. އެކަމަކު އެ މަސްތުވާތަކެއްޗާ ގުޅުން އޮތް ކަމަށް އޭނާ އިންކާރު ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މިޔޯ
14 March 2017
އެޕާރޓްމަންޓުގައި އޮތް އެއްޗަކަށް ފިންގަރ ޕްރިންޓެއް އަދި އެހެން ހެތްކެއް ނެތްއިރުވެސް ޒިންމާވާން ޖެހުނު. މިފަހަރުމިވީ ކިހިނެއް؟
ވިސްނާ
14 March 2017
ބަލަ އެހެންޏާ މިއީކީ ހަބަރެއް ނޫން ދޯ؟ އޭނާގެ މައްޗަށް ކުއް ސާބިތު ނުވާހާތާގައި އޭނާ އަކީ ކުށެއްނެތް މީހެއް. ހެކީ ހޯދުމަކީ ފުލުހުންގެ ކަމެއް. ހެކި ނެތި، މުޖުތަމައު އިން ތޯތޯ ވާހަކަ ގަބޫލުކުރާގޮތަށް އޭނާ ކުއްވެރި ކުރުމަކީ ކޮށްގެން ވާނެކަމެއްނޫން. ތި ބޭފުޅުންނަށް "ހީވާގޮތުން" ނެން ނޫން އެބޭފުޅާ ކުއްވެރި ވާންޖެހެނީ، ހެކި ހުރެގެން ކުއްވެރިވަނީ، އެހެން ދީނުގައިވެސް އޮަަންނަނީ. އަދި ކުށެއްނެތް މީހަކަށް ވަޒީފާ ދިނުމަށް ނިންމުމަކީ މައްސަލައެއް ނޫން ދޯ؟
ބިންތެޅި
14 March 2017
ފުލުހެއްގެ ގޭ ދޮރުމަތހީގައި ހުންނަ ބޫޓަކުން މަސްތުވާތަކެތި ފެނިއްޖެއްޔާ ރައްޔިތު އެންމެން ނިންމާނެ އެއީ އެ ފުލުސް ކުއްޖާގެ އެއްޗެއް ކަމަށް. މިވީހާތަނަށް ވެފަ އޮތީވެސް އެހެން. ގޭންގް ތަކުގެ މީހުން އެގޮތަށް ކިތައް ފުލުހުންނަށް ލަނޑުދީގެން ވަޒީފާއިން ވަކިކޮށްފަ އެބަހުރި.
ޣިޔާސް ދޮންބެ
14 March 2017
ތިޔަދެން އަނެއްކާ މަންނޭއަށް ވަޒީފާލިބޭގޮތްވީނުންދޯ! މިޔޮއްގެން ކަންކަންދާގޮތްދޯ ! ހައިރާންހީވޭ.
modaf
14 March 2017
ތިޓީޗަރު މިހާރު ސޮއިކޮއްފަ އޮތް ޕާޓީއެއް ބަލަން ބޭނުން. ގައުމުގެ އަދުލުއިންސާފުގެ ދާއިރާއަށް ރައްޔިތުންގެ އިތުބާރު މިހާރު އޮތް މިންވަރަށް ބަލާއިރު އެކަން ބެލުން މުހިއްމު.