ހައި ކޯޓުގެ އިސް ފަނޑިޔާރު ކަމަށް ކުރިމަތިލެއްވީ ފަނޑިޔާރު ފައިސަލާއި ފަނޑިޔާރު ނިޔާޒް

ހައި ކޯޓް: އެ ކޯޓުގެ އިސް ފަނޑިޔާރު ކަމަށް ދެ ބޭފުޅަކު ވަނީ ކުރިމަތިލައްވާފައި --- ފޮޓޯ/މިހާރު

29 މާޗް 2025 - 20:51

ހައި ކޯޓުގެ އިސް ފަނޑިޔާރު ކަމަށް ފަނޑިޔާރު މުހައްމަދު ފައިސަލާއި ފަނޑިޔާރު މުހައްމަދު ނިޔާޒް ކުރިމަތިލައްވައިފި އެވެ.

ހައި ކޯޓުގެ އިސް ފަނޑިޔާރުގެ މަގާމު ހުސްވީ އެ މަގާމުގައި އެންމެ ފަހުން ހުންނެވި ފަނޑިޔާރު ހުސައިން ޝަހީދު ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވުމުންނެވެ. އެހެންވެ، އެ މަގާމަށް ކުރިމަތިލާން ޖުޑީޝަލް (ޖޭއެސްސީ) އިން ކުރިން އޮތީ ހުޅުވާލައިފަ އެވެ.

އެ މުއްދަތު މިއަދު ހަމަވިއިރު އެ މަގާމަށް ކުރިމަތިލެއްވީ ފަނޑިޔާރު ފައިސަލާއި ފަނޑިޔާރު ނިޔާޒްގެ ތެރެއިން ފަނޑިޔާރު ފައިސަލަކީ މިވަގުތު ހައި ކޯޓު ހިންގުމާ ހަވާލުވެ ހުންނެވި ފަނޑިޔާރެވެ. އަދި ފަނޑިޔާރު ނިޔާޒަކީ ޖޭއެސްސީއަށް ހައި ކޯޓުން ކަނޑައަޅާފައިވާ ފަނޑިޔާރުންގެ އިތުރުން އެ ކޮމިޝަންގެ ނައިބު ރައީސެވެ.

އެ ދެ ބޭފުޅުން ވެސް ހައި ކޯޓަށް އައްޔަން ކުރެއްވީ 2018 ވަނަ އަހަރު އެވެ.

ސުޕްރީމް ކޯޓަށް ފަނޑިޔާރު ޝަހީދު އައްޔަން ކުރެއްވީ އެ ކޯޓުގެ ފަނޑިޔާރަކަށް ހުންނެވި ހުސްނުއްސުއޫދު ސަސްޕެންޑް ކުރުމުން އޭނާ އެ މަގާމުން އިސްތިއުފާ ދެއްވުމުންނެވެ. ސުއޫދުގެ އިތުރުން ފަނޑިޔާރު ޑރ. އަޒްމިރަލްދާ ޒާހިރާއި ފަނޑިޔާރު މަހާޒް އަލީ ޒާހިރު ވެސް ވަނީ ސަސްޕެންޑްކޮށްފަ އެވެ.

އެ ބޭފުޅުން ސަސްޕެންޑްކުރީ ރައްޔިތުންގެ މަޖިލީހުގެ މެމްބަރުން ޕާޓީ ބަދަލުކޮށްފިނަމަ މެމްބަރުކަމުގެ ގޮނޑި ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ބާތިލްކުރަން ސުޕްރީމް ކޯޓަށް ހުށަހަޅާފައިވާ މައްސަލާގެ ޝަރީއަތް ކުރިއަށް ދަނިކޮށެވެ.

ފަނޑިޔާރުން ހައި ކޯޓް ޖުޑީޝަލް ސާވިސް ކޮމިޝަން

8 ކޮމެންޓް, 3 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސުޖާބެ

30 March 2025

ނިޔާޒް އެންމެރަނގަޅު ވާނީ ޖެހިލުމެއްނެތި ހައްޤު ބަސް ބުނެ ނިޔާ އިއްވަވާ ބޭފުޅެކެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެހެންތަ

31 March 2025

އީގޯ ފިލުވަން ކުރާ ހުކުމްތަކޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަތަނަބޭ

30 March 2025

ފައިސަލްގެ ގޮތެއް ނޭގެ. ކަރަޕްޓޭ ބުނާތީ އަހަން. ނިޔާޒަކީ މަހާ މޮޅަށް އެހެން މީހަކަށް އެއްޗެއް ނޭގޭކަމަށް ދެކޭ ބޮޑާ ސިގު ރުޅިއެއް ހުންނަ މީހެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑޮން ޓީމު

30 March 2025

ފައިސަލަކީ އެންމެ ކޮރަޕްޓް ޖަޖު. އެހެންވީމާ މުއިއްޒުގެ ފުލް ކޮންޓްރޯލް އޮންނަ ޖޭއެސްސީން ތި މަގާމް ދޭނީ ފައިސަލްއަށް. ހައިކޯޓުގެ ކޮންޓްރޯލް ނަގަން ވެގެން އެއީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވޯލް

30 March 2025

ތިޔަ މަޤާމަށް އެންމެ ގަބީލްވާނީ ނިޔާޒު، ފައިސަލްއަކީ ޔާމީނު ޒަމާނުގައި ތިޔަތަނަށްލާފަ އިން މީހެއް. ގިނަ ރައްޔިތުންގެ މެދުގައި އިތުބާރު ހުރިމީހެއް ނޫން. އެކަމަކު މިރާއްޖޭގައި މިފަދަ މަަޤާމު ލިބޭނީ އެންމެ ޤަބިލު މީހާއަށްވުރެ ބޮޑަށް ސަރުކާރުގެ ގުޅުން އޮންނަ މީޙައަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމަތު ސައީދު

30 March 2025

ތިޔަ މަގާމު ދޭނީ ފައިސަލްއަށް. އެއީ ފައިސަލްއަކީ މި ސަރުކާރުން ބޭނުންވާ ކަހަލަ، "ސަރުކާރުގެ ބަސް އަހާ" އަދި ކުރިއަށް އޮތްތަނުގައި ބަސް އަހާނެވެސް މީހަކަށްވާތީ. މިއީ 100 ޔަގީން ކަމެއް. މަ ބުނީތީވެސް ބަލާތި މިއީ ދޮގެއްތޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހައްމަދު ހަސްތީ

29 March 2025

ފައިސަލްއަކީ އެކަމަށް ކުފޫ ހަމަވާ މީހެއް ނޫން. ސިޔާސީ އެކްޓިވިސްޓަކަށް ސުއޫދު ވެފައި ފައިސަލް އެހެން ނުވާނެ އެއްވެސް ސަބަބެއް ނެތް. ދެން އިލްމާއި ތަޖުރިބާއަށް އަދި ނަޒާހަތްތެރިކަމަށް ބެއްޔަސް ފައިސަލް ކުފޫ ހަމަ ނުވޭ ފަނޑިޔާރުކަމަށްވެސް